Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 25

Kiṣkindhākāṇḍa Sarga 25

किष्किन्धाकाण्डम् • सर्गः 25

Kiṣkindhākāṇḍa Sarga 25 of the classical Vālmīki Rāmāyaṇa with 38 verses.

Total: 38 Verses • Citations: VR 4.25.1–38 • 175 Lexicon Terms
VR 4.25.1 अनुष्टुप्
ततः शोकाभिसंतप्तं सुग्रीवं क्लिन्नवासनम् । शाखामृगमहामात्राः परिवार्योपतस्थिरे ॥
tataḥ śokābhisaṃtaptaṃ sugrīvaṃ klinnavāsanam | śākhāmṛgamahāmātrāḥ parivāryopatasthire ||
English Translation
And thereupon those foremost of monkeys waited there, surrounding Sugrīva exercised with grief and wearing wetted cloth. And they all, approaching the mighty-armed Rāma of unwearied actions, stationed themselves with folded hands like to the great ascetics around the Grand-Father of the celestials).
VR 4.25.2 अनुष्टुप्
अभिगम्य महाबाहुं राममक्लिष्टकारिणम् । स्थिताः प्राञ्जलयः सर्वे पितामहमिवर्षयः ॥
abhigamya mahābāhuṃ rāmamakliṣṭakāriṇam | sthitāḥ prāñjalayaḥ sarve pitāmahamivarṣayaḥ ||
English Translation
And thereupon those foremost of monkeys waited there, surrounding Sugrīva exercised with grief and wearing wetted cloth. And they all, approaching the mighty-armed Rāma of unwearied actions, stationed themselves with folded hands like to the great ascetics around the Grand-Father of the celestials).
VR 4.25.3 अनुष्टुप्
ततः काञ्चनशैलाभस्तरुणार्कनिभाननः । अब्रवीत्प्राञ्जलिर्वाक्यं हनुमान्मारुतात्मजः ॥
tataḥ kāñcanaśailābhastaruṇārkanibhānanaḥ | abravītprāñjalirvākyaṃ hanumānmārutātmajaḥ ||
English Translation
Thereupon Hanuman, the son of Marut, resembling a golden hill and having a countenance resembling the rising Sun, spoke with folded hands, saying.
VR 4.25.4 अनुष्टुप्
भवत्प्रसादात्सुग्रीवः पितृपैतामहं महत् । वानराणां सुदुष्प्रापं प्राप्तो राज्यमिदं प्रभो ॥
bhavatprasādātsugrīvaḥ pitṛpaitāmahaṃ mahat | vānarāṇāṃ suduṣprāpaṃ prāpto rājyamidaṃ prabho ||
English Translation
By your assistance, O Kākutstha, O lord, this great ancestral kingdom of the highly powerful monkeys, having sharpened teeth, incapable of being acquired by the high-souled ones, has been attained to (by Sugrīva). Being commanded by you, he along with his friends, entering this city, shall perform the royal duties.
VR 4.25.5 अनुष्टुप्
भवता समनुज्ञातः प्रविश्य नगरं शुभम् । संविधास्यति कार्याणि सर्वाणि ससुहृज्जनः ॥
bhavatā samanujñātaḥ praviśya nagaraṃ śubham | saṃvidhāsyati kāryāṇi sarvāṇi sasuhṛjjanaḥ ||
English Translation
'Permitted by your gracious self, he will enter the auspicious city along with his friends and perform his duties. He had his auspicious bath in fragrant waters with medicinal herbs as per tradition.
VR 4.25.6 अनुष्टुप्
स्नातोऽयं विविधैर्गन्धैरौषधैश्च यथाविधि । अर्चयिष्यति रत्नैश्च माल्यैश्च त्वां विशेषतः ॥
snāto'yaṃ vividhairgandhairauṣadhaiśca yathāvidhi | arcayiṣyati ratnaiśca mālyaiśca tvāṃ viśeṣataḥ ||
VR 4.25.7 अनुष्टुप्
इमां गिरिगुहां रम्यामभिगन्तुमितोऽर्हसि । कुरुष्व स्वामि संबन्धं वानरान्संप्रहर्षयन् ॥
imāṃ giriguhāṃ ramyāmabhigantumito'rhasi | kuruṣva svāmi saṃbandhaṃ vānarānsaṃpraharṣayan ||
English Translation
'He wants to propitiate you first specially with garlands and gems. Pray enter this beautiful mountain cave for the pleasure of the monkeys and establish relationship with king Sugriva.'
