Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 40

Bālakāṇḍa Sarga 40

बालकाण्डम् • सर्गः 40

Bālakāṇḍa Sarga 40 of the classical Vālmīki Rāmāyaṇa with 26 verses.

Total: 26 Verses • Citations: VR 1.40.1–26 • 175 Lexicon Terms
VR 1.40.1 अनुष्टुप्
पुत्रांश्चिरगताञ्ज्ञात्वा सगरो रघुनन्दन । नप्तारमब्रवीद्राजा दीप्यमानं स्वतेजसा ॥
putrāṃściragatāñjñātvā sagaro raghunandana | naptāramabravīdrājā dīpyamānaṃ svatejasā ||
English Translation
Being the delay on the part of his sons, King Sagara, O son of Raghu, addressed his grandson, flaming in his native energy, saying,
VR 1.40.2 अनुष्टुप्
शूरश्च कृतविद्यश्च पूर्वैस्तुल्योऽसि तेजसा । पितॄणां गतिमन्विच्छ येन चाश्वोऽपहारितः ॥
śūraśca kṛtavidyaśca pūrvaistulyo'si tejasā | pitṝṇāṃ gatimanviccha yena cāśvo'pahāritaḥ ||
English Translation
You are heroic and accomplished and like to your uncles. Do you enquire into the circumstances that have befallen your uncles, as also about the way by which the horse has escaped.
VR 1.40.3 अनुष्टुप्
अन्तर्भौमानि सत्त्वानि वीर्यवन्ति महान्ति च । तेषां त्वं प्रतिघातार्थं सासिं गृह्णीष्व कार्मुकम् ॥
antarbhaumāni sattvāni vīryavanti mahānti ca | teṣāṃ tvaṃ pratighātārthaṃ sāsiṃ gṛhṇīṣva kārmukam ||
English Translation
And as there are strong and mighty creatures inhabiting the Earth's interior, with the view of resisting them, do you take your how along with your scimitar.
VR 1.40.4 अनुष्टुप्
अभिवाद्याभिवाद्यांस्त्वं हत्वा विघ्नकरानपि । सिद्धार्थः संनिवर्तस्व मम यज्ञस्य पारगः ॥
abhivādyābhivādyāṃstvaṃ hatvā vighnakarānapi | siddhārthaḥ saṃnivartasva mama yajñasya pāragaḥ ||
English Translation
And honouring those that deserve to be honoured and slaying such as disturb you, do you, having attained your end, come back, becoming the instrument for the completion of my sacrifice.'
VR 1.40.5 अनुष्टुप्
एवमुक्तोंऽशुमान्सम्यक्सगरेण महात्मना । धनुरादाय खड्गं च जगाम लघुविक्रमः ॥
evamuktoṃ'śumānsamyaksagareṇa mahātmanā | dhanurādāya khaḍgaṃ ca jagāma laghuvikramaḥ ||
English Translation
Thus duly enjoined by the high-souled Sagara, Anśumān endowed with fleet vigour, taking his bow as well as his scimitar, set out.
VR 1.40.6 अनुष्टुप्
स खातं पितृभिर्मार्गमन्तर्भौमं महात्मभिः । प्रापद्यत नरश्रेष्ठ तेन राज्ञाभिचोदितः ॥
sa khātaṃ pitṛbhirmārgamantarbhaumaṃ mahātmabhiḥ | prāpadyata naraśreṣṭha tena rājñābhicoditaḥ ||
English Translation
An commanded by the monarch, he found the underground way that had been carved out by those high-souled ones.
VR 1.40.7 अनुष्टुप्
दैत्यदानवरक्षोभिः पिशाचपतगोरगैः । पूज्यमानं महातेजा दिशागजमपश्यत ॥
daityadānavarakṣobhiḥ piśācapatagoragaiḥ | pūjyamānaṃ mahātejā diśāgajamapaśyata ||
English Translation
He found an exceedingly powerful elephant belonging to the cardinal point, worshipped by deities, and Dānavas, and Rākşasas, and goblins, and birds, and Uragas.
VR 1.40.8 अनुष्टुप्
स तं प्रदक्षिणं कृत्वा पृष्ट्वा चैव निरामयम् । पितॄन्स परिपप्रच्छ वाजिहर्तारमेव च ॥
sa taṃ pradakṣiṇaṃ kṛtvā pṛṣṭvā caiva nirāmayam | pitṝnsa paripapraccha vājihartārameva ca ||
English Translation
And having gone round him and asked him as to his welfare, they delving on, arrived at the Northern region.
