Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 25

Uttarakāṇḍa Sarga 25

उत्तरकाण्डम् • सर्गः 25

Uttarakāṇḍa Sarga 25 of the classical Vālmīki Rāmāyaṇa with 50 verses.

Total: 50 Verses • Citations: VR 7.25.1–50 • 175 Lexicon Terms • Page 1 of 2 (Verses 30 shown)
VR 7.25.1 अनुष्टुप्
स तु दत्त्वा दशग्रीवो वनं घोरं खरस्य तत् । भगिनीं च समाश्वास्य हृष्टः स्वस्थतरोऽभवत् ॥
sa tu dattvā daśagrīvo vanaṃ ghoraṃ kharasya tat | bhaginīṃ ca samāśvāsya hṛṣṭaḥ svasthataro'bhavat ||
English Translation
Having thus given the command of a huge and dreadful army to Khara and consoled his sister the Ten-necked demon was satisfied and freed from anxiety.
VR 7.25.2 अनुष्टुप्
ततो निकुम्भिला नाम लङ्कायाः काननं महत् । महात्मा राक्षसेन्द्रस्तत्प्रविवेश सहानुगः ॥
tato nikumbhilā nāma laṅkāyāḥ kānanaṃ mahat | mahātmā rākṣasendrastatpraviveśa sahānugaḥ ||
English Translation
Thereupon that highly powerful lord of Rāksasas with his followers entered an excellent garden in Larkā named Nikumbhilā.
VR 7.25.3 अनुष्टुप्
तत्र यूपशताकीर्णं सौम्यचैत्योपशोभितम् । ददर्श विष्ठितं यज्ञं संप्रदीप्तमिव श्रिया ॥
tatra yūpaśatākīrṇaṃ saumyacaityopaśobhitam | dadarśa viṣṭhitaṃ yajñaṃ saṃpradīptamiva śriyā ||
English Translation
There, he saw, filled with hundreds of sacrificial posts and altars, a sacrifice being celebrated, as if burning in its lustre.
VR 7.25.4 अनुष्टुप्
ततः कृष्णाजिनधरं कमण्डलुशिखाध्वजम् । ददर्श स्वसुतं तत्र मेघनादमरिंदमम् ॥
tataḥ kṛṣṇājinadharaṃ kamaṇḍaluśikhādhvajam | dadarśa svasutaṃ tatra meghanādamariṃdamam ||
English Translation
He beheld his fearful son Meghanāda too, clad in an antelope skin and holding Sikhă and Kamandalu.
VR 7.25.5 अनुष्टुप्
रक्षःपतिः समासाद्य समाश्लिष्य च बाहुभिः । अब्रवीत्किमिदं वत्स वर्तते तद्ब्रवीहि मे ॥
rakṣaḥpatiḥ samāsādya samāśliṣya ca bāhubhiḥ | abravītkimidaṃ vatsa vartate tadbravīhi me ||
English Translation
Having seen him (there) and embraced him by his arms the lord of Lankā said: “What are you after, O my child? Tell me the truth."
VR 7.25.6 अनुष्टुप्
उशना त्वब्रवीत्तत्र गुरुर्यज्ञसमृद्धये । रावणं राक्षसश्रेष्ठं द्विजश्रेष्ठो महातपाः ॥
uśanā tvabravīttatra gururyajñasamṛddhaye | rāvaṇaṃ rākṣasaśreṣṭhaṃ dvijaśreṣṭho mahātapāḥ ||
English Translation
Thereupon that foremost of twice-born ones Usanas* of austere penances, wishing the prosperity of the sacrifice, said to Rāvana, the Raksasa chief. *Another name of Sukra. Indrajit took the vow of silence so he thought it improper to disturb him.
VR 7.25.7 अनुष्टुप्
अहमाख्यामि ते राजञ्श्रूयतां सर्वमेव च । यज्ञास्ते सप्त पुत्रेण प्राप्ताः सुबहुविस्तराः ॥
ahamākhyāmi te rājañśrūyatāṃ sarvameva ca | yajñāste sapta putreṇa prāptāḥ subahuvistarāḥ ||
VR 7.25.8 अनुष्टुप्
अग्निष्टोमोऽश्वमेधश्च यज्ञो बहुसुवर्णकः । राजसूयस्तथा यज्ञो गोमेधो वैष्णवस्तथा ॥
agniṣṭomo'śvamedhaśca yajño bahusuvarṇakaḥ | rājasūyastathā yajño gomedho vaiṣṇavastathā ||
VR 7.25.9 अनुष्टुप्
माहेश्वरे प्रवृत्ते तु यज्ञे पुम्भिः सुदुर्लभे । वरांस्ते लब्धवान्पुत्रः साक्षात्पशुपतेरिह ॥
māheśvare pravṛtte tu yajñe pumbhiḥ sudurlabhe | varāṃste labdhavānputraḥ sākṣātpaśupateriha ||
VR 7.25.10 अनुष्टुप्
कामगं स्यन्दनं दिव्यमन्तरिक्षचरं ध्रुवम् । मायां च तामसीं नाम यया संपद्यते तमः ॥
kāmagaṃ syandanaṃ divyamantarikṣacaraṃ dhruvam | māyāṃ ca tāmasīṃ nāma yayā saṃpadyate tamaḥ ||
English Translation
He has also obtained illusory powers, which create darkness or ignorance, namely of ranging in the sky, of being eternal, of ascending a celestial car which curses at will and of creating darkness.
