Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 16

Kiṣkindhākāṇḍa Sarga 16

किष्किन्धाकाण्डम् • सर्गः 16

Kiṣkindhākāṇḍa Sarga 16 of the classical Vālmīki Rāmāyaṇa with 27 verses.

Total: 27 Verses • Citations: VR 4.16.1–27 • 175 Lexicon Terms
VR 4.16.1 अनुष्टुप्
तामेवं ब्रुवतीं तारां ताराधिपनिभाननाम् । वाली निर्भर्त्सयामास वचनं चेदमब्रवीत् ॥
tāmevaṃ bruvatīṃ tārāṃ tārādhipanibhānanām | vālī nirbhartsayāmāsa vacanaṃ cedamabravīt ||
English Translation
After Tārā, having a moon-like countenance, had spoken thus, Vāli, remonstrated with her and said.
VR 4.16.2 अनुष्टुप्
गर्जतोऽस्य च संरम्भं भ्रातुः शत्रोर्विशेषतः । मर्षयिष्याम्यहं केन कारणेन वरानने ॥
garjato'sya ca saṃrambhaṃ bhrātuḥ śatrorviśeṣataḥ | marṣayiṣyāmyahaṃ kena kāraṇena varānane ||
English Translation
O you of exquisite loveliness, my brother, and specially my enemy, is roaring lowly and haughtily-and how shall I put up with it?
VR 4.16.3 अनुष्टुप्
अधर्षितानां शूराणां समरेष्वनिवर्तिनाम् । धर्षणामर्षणं भीरु मरणादतिरिच्यते ॥
adharṣitānāṃ śūrāṇāṃ samareṣvanivartinām | dharṣaṇāmarṣaṇaṃ bhīru maraṇādatiricyate ||
English Translation
O timid damsel, heroes, who have never been defeated and have never fled away from the battle field, had rather meet with death than put up with this ignominy.
VR 4.16.4 अनुष्टुप्
सोढुं न च समर्थोऽहं युद्धकामस्य संयुगे । सुग्रीवस्य च संरम्भं हीनग्रीवस्य गर्जतः ॥
soḍhuṃ na ca samartho'haṃ yuddhakāmasya saṃyuge | sugrīvasya ca saṃrambhaṃ hīnagrīvasya garjataḥ ||
English Translation
I am incapable of bearing this proud uproar of Sugrīva, having a defective neck and desirous of entering into conflict with me.
VR 4.16.5 अनुष्टुप्
न च कार्यो विषादस्ते राघवं प्रति मत्कृते । धर्मज्ञश्च कृतज्ञश्च कथं पापं करिष्यति ॥
na ca kāryo viṣādaste rāghavaṃ prati matkṛte | dharmajñaśca kṛtajñaśca kathaṃ pāpaṃ kariṣyati ||
English Translation
Fearing danger from Rāghava, you needst not entertain any anxiety on my account. Why shall that virtuous-souled and grateful Rāma perpetrate iniquity?
VR 4.16.6 अनुष्टुप्
निवर्तस्व सह स्त्रीभिः कथं भूयोऽनुगच्छसि । सौहृदं दर्शितं तारे मयि भक्तिः कृता त्वया ॥
nivartasva saha strībhiḥ kathaṃ bhūyo'nugacchasi | sauhṛdaṃ darśitaṃ tāre mayi bhaktiḥ kṛtā tvayā ||
English Translation
'Go back with all the women of the harem. Why do you follow me again? Your devotion towards me is evident from the sincere concern expressed by you.
VR 4.16.7 अनुष्टुप्
प्रतियोत्स्याम्यहं गत्वा सुग्रीवं जहि संभ्रमम् । दर्पं चास्य विनेष्यामि न च प्राणैर्विमोक्ष्यते ॥
pratiyotsyāmyahaṃ gatvā sugrīvaṃ jahi saṃbhramam | darpaṃ cāsya vineṣyāmi na ca prāṇairvimokṣyate ||
English Translation
Do you therefore return with my other wives. Why do you follow me again? You have already shown your friendship and respect for me. I shall repairing thither, only fight with Sugrīva. I shall crush down his pride and not destroy him.
VR 4.16.8 अनुष्टुप्
शापितासि मम प्राणैर्निवर्तस्व जयेन च । अहं जित्वा निवर्तिष्ये तमलं भ्रातरं रणे ॥
śāpitāsi mama prāṇairnivartasva jayena ca | ahaṃ jitvā nivartiṣye tamalaṃ bhrātaraṃ raṇe ||
English Translation
By my life, do you go back with the other members of my household, I shall only return after bringing about the discomfiture of my brother in the battle.
