Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 25

Uttarakāṇḍa Sarga 25

उत्तरकाण्डम् • सर्गः 25

Uttarakāṇḍa Sarga 25 of the classical Vālmīki Rāmāyaṇa with 50 verses.

Total: 50 Verses • Citations: VR 7.25.1–50 • 175 Lexicon Terms • Page 2 of 2 (Verses 20 shown)
VR 7.25.31 अनुष्टुप्
अद्य तं समरे हत्वा मधुं रावणनिर्भयम् । इन्द्रलोकं गमिष्यामि युद्धकाङ्क्षी सुहृद्वृतः ॥
adya taṃ samare hatvā madhuṃ rāvaṇanirbhayam | indralokaṃ gamiṣyāmi yuddhakāṅkṣī suhṛdvṛtaḥ ||
VR 7.25.32 अनुष्टुप्
ततो विजित्य त्रिदिवं वशे स्थाप्य पुरंदरम् । निर्वृतो विहरिष्यामि त्रैलोक्यैश्वर्यशोभितः ॥
tato vijitya tridivaṃ vaśe sthāpya puraṃdaram | nirvṛto vihariṣyāmi trailokyaiśvaryaśobhitaḥ ||
VR 7.25.33 अनुष्टुप्
अक्षौहिणीसहस्राणि चत्वार्युग्राणि रक्षसाम् । नानाप्रहरणान्याशु निर्ययुर्युद्धकाङ्क्षिणाम् ॥
akṣauhiṇīsahasrāṇi catvāryugrāṇi rakṣasām | nānāpraharaṇānyāśu niryayuryuddhakāṅkṣiṇām ||
VR 7.25.34 अनुष्टुप्
इन्द्रजित्त्वग्रतः सैन्यं सैनिकान्परिगृह्य च । रावणो मध्यतः शूरः कुम्भकर्णश्च पृष्ठतः ॥
indrajittvagrataḥ sainyaṃ sainikānparigṛhya ca | rāvaṇo madhyataḥ śūraḥ kumbhakarṇaśca pṛṣṭhataḥ ||
VR 7.25.35 अनुष्टुप्
विभीषणस्तु धर्मात्मा लङ्कायां धर्ममाचरत् । ते तु सर्वे महाभागा ययुर्मधुपुरं प्रति ॥
vibhīṣaṇastu dharmātmā laṅkāyāṃ dharmamācarat | te tu sarve mahābhāgā yayurmadhupuraṃ prati ||
VR 7.25.36 अनुष्टुप्
रथैर्नागैः खरैरुष्ट्रैर्हयैर्दीप्तैर्महोरगैः । राक्षसाः प्रययुः सर्वे कृत्वाकाशं निरन्तरम् ॥
rathairnāgaiḥ kharairuṣṭrairhayairdīptairmahoragaiḥ | rākṣasāḥ prayayuḥ sarve kṛtvākāśaṃ nirantaram ||
English Translation
All the Rākşasas went covering the sky, some on asses, some on camels, some on horses, some on quick-coursing porpoises and some on huge serpents.
VR 7.25.37 अनुष्टुप्
दैत्याश्च शतशस्तत्र कृतवैराः सुरैः सह । रावणं प्रेक्ष्य गच्छन्तमन्वगच्छन्त पृष्ठतः ॥
daityāśca śataśastatra kṛtavairāḥ suraiḥ saha | rāvaṇaṃ prekṣya gacchantamanvagacchanta pṛṣṭhataḥ ||
VR 7.25.38 अनुष्टुप्
स तु गत्वा मधुपुरं प्रविश्य च दशाननः । न ददर्श मधुं तत्र भगिनीं तत्र दृष्टवान् ॥
sa tu gatvā madhupuraṃ praviśya ca daśānanaḥ | na dadarśa madhuṃ tatra bhaginīṃ tatra dṛṣṭavān ||
English Translation
And beholding Rävaņa proceed, hundreds of Daityas, inimical to the celestials, followed him. Having arrived at the city of Madhu and entered there the ten-necked demon did not behold Madhu but espied his sister.
VR 7.25.39 अनुष्टुप्
सा प्रह्वा प्राञ्जलिर्भूत्वा शिरसा पादयोर्गता । तस्य राक्षसराजस्य त्रस्ता कुम्भीनसी स्वसा ॥
sā prahvā prāñjalirbhūtvā śirasā pādayorgatā | tasya rākṣasarājasya trastā kumbhīnasī svasā ||
English Translation
Thereupon being afraid of the king of Raksasas, Kumbhinasi, with folded palms, touched his feet with her crown.
VR 7.25.40 अनुष्टुप्
तां समुत्थापयामास न भेतव्यमिति ब्रुवन् । रावणो राक्षसश्रेष्ठः किं चापि करवाणि ते ॥
tāṃ samutthāpayāmāsa na bhetavyamiti bruvan | rāvaṇo rākṣasaśreṣṭhaḥ kiṃ cāpi karavāṇi te ||
English Translation
Having raised her up the Rākşasa-chief Ravana said “No fear, what can I do for you?
VR 7.25.41 अनुष्टुप्
साब्रवीद्यदि मे राजन्प्रसन्नस्त्वं महाबल । भर्तारं न ममेहाद्य हन्तुमर्हसि मानद ॥
sābravīdyadi me rājanprasannastvaṃ mahābala | bhartāraṃ na mamehādya hantumarhasi mānada ||
