Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 22

Ayodhyākāṇḍa Sarga 22

अयोध्याकाण्डम् • सर्गः 22

Ayodhyākāṇḍa Sarga 22 of the classical Vālmīki Rāmāyaṇa with 20 verses.

Total: 20 Verses • Citations: VR 2.22.1–20 • 175 Lexicon Terms
VR 2.22.1 अनुष्टुप्
सापनीय तमायासमुपस्पृश्य जलं शुचि । चकार माता रामस्य मङ्गलानि मनस्विनी ॥
sāpanīya tamāyāsamupaspṛśya jalaṃ śuci | cakāra mātā rāmasya maṅgalāni manasvinī ||
English Translation
Kausalyā subduing her sorrow, and touching holy water, began to perform auspicious ceremonies for Rāma, and spoke to him saying Do you, Oh best amongst the descendants of Raghu, repair now, as I cannot dissuade you, but do you return speedily and, follow the footsteps of great ones.
VR 2.22.2 अनुष्टुप्
स्वस्ति साध्याश्च विश्वे च मरुतश्च महर्षयः । स्वस्ति धाता विधाता च स्वस्ति पूषा भगोऽर्यमा ॥
svasti sādhyāśca viśve ca marutaśca maharṣayaḥ | svasti dhātā vidhātā ca svasti pūṣā bhago'ryamā ||
English Translation
May all gods known as Sadhyas, Visvedevatas, Maruts, great ascetics, the sustainer (Virat Purusha), the preserver of creation (lord Brahma), Sun, Bhaga, Aryama, and all other important guardians of the world headed by Indra bestow their blessings on you
VR 2.22.3 अनुष्टुप्
ऋतवश्चैव पक्षाश्च मासाः संवत्सराः क्षपाः । दिनानि च मुहूर्ताश्च स्वस्ति कुर्वन्तु ते सदा ॥
ṛtavaścaiva pakṣāśca māsāḥ saṃvatsarāḥ kṣapāḥ | dināni ca muhūrtāśca svasti kurvantu te sadā ||
English Translation
May the six seasons, years, months, fortnights, nights, days and moments bring good to you
VR 2.22.4 अनुष्टुप्
स्मृतिर्धृतिश्च धर्मश्च पान्तु त्वां पुत्र सर्वतः । स्कन्दश्च भगवान्देवः सोमश्च सबृहस्पतिः ॥
smṛtirdhṛtiśca dharmaśca pāntu tvāṃ putra sarvataḥ | skandaśca bhagavāndevaḥ somaśca sabṛhaspatiḥ ||
English Translation
O my son may Smriti, Dhriti and Dharma always guard you. May divine personages and gods, Skanda, Soma, Brihaspati, the seven rishis and Narada protect you at all times
VR 2.22.5 उपजातिः
सप्तर्षयो नारदश्च ते त्वां रक्षन्तु सर्वतः । नक्षत्राणि च सर्वाणि ग्रहाश्च सहदेवताः । महावनानि चरतो मुनिवेषस्य धीमतः ॥
saptarṣayo nāradaśca te tvāṃ rakṣantu sarvataḥ | nakṣatrāṇi ca sarvāṇi grahāśca sahadevatāḥ | mahāvanāni carato muniveṣasya dhīmataḥ ||
VR 2.22.6 अनुष्टुप्
प्लवगा वृश्चिका दंशा मशकाश्चैव कानने । सरीसृपाश्च कीटाश्च मा भूवन्गहने तव ॥
plavagā vṛścikā daṃśā maśakāścaiva kānane | sarīsṛpāśca kīṭāśca mā bhūvangahane tava ||
English Translation
May monkeys, scorpions, wild gnats, mosquitoes, reptiles and insects in that inaccessible forest not trouble you
VR 2.22.7 अनुष्टुप्
महाद्विपाश्च सिंहाश्च व्याघ्रा ऋक्षाश्च दंष्ट्रिणः । महिषाः शृङ्गिणो रौद्रा न ते द्रुह्यन्तु पुत्रक ॥
mahādvipāśca siṃhāśca vyāghrā ṛkṣāśca daṃṣṭriṇaḥ | mahiṣāḥ śṛṅgiṇo raudrā na te druhyantu putraka ||
English Translation
May the apes, scorpions, wild gnats, reptiles and insects make you no harm; may not the elephants, tigers, terrible looking bears, hogs, buffaloes and other horned animals hurt you.
