Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 30

Bālakāṇḍa Sarga 30

बालकाण्डम् • सर्गः 30

Bālakāṇḍa Sarga 30 of the classical Vālmīki Rāmāyaṇa with 23 verses.

Total: 23 Verses • Citations: VR 1.30.1–23 • 175 Lexicon Terms
VR 1.30.1 अनुष्टुप्
अथ तां रजनीं तत्र कृतार्थौ रामलक्षणौ । ऊषतुर्मुदितौ वीरौ प्रहृष्टेनान्तरात्मना ॥
atha tāṃ rajanīṃ tatra kṛtārthau rāmalakṣaṇau | ūṣaturmuditau vīrau prahṛṣṭenāntarātmanā ||
English Translation
Those heroes, Rāma and Laksmana, their interest secured, with glad hearts passed that night there.
VR 1.30.2 अनुष्टुप्
प्रभातायां तु शर्वर्यां कृतपौर्वाह्णिकक्रियौ । विश्वामित्रमृषींश्चान्यान्सहितावभिजग्मतुः ॥
prabhātāyāṃ tu śarvaryāṃ kṛtapaurvāhṇikakriyau | viśvāmitramṛṣīṃścānyānsahitāvabhijagmatuḥ ||
English Translation
And when the night had passed away and the morning come, they together appeared before the saint, Visvāmitra, and the rest.
VR 1.30.3 अनुष्टुप्
अभिवाद्य मुनिश्रेष्ठं ज्वलन्तमिव पावकम् । ऊचतुर्मधुरोदारं वाक्यं मधुरभाषिणौ ॥
abhivādya muniśreṣṭhaṃ jvalantamiva pāvakam | ūcaturmadhurodāraṃ vākyaṃ madhurabhāṣiṇau ||
English Translation
And having saluted that foremost of ascetics resembling flaming fire, your addressed him in gentle and honied accents.
VR 1.30.4 अनुष्टुप्
इमौ स्वो मुनिशार्दूल किंकरौ समुपस्थितौ । आज्ञापय यथेष्टं वै शासनं करवाव किम् ॥
imau svo muniśārdūla kiṃkarau samupasthitau | ājñāpaya yatheṣṭaṃ vai śāsanaṃ karavāva kim ||
English Translation
These servants of yours, O best of ascetics, have come before you. Do you command, O chief of anchorites, what command of your are we to execute
VR 1.30.5 अनुष्टुप्
एवमुक्ते ततस्ताभ्यां सर्व एव महर्षयः । विश्वामित्रं पुरस्कृत्य रामं वचनमब्रुवन् ॥
evamukte tatastābhyāṃ sarva eva maharṣayaḥ | viśvāmitraṃ puraskṛtya rāmaṃ vacanamabruvan ||
English Translation
Thus addressed by them the Maharșis with Viśvāmitra at their head spoke to Rāma, saying,
VR 1.30.6 अनुष्टुप्
मैथिलस्य नरश्रेष्ठ जनकस्य भविष्यति । यज्ञः परमधर्मिष्ठस्तत्र यास्यामहे वयम् ॥
maithilasya naraśreṣṭha janakasya bhaviṣyati | yajñaḥ paramadharmiṣṭhastatra yāsyāmahe vayam ||
English Translation
A highly meritorious sacrifice, O foremost of men, is to be celebrated by Mithila's lord, Janaka. Thither shall we repair.
VR 1.30.7 अनुष्टुप्
त्वं चैव नरशार्दूल सहास्माभिर्गमिष्यसि । अद्भुतं च धनूरत्नं तत्र त्वं द्रष्टुमर्हसि ॥
tvaṃ caiva naraśārdūla sahāsmābhirgamiṣyasi | adbhutaṃ ca dhanūratnaṃ tatra tvaṃ draṣṭumarhasi ||
English Translation
And you, O tiger among men, men, must accompany us, and there behold a wonderful jewel of a bow.
