Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 9

Bālakāṇḍa Sarga 9

बालकाण्डम् • सर्गः 9

Bālakāṇḍa Sarga 9 of the classical Vālmīki Rāmāyaṇa with 32 verses.

Total: 32 Verses • Citations: VR 1.9.1–32 • 175 Lexicon Terms
VR 1.9.1 अनुष्टुप्
सुमन्त्रश्चोदितो राज्ञा प्रोवाचेदं वचस्तदा । यथर्ष्यशृङ्गस्त्वानीतः शृणु मे मन्त्रिभिः सह ॥
sumantraścodito rājñā provācedaṃ vacastadā | yatharṣyaśṛṅgastvānītaḥ śṛṇu me mantribhiḥ saha ||
English Translation
Thus asked by the king, Sumantra said these words-I will relate to you how the counsellors brought Rşyaśộnga. Do you listen with your counsellors!
VR 1.9.2 अनुष्टुप्
लोमपादमुवाचेदं सहामात्यः पुरोहितः । उपायो निरपायोऽयमस्माभिरभिचिन्तितः ॥
lomapādamuvācedaṃ sahāmātyaḥ purohitaḥ | upāyo nirapāyo'yamasmābhirabhicintitaḥ ||
English Translation
The priest together with the counsellors spoke to Romapada, saying, 'The means that we have hit upon can never fail of effect.'
VR 1.9.3 अनुष्टुप्
ऋश्यशृङ्गो वनचरस्तपःस्वाध्यायने रतः । अनभिज्ञः स नारीणां विषयाणां सुखस्य च ॥
ṛśyaśṛṅgo vanacarastapaḥsvādhyāyane rataḥ | anabhijñaḥ sa nārīṇāṃ viṣayāṇāṃ sukhasya ca ||
English Translation
Rşyaśộnga has been brought up in woods; and is engaged in austerities and the study of the Vedas. He is ignorant of the pleasure that ensues from contact with women,
VR 1.9.4 अनुष्टुप्
इन्द्रियार्थैरभिमतैर्नरचित्तप्रमाथिभिः । पुरमानाययिष्यामः क्षिप्रं चाध्यवसीयताम् ॥
indriyārthairabhimatairnaracittapramāthibhiḥ | puramānāyayiṣyāmaḥ kṣipraṃ cādhyavasīyatām ||
English Translation
By help of things agreeably ministering to the sense, and ravishing the soul, we shall bring him to the city. Do you, therefore, arrange for them!
VR 1.9.5 अनुष्टुप्
गणिकास्तत्र गच्छन्तु रूपवत्यः स्वलंकृताः । प्रलोभ्य विविधोपायैरानेष्यन्तीह सत्कृताः ॥
gaṇikāstatra gacchantu rūpavatyaḥ svalaṃkṛtāḥ | pralobhya vividhopāyairāneṣyantīha satkṛtāḥ ||
English Translation
Let courtezans of comely presence, clad in ornaments, repair thither. And if well treated, they will by various means bring him here.'
VR 1.9.6 अनुष्टुप्
श्रुत्वा तथेति राजा च प्रत्युवाच पुरोहितम् । पुरोहितो मन्त्रिणश्च तथा चक्रुश्च ते तदा ॥
śrutvā tatheti rājā ca pratyuvāca purohitam | purohito mantriṇaśca tathā cakruśca te tadā ||
English Translation
Hearing this, the king said to the priest, 'So be it!' Then the priest and courtiers acted accordingly.
VR 1.9.7 उपजातिः
वारमुख्यास्तु तच्छ्रुत्वा वनं प्रविविशुर्महत् । आश्रमस्याविदूरेऽस्मिन्यत्नं कुर्वन्ति दर्शने । ऋषिपुत्रस्य घोरस्य नित्यमाश्रमवासिनः ॥
vāramukhyāstu tacchrutvā vanaṃ praviviśurmahat | āśramasyāvidūre'sminyatnaṃ kurvanti darśane | ṛṣiputrasya ghorasya nityamāśramavāsinaḥ ||
English Translation
In accordance with the instructions, the courtezans entered that great forest; and remaining at some distance from the hermitage, endeavoured to meet with the sober son of the saint ever dwelling in the woods. And satisfied with serving his sire, he never strayed from the hermitage.