VR 4.16.9 अनुष्टुप्
तं तु तारा परिष्वज्य वालिनं प्रियवादिनी । चकार रुदती मन्दं दक्षिणा सा प्रदक्षिणम् ॥
taṃ tu tārā pariṣvajya vālinaṃ priyavādinī | cakāra rudatī mandaṃ dakṣiṇā sā pradakṣiṇam ||
English Translation
Thereupon, Tārā, dextrous and of sweet accents, embracing Väli, went round him, with tears trickling from her eyes.
VR 4.16.10 अनुष्टुप्
ततः स्वस्त्ययनं कृत्वा मन्त्रवद्विजयैषिणी । अन्तःपुरं सह स्त्रीभिः प्रविष्टा शोकमोहिता ॥
tataḥ svastyayanaṃ kṛtvā mantravadvijayaiṣiṇī | antaḥpuraṃ saha strībhiḥ praviṣṭā śokamohitā ||
English Translation
Having performed Sastayana or the ceremony of benediction, that one gifted with a knowledge of Mantras, and desirous of Vāli's success, went, overwhelmed with grief, to the inner-apartment in the company of other females.
VR 4.16.11 अनुष्टुप्
प्रविष्टायां तु तारायां सह स्त्रीभिः स्वमालयम् । नगरान्निर्ययौ क्रुद्धो महासर्प इव श्वसन् ॥
praviṣṭāyāṃ tu tārāyāṃ saha strībhiḥ svamālayam | nagarānniryayau kruddho mahāsarpa iva śvasan ||
English Translation
After Tārā had departed to her own quarters with her female companions, he issued out of the city sighing like an enraged serpent.
VR 4.16.12 अनुष्टुप्
स निःश्वस्य महावेगो वाली परमरोषणः । सर्वतश्चारयन्दृष्टिं शत्रुदर्शनकाङ्क्षया ॥
sa niḥśvasya mahāvego vālī paramaroṣaṇaḥ | sarvataścārayandṛṣṭiṃ śatrudarśanakāṅkṣayā ||
English Translation
And the quick-paced Vali, exceedingly wroth, sighing, cast his looks around with a view to behold his enemy.
VR 4.16.13 अनुष्टुप्
स ददर्श ततः श्रीमान्सुग्रीवं हेमपिङ्गलम् । सुसंवीतमवष्टब्धं दीप्यमानमिवानलम् ॥
sa dadarśa tataḥ śrīmānsugrīvaṃ hemapiṅgalam | susaṃvītamavaṣṭabdhaṃ dīpyamānamivānalam ||
English Translation
And that highly effulgent one espied Sugrīva, having a golden yellow hue, tightly clothed, standing firm on the earth and shining like to burning gold.
VR 4.16.14 अनुष्टुप्
स तं दृष्ट्वा महावीर्यं सुग्रीवं पर्यवस्थितम् । गाढं परिदधे वासो वाली परमरोषणः ॥
sa taṃ dṛṣṭvā mahāvīryaṃ sugrīvaṃ paryavasthitam | gāḍhaṃ paridadhe vāso vālī paramaroṣaṇaḥ ||
English Translation
And beholding Sugrīva stationed thus, the greatly enraged Vāli, of mighty arms, put on his clothes tightly well.
VR 4.16.15 अनुष्टुप्
स वाली गाढसंवीतो मुष्टिमुद्यम्य वीर्यवान् । सुग्रीवमेवाभिमुखो ययौ योद्धुं कृतक्षणः ॥
sa vālī gāḍhasaṃvīto muṣṭimudyamya vīryavān | sugrīvamevābhimukho yayau yoddhuṃ kṛtakṣaṇaḥ ||
English Translation
Highly powerful and closely habited, he, clinching his fists, proceeded towards Sugriva, and waited for the action.
VR 4.16.16 अनुष्टुप्
श्लिष्टमुष्टिं समुद्यम्य संरब्धतरमागतः । सुग्रीवोऽपि समुद्दिश्य वालिनं हेममालिनम् ॥
śliṣṭamuṣṭiṃ samudyamya saṃrabdhataramāgataḥ | sugrīvo'pi samuddiśya vālinaṃ hemamālinam ||
English Translation
Sugrīva too, clinching his fist and exceedingly wroth, proceeded towards Vāli, wearing a golden garland.
VR 4.16.17 अनुष्टुप्
तं वाली क्रोधताम्राक्षः सुग्रीवं रणपण्डितम् । आपतन्तं महावेगमिदं वचनमब्रवीत् ॥
taṃ vālī krodhatāmrākṣaḥ sugrīvaṃ raṇapaṇḍitam | āpatantaṃ mahāvegamidaṃ vacanamabravīt ||
English Translation
And beholding Sugrīva, adept in warfare having his eyes reddened with ire, advance quickly, Vāli spoke.
VR 4.16.18 अनुष्टुप्
एष मुष्टिर्मया बद्धो गाढः सुनिहिताङ्गुलिः । मया वेगविमुक्तस्ते प्राणानादाय यास्यति ॥
eṣa muṣṭirmayā baddho gāḍhaḥ sunihitāṅguliḥ | mayā vegavimuktaste prāṇānādāya yāsyati ||
English Translation
Behold, I have clinched this terrible fist, arranging close my fingers; and one blow from me will take away your life.