VR 1.30.8 अनुष्टुप्
तद्धि पूर्वं नरश्रेष्ठ दत्तं सदसि दैवतैः । अप्रमेयबलं घोरं मखे परमभास्वरम् ॥
taddhi pūrvaṃ naraśreṣṭha dattaṃ sadasi daivataiḥ | aprameyabalaṃ ghoraṃ makhe paramabhāsvaram ||
English Translation
And formerly this bow of immeasurable energy, and dreadful, and exceedingly effulgent at the sacrifice, had been conferred in court by the celestials (on king Devarata.)8
VR 1.30.9 अनुष्टुप्
नास्य देवा न गन्धर्वा नासुरा न च राक्षसाः । कर्तुमारोपणं शक्ता न कथंचन मानुषाः ॥
nāsya devā na gandharvā nāsurā na ca rākṣasāḥ | kartumāropaṇaṃ śaktā na kathaṃcana mānuṣāḥ ||
English Translation
And neither gods nor Gandharvas, neither Asuras nor Rākşasas nor men, can fix the string upon it.
VR 1.30.10 अनुष्टुप्
धनुषस्तस्य वीर्यं हि जिज्ञासन्तो महीक्षितः । न शेकुरारोपयितुं राजपुत्रा महाबलाः ॥
dhanuṣastasya vīryaṃ hi jijñāsanto mahīkṣitaḥ | na śekurāropayituṃ rājaputrā mahābalāḥ ||
English Translation
And desirous of being acquainted with the prowess of this bow, many kings and princes came; but they in spite of their mighty strength, failed in stringing it.
VR 1.30.11 अनुष्टुप्
तद्धनुर्नरशार्दूल मैथिलस्य महात्मनः । तत्र द्रक्ष्यसि काकुत्स्थ यज्ञं चाद्भुतदर्शनम् ॥
taddhanurnaraśārdūla maithilasya mahātmanaḥ | tatra drakṣyasi kākutstha yajñaṃ cādbhutadarśanam ||
English Translation
There, O Kākutstha, you will behold that bow belonging to the high-souled king of Mithila, as well as his exceedingly wonderful sacrifice..
VR 1.30.12 अनुष्टुप्
तद्धि यज्ञफलं तेन मैथिलेनोत्तमं धनुः । याचितं नरशार्दूल सुनाभं सर्वदैवतैः ॥
taddhi yajñaphalaṃ tena maithilenottamaṃ dhanuḥ | yācitaṃ naraśārdūla sunābhaṃ sarvadaivataiḥ ||
English Translation
That rare bow, O foremost of men, furnished with an excellent device for griping it, had been solicited by Mithila's lord as the fruit of his sacrifice; and the celestials conferred it upon him.
VR 1.30.13 अनुष्टुप्
एवमुक्त्वा मुनिवरः प्रस्थानमकरोत्तदा । सर्षिसंघः सकाकुत्स्थ आमन्त्र्य वनदेवताः ॥
evamuktvā munivaraḥ prasthānamakarottadā | sarṣisaṃghaḥ sakākutstha āmantrya vanadevatāḥ ||
English Translation
This having been said, that foremost of ascetics, in company with Kākutstha and the saints, departed.
VR 1.30.14 अनुष्टुप्
स्वस्ति वोऽस्तु गमिष्यामि सिद्धः सिद्धाश्रमादहम् । उत्तरे जाह्नवीतीरे हिमवन्तं शिलोच्चयम् ॥
svasti vo'stu gamiṣyāmi siddhaḥ siddhāśramādaham | uttare jāhnavītīre himavantaṃ śiloccayam ||
English Translation
And on the eve of setting out, he addressed the sylvan deities, saying, Luck! I will, with my desire obtained, go from forth this Siddhāśrama to the Himavat mountain on the north of the Jahnavi.
VR 1.30.15 अनुष्टुप्
प्रदक्षिणं ततः कृत्वा सिद्धाश्रममनुत्तमम् । उत्तरां दिशमुद्दिश्य प्रस्थातुमुपचक्रमे ॥
pradakṣiṇaṃ tataḥ kṛtvā siddhāśramamanuttamam | uttarāṃ diśamuddiśya prasthātumupacakrame ||
English Translation
Having said this, that tiger-like ascetic, Kusika's son, along with other anchorets having asceticism for their wealth, set out in a northerly direction.