VR 1.9.8 अनुष्टुप्
पितुः स नित्यसंतुष्टो नातिचक्राम चाश्रमात् ॥
pituḥ sa nityasaṃtuṣṭo nāticakrāma cāśramāt ||
VR 1.9.9 अनुष्टुप्
न तेन जन्मप्रभृति दृष्टपूर्वं तपस्विना । स्त्री वा पुमान्वा यच्चान्यत्सत्त्वं नगरराष्ट्रजम् ॥
na tena janmaprabhṛti dṛṣṭapūrvaṃ tapasvinā | strī vā pumānvā yaccānyatsattvaṃ nagararāṣṭrajam ||
English Translation
Since his birth he had never before seen men and women, or any other creatures living in cities and towns.
VR 1.9.10 अनुष्टुप्
ततः कदाचित्तं देशमाजगाम यदृच्छया । विभाण्डकसुतस्तत्र ताश्चापश्यद्वराङ्गनाः ॥
tataḥ kadācittaṃ deśamājagāma yadṛcchayā | vibhāṇḍakasutastatra tāścāpaśyadvarāṅganāḥ ||
English Translation
It came to pass that on one occasion, walking about at will, Vibhandaka's son came to that spot and beheld the courtezans.
VR 1.9.11 अनुष्टुप्
ताश्चित्रवेषाः प्रमदा गायन्त्यो मधुरस्वरैः । ऋषिपुत्रमुपागम्य सर्वा वचनमब्रुवन् ॥
tāścitraveṣāḥ pramadā gāyantyo madhurasvaraiḥ | ṛṣiputramupāgamya sarvā vacanamabruvan ||
English Translation
Colourfully attired, and singing sweet songs, the women came to the saint's son and said.
VR 1.9.12 अनुष्टुप्
कस्त्वं किं वर्तसे ब्रह्मञ्ज्ञातुमिच्छामहे वयम् । एकस्त्वं विजने घोरे वने चरसि शंस नः ॥
kastvaṃ kiṃ vartase brahmañjñātumicchāmahe vayam | ekastvaṃ vijane ghore vane carasi śaṃsa naḥ ||
English Translation
Who are you? And where are you going, O Brahman? We wish to learn all this. And why is it that you range alone this far-off forest?
VR 1.9.13 अनुष्टुप्
अदृष्टरूपास्तास्तेन काम्यरूपा वने स्त्रियः । हार्दात्तस्य मतिर्जाता आख्यातुं पितरं स्वकम् ॥
adṛṣṭarūpāstāstena kāmyarūpā vane striyaḥ | hārdāttasya matirjātā ākhyātuṃ pitaraṃ svakam ||
English Translation
Beholding these beautiful damsels never seen before, he from delight, hastened to inform them of his lineage.
VR 1.9.14 अनुष्टुप्
पिता विभाण्डकोऽस्माकं तस्याहं सुत औरसः । ऋश्यशृङ्ग इति ख्यातं नाम कर्म च मे भुवि ॥
pitā vibhāṇḍako'smākaṃ tasyāhaṃ suta aurasaḥ | ṛśyaśṛṅga iti khyātaṃ nāma karma ca me bhuvi ||
English Translation
My father is Vibhăndaka; and I am his son. My name is Rşyasſiga and my occupation is known the world over.
VR 1.9.15 अनुष्टुप्
इहाश्रमपदोऽस्माकं समीपे शुभदर्शनाः । करिष्ये वोऽत्र पूजां वै सर्वेषां विधिपूर्वकम् ॥
ihāśramapado'smākaṃ samīpe śubhadarśanāḥ | kariṣye vo'tra pūjāṃ vai sarveṣāṃ vidhipūrvakam ||
English Translation
This auspicious hermitage hard by belongs to us; and there I shall receive you all in due form O' lovely ones! .
VR 1.9.16 अनुष्टुप्
ऋषिपुत्रवचः श्रुत्वा सर्वासां मतिरास वै । तदाश्रमपदं द्रष्टुं जग्मुः सर्वाश्च तेन ह ॥
ṛṣiputravacaḥ śrutvā sarvāsāṃ matirāsa vai | tadāśramapadaṃ draṣṭuṃ jagmuḥ sarvāśca tena ha ||
English Translation
Hearing the words of the saint's son, they all consented, and the women went to behold that asylum.