VR 4.25.8 अनुष्टुप्
एवमुक्तो हनुमता राघवः परवीरहा । प्रत्युवाच हनूमन्तं बुद्धिमान्वाक्यकोविदः ॥
evamukto hanumatā rāghavaḥ paravīrahā | pratyuvāca hanūmantaṃ buddhimānvākyakovidaḥ ||
English Translation
Being thus accosted by Hanumān, the highly intelligent Rāghava, skilled in speech and the slayer of foes, replied;
VR 4.25.9 अनुष्टुप्
चतुर्दशसमाः सौम्य ग्रामं वा यदि वा पुरम् । न प्रवेक्ष्यामि हनुमन्पितुर्निर्देशपालकः ॥
caturdaśasamāḥ saumya grāmaṃ vā yadi vā puram | na pravekṣyāmi hanumanpiturnirdeśapālakaḥ ||
English Translation
O gentle Hanuman, abiding by my Sire's mandate, I shall not enter a hamlet or a city for these fourteen years.
VR 4.25.10 अनुष्टुप्
सुसमृद्धां गुहां दिव्यां सुग्रीवो वानरर्षभः । प्रविष्टो विधिवद्वीरः क्षिप्रं राज्येऽभिषिच्यताम् ॥
susamṛddhāṃ guhāṃ divyāṃ sugrīvo vānararṣabhaḥ | praviṣṭo vidhivadvīraḥ kṣipraṃ rājye'bhiṣicyatām ||
English Translation
Let Sugrīva, the foremost of monkeys, enter this magnificent celestial cave and do you all install him speedily on the throne.
VR 4.25.11 अनुष्टुप्
एवमुक्त्वा हनूमन्तं रामः सुग्रीवमब्रवीत् । इममप्यङ्गदं वीर यौवराज्येऽभिषेचय ॥
evamuktvā hanūmantaṃ rāmaḥ sugrīvamabravīt | imamapyaṅgadaṃ vīra yauvarājye'bhiṣecaya ||
English Translation
Having thus addressed Hanumān, Rāma spoke to Sugriva, saying:-Conversant with customs as you are, do you install this generous and heroic Angada, gifted with gifted with prowess and honouring customs, as the heir-apparent of the throne.
VR 4.25.12 अनुष्टुप्
पूर्वोऽयं वार्षिको मासः श्रावणः सलिलागमः । प्रवृत्ताः सौम्य चत्वारो मासा वार्षिकसंज्ञिताः ॥
pūrvo'yaṃ vārṣiko māsaḥ śrāvaṇaḥ salilāgamaḥ | pravṛttāḥ saumya catvāro māsā vārṣikasaṃjñitāḥ ||
English Translation
O gentle one, this month of Sravana, which is the first of those four months which make up the rainy season, has set in and this is not the time therefore enter your auspicious city and I shall live in this mountain along with Lakṣmaṇa.
VR 4.25.13 अनुष्टुप्
नायमुद्योगसमयः प्रविश त्वं पुरीं शुभाम् । अस्मिन्वत्स्याम्यहं सौम्य पर्वते सहलक्ष्मणः ॥
nāyamudyogasamayaḥ praviśa tvaṃ purīṃ śubhām | asminvatsyāmyahaṃ saumya parvate sahalakṣmaṇaḥ ||
English Translation
O gentle one, this month of Sravana, which is the first of those four months which make up the rainy season, has set in and this is not the time therefore enter your auspicious city and I shall live in this mountain along with Lakṣmaṇa.
