Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 6

Araṇyakāṇḍa Sarga 6

अरण्यकाण्डम् • सर्गः 6

Araṇyakāṇḍa Sarga 6 of the classical Vālmīki Rāmāyaṇa with 22 verses.

Total: 22 Verses • Citations: VR 3.6.1–22 • 175 Lexicon Terms
VR 3.6.1 अनुष्टुप्
रामस्तु सहितो भ्रात्रा सीतया च परंतपः । सुतीक्ष्णस्याश्रमपदं जगाम सह तैर्द्विजैः ॥
rāmastu sahito bhrātrā sītayā ca paraṃtapaḥ | sutīkṣṇasyāśramapadaṃ jagāma saha tairdvijaiḥ ||
English Translation
And Rāma accompanied by his brother as well as Sītā went to the asylum of Sutīksna in company with the twice-born ones.
VR 3.6.2 अनुष्टुप्
स गत्वा दूरमध्वानं नदीस्तीर्त्व बहूदकाः । ददर्श विपुलं शैलं महामेघमिवोन्नतम् ॥
sa gatvā dūramadhvānaṃ nadīstīrtva bahūdakāḥ | dadarśa vipulaṃ śailaṃ mahāmeghamivonnatam ||
English Translation
And having proceeded far, and crossed many a stream of copious waters, Rāma saw a holy peak towering high like the mighty Meru.
VR 3.6.3 अनुष्टुप्
ततस्तदिक्ष्वाकुवरौ सततं विविधैर्द्रुमैः । काननं तौ विविशतुः सीतया सह राघवौ ॥
tatastadikṣvākuvarau satataṃ vividhairdrumaiḥ | kānanaṃ tau viviśatuḥ sītayā saha rāghavau ||
English Translation
Then those worthy scions of the Ikşvāku race-descendants of Raghu—with Sītā entered the forest ever furnished with various kinds of trees.
VR 3.6.4 अनुष्टुप्
प्रविष्टस्तु वनं घोरं बहुपुष्पफलद्रुमम् । ददर्शाश्रममेकान्ते चीरमालापरिष्कृतम् ॥
praviṣṭastu vanaṃ ghoraṃ bahupuṣpaphaladrumam | dadarśāśramamekānte cīramālāpariṣkṛtam ||
English Translation
And having entered the dense forest abounding in blossoms and fruits and trees, Rāma saw in a recess an asylum glittering with bark and garlands.
VR 3.6.5 अनुष्टुप्
तत्र तापसमासीनं मलपङ्कजटाधरम् । रामः सुतीक्ष्णं विधिवत्तपोवृद्धमभाषत ॥
tatra tāpasamāsīnaṃ malapaṅkajaṭādharam | rāmaḥ sutīkṣṇaṃ vidhivattapovṛddhamabhāṣata ||
English Translation
There Rāma duly addressed an ascetic seated in the lotus-attitude* for warding off evil, even Sutīksna, *The yoya system has many positions for concentrating thought.
VR 3.6.6 अनुष्टुप्
रामोऽहमस्मि भगवन्भवन्तं द्रष्टुमागतः । तन्माभिवद धर्मज्ञ महर्षे सत्यविक्रम ॥
rāmo'hamasmi bhagavanbhavantaṃ draṣṭumāgataḥ | tanmābhivada dharmajña maharṣe satyavikrama ||
English Translation
O you conversant with righteousness, speak to me, O Maharsi, You that have truth for your prowess.
VR 3.6.7 अनुष्टुप्
स निरीक्ष्य ततो वीरं रामं धर्मभृतां वरम् । समाश्लिष्य च बाहुभ्यामिदं वचनमब्रवीत् ॥
sa nirīkṣya tato vīraṃ rāmaṃ dharmabhṛtāṃ varam | samāśliṣya ca bāhubhyāmidaṃ vacanamabravīt ||
English Translation
Thereupon eyeing Rāma keenly, that calm (ascetic)-the foremost of those practising righteousness, embracing him with his arms, said,
VR 3.6.8 अनुष्टुप्
स्वागतं खलु ते वीर राम धर्मभृतां वर । आश्रमोऽयं त्वयाक्रान्तः सनाथ इव साम्प्रतम् ॥
svāgataṃ khalu te vīra rāma dharmabhṛtāṃ vara | āśramo'yaṃ tvayākrāntaḥ sanātha iva sāmpratam ||
English Translation
Welcome, you foremost of the Raghus, O Rāma, you the best of those practising righteousness. This asylum now has been furnished with its master in consequence of your visit.
