Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 80

Ayodhyākāṇḍa Sarga 80

अयोध्याकाण्डम् • सर्गः 80

Ayodhyākāṇḍa Sarga 80 of the classical Vālmīki Rāmāyaṇa with 25 verses.

Total: 25 Verses • Citations: VR 2.80.1–25 • 175 Lexicon Terms
VR 2.80.1 अनुष्टुप्
आचचक्षेऽथ सद्भावं लक्ष्मणस्य महात्मनः । भरतायाप्रमेयाय गुहो गहनगोचरः ॥
ācacakṣe'tha sadbhāvaṃ lakṣmaṇasya mahātmanaḥ | bharatāyāprameyāya guho gahanagocaraḥ ||
English Translation
Guha, acquainted with the forest, described to Bharata of immeasurable prowess the regard the high-souled Laksmana bore to Rama.
VR 2.80.2 अनुष्टुप्
तं जाग्रतं गुणैर्युक्तं वरचापेषुधारिणम् । भ्रातृ गुप्त्यर्थमत्यन्तमहं लक्ष्मणमब्रवम् ॥
taṃ jāgrataṃ guṇairyuktaṃ varacāpeṣudhāriṇam | bhrātṛ guptyarthamatyantamahaṃ lakṣmaṇamabravam ||
English Translation
To Lakşmaņa crowned with every virtue, waking up, holding the bow with the arrow fixed on it for the purpose of guarding well his brother.
VR 2.80.3 अनुष्टुप्
इयं तात सुखा शय्या त्वदर्थमुपकल्पिता । प्रत्याश्वसिहि शेष्वास्यां सुखं राघवनन्दन ॥
iyaṃ tāta sukhā śayyā tvadarthamupakalpitā | pratyāśvasihi śeṣvāsyāṃ sukhaṃ rāghavanandana ||
English Translation
This O child, is the easeful bed that has been prepared for you. O prince, do you as you listen, lie down upon it.
VR 2.80.4 अनुष्टुप्
उचितोऽयं जनः सर्वे दुःखानां त्वं सुखोचितः । धर्मात्मंस्तस्य गुप्त्यर्थं जागरिष्यामहे वयम् ॥
ucito'yaṃ janaḥ sarve duḥkhānāṃ tvaṃ sukhocitaḥ | dharmātmaṃstasya guptyarthaṃ jāgariṣyāmahe vayam ||
English Translation
These (foresters) are inured to this hardship; but you are worthy of ease. We will wake up during the night for guarding Kākutstha.
VR 2.80.5 अनुष्टुप्
न हि रामात्प्रियतरो ममास्ति भुवि कश्चन । मोत्सुको भूर्ब्रवीम्येतदप्यसत्यं तवाग्रतः ॥
na hi rāmātpriyataro mamāsti bhuvi kaścana | motsuko bhūrbravīmyetadapyasatyaṃ tavāgrataḥ ||
English Translation
There is none on earth dearer to me than Răma. This I tell you truly and I swear by truth itself.
VR 2.80.6 अनुष्टुप्
अस्य प्रसादादाशंसे लोकेऽस्मिन्सुमहद्यशः । धर्मावाप्तिं च विपुलामर्थावाप्तिं च केवलाम् ॥
asya prasādādāśaṃse loke'sminsumahadyaśaḥ | dharmāvāptiṃ ca vipulāmarthāvāptiṃ ca kevalām ||
English Translation
Through his grace I hope in this world to attain high fame, and great religious merit as well as completely secure profit and pleasure.
VR 2.80.7 अनुष्टुप्
सोऽहं प्रियसखं रामं शयानं सह सीतया । रक्षिष्यामि धनुष्पाणिः सर्वैः स्वैर्ज्ञातिभिः सह ॥
so'haṃ priyasakhaṃ rāmaṃ śayānaṃ saha sītayā | rakṣiṣyāmi dhanuṣpāṇiḥ sarvaiḥ svairjñātibhiḥ saha ||
English Translation
I will bow in hand in company with my kindred adequately guard my dear friend reposing with Sītā.
VR 2.80.8 अनुष्टुप्
न हि मेऽविदितं किंचिद्वनेऽस्मिंश्चरतः सदा । चतुरङ्गं ह्यपि बलं प्रसहेम वयं युधि ॥
na hi me'viditaṃ kiṃcidvane'smiṃścarataḥ sadā | caturaṅgaṃ hyapi balaṃ prasahema vayaṃ yudhi ||
English Translation
Always ranging in this forest, nothing herein is unknown to me. I shall vanquish even any mighty body of fourfold forces (that may come up against us.)