VR 7.25.11 अनुष्टुप्
एतया किल संग्रामे मायया राक्षसेश्वर । प्रयुद्धस्य गतिः शक्या न हि ज्ञातुं सुरासुरैः ॥
etayā kila saṃgrāme māyayā rākṣaseśvara | prayuddhasya gatiḥ śakyā na hi jñātuṃ surāsuraiḥ ||
English Translation
O lord of Rākşasas, these illusory powers being used in a conflict, even the celestials and Asuras shall not be able to perceive his course.
VR 7.25.12 अनुष्टुप्
अक्षयाविषुधी बाणैश्चापं चापि सुदुर्जयम् । अस्त्रं च बलवत्सौम्य शत्रुविध्वंसनं रणे ॥
akṣayāviṣudhī bāṇaiścāpaṃ cāpi sudurjayam | astraṃ ca balavatsaumya śatruvidhvaṃsanaṃ raṇe ||
English Translation
Besides he has obtained a quiver, the arrows whereof shall never be exhausted, a bow, which is hard of being got by and a dreadful weapon which destroys enemies in a conflict.
VR 7.25.13 अनुष्टुप्
एतान्सर्वान्वराँल्लब्ध्वा पुत्रस्तेऽयं दशानन । अद्य यज्ञसमाप्तौ च त्वत्प्रतीक्षः स्थितो अहम् ॥
etānsarvānvarām̐llabdhvā putraste'yaṃ daśānana | adya yajñasamāptau ca tvatpratīkṣaḥ sthito aham ||
English Translation
Having obtained these boons your son, O you having ten faces, and myself, the sacrifice being finished, have been waiting to behold you.
VR 7.25.14 अनुष्टुप्
ततोऽब्रवीद्दशग्रीवो न शोभनमिदं कृतम् । पूजिताः शत्रवो यस्माद्द्रव्यैरिन्द्रपुरोगमाः ॥
tato'bravīddaśagrīvo na śobhanamidaṃ kṛtam | pūjitāḥ śatravo yasmāddravyairindrapurogamāḥ ||
English Translation
Whereto the Ten-necked demon replied, You have not done well as you have worshipped, with diverse articles my enemies, Indra and others.
VR 7.25.15 अनुष्टुप्
एहीदानीं कृतं यद्धि तदकर्तुं न शक्यते । आगच्छ सौम्य गच्छामः स्वमेव भवनं प्रति ॥
ehīdānīṃ kṛtaṃ yaddhi tadakartuṃ na śakyate | āgaccha saumya gacchāmaḥ svameva bhavanaṃ prati ||
English Translation
However, what is done is done, there is virtue in this, no doubt; come, o gentle one, we shall go to our house.
VR 7.25.16 अनुष्टुप्
ततो गत्वा दशग्रीवः सपुत्रः सविभीषणः । स्त्रियोऽवतारयामास सर्वास्ता बाष्पविक्लवाः ॥
tato gatvā daśagrīvaḥ saputraḥ savibhīṣaṇaḥ | striyo'vatārayāmāsa sarvāstā bāṣpaviklavāḥ ||
VR 7.25.17 अनुष्टुप्
लक्षिण्यो रत्नबूताश्च देवदानवरक्षसाम् । नानाभूषणसंपन्ना ज्वलन्त्यः स्वेन तेजसा ॥
lakṣiṇyo ratnabūtāśca devadānavarakṣasām | nānābhūṣaṇasaṃpannā jvalantyaḥ svena tejasā ||
VR 7.25.18 अनुष्टुप्
विभीषणस्तु ता नारीर्दृष्ट्वा शोकसमाकुलाः । तस्य तां च मतिं ज्ञात्वा धर्मात्मा वाक्यमब्रवीत् ॥
vibhīṣaṇastu tā nārīrdṛṣṭvā śokasamākulāḥ | tasya tāṃ ca matiṃ jñātvā dharmātmā vākyamabravīt ||
VR 7.25.19 अनुष्टुप्
ईदृशैस्तैः समाचारैर्यशोऽर्थकुलनाशनैः । धर्षणं प्राणिनां दत्त्वा स्वमतेन विचेष्टसे ॥
īdṛśaistaiḥ samācārairyaśo'rthakulanāśanaiḥ | dharṣaṇaṃ prāṇināṃ dattvā svamatena viceṣṭase ||
English Translation
You do (still) follow your own whims, knowing that people are injured by these actions which destroy piety, wealth and fame.