VR 1.9.17 अनुष्टुप्
गतानां तु ततः पूजामृषिपुत्रश्चकार ह । इदमर्घ्यमिदं पाद्यमिदं मूलं फलं च नः ॥
gatānāṃ tu tataḥ pūjāmṛṣiputraścakāra ha | idamarghyamidaṃ pādyamidaṃ mūlaṃ phalaṃ ca naḥ ||
English Translation
When they had come there, the saint's son received them hospitably, saying, 'Here is Arghya,' 'Here is water for washing the feet,' 'Here are fruits and roots.'
VR 1.9.18 अनुष्टुप्
प्रतिगृह्य तु तां पूजां सर्वा एव समुत्सुकाः । ऋषेर्भीताश्च शीघ्रं तु गमनाय मतिं दधुः ॥
pratigṛhya tu tāṃ pūjāṃ sarvā eva samutsukāḥ | ṛṣerbhītāśca śīghraṃ tu gamanāya matiṃ dadhuḥ ||
English Translation
And thereupon they readily received his hospitality. And actuated by the fear of the saint, Vibhāndaka, they bent their minds upon departing soon.
VR 1.9.19 अनुष्टुप्
अस्माकमपि मुख्यानि फलानीमानि वै द्विज । गृहाण प्रति भद्रं ते भक्षयस्व च मा चिरम् ॥
asmākamapi mukhyāni phalānīmāni vai dvija | gṛhāṇa prati bhadraṃ te bhakṣayasva ca mā ciram ||
English Translation
They said, Do you also, O twice-born one, receive from us these excellent fruits! O Vipra! good betide you, eat them without delay.
VR 1.9.20 अनुष्टुप्
ततस्तास्तं समालिङ्ग्य सर्वा हर्षसमन्विताः । मोदकान्प्रददुस्तस्मै भक्ष्यांश्च विविधाञ्शुभान् ॥
tatastāstaṃ samāliṅgya sarvā harṣasamanvitāḥ | modakānpradadustasmai bhakṣyāṃśca vividhāñśubhān ||
English Translation
Thereupon, embracing him joyfully, they gave him sweetmeats and various kinds of savoury viands.
VR 1.9.21 अनुष्टुप्
तानि चास्वाद्य तेजस्वी फलानीति स्म मन्यते । अनास्वादितपूर्वाणि वने नित्यनिवासिना ॥
tāni cāsvādya tejasvī phalānīti sma manyate | anāsvāditapūrvāṇi vane nityanivāsinā ||
English Translation
And tasting those things, the glorious one took them for fruits, never tasted before by the dwellers of the forest.
VR 1.9.22 अनुष्टुप्
आपृच्छ्य च तदा विप्रं व्रतचर्यां निवेद्य च । गच्छन्ति स्मापदेशात्ता भीतास्तस्य पितुः स्त्रियः ॥
āpṛcchya ca tadā vipraṃ vratacaryāṃ nivedya ca | gacchanti smāpadeśāttā bhītāstasya pituḥ striyaḥ ||
English Translation
Then, having accosted him the women, feigning the observance of some vow, went away, inspired with the fear of his father.
VR 1.9.23 अनुष्टुप्
गतासु तासु सर्वासु काश्यपस्यात्मजो द्विजः । अस्वस्थहृदयश्चासीद्दुःखं स्म परिवर्तते ॥
gatāsu tāsu sarvāsu kāśyapasyātmajo dvijaḥ | asvasthahṛdayaścāsīdduḥkhaṃ sma parivartate ||
English Translation
And when they had gone, that twice-born one, Kasyapa's son, became sad, and suffered from grief of heart and became restless due to sadness.
VR 1.9.24 अनुष्टुप्
ततोऽपरेद्युस्तं देशमाजगाम स वीर्यवान् । मनोज्ञा यत्र ता दृष्टा वारमुख्याः स्वलंकृताः ॥
tato'paredyustaṃ deśamājagāma sa vīryavān | manojñā yatra tā dṛṣṭā vāramukhyāḥ svalaṃkṛtāḥ ||
English Translation
And the next day his mind momentarily running upon it, the graceful son of Vibhāņdaka, endowed with prowess, came to that spot where he had encountered the comely courtesans, adorned with ornaments.