VR 2.22.8 अनुष्टुप्
नृमांसभोजना रौद्रा ये चान्ये सत्त्वजातयः । मा च त्वां हिंसिषुः पुत्र मया संपूजितास्त्विह ॥
nṛmāṃsabhojanā raudrā ye cānye sattvajātayaḥ | mā ca tvāṃ hiṃsiṣuḥ putra mayā saṃpūjitāstviha ||
English Translation
Being worshipped by me from here may the ferocious cannibal races of all kind bring you no injury.
VR 2.22.9 अनुष्टुप्
आगमास्ते शिवाः सन्तु सिध्यन्तु च पराक्रमाः । सर्वसंपत्तयो राम स्वस्तिमान्गच्छ पुत्रक ॥
āgamāste śivāḥ santu sidhyantu ca parākramāḥ | sarvasaṃpattayo rāma svastimāngaccha putraka ||
English Translation
May your course be crowned with auspiciousness and your powers with success.
VR 2.22.10 अनुष्टुप्
स्वस्ति तेऽस्त्वान्तरिक्षेभ्यः पार्थिवेभ्यः पुनः पुनः । सर्वेभ्यश्चैव देवेभ्यो ये च ते परिपन्थिनः ॥
svasti te'stvāntarikṣebhyaḥ pārthivebhyaḥ punaḥ punaḥ | sarvebhyaścaiva devebhyo ye ca te paripanthinaḥ ||
English Translation
Do you, oh my son, repair to the forest, being profusely provided with fruits, roots and other things. May all the creatures of the sky, all those who breathe on this Earth, and all those deities who are hostile to you, contribute to your welfare.
VR 2.22.11 अनुष्टुप्
सर्वलोकप्रभुर्ब्रह्मा भूतभर्ता तथर्षयः । ये च शेषाः सुरास्ते त्वां रक्षन्तु वनवासिनम् ॥
sarvalokaprabhurbrahmā bhūtabhartā tatharṣayaḥ | ye ca śeṣāḥ surāste tvāṃ rakṣantu vanavāsinam ||
English Translation
May the lord of creation, Rșis and all the remaining deities defend you when dwelling in the forest.
VR 2.22.12 अनुष्टुप्
इति माल्यैः सुरगणान्गन्धैश्चापि यशस्विनी । स्तुतिभिश्चानुरूपाभिरानर्चायतलोचना ॥
iti mālyaiḥ suragaṇāngandhaiścāpi yaśasvinī | stutibhiścānurūpābhirānarcāyatalocanā ||
English Translation
Thus illustrious, largeeyed Kausalya worshipped hosts of gods by offering them garlands and fragrant substances with appropriate prayers.
VR 2.22.13 अनुष्टुप्
यन्मङ्गलं सहस्राक्षे सर्वदेवनमस्कृते । वृत्रनाशे समभवत्तत्ते भवतु मङ्गलम् ॥
yanmaṅgalaṃ sahasrākṣe sarvadevanamaskṛte | vṛtranāśe samabhavattatte bhavatu maṅgalam ||
English Translation
May that blessing crown you, which was attained by the thousand eyed Indra, honoured of all the deities on the occasion of killing the mighty Asura Vſtra.
VR 2.22.14 अनुष्टुप्
यन्मङ्गलं सुपर्णस्य विनताकल्पयत्पुरा । अमृतं प्रार्थयानस्य तत्ते भवतु मङ्गलम् ॥
yanmaṅgalaṃ suparṇasya vinatākalpayatpurā | amṛtaṃ prārthayānasya tatte bhavatu maṅgalam ||
English Translation
May that blessing attend you, which was invoked in olden times by Vinatā, for that king of birds Garuda, praying for nectar.