VR 4.16.19 अनुष्टुप्
एवमुक्तस्तु सुग्रीवः क्रुद्धो वालिनमब्रवीत् । तवैव च हरन्प्राणान्मुष्टिः पततु मूर्धनि ॥
evamuktastu sugrīvaḥ kruddho vālinamabravīt | tavaiva ca haranprāṇānmuṣṭiḥ patatu mūrdhani ||
English Translation
Being accosted thus by Vāli, Sugrīva, exercised with wrath, spoke to him, saying,—This my fist shall strike you on your head taking away your life.
VR 4.16.20 अनुष्टुप्
ताडितस्तेन संक्रुद्धः समभिक्रम्य वेगतः । अभवच्छोणितोद्गारी सोत्पीड इव पर्वतः ॥
tāḍitastena saṃkruddhaḥ samabhikramya vegataḥ | abhavacchoṇitodgārī sotpīḍa iva parvataḥ ||
English Translation
Thereupon being struck by Vāli, waxing worth and approaching him quickly he began to vomit out gore like to a mountain having springs.
VR 4.16.21 अनुष्टुप्
सुग्रीवेण तु निःसंगं सालमुत्पाट्य तेजसा । गात्रेष्वभिहतो वाली वज्रेणेव महागिरिः ॥
sugrīveṇa tu niḥsaṃgaṃ sālamutpāṭya tejasā | gātreṣvabhihato vālī vajreṇeva mahāgiriḥ ||
English Translation
And Vāli too was struck down by Sugrīva, fearlessly taking up a Sāla tree, like to a mountain clapped by a thunderbolt.
VR 4.16.22 अनुष्टुप्
स तु वाली प्रचरितः सालताडनविह्वलः । गुरुभारसमाक्रान्ता सागरे नौरिवाभवत् ॥
sa tu vālī pracaritaḥ sālatāḍanavihvalaḥ | gurubhārasamākrāntā sāgare naurivābhavat ||
English Translation
Being thus smitten by the tree and overwhelmed with the strike of Sāla he was troubled like to a heavily laden boat in the midst of an ocean.
VR 4.16.23 अनुष्टुप्
तौ भीमबलविक्रान्तौ सुपर्णसमवेगिनौ । प्रवृद्धौ घोरवपुषौ चन्द्रसूर्याविवाम्बरे ॥
tau bhīmabalavikrāntau suparṇasamaveginau | pravṛddhau ghoravapuṣau candrasūryāvivāmbare ||
English Translation
And these (two brothers) gifted with mighty strength and prowess and motion of Suparna, and having huge persons fought with each other like to the Sun and Moon on the sky.
VR 4.16.24 अनुष्टुप्
वालिना भग्नदर्पस्तु सुग्रीवो मन्दविक्रमः । वालिनं प्रति सामर्षो दर्शयामास लाघवम् ॥
vālinā bhagnadarpastu sugrīvo mandavikramaḥ | vālinaṃ prati sāmarṣo darśayāmāsa lāghavam ||
English Translation
And having his pride crushed down by Väli and strength greatly reduced, Sugrīva in anger pointed him out to Rāma.
VR 4.16.25 अनुष्टुप्
ततो धनुषि संधाय शरमाशीविषोपमम् । राघवेण महाबाणो वालिवक्षसि पातितः ॥
tato dhanuṣi saṃdhāya śaramāśīviṣopamam | rāghaveṇa mahābāṇo vālivakṣasi pātitaḥ ||
English Translation
Rama then fixed an arrow which resembled a venomous snake, on to his bow looking like the very deathwheel of Yama and stretched it fully.
VR 4.16.26 अनुष्टुप्
वेगेनाभिहतो वाली निपपात महीतले ॥
vegenābhihato vālī nipapāta mahītale ||
English Translation
Then the powerful monkey king Vali, who was proud of his might, fell down on earth, struck by the fast flying arrow.
VR 4.16.27 वंशस्थम्
अथोक्षितः शोणिततोयविस्रवैः; सुपुष्पिताशोक इवानिलोद्धतः । विचेतनो वासवसूनुराहवे; प्रभ्रंशितेन्द्रध्वजवत्क्षितिं गतः ॥
athokṣitaḥ śoṇitatoyavisravaiḥ; supuṣpitāśoka ivāniloddhataḥ | vicetano vāsavasūnurāhave; prabhraṃśitendradhvajavatkṣitiṃ gataḥ ||
English Translation
Thereupon being bathed in blood that son of Vasava, fell senseless on the ground, in the conflict like to a blossoming Asoka growing on a hill and Sakra's banner struck down on the earth.
← Previous (Ch. 273) Full Table of Contents Next (Ch. 275) →