VR 7.25.20 अनुष्टुप्
ज्ञातीन्वै धर्षयित्वेमास्त्वयानीता वराङ्गनाः । त्वामतिक्रम्य मधुना राजन्कुम्भीनसी हृता ॥
jñātīnvai dharṣayitvemāstvayānītā varāṅganāḥ | tvāmatikramya madhunā rājankumbhīnasī hṛtā ||
English Translation
Having slain their kinsmen you past brought these beautiful damsels hither, but disregarding you, O King, Madhu has carried away Kumbhīnasī.
VR 7.25.21 अनुष्टुप्
रावणस्त्वब्रवीद्वाक्यं नावगच्छामि किं त्विदम् । को वायं यस्त्वयाख्यातो मधुरित्येव नामतः ॥
rāvaṇastvabravīdvākyaṃ nāvagacchāmi kiṃ tvidam | ko vāyaṃ yastvayākhyāto madhurityeva nāmataḥ ||
English Translation
Ravana said:-“I do not understand all this. Who is that Madhu, who has been named by you?"
VR 7.25.22 अनुष्टुप्
विभीषणस्तु संक्रुद्धो भ्रातरं वाक्यमब्रवीत् । श्रूयतामस्य पापस्य कर्मणः फलमागतम् ॥
vibhīṣaṇastu saṃkruddho bhrātaraṃ vākyamabravīt | śrūyatāmasya pāpasya karmaṇaḥ phalamāgatam ||
English Translation
Worked up with ire Vibhîşana said to his brother: "Hear, the fruit of your vicious actions has arrived.
VR 7.25.23 अनुष्टुप्
मातामहस्य योऽस्माकं ज्येष्ठो भ्राता सुमालिनः । माल्यवानिति विख्यातो वृद्धप्राज्ञो निशाचरः ॥
mātāmahasya yo'smākaṃ jyeṣṭho bhrātā sumālinaḥ | mālyavāniti vikhyāto vṛddhaprājño niśācaraḥ ||
VR 7.25.24 अनुष्टुप्
पितुर्ज्येष्ठो जनन्याश्च अस्माकं त्वार्यकोऽभवत् । तस्य कुम्भीनसी नाम दुहितुर्दुहिताभवत् ॥
piturjyeṣṭho jananyāśca asmākaṃ tvāryako'bhavat | tasya kumbhīnasī nāma duhiturduhitābhavat ||
VR 7.25.25 अनुष्टुप्
मातृष्वसुरथास्माकं सा कन्या चानलोद्भवा । भवत्यस्माकमेषा वै भ्रातॄणां धर्मतः स्वसा ॥
mātṛṣvasurathāsmākaṃ sā kanyā cānalodbhavā | bhavatyasmākameṣā vai bhrātṝṇāṃ dharmataḥ svasā ||
VR 7.25.26 अनुष्टुप्
सा हृता मधुना राजन्राक्षसेन बलीयसा । यज्ञप्रवृत्ते पुत्रे ते मयि चान्तर्जलोषिते ॥
sā hṛtā madhunā rājanrākṣasena balīyasā | yajñapravṛtte putre te mayi cāntarjaloṣite ||
VR 7.25.27 अनुष्टुप्
निहत्य राक्षसश्रेष्ठानमात्यांस्तव संमतान् । धर्षयित्वा हृता राजन्गुप्ता ह्यन्तःपुरे तव ॥
nihatya rākṣasaśreṣṭhānamātyāṃstava saṃmatān | dharṣayitvā hṛtā rājanguptā hyantaḥpure tava ||
VR 7.25.28 उपजातिः
श्रुत्वा त्वेतन्महाराज क्षान्तमेव हतो न सः । यस्मादवश्यं दातव्या कन्या भर्त्रे हि दातृभिः । अस्मिन्नेवाभिसंप्राप्तं लोके विदितमस्तु ते ॥
śrutvā tvetanmahārāja kṣāntameva hato na saḥ | yasmādavaśyaṃ dātavyā kanyā bhartre hi dātṛbhiḥ | asminnevābhisaṃprāptaṃ loke viditamastu te ||
English Translation
Hearing this even, O great king, we have pardoned and not slain him; an unmarried girl should be given away to her husband by her brothers, but that has not been the case, this is merely the result of your vicious actions, wicked-minded as you are. And this you have met with instantly, so the people say.
VR 7.25.29 अनुष्टुप्
ततोऽब्रवीद्दशग्रीवः क्रुद्धः संरक्तलोचनः । कल्प्यतां मे रथः शीघ्रं शूराः सज्जीभवन्तु च ॥
tato'bravīddaśagrīvaḥ kruddhaḥ saṃraktalocanaḥ | kalpyatāṃ me rathaḥ śīghraṃ śūrāḥ sajjībhavantu ca ||
VR 7.25.30 अनुष्टुप्
भ्राता मे कुम्भकर्णश्च ये च मुख्या निशाचराः । वाहनान्यधिरोहन्तु नानाप्रहरणायुधाः ॥
bhrātā me kumbhakarṇaśca ye ca mukhyā niśācarāḥ | vāhanānyadhirohantu nānāpraharaṇāyudhāḥ ||
← Previous (Ch. 530) Full Table of Contents Next (Ch. 532) →