VR 2.80.9 अनुष्टुप्
एवमस्माभिरुक्तेन लक्ष्मणेन महात्मना । अनुनीता वयं सर्वे धर्ममेवानुपश्यता ॥
evamasmābhiruktena lakṣmaṇena mahātmanā | anunītā vayaṃ sarve dharmamevānupaśyatā ||
English Translation
Thus accosted by us, the magnanimous Laks maņa with his gaze ever fixed on virtue, humbly observed.
VR 2.80.10 अनुष्टुप्
कथं दाशरथौ भूमौ शयाने सह सीतया । शक्या निद्रामया लब्धुं जीवितं वा सुखानि वा ॥
kathaṃ dāśarathau bhūmau śayāne saha sītayā | śakyā nidrāmayā labdhuṃ jīvitaṃ vā sukhāni vā ||
English Translation
Thereupon Laksmana said, O sinless one, protected by you ever having your sight fixed on virtue, we do not fear to live in this place. But how with Dasaratha's son lying down on the ground along with Sītă can I indulge in sleep or what is the use of my living and enjoying happiness?
VR 2.80.11 अनुष्टुप्
यो न देवासुरैः सर्वैः शक्यः प्रसहितुं युधि । तं पश्य गुह संविष्टं तृणेषु सह सीतया ॥
yo na devāsuraiḥ sarvaiḥ śakyaḥ prasahituṃ yudhi | taṃ paśya guha saṃviṣṭaṃ tṛṇeṣu saha sītayā ||
English Translation
How see him who is capable of bearing in battle the onslaught of the gods and the Asuras combined, sleeping in a cave on grass?
VR 2.80.12 अनुष्टुप्
महता तपसा लब्धो विविधैश्च परिश्रमैः । एको दशरथस्यैष पुत्रः सदृशलक्षणः ॥
mahatā tapasā labdho vividhaiśca pariśramaiḥ | eko daśarathasyaiṣa putraḥ sadṛśalakṣaṇaḥ ||
English Translation
It is by virtue of mighty austerities and uncommon exertions that Dasaratha has obtained this son of his crowned with every auspicious sign. He being banished, the king shall not live long; and the Earth shall certainly be widowed soon.
VR 2.80.13 अनुष्टुप्
अस्मिन्प्रव्राजिते राजा न चिरं वर्तयिष्यति । विधवा मेदिनी नूनं क्षिप्रमेव भविष्यति ॥
asminpravrājite rājā na ciraṃ vartayiṣyati | vidhavā medinī nūnaṃ kṣiprameva bhaviṣyati ||
English Translation
It is by virtue of mighty austerities and uncommon exertions that Dasaratha has obtained this son of his crowned with every auspicious sign. He being banished, the king shall not live long; and the Earth shall certainly be widowed soon.
VR 2.80.14 अनुष्टुप्
विनद्य सुमहानादं श्रमेणोपरताः स्त्रियः । निर्घोषोपरतं नूनमद्य राजनिवेशनम् ॥
vinadya sumahānādaṃ śrameṇoparatāḥ striyaḥ | nirghoṣoparataṃ nūnamadya rājaniveśanam ||
English Translation
Having bewailed aloud, the women have, methinks, (by this time) ceased through fatigue, and the king's residence is still.
VR 2.80.15 अनुष्टुप्
कौसल्या चैव राजा च तथैव जननी मम । नाशंसे यदि ते सर्वे जीवेयुः शर्वरीमिमाम् ॥
kausalyā caiva rājā ca tathaiva jananī mama | nāśaṃse yadi te sarve jīveyuḥ śarvarīmimām ||
English Translation
I can not hope that Kausalyā, the king, and my mother (Sumitrā) all those are yet alive.
VR 2.80.16 अनुष्टुप्
जीवेदपि हि मे माता शत्रुघ्नस्यान्ववेक्षया । दुःखिता या तु कौसल्या वीरसूर्विनशिष्यति ॥
jīvedapi hi me mātā śatrughnasyānvavekṣayā | duḥkhitā yā tu kausalyā vīrasūrvinaśiṣyati ||
English Translation
If they are, it is for this night only. Even if my mother live looking up to Satrughna, yet this is my grief that that mother of a hero, Kausalyā will breathe her last.
VR 2.80.17 अनुष्टुप्
अतिक्रान्तमतिक्रान्तमनवाप्य मनोरथम् । राज्ये राममनिक्षिप्य पिता मे विनशिष्यति ॥
atikrāntamatikrāntamanavāpya manoratham | rājye rāmamanikṣipya pitā me vinaśiṣyati ||
English Translation
Saying, All is lost, All is lost, with his desire unattained, my father having failed to install Rāma in the kingdom, will resign his existence.