VR 4.25.14 अनुष्टुप्
इयं गिरिगुहा रम्या विशाला युक्तमारुता । प्रभूतसलिला सौम्य प्रभूतकमलोत्पला ॥
iyaṃ giriguhā ramyā viśālā yuktamārutā | prabhūtasalilā saumya prabhūtakamalotpalā ||
English Translation
Pleasant indeed is this mountain cave, spacious, filled with air, water and many lotuses.
VR 4.25.15 उपजातिः
कार्तिके समनुप्राप्ते त्वं रावणवधे यत । एष नः समयः सौम्य प्रविश त्वं स्वमालयम् । अभिषिञ्चस्व राज्ये च सुहृदः संप्रहर्षय ॥
kārtike samanuprāpte tvaṃ rāvaṇavadhe yata | eṣa naḥ samayaḥ saumya praviśa tvaṃ svamālayam | abhiṣiñcasva rājye ca suhṛdaḥ saṃpraharṣaya ||
English Translation
You shall engage in endeavours to bring about the destruction of Rāvana, after Kārtika sets in. This is not the proper time, O gentle one, and do you enter your own city. And being installed on the throne do you enhance the joy of your friends.
VR 4.25.16 अनुष्टुप्
इति रामाभ्यनुज्ञातः सुग्रीवो वानरर्षभः । प्रविवेश पुरीं रम्यां किष्किन्धां वालिपालिताम् ॥
iti rāmābhyanujñātaḥ sugrīvo vānararṣabhaḥ | praviveśa purīṃ ramyāṃ kiṣkindhāṃ vālipālitām ||
English Translation
Being thus commanded by Rāma, Sugrīva, the foremost of monkeys entered the pleasant city of Kiskindha, reared by Vali.
VR 4.25.17 अनुष्टुप्
तं वानरसहस्राणि प्रविष्टं वानरेश्वरम् । अभिवाद्य प्रहृष्टानि सर्वतः पर्यवारयन् ॥
taṃ vānarasahasrāṇi praviṣṭaṃ vānareśvaram | abhivādya prahṛṣṭāni sarvataḥ paryavārayan ||
English Translation
Encircling that lord of monkeys thousands of them entered the city.
VR 4.25.18 अनुष्टुप्
ततः प्रकृतयः सर्वा दृष्ट्वा हरिगणेश्वरम् । प्रणम्य मूर्ध्ना पतिता वसुधायां समाहिताः ॥
tataḥ prakṛtayaḥ sarvā dṛṣṭvā harigaṇeśvaram | praṇamya mūrdhnā patitā vasudhāyāṃ samāhitāḥ ||
English Translation
Beholding the lord of monkeys, the subjects bowed to him, lowering their heads on the ground.
VR 4.25.19 अनुष्टुप्
सुग्रीवः प्रकृतीः सर्वाः संभाष्योत्थाप्य वीर्यवान् । भ्रातुरन्तःपुरं सौम्यं प्रविवेश महाबलः ॥
sugrīvaḥ prakṛtīḥ sarvāḥ saṃbhāṣyotthāpya vīryavān | bhrāturantaḥpuraṃ saumyaṃ praviveśa mahābalaḥ ||
English Translation
Welcoming the subjects and raising them up; the highly powerful Sugrīva entered the pleasant inner apartment of his brother.
VR 4.25.20 अनुष्टुप्
प्रविश्य त्वभिनिष्क्रान्तं सुग्रीवं वानरर्षभम् । अभ्यषिञ्चन्त सुहृदः सहस्राक्षमिवामराः ॥
praviśya tvabhiniṣkrāntaṃ sugrīvaṃ vānararṣabham | abhyaṣiñcanta suhṛdaḥ sahasrākṣamivāmarāḥ ||
English Translation
On his entering the city, his friends installed the highly powerful foremost of monkeys-Sugrīva, on the throne like to the celestials placing the thousand-eyed Deity (on the kingdom).