VR 2.22.15 अनुष्टुप्
ओषधीं चापि सिद्धार्थां विशल्यकरणीं शुभाम् । चकार रक्षां कौसल्या मन्त्रैरभिजजाप च ॥
oṣadhīṃ cāpi siddhārthāṃ viśalyakaraṇīṃ śubhām | cakāra rakṣāṃ kausalyā mantrairabhijajāpa ca ||
English Translation
Saying this Kausalyā, the foremost of all women, having expansive eyes, placed the grains on Rāma's head; sprinkled his body with fragrant substances, and tied to his hands, as amulet, twigs of such auspicious plants as Viśalyakaraṇī, with due mental repetition of mantras.
VR 2.22.16 अनुष्टुप्
आनम्य मूर्ध्नि चाघ्राय परिष्वज्य यशस्विनी । अवदत्पुत्र सिद्धार्थो गच्छ राम यथासुखम् ॥
ānamya mūrdhni cāghrāya pariṣvajya yaśasvinī | avadatputra siddhārtho gaccha rāma yathāsukham ||
English Translation
Illustrious Kausalya embraced Rama, bending his head down and smelt his forehead. And then said O Rama go in peace and come back after accomplishing the objective.
VR 2.22.17 अनुष्टुप्
अरोगं सर्वसिद्धार्थमयोध्यां पुनरागतम् । पश्यामि त्वां सुखं वत्स सुस्थितं राजवेश्मनि ॥
arogaṃ sarvasiddhārthamayodhyāṃ punarāgatam | paśyāmi tvāṃ sukhaṃ vatsa susthitaṃ rājaveśmani ||
English Translation
O my son I shall be happy to behold you back in Ayodhya in sound health successful in your objectives and firmly established in the kingdom.
VR 2.22.18 वंशस्थम्
मयार्चिता देवगणाः शिवादयो; महर्षयो भूतमहासुरोरगाः । अभिप्रयातस्य वनं चिराय ते; हितानि काङ्क्षन्तु दिशश्च राघव ॥
mayārcitā devagaṇāḥ śivādayo; maharṣayo bhūtamahāsuroragāḥ | abhiprayātasya vanaṃ cirāya te; hitāni kāṅkṣantu diśaśca rāghava ||
English Translation
Worshipped have I deities headed by Siva and others, the great ascetics, the Bhūtagaņas and the snakes; may they all and the four cardinal points, Oh Rāghava, contribute to your welfare, who are going to the forest for a long time.
VR 2.22.19 वंशस्थम्
इतीव चाश्रुप्रतिपूर्णलोचना; समाप्य च स्वस्त्ययनं यथाविधि । प्रदक्षिणं चैव चकार राघवं; पुनः पुनश्चापि निपीड्य सस्वजे ॥
itīva cāśrupratipūrṇalocanā; samāpya ca svastyayanaṃ yathāvidhi | pradakṣiṇaṃ caiva cakāra rāghavaṃ; punaḥ punaścāpi nipīḍya sasvaje ||
English Translation
Kausalya, having her eyes full of tears, and performing the benedictory ceremonies with due rites, went round Rāghava with solemnity, and seeing him again and again sighed hot and hard.
VR 2.22.20 वंशस्थम्
तथा तु देव्या स कृतप्रदक्षिणो; निपीड्य मातुश्चरणौ पुनः पुनः । जगाम सीतानिलयं महायशाः; स राघवः प्रज्वलितः स्वया श्रिया ॥
tathā tu devyā sa kṛtapradakṣiṇo; nipīḍya mātuścaraṇau punaḥ punaḥ | jagāma sītānilayaṃ mahāyaśāḥ; sa rāghavaḥ prajvalitaḥ svayā śriyā ||
English Translation
Being gone round by his mother thus, Rāghava, of great lame, and resplendent with the splendour of beauty, proceeded towards the abode of Sītā, after bowing down to the feet of his mother repeatedly.
← Previous (Ch. 97) Full Table of Contents Next (Ch. 99) →