VR 1.9.25 अनुष्टुप्
दृष्ट्वैव च तदा विप्रमायान्तं हृष्टमानसाः । उपसृत्य ततः सर्वास्तास्तमूचुरिदं वचः ॥
dṛṣṭvaiva ca tadā vipramāyāntaṃ hṛṣṭamānasāḥ | upasṛtya tataḥ sarvāstāstamūcuridaṃ vacaḥ ||
English Translation
As soon as they observed him coming, they came forward, and said, Do you, O Brāhmaṇa, come into our hermitage.
VR 1.9.26 अनुष्टुप्
एह्याश्रमपदं सौम्य अस्माकमिति चाब्रुवन् । तत्राप्येष विधिः श्रीमान्विशेषेण भविष्यति ॥
ehyāśramapadaṃ saumya asmākamiti cābruvan | tatrāpyeṣa vidhiḥ śrīmānviśeṣeṇa bhaviṣyati ||
English Translation
'O handsome one, come to our hermitage. A special, sumptuous hospitality will be extended to you', they said.
VR 1.9.27 अनुष्टुप्
श्रुत्वा तु वचनं तासां सर्वासां हृदयंगमम् । गमनाय मतिं चक्रे तं च निन्युस्तदा स्त्रियः ॥
śrutvā tu vacanaṃ tāsāṃ sarvāsāṃ hṛdayaṃgamam | gamanāya matiṃ cakre taṃ ca ninyustadā striyaḥ ||
English Translation
Thereupon hearing those words of theirs capable of influencing the heart, he became bent upon going, and the women brought him away.
VR 1.9.28 अनुष्टुप्
तत्र चानीयमाने तु विप्रे तस्मिन्महात्मनि । ववर्ष सहसा देवो जगत्प्रह्लादयंस्तदा ॥
tatra cānīyamāne tu vipre tasminmahātmani | vavarṣa sahasā devo jagatprahlādayaṃstadā ||
English Translation
When that great-souled Vipra had been brought over, the god, Indra, suddenly poured forth plenteous showers, enlivening the spirits of men.
VR 1.9.29 अनुष्टुप्
वर्षेणैवागतं विप्रं विषयं स्वं नराधिपः । प्रत्युद्गम्य मुनिं प्रह्वः शिरसा च महीं गतः ॥
varṣeṇaivāgataṃ vipraṃ viṣayaṃ svaṃ narādhipaḥ | pratyudgamya muniṃ prahvaḥ śirasā ca mahīṃ gataḥ ||
English Translation
When the ascetic had arrived, with showers, the king approached him in bumble guise, bending his head to the ground.
VR 1.9.30 अनुष्टुप्
अर्घ्यं च प्रददौ तस्मै न्यायतः सुसमाहितः । वव्रे प्रसादं विप्रेन्द्रान्मा विप्रं मन्युराविशेत् ॥
arghyaṃ ca pradadau tasmai nyāyataḥ susamāhitaḥ | vavre prasādaṃ viprendrānmā vipraṃ manyurāviśet ||
English Translation
He offered him Arghya in due form, and with a collected mind; and asked for his favour, so that wrath could not influence the Vipra.
VR 1.9.31 अनुष्टुप्
अन्तःपुरं प्रविश्यास्मै कन्यां दत्त्वा यथाविधि । शान्तां शान्तेन मनसा राजा हर्षमवाप सः ॥
antaḥpuraṃ praviśyāsmai kanyāṃ dattvā yathāvidhi | śāntāṃ śāntena manasā rājā harṣamavāpa saḥ ||
English Translation
And taking him into the inner apartments, and in due form conferring upon him in sober mood his daughter śāntā, the king became happy.
VR 1.9.32 अनुष्टुप्
एवं स न्यवसत्तत्र सर्वकामैः सुपूजितः । ऋश्यशृङ्गो महातेजाः शान्तया सह भार्यया ॥
evaṃ sa nyavasattatra sarvakāmaiḥ supūjitaḥ | ṛśyaśṛṅgo mahātejāḥ śāntayā saha bhāryayā ||
English Translation
Thus the highly powerful Rşyaśřnga together with his wife śāntä, began to live there, respectfully ministered to in regard to every desire.
← Previous (Ch. 8) Full Table of Contents Next (Ch. 10) →