VR 4.25.21 अनुष्टुप्
तस्य पाण्डुरमाजह्रुश्छत्रं हेमपरिष्कृतम् । शुक्ले च बालव्यजने हेमदण्डे यशस्करे ॥
tasya pāṇḍuramājahruśchatraṃ hemapariṣkṛtam | śukle ca bālavyajane hemadaṇḍe yaśaskare ||
VR 4.25.22 अनुष्टुप्
तथा सर्वाणि रत्नानि सर्वबीजौषधानि च । सक्षीराणां च वृक्षाणां प्ररोहान्कुसुमानि च ॥
tathā sarvāṇi ratnāni sarvabījauṣadhāni ca | sakṣīrāṇāṃ ca vṛkṣāṇāṃ prarohānkusumāni ca ||
VR 4.25.23 अनुष्टुप्
शुक्लानि चैव वस्त्राणि श्वेतं चैवानुलेपनम् । सुगन्धीनि च माल्यानि स्थलजान्यम्बुजानि च ॥
śuklāni caiva vastrāṇi śvetaṃ caivānulepanam | sugandhīni ca mālyāni sthalajānyambujāni ca ||
VR 4.25.24 अनुष्टुप्
चन्दनानि च दिव्यानि गन्धांश्च विविधान्बहून् । अक्षतं जातरूपं च प्रियङ्गुमधुसर्पिषी ॥
candanāni ca divyāni gandhāṃśca vividhānbahūn | akṣataṃ jātarūpaṃ ca priyaṅgumadhusarpiṣī ||
VR 4.25.25 उपजातिः
दधिचर्म च वैयाघ्रं वाराही चाप्युपानहौ । समालम्भनमादाय रोचनां समनःशिलाम् । आजग्मुस्तत्र मुदिता वराः कन्यास्तु षोडश ॥
dadhicarma ca vaiyāghraṃ vārāhī cāpyupānahau | samālambhanamādāya rocanāṃ samanaḥśilām | ājagmustatra muditā varāḥ kanyāstu ṣoḍaśa ||
VR 4.25.26 अनुष्टुप्
ततस्ते वानरश्रेष्ठं यथाकालं यथाविधि । रत्नैर्वस्त्रैश्च भक्ष्यैश्च तोषयित्वा द्विजर्षभान् ॥
tataste vānaraśreṣṭhaṃ yathākālaṃ yathāvidhi | ratnairvastraiśca bhakṣyaiśca toṣayitvā dvijarṣabhān ||
English Translation
Thereupon those monkeys pleased the foremost of twice-born ones with jewels clothes and eatables, with a view to install that best of monkeys.
VR 4.25.27 अनुष्टुप्
ततः कुशपरिस्तीर्णं समिद्धं जातवेदसं । मन्त्रपूतेन हविषा हुत्वा मन्त्रविदो जनाः ॥
tataḥ kuśaparistīrṇaṃ samiddhaṃ jātavedasaṃ | mantrapūtena haviṣā hutvā mantravido janāḥ ||
English Translation
And these conversant with mantras threw clarified butter, sanctified by mantras, into flaming fire burning on a Kusa bed.
VR 4.25.28 अनुष्टुप्
ततो हेमप्रतिष्ठाने वरास्तरणसंवृते । प्रासादशिखरे रम्ये चित्रमाल्योपशोभिते ॥
tato hemapratiṣṭhāne varāstaraṇasaṃvṛte | prāsādaśikhare ramye citramālyopaśobhite ||
VR 4.25.29 अनुष्टुप्
प्राङ्मुखं विविधैर्मन्त्रैः स्थापयित्वा वरासने । नदीनदेभ्यः संहृत्य तीर्थेभ्यश्च समन्ततः ॥
prāṅmukhaṃ vividhairmantraiḥ sthāpayitvā varāsane | nadīnadebhyaḥ saṃhṛtya tīrthebhyaśca samantataḥ ||
VR 4.25.30 अनुष्टुप्
आहृत्य च समुद्रेभ्यः सर्वेभ्यो वानरर्षभाः । अपः कनककुम्भेषु निधाय विमलाः शुभाः ॥
āhṛtya ca samudrebhyaḥ sarvebhyo vānararṣabhāḥ | apaḥ kanakakumbheṣu nidhāya vimalāḥ śubhāḥ ||
VR 4.25.31 अनुष्टुप्
शुभैर्वृषभशृङ्गैश्च कलशैश्चापि काञ्चनैः । शास्त्रदृष्टेन विधिना महर्षिविहितेन च ॥
śubhairvṛṣabhaśṛṅgaiśca kalaśaiścāpi kāñcanaiḥ | śāstradṛṣṭena vidhinā maharṣivihitena ca ||
VR 4.25.32 अनुष्टुप्
गजो गवाक्षो गवयः शरभो गन्धमादनः । मैन्दश्च द्विविदश्चैव हनूमाञ्जाम्बवान्नलः ॥
gajo gavākṣo gavayaḥ śarabho gandhamādanaḥ | maindaśca dvividaścaiva hanūmāñjāmbavānnalaḥ ||
English Translation
Gaja, and Gavākṣa, and Gavaya, and Sarabha, and Gandhamādana, and Mainda, and Dwivida, and Angada, and Jāmbavān.