VR 1.40.9 अनुष्टुप्
दिशागजस्तु तच्छ्रुत्वा प्रीत्याहांशुमतो वचः । आसमञ्जकृतार्थस्त्वं सहाश्वः शीघ्रमेष्यसि ॥
diśāgajastu tacchrutvā prītyāhāṃśumato vacaḥ | āsamañjakṛtārthastvaṃ sahāśvaḥ śīghrameṣyasi ||
English Translation
Hearing this, the mighty-minded elephant of that quarter answered, 'O son of Asamañja, having attained your object, you will speedily return with the horse.'
VR 1.40.10 अनुष्टुप्
तस्य तद्वचनं श्रुत्वा सर्वानेव दिशागजान् । यथाक्रमं यथान्यायं प्रष्टुं समुपचक्रमे ॥
tasya tadvacanaṃ śrutvā sarvāneva diśāgajān | yathākramaṃ yathānyāyaṃ praṣṭuṃ samupacakrame ||
English Translation
And hearing those words of his, Ansumat by turns duly asked the same question of all the elephants belonging to the cardinal points.
VR 1.40.11 अनुष्टुप्
तैश्च सर्वैर्दिशापालैर्वाक्यज्ञैर्वाक्यकोविदैः । पूजितः सहयश्चैव गन्तासीत्यभिचोदितः ॥
taiśca sarvairdiśāpālairvākyajñairvākyakovidaiḥ | pūjitaḥ sahayaścaiva gantāsītyabhicoditaḥ ||
English Translation
And being honoured by those guardians of the cardinal points, knowing words as well as their application in regard to time, place, and person, he was asked by them saying, 'Did you come with the horse?'
VR 1.40.12 अनुष्टुप्
तेषां तद्वचनं श्रुत्वा जगाम लघुविक्रमः । भस्मराशीकृता यत्र पितरस्तस्य सागराः ॥
teṣāṃ tadvacanaṃ śrutvā jagāma laghuvikramaḥ | bhasmarāśīkṛtā yatra pitarastasya sāgarāḥ ||
English Translation
Hearing those words of theirs, that one of fleet vigour repaired to the spot where the sons of Sagara, his uncles, had been reduced to a heap of ashes.
VR 1.40.13 अनुष्टुप्
स दुःखवशमापन्नस्त्वसमञ्जसुतस्तदा । चुक्रोश परमार्तस्तु वधात्तेषां सुदुःखितः ॥
sa duḥkhavaśamāpannastvasamañjasutastadā | cukrośa paramārtastu vadhātteṣāṃ suduḥkhitaḥ ||
English Translation
And (arriving there), Asamañja's son, smitten with grief, and being exceedingly afflicted at their destruction, bewailed in heaviness of heart.
VR 1.40.14 अनुष्टुप्
यज्ञियं च हयं तत्र चरन्तमविदूरतः । ददर्श पुरुषव्याघ्रो दुःखशोकसमन्वितः ॥
yajñiyaṃ ca hayaṃ tatra carantamavidūrataḥ | dadarśa puruṣavyāghro duḥkhaśokasamanvitaḥ ||
English Translation
And exercised by grief and sorrow, at foremost of men espied there the sacrificial horse straying near.
VR 1.40.15 अनुष्टुप्
ददर्श पुरुषव्याघ्रो कर्तुकामो जलक्रियाम् । सलिलार्थी महातेजा न चापश्यज्जलाशयम् ॥
dadarśa puruṣavyāghro kartukāmo jalakriyām | salilārthī mahātejā na cāpaśyajjalāśayam ||
English Translation
And desirous of offering oblations of water to those princes, that highly powerful one, in need of water, did not find any watery expanse in the neighbourhood.
VR 1.40.16 अनुष्टुप्
विसार्य निपुणां दृष्टिं ततोऽपश्यत्खगाधिपम् । पितॄणां मातुलं राम सुपर्णमनिलोपमम् ॥
visārya nipuṇāṃ dṛṣṭiṃ tato'paśyatkhagādhipam | pitṝṇāṃ mātulaṃ rāma suparṇamanilopamam ||
English Translation
And it came to pass, O Rāma, that surveying wide, he descried the maternal uncle to the princes, Suparna, resembling the Wind.
VR 1.40.17 अनुष्टुप्
स चैनमब्रवीद्वाक्यं वैनतेयो महाबलः । मा शुचः पुरुषव्याघ्र वधोऽयं लोकसंमतः ॥
sa cainamabravīdvākyaṃ vainateyo mahābalaḥ | mā śucaḥ puruṣavyāghra vadho'yaṃ lokasaṃmataḥ ||
English Translation
And thereupon Vinata's son possessed of mighty strength spoke to him, saying, 'Do not lament, O foremost of men. The destruction of these was for the welfare of all.'