VR 1.30.16 अनुष्टुप्
तं व्रजन्तं मुनिवरमन्वगादनुसारिणाम् । शकटी शतमात्रं तु प्रयाणे ब्रह्मवादिनाम् ॥
taṃ vrajantaṃ munivaramanvagādanusāriṇām | śakaṭī śatamātraṃ tu prayāṇe brahmavādinām ||
English Translation
And as that best of ascetics proceeded, he was followed by Brāhmaṇas, unholding the Veda, carrying the sacrificial necessaries on an hundred cars.
VR 1.30.17 अनुष्टुप्
मृगपक्षिगणाश्चैव सिद्धाश्रमनिवासिनः । अनुजग्मुर्महात्मानं विश्वामित्रं महामुनिम् ॥
mṛgapakṣigaṇāścaiva siddhāśramanivāsinaḥ | anujagmurmahātmānaṃ viśvāmitraṃ mahāmunim ||
English Translation
And birds and beasts dwelling in Siddhāśrama followed the high-souled Viśvāmitra having asceticism for wealth.
VR 1.30.18 अनुष्टुप्
ते गत्वा दूरमध्वानं लम्बमाने दिवाकरे । वासं चक्रुर्मुनिगणाः शोणाकूले समाहिताः ॥
te gatvā dūramadhvānaṃ lambamāne divākare | vāsaṃ cakrurmunigaṇāḥ śoṇākūle samāhitāḥ ||
English Translation
The sages travelled a long distance and halted on the bank of Sona at sunset.
VR 1.30.19 अनुष्टुप्
तेऽस्तं गते दिनकरे स्नात्वा हुतहुताशनाः । विश्वामित्रं पुरस्कृत्य निषेदुरमितौजसः ॥
te'staṃ gate dinakare snātvā hutahutāśanāḥ | viśvāmitraṃ puraskṛtya niṣeduramitaujasaḥ ||
English Translation
The sages who possessed great splendour bathed and offered oblations to fire at sunset and sat in front of Viswamitra.
VR 1.30.20 अनुष्टुप्
रामोऽपि सहसौमित्रिर्मुनींस्तानभिपूज्य च । अग्रतो निषसादाथ विश्वामित्रस्य धीमतः ॥
rāmo'pi sahasaumitrirmunīṃstānabhipūjya ca | agrato niṣasādātha viśvāmitrasya dhīmataḥ ||
English Translation
Rama together with Lakshmana having offered respectful salutations to the sages, sat in front of the sagacious Viswamitra.
VR 1.30.21 अनुष्टुप्
अथ रामो महातेजा विश्वामित्रं महामुनिम् । पप्रच्छ मुनिशार्दूलं कौतूहलसमन्वितः ॥
atha rāmo mahātejā viśvāmitraṃ mahāmunim | papraccha muniśārdūlaṃ kautūhalasamanvitaḥ ||
English Translation
Thereafter highly lustrous Rama, the best among men, filled with curiosity enquired of the great sage Viswamitra:
VR 1.30.22 अनुष्टुप्
भगवन्को न्वयं देशः समृद्धवनशोभितः । श्रोतुमिच्छामि भद्रं ते वक्तुमर्हसि तत्त्वतः ॥
bhagavanko nvayaṃ deśaḥ samṛddhavanaśobhitaḥ | śrotumicchāmi bhadraṃ te vaktumarhasi tattvataḥ ||
English Translation
Then Rama of exceeding energy, influenced by curiosity, asked that foremost of ascetics, Viśvāmitra, having asceticism for his wealth, saying, 'O worshipful one, what country is this, graced with luxuriant woods? I am desirous of hearing this Good betide you, it behove you to tell me this truly.
VR 1.30.23 अनुष्टुप्
चोदितो रामवाक्येन कथयामास सुव्रतः । तस्य देशस्य निखिलमृषिमध्ये महातपाः ॥
codito rāmavākyena kathayāmāsa suvrataḥ | tasya deśasya nikhilamṛṣimadhye mahātapāḥ ||
English Translation
Thus addressed by Rāma, that one of high austerities and excellent vows began in the midst of the saints to describe the opulence of that region.
← Previous (Ch. 29) Full Table of Contents Next (Ch. 31) →