VR 2.80.18 अनुष्टुप्
सिद्धार्थाः पितरं वृत्तं तस्मिन्काले ह्युपस्थिते । प्रेतकार्येषु सर्वेषु संस्करिष्यन्ति भूमिपम् ॥
siddhārthāḥ pitaraṃ vṛttaṃ tasminkāle hyupasthite | pretakāryeṣu sarveṣu saṃskariṣyanti bhūmipam ||
English Translation
Surely they are blessed that when the time shall come when the king will die, will perform the funeral rites of that descendant of Raghu.
VR 2.80.19 अनुष्टुप्
रम्यचत्वरसंस्थानां सुविभक्तमहापथाम् । हर्म्यप्रासादसंपन्नां सर्वरत्नविभूषिताम् ॥
ramyacatvarasaṃsthānāṃ suvibhaktamahāpathām | harmyaprāsādasaṃpannāṃ sarvaratnavibhūṣitām ||
English Translation
Then shall they with happy hearts range the looking terraces, with the highways laid out orderly, crowned with lordly edifices, adorned with various gems, crowded by cars and elephants and horses, resounding with the notes of trumpets, abounding in auspicious things, filled with fat and contented people, having gardens and pleasure-houses, and possessed of divers classed of men indulging festal mirth.
VR 2.80.20 अनुष्टुप्
गजाश्वरथसंबाधां तूर्यनादविनादिताम् । सर्वकल्याणसंपूर्णां हृष्टपुष्टजनाकुलाम् ॥
gajāśvarathasaṃbādhāṃ tūryanādavināditām | sarvakalyāṇasaṃpūrṇāṃ hṛṣṭapuṣṭajanākulām ||
English Translation
Then shall they with happy hearts range the looking terraces, with the highways laid out orderly, crowned with lordly edifices, adorned with various gems, crowded by cars and elephants and horses, resounding with the notes of trumpets, abounding in auspicious things, filled with fat and contented people, having gardens and pleasure-houses, and possessed of divers classed of men indulging festal mirth.
VR 2.80.21 अनुष्टुप्
आरामोद्यानसंपूर्णां समाजोत्सवशालिनीम् । सुखिता विचरिष्यन्ति राजधानीं पितुर्मम ॥
ārāmodyānasaṃpūrṇāṃ samājotsavaśālinīm | sukhitā vicariṣyanti rājadhānīṃ piturmama ||
English Translation
Shall we, on the occasion of Rāma's return, with glad hearts peacefully enter the city in company with that one firm in his promise?
VR 2.80.22 अनुष्टुप्
अपि सत्यप्रतिज्ञेन सार्धं कुशलिना वयम् । निवृत्ते समये ह्यस्मिन्सुखिताः प्रविशेमहि ॥
api satyapratijñena sārdhaṃ kuśalinā vayam | nivṛtte samaye hyasminsukhitāḥ praviśemahi ||
English Translation
If we remain in peace, we shall returning from the forest with that one firm in promise, enter Ayodhyā?
VR 2.80.23 अनुष्टुप्
परिदेवयमानस्य तस्यैवं सुमहात्मनः । तिष्ठतो राजपुत्रस्य शर्वरी सात्यवर्तत ॥
paridevayamānasya tasyaivaṃ sumahātmanaḥ | tiṣṭhato rājaputrasya śarvarī sātyavartata ||
English Translation
As the high-souled son of the king oppressed with grief was thus lamenting sitting up, the day broke.
VR 2.80.24 अनुष्टुप्
प्रभाते विमले सूर्ये कारयित्वा जटा उभौ । अस्मिन्भागीरथीतीरे सुखं संतारितौ मया ॥
prabhāte vimale sūrye kārayitvā jaṭā ubhau | asminbhāgīrathītīre sukhaṃ saṃtāritau mayā ||
English Translation
In the morning, with an unclouded sun, both, having made matted locks on the banks of the Bhāgīrathi, crossed the river along with me.
VR 2.80.25 वंशस्थम्
जटाधरौ तौ द्रुमचीरवाससौ; महाबलौ कुञ्जरयूथपोपमौ । वरेषुचापासिधरौ परंतपौ; व्यवेक्षमाणौ सह सीतया गतौ ॥
jaṭādharau tau drumacīravāsasau; mahābalau kuñjarayūthapopamau | vareṣucāpāsidharau paraṃtapau; vyavekṣamāṇau saha sītayā gatau ||
English Translation
Wearing matted locks and clad in barks of trees, those persons possessed of mighty strength, like to leaders of elephant-herds, equipped with excellent arrows and quivers and bows, those repressors of foes, expecting (their return form exile), departed with Sītā.
← Previous (Ch. 155) Full Table of Contents Next (Ch. 157) →