VR 3.6.9 अनुष्टुप्
प्रतीक्षमाणस्त्वामेव नारोहेऽहं महायशः । देवलोकमितो वीर देहं त्यक्त्वा महीतले ॥
pratīkṣamāṇastvāmeva nārohe'haṃ mahāyaśaḥ | devalokamito vīra dehaṃ tyaktvā mahītale ||
English Translation
O illustrious one, O hero, expecting you, I have not yet ascended heaven, renouncing on earth this body of mine.
VR 3.6.10 उपजातिः
चित्रकूटमुपादाय राज्यभ्रष्टोऽसि मे श्रुतः । इहोपयातः काकुत्स्थो देवराजः शतक्रतुः । सर्वाँल्लोकाञ्जितानाह मम पुण्येन कर्मणा ॥
citrakūṭamupādāya rājyabhraṣṭo'si me śrutaḥ | ihopayātaḥ kākutstho devarājaḥ śatakratuḥ | sarvām̐llokāñjitānāha mama puṇyena karmaṇā ||
English Translation
I had already) heard that, coming to Citrakūta, (you had been staying there), having been deprived of the kingdom. Here came, O Kākutstha, the Sovereign of the celestials of an hundred sacrifices.
VR 3.6.11 अनुष्टुप्
तेषु देवर्षिजुष्टेषु जितेषु तपसा मया । मत्प्रसादात्सभार्यस्त्वं विहरस्व सलक्ष्मणः ॥
teṣu devarṣijuṣṭeṣu jiteṣu tapasā mayā | matprasādātsabhāryastvaṃ viharasva salakṣmaṇaḥ ||
English Translation
Do you, by my grace, in company with your wife and Lakşmaņa, dwell delightfully in those regions won by my asceticism, containing Devarsis.
VR 3.6.12 अनुष्टुप्
तमुग्रतपसं दीप्तं महर्षिं सत्यवादिनम् । प्रत्युवाचात्मवान्रामो ब्रह्माणमिव वासवः ॥
tamugratapasaṃ dīptaṃ maharṣiṃ satyavādinam | pratyuvācātmavānrāmo brahmāṇamiva vāsavaḥ ||
English Translation
Thereupon the self-possessed Rāma answered that blazing and truth-telling Brāhmana of fiery austerities, like Vasava answering Brahma.
VR 3.6.13 अनुष्टुप्
अहमेवाहरिष्यामि स्वयं लोकान्महामुने । आवासं त्वहमिच्छामि प्रदिष्टमिह कानने ॥
ahamevāhariṣyāmi svayaṃ lokānmahāmune | āvāsaṃ tvahamicchāmi pradiṣṭamiha kānane ||
English Translation
O mighty anchorite, I shall acquire all those regions myself. I now wish that you may direct me as to my abode in this forest.
VR 3.6.14 अनुष्टुप्
भवान्सर्वत्र कुशलः सर्वभूतहिते रतः । आख्यातः शरभङ्गेन गौतमेन महात्मना ॥
bhavānsarvatra kuśalaḥ sarvabhūtahite rataḥ | ākhyātaḥ śarabhaṅgena gautamena mahātmanā ||
English Translation
You are possessed of ability in respect of everything, and are (at the same time) engaged in the welfare of all beings, this has been told to me by the high-soulcd Sarabhanga of the Gautama race.
