Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 34

Bālakāṇḍa Sarga 34

बालकाण्डम् • सर्गः 34

Bālakāṇḍa Sarga 34 of the classical Vālmīki Rāmāyaṇa with 21 verses.

Total: 21 Verses • Citations: VR 1.34.1–21 • 175 Lexicon Terms
VR 1.34.1 अनुष्टुप्
उपास्य रात्रिशेषं तु शोणाकूले महर्षिभिः । निशायां सुप्रभातायां विश्वामित्रोऽभ्यभाषत ॥
upāsya rātriśeṣaṃ tu śoṇākūle maharṣibhiḥ | niśāyāṃ suprabhātāyāṃ viśvāmitro'bhyabhāṣata ||
English Translation
HAVING in company with the ascetics passed the remainder of the night on the banks of the Sona, Visvāmitra, when the day broke, spoke,
VR 1.34.2 अनुष्टुप्
सुप्रभाता निशा राम पूर्वा संध्या प्रवर्तते । उत्तिष्ठोत्तिष्ठ भद्रं ते गमनायाभिरोचय ॥
suprabhātā niśā rāma pūrvā saṃdhyā pravartate | uttiṣṭhottiṣṭha bhadraṃ te gamanāyābhirocaya ||
English Translation
O Rāma, the night has passed away, and the morn has come. The hour for performing the prior devotions has arrived. Arise! arise! good betide you! Do you prepare for going.
VR 1.34.3 अनुष्टुप्
तच्छ्रुत्वा वचनं तस्य कृत्वा पौर्वाह्णिकीं क्रियाम् । गमनं रोचयामास वाक्यं चेदमुवाच ह ॥
tacchrutvā vacanaṃ tasya kṛtvā paurvāhṇikīṃ kriyām | gamanaṃ rocayāmāsa vākyaṃ cedamuvāca ha ||
English Translation
Hearing these words of his, Rāma, having finished his morning devotions and rites, and ready for departure, said,
VR 1.34.4 अनुष्टुप्
अयं शोणः शुभजलो गाधः पुलिनमण्डितः । कतरेण पथा ब्रह्मन्संतरिष्यामहे वयम् ॥
ayaṃ śoṇaḥ śubhajalo gādhaḥ pulinamaṇḍitaḥ | katareṇa pathā brahmansaṃtariṣyāmahe vayam ||
English Translation
This is the Sona, of excellent waters, fathomless, and studded with islets. O Brāhmaṇa, by which way shall we repair
VR 1.34.5 अनुष्टुप्
एवमुक्तस्तु रामेण विश्वामित्रोऽब्रवीदिदम् । एष पन्था मयोद्दिष्टो येन यान्ति महर्षयः ॥
evamuktastu rāmeṇa viśvāmitro'bravīdidam | eṣa panthā mayoddiṣṭo yena yānti maharṣayaḥ ||
English Translation
Thus addressed by Rāma, Viśvāmitra replied. Even this path has been fixed upon by men, that, namely, by which the Maharșis go.
VR 1.34.6 अनुष्टुप्
ते गत्वा दूरमध्वानं गतेऽर्धदिवसे तदा । जाह्नवीं सरितां श्रेष्ठां ददृशुर्मुनिसेविताम् ॥
te gatvā dūramadhvānaṃ gate'rdhadivase tadā | jāhnavīṃ saritāṃ śreṣṭhāṃ dadṛśurmunisevitām ||
English Translation
Having proceeded far, when the day had been half spent, they beheld that foremost of streams, the Jahnavi, worshipped by ascetics.
VR 1.34.7 उपजातिः
तां दृष्ट्वा पुण्यसलिलां हंससारससेविताम् । बभूवुर्मुदिताः सर्वे मुनयः सहराघवाः । तस्यास्तीरे ततश्चक्रुस्ते आवासपरिग्रहम् ॥
tāṃ dṛṣṭvā puṇyasalilāṃ haṃsasārasasevitām | babhūvurmuditāḥ sarve munayaḥ saharāghavāḥ | tasyāstīre tataścakruste āvāsaparigraham ||
English Translation
Having beheld that river furnished with sacred waters, and frequented by swans and cranes, the ascetics who accompanied Rāghava were exceedingly delighted.