English Translation
Where to she replied “O King, O you having long arms, if you are pleased with me, do not slay my husband today, Oconfrere of honours. It is said there is no other fear like this for damsels of high pedigree. The greatest of fears is that of being a widow.
VR 7.25.42 अनुष्टुप्
सत्यवाग्भव राजेन्द्र मामवेक्षस्व याचतीम् । त्वया ह्युक्तं महाबाहो न भेतव्यमिति स्वयम् ॥
satyavāgbhava rājendra māmavekṣasva yācatīm | tvayā hyuktaṃ mahābāho na bhetavyamiti svayam ||
English Translation
Be you truthful, O king of Kings, do you look towards me, who am thus begging. You have yourself said, O king, "no fear.”
VR 7.25.43 अनुष्टुप्
रावणस्त्वब्रवीद्धृष्टः स्वसारं तत्र संस्थिताम् । क्व चासौ तव भर्ता वै मम शीघ्रं निवेद्यताम् ॥
rāvaṇastvabravīddhṛṣṭaḥ svasāraṃ tatra saṃsthitām | kva cāsau tava bhartā vai mama śīghraṃ nivedyatām ||
English Translation
Being thus addressed Råvana said to his sister there: "Do you tell me speedily where is your husband. I shall go with him for conquests to the region of the celestials."
VR 7.25.44 अनुष्टुप्
सह तेन गमिष्यामि सुरलोकं जयाय वै । तव कारुण्यसौहार्दान्निवृत्तोऽस्मि मधोर्वधात् ॥
saha tena gamiṣyāmi suralokaṃ jayāya vai | tava kāruṇyasauhārdānnivṛtto'smi madhorvadhāt ||
VR 7.25.45 अनुष्टुप्
इत्युक्ता सा प्रसुप्तं तं समुत्थाप्य निशाचरम् । अब्रवीत्संप्रहृष्टेव राक्षसी सुविपश्चितम् ॥
ityuktā sā prasuptaṃ taṃ samutthāpya niśācaram | abravītsaṃprahṛṣṭeva rākṣasī suvipaścitam ||
VR 7.25.46 अनुष्टुप्
एष प्राप्तो दशग्रीवो मम भ्राता निशाचरः । सुरलोकजयाकाङ्क्षी साहाय्ये त्वां वृणोति च ॥
eṣa prāpto daśagrīvo mama bhrātā niśācaraḥ | suralokajayākāṅkṣī sāhāyye tvāṃ vṛṇoti ca ||
English Translation
Here is my brother, the highly power Dasagrīva. Being desirous of conquering the region of the celestials he prays for your help. Do you therefore proceed to his help, O Raksasa, with all they friends.
VR 7.25.47 अनुष्टुप्
तदस्य त्वं सहायार्थं सबन्धुर्गच्छ राक्षस । स्निग्धस्य भजमानस्य युक्तमर्थाय कल्पितुम् ॥
tadasya tvaṃ sahāyārthaṃ sabandhurgaccha rākṣasa | snigdhasya bhajamānasya yuktamarthāya kalpitum ||
VR 7.25.48 अनुष्टुप्
तस्यास्तद्वचनं श्रुत्वा तथेत्याह मधुर्वचः । ददर्श राक्षसश्रेष्ठं यथान्यायमुपेत्य सः ॥
tasyāstadvacanaṃ śrutvā tathetyāha madhurvacaḥ | dadarśa rākṣasaśreṣṭhaṃ yathānyāyamupetya saḥ ||
VR 7.25.49 उपजातिः
पूजयामास धर्मेण रावणं राक्षसाधिपम् । प्राप्तपूजो दशग्रीवो मधुवेश्मनि वीर्यवान् । तत्र चैकां निशामुष्य गमनायोपचक्रमे ॥
pūjayāmāsa dharmeṇa rāvaṇaṃ rākṣasādhipam | prāptapūjo daśagrīvo madhuveśmani vīryavān | tatra caikāṃ niśāmuṣya gamanāyopacakrame ||
English Translation
Being thus honoured the highly power Dasagrīva spent one night in Madhu's house and then, addressed himself for departure.
VR 7.25.50 अनुष्टुप्
ततः कैलासमासाद्य शैलं वैश्रवणालयम् । राक्षसेन्द्रो महेन्द्राभः सेनामुपनिवेशयत् ॥
tataḥ kailāsamāsādya śailaṃ vaiśravaṇālayam | rākṣasendro mahendrābhaḥ senāmupaniveśayat ||
English Translation
Thereupon reaching the hill Kailāsa, the abode of Vaisravana, the lord of Raksasas, resembling Mahendra, encamped his army.
← Previous (Ch. 530) Full Table of Contents Next (Ch. 532) →