VR 4.25.33 अनुष्टुप्
अभ्यषिञ्चन्त सुग्रीवं प्रसन्नेन सुगन्धिना । सलिलेन सहस्राक्षं वसवो वासवं यथा ॥
abhyaṣiñcanta sugrīvaṃ prasannena sugandhinā | salilena sahasrākṣaṃ vasavo vāsavaṃ yathā ||
VR 4.25.34 अनुष्टुप्
अभिषिक्ते तु सुग्रीवे सर्वे वानरपुंगवाः । प्रचुक्रुशुर्महात्मानो हृष्टास्तत्र सहस्रशः ॥
abhiṣikte tu sugrīve sarve vānarapuṃgavāḥ | pracukruśurmahātmāno hṛṣṭāstatra sahasraśaḥ ||
English Translation
As Sugriva was ceremoniously consecrated, thousands of monkeys rejoiced and shrieked out of joy.
VR 4.25.35 अनुष्टुप्
रामस्य तु वचः कुर्वन्सुग्रीवो हरिपुंगवः । अङ्गदं संपरिष्वज्य यौवराज्येऽभिषेचयत् ॥
rāmasya tu vacaḥ kurvansugrīvo haripuṃgavaḥ | aṅgadaṃ saṃpariṣvajya yauvarājye'bhiṣecayat ||
English Translation
Abiding by Rama's words, Sugriva, the lord of monkeys, embracing Angada conferred on him the heir-apparentship of the throne.
VR 4.25.36 अनुष्टुप्
अङ्गदे चाभिषिक्ते तु सानुक्रोशाः प्लवंगमाः । साधु साध्विति सुग्रीवं महात्मानोऽभ्यपूजयन् ॥
aṅgade cābhiṣikte tu sānukrośāḥ plavaṃgamāḥ | sādhu sādhviti sugrīvaṃ mahātmāno'bhyapūjayan ||
English Translation
Angada being thus installed, those best of monkeys, highly delighted adored the highsouled Sugrīva, extolling him again and again.
VR 4.25.37 अनुष्टुप्
हृष्टपुष्टजनाकीर्णा पताकाध्वजशोभिता । बभूव नगरी रम्या क्षिकिन्धा गिरिगह्वरे ॥
hṛṣṭapuṣṭajanākīrṇā patākādhvajaśobhitā | babhūva nagarī ramyā kṣikindhā girigahvare ||
English Translation
The city of Kiskindhā, filled with stoutly built people and adorned with pennons and flags, appeared beautiful in the mountain cave.
VR 4.25.38 वंशस्थम्
निवेद्य रामाय तदा महात्मने; महाभिषेकं कपिवाहिनीपतिः । रुमां च भार्यां प्रतिलभ्य वीर्यवा;नवाप राज्यं त्रिदशाधिपो यथा ॥
nivedya rāmāya tadā mahātmane; mahābhiṣekaṃ kapivāhinīpatiḥ | rumāṃ ca bhāryāṃ pratilabhya vīryavā;navāpa rājyaṃ tridaśādhipo yathā ||
English Translation
Communicating to the high-souled Rāma the news of installation the highly powerful lord of monkey hosts (Sugrīva) getting back his wife Rumā, regained the kingdom like to the lord of celestials.
← Previous (Ch. 282) Full Table of Contents Next (Ch. 284) →