VR 1.34.8 अनुष्टुप्
ततः स्नात्वा यथान्यायं संतर्प्य पितृदेवताः । हुत्वा चैवाग्निहोत्राणि प्राश्य चामृतवद्धविः ॥
tataḥ snātvā yathānyāyaṃ saṃtarpya pitṛdevatāḥ | hutvā caivāgnihotrāṇi prāśya cāmṛtavaddhaviḥ ||
English Translation
The birds had made the bank of the river their home. They (Rama and Lakshmana) took a dip and offered traditional oblations to ancestors. Thereafter they lighted the sacrificial fire and made customary offerings to the fire and partook of the nectarlike remains. With cheerful hearts they stood round the illustrious Viswamitra and entered the sacred bank of Jahnavi.
VR 1.34.9 अनुष्टुप्
विविशुर्जाह्नवीतीरे शुचौ मुदितमानसाः । विश्वामित्रं महात्मानं परिवार्य समन्ततः ॥
viviśurjāhnavītīre śucau muditamānasāḥ | viśvāmitraṃ mahātmānaṃ parivārya samantataḥ ||
English Translation
Thereafter, with Brahma in the forefront, the gods spoke to Viswamitra in pleasing words:
VR 1.34.10 उपजातिः
संप्रहृष्टमना रामो विश्वामित्रमथाब्रवीत् । भगवञ्श्रोतुमिच्छामि गङ्गां त्रिपथगां नदीम् । त्रैलोक्यं कथमाक्रम्य गता नदनदीपतिम् ॥
saṃprahṛṣṭamanā rāmo viśvāmitramathābravīt | bhagavañśrotumicchāmi gaṅgāṃ tripathagāṃ nadīm | trailokyaṃ kathamākramya gatā nadanadīpatim ||
English Translation
O adorable one, I desire to hear how the Gangă flowing in three directions and embracing the three worlds, falls into the lord of streams and rivers.
VR 1.34.11 अनुष्टुप्
चोदितो राम वाक्येन विश्वामित्रो महामुनिः । वृद्धिं जन्म च गङ्गाया वक्तुमेवोपचक्रमे ॥
codito rāma vākyena viśvāmitro mahāmuniḥ | vṛddhiṃ janma ca gaṅgāyā vaktumevopacakrame ||
English Translation
Influenced by Rama's speech, the mighty ascetic Viśvāmitra entered upon the history of the Gangā's origin and progress.
VR 1.34.12 अनुष्टुप्
शैलेन्द्रो हिमवान्नाम धातूनामाकरो महान् । तस्य कन्या द्वयं राम रूपेणाप्रतिमं भुवि ॥
śailendro himavānnāma dhātūnāmākaro mahān | tasya kanyā dvayaṃ rāma rūpeṇāpratimaṃ bhuvi ||
English Translation
O Rāma, that great mine of ore, Himavat is the foremost of mountains. To him were born two daughters, unparalleled on earth in loveliness.
VR 1.34.13 अनुष्टुप्
या मेरुदुहिता राम तयोर्माता सुमध्यमा । नाम्ना मेना मनोज्ञा वै पत्नी हिमवतः प्रिया ॥
yā meruduhitā rāma tayormātā sumadhyamā | nāmnā menā manojñā vai patnī himavataḥ priyā ||
English Translation
O Rāma, their mother of dainty waist, the amiable daughter of Meru, named Menā, was the beloved wife of Himavat.
VR 1.34.14 अनुष्टुप्
तस्यां गङ्गेयमभवज्ज्येष्ठा हिमवतः सुता । उमा नाम द्वितीयाभूत्कन्या तस्यैव राघव ॥
tasyāṃ gaṅgeyamabhavajjyeṣṭhā himavataḥ sutā | umā nāma dvitīyābhūtkanyā tasyaiva rāghava ||
English Translation
She of whom was born Gangā the elder daughter of Himavat; and , O Raghava, a second daughter was also born to him, named Uma.