VR 3.6.15 अनुष्टुप्
एवमुक्तस्तु रामेण महर्षिर्लोकविश्रुतः । अब्रवीन्मधुरं वाक्यं हर्षेण महताप्लुतः ॥
evamuktastu rāmeṇa maharṣirlokaviśrutaḥ | abravīnmadhuraṃ vākyaṃ harṣeṇa mahatāplutaḥ ||
English Translation
Thus addressed by Rāma, that Maharşi known over all the worlds, Spoke sweet words in great joy,
VR 3.6.16 अनुष्टुप्
अयमेवाश्रमो राम गुणवान्रम्यतामिह । ऋषिसंघानुचरितः सदा मूलफलैर्युतः ॥
ayamevāśramo rāma guṇavānramyatāmiha | ṛṣisaṃghānucaritaḥ sadā mūlaphalairyutaḥ ||
English Translation
O meritorious Rāma, even this is the asylum (for you). Do you live here pleasantly. It is inhabited by numbers of saints and is always provided with fruits and roots.
VR 3.6.17 अनुष्टुप्
इममाश्रममागम्य मृगसंघा महायशाः । अटित्वा प्रतिगच्छन्ति लोभयित्वाकुतोभयाः ॥
imamāśramamāgamya mṛgasaṃghā mahāyaśāḥ | aṭitvā pratigacchanti lobhayitvākutobhayāḥ ||
English Translation
This forest is haunted by herds of deer that range here without doing harm to any one, although they possess great energy; and go away, having bewitched people (by their beauty).
VR 3.6.18 अनुष्टुप्
तच्छ्रुत्वा वचनं तस्य महर्षेर्लक्ष्मणाग्रजः । उवाच वचनं धीरो विकृष्य सशरं धनुः ॥
tacchrutvā vacanaṃ tasya maharṣerlakṣmaṇāgrajaḥ | uvāca vacanaṃ dhīro vikṛṣya saśaraṃ dhanuḥ ||
English Translation
Save what comes, from these deer, there is no other evil to be encountered here. Hearing those words of the Maharși, the placid elder brother of Lakşınaņa, taking up his bow with the arrow set, said
VR 3.6.19 अनुष्टुप्
तानहं सुमहाभाग मृगसंघान्समागतान् । हन्यां निशितधारेण शरेणाशनिवर्चसा ॥
tānahaṃ sumahābhāga mṛgasaṃghānsamāgatān | hanyāṃ niśitadhāreṇa śareṇāśanivarcasā ||
English Translation
O exalted one, if by means of sharpened shafts blazing like lightning, I slay those herds of deer when they come, it shall impart pain to you, and what can be more unfortunate than this?
VR 3.6.20 अनुष्टुप्
भवांस्तत्राभिषज्येत किं स्यात्कृच्छ्रतरं ततः । एतस्मिन्नाश्रमे वासं चिरं तु न समर्थये ॥
bhavāṃstatrābhiṣajyeta kiṃ syātkṛcchrataraṃ tataḥ | etasminnāśrame vāsaṃ ciraṃ tu na samarthaye ||
English Translation
What can be more agonizing for you (than my killing animals). I (therefore) do not foresee our long stay in this hermitage.
VR 3.6.21 अनुष्टुप्
तमेवमुक्त्वा वरदं रामः संध्यामुपागमत् । अन्वास्य पश्चिमां संध्यां तत्र वासमकल्पयत् ॥
tamevamuktvā varadaṃ rāmaḥ saṃdhyāmupāgamat | anvāsya paścimāṃ saṃdhyāṃ tatra vāsamakalpayat ||
English Translation
Therefore I shall not be able to dwell long in this asylum. Having said this, Rāma ceased and became engaged in his evening adorations, and, having finished them, along with Sīta and Lakşmaņa fixed his quarters in the asylum of Sutiksna.
VR 3.6.22 उपजातिः
ततः शुभं तापसभोज्यमन्नं; स्वयं सुतीक्ष्णः पुरुषर्षभाभ्याम् । ताभ्यां सुसत्कृत्य ददौ महात्मा; संध्यानिवृत्तौ रजनीं समीक्ष्य ॥
tataḥ śubhaṃ tāpasabhojyamannaṃ; svayaṃ sutīkṣṇaḥ puruṣarṣabhābhyām | tābhyāṃ susatkṛtya dadau mahātmā; saṃdhyānivṛttau rajanīṃ samīkṣya ||
English Translation
Then, when the evening had passed away and night fell, Sutiksna, having done homage to those chiefs of men, offered them excellent fare, suitable to ascetics.
← Previous (Ch. 192) Full Table of Contents Next (Ch. 194) →