VR 1.40.18 अनुष्टुप्
कपिलेनाप्रमेयेन दग्धा हीमे महाबलाः । सलिलं नार्हसि प्राज्ञ दातुमेषां हि लौकिकम् ॥
kapilenāprameyena dagdhā hīme mahābalāḥ | salilaṃ nārhasi prājña dātumeṣāṃ hi laukikam ||
English Translation
These highly powerful ones had been consumed by the peerless Kapila, therefore, you ought not to offer water to them in consonance with social usage.
VR 1.40.19 अनुष्टुप्
गङ्गा हिमवतो ज्येष्ठा दुहिता पुरुषर्षभ । भस्मराशीकृतानेतान्पावयेल्लोकपावनी ॥
gaṅgā himavato jyeṣṭhā duhitā puruṣarṣabha | bhasmarāśīkṛtānetānpāvayellokapāvanī ||
VR 1.40.20 अनुष्टुप्
तया क्लिन्नमिदं भस्म गङ्गया लोककान्तया । षष्टिं पुत्रसहस्राणि स्वर्गलोकं नयिष्यति ॥
tayā klinnamidaṃ bhasma gaṅgayā lokakāntayā | ṣaṣṭiṃ putrasahasrāṇi svargalokaṃ nayiṣyati ||
English Translation
O mighty-armed one: let that purifier of the worlds lave these reduced to a heap of ashes. And on these ashes being watered by Gangā, dear to all, the sixty thousand sons of Sagara will repair to the celestial regions.
VR 1.40.21 अनुष्टुप्
गच्छ चाश्वं महाभाग संगृह्य पुरुषर्षभ । यज्ञं पैतामहं वीर निर्वर्तयितुमर्हसि ॥
gaccha cāśvaṃ mahābhāga saṃgṛhya puruṣarṣabha | yajñaṃ paitāmahaṃ vīra nirvartayitumarhasi ||
English Translation
Do you, O highly pious one, go back, taking this horse, O foremost of men; and do you complete the sacrifice of your grand-father,
VR 1.40.22 अनुष्टुप्
सुपर्णवचनं श्रुत्वा सोंऽशुमानतिवीर्यवान् । त्वरितं हयमादाय पुनरायान्महायशाः ॥
suparṇavacanaṃ śrutvā soṃ'śumānativīryavān | tvaritaṃ hayamādāya punarāyānmahāyaśāḥ ||
English Translation
O hero, Hearing Suparna's speech, the exceedingly powerful Ansumat of mighty asceticism speedily taking the horse, retraced his steps.
VR 1.40.23 अनुष्टुप्
ततो राजानमासाद्य दीक्षितं रघुनन्दन । न्यवेदयद्यथावृत्तं सुपर्णवचनं तथा ॥
tato rājānamāsādya dīkṣitaṃ raghunandana | nyavedayadyathāvṛttaṃ suparṇavacanaṃ tathā ||
English Translation
Then coming to the king who had been initiated into the ceremony, he, O descendant of Raghu, faithfully communicated to him the words of Suparna.
VR 1.40.24 अनुष्टुप्
तच्छ्रुत्वा घोरसंकाशं वाक्यमंशुमतो नृपः । यज्ञं निर्वर्तयामास यथाकल्पं यथाविधि ॥
tacchrutvā ghorasaṃkāśaṃ vākyamaṃśumato nṛpaḥ | yajñaṃ nirvartayāmāsa yathākalpaṃ yathāvidhi ||
English Translation
Hearing this sorrowful intelligence, the king duly finished the sacrifice agreeably to the scriptures.
VR 1.40.25 अनुष्टुप्
स्वपुरं चागमच्छ्रीमानिष्टयज्ञो महीपतिः । गङ्गायाश्चागमे राजा निश्चयं नाध्यगच्छत ॥
svapuraṃ cāgamacchrīmāniṣṭayajño mahīpatiḥ | gaṅgāyāścāgame rājā niścayaṃ nādhyagacchata ||
English Translation
And having seen the completion of the sacrifice, that lord of earth entered his capital; but the king could not see how to bring Gangā on earth.
VR 1.40.26 अनुष्टुप्
अगत्वा निश्चयं राजा कालेन महता महान् । त्रिंशद्वर्षसहस्राणि राज्यं कृत्वा दिवं गतः ॥
agatvā niścayaṃ rājā kālena mahatā mahān | triṃśadvarṣasahasrāṇi rājyaṃ kṛtvā divaṃ gataḥ ||
English Translation
And without being able to ascertain it, the mighty monarch after a long course of time, and having reigned for thirty thousand years, ascended heaven.
← Previous (Ch. 39) Full Table of Contents Next (Ch. 41) →