VR 1.34.15 अनुष्टुप्
अथ ज्येष्ठां सुराः सर्वे देवतार्थचिकीर्षया । शैलेन्द्रं वरयामासुर्गङ्गां त्रिपथगां नदीम् ॥
atha jyeṣṭhāṃ surāḥ sarve devatārthacikīrṣayā | śailendraṃ varayāmāsurgaṅgāṃ tripathagāṃ nadīm ||
English Translation
Thereupon all the devatas desirous of deriving some advantage proposed that the eldest daughter of the king of mountains, Ganga, flowing in three directions be given to them.
VR 1.34.16 अनुष्टुप्
ददौ धर्मेण हिमवांस्तनयां लोकपावनीम् । स्वच्छन्दपथगां गङ्गां त्रैलोक्यहितकाम्यया ॥
dadau dharmeṇa himavāṃstanayāṃ lokapāvanīm | svacchandapathagāṃ gaṅgāṃ trailokyahitakāmyayā ||
English Translation
In order to do good to the three worlds Himavan, rooted in dharma gifted his eldest daughter Ganga who sanctifies the whole world by flowing at her free will৷৷
VR 1.34.17 अनुष्टुप्
प्रतिगृह्य त्रिलोकार्थं त्रिलोकहितकारिणः । गङ्गामादाय तेऽगच्छन्कृतार्थेनान्तरात्मना ॥
pratigṛhya trilokārthaṃ trilokahitakāriṇaḥ | gaṅgāmādāya te'gacchankṛtārthenāntarātmanā ||
English Translation
The devatas having received Ganga committed to the welfare of the three worlds went back to their abodes with a sense of fulfilment in their mind.
VR 1.34.18 अनुष्टुप्
या चान्या शैलदुहिता कन्यासीद्रघुनन्दन । उग्रं सा व्रतमास्थाय तपस्तेपे तपोधना ॥
yā cānyā śailaduhitā kanyāsīdraghunandana | ugraṃ sā vratamāsthāya tapastepe tapodhanā ||
English Translation
The other daughter of the mountain, O descendant of Raghu, adopting a stern vow, began to carry on austerities, having asceticism for her wealth.
VR 1.34.19 अनुष्टुप्
उग्रेण तपसा युक्तां ददौ शैलवरः सुताम् । रुद्रायाप्रतिरूपाय उमां लोकनमस्कृताम् ॥
ugreṇa tapasā yuktāṃ dadau śailavaraḥ sutām | rudrāyāpratirūpāya umāṃ lokanamaskṛtām ||
English Translation
And that best of mountains bestowed upon Rudra of unequalled form his daughter Uma, furnished with fiery asceticism and worshipped of the worlds.
VR 1.34.20 अनुष्टुप्
एते ते शैल राजस्य सुते लोकनमस्कृते । गङ्गा च सरितां श्रेष्ठा उमा देवी च राघव ॥
ete te śaila rājasya sute lokanamaskṛte | gaṅgā ca saritāṃ śreṣṭhā umā devī ca rāghava ||
English Translation
And these, O Rāghava, are the daughters of that king of mountains, worshipped of all, viz, Gangā, the foremost of streams, and the divine Uma.
VR 1.34.21 अनुष्टुप्
एतत्ते धर्ममाख्यातं यथा त्रिपथगा नदी । खं गता प्रथमं तात गतिं गतिमतां वर ॥
etatte dharmamākhyātaṃ yathā tripathagā nadī | khaṃ gatā prathamaṃ tāta gatiṃ gatimatāṃ vara ||
English Translation
Now, O best of those endowed with motion, have I related to you how that sin-destroying one flowing with her waters in three diverse directions, first, O child, went to the firmament and then ascended the celestial regions.
← Previous (Ch. 33) Full Table of Contents Next (Ch. 35) →