Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 9

Ayodhyākāṇḍa Sarga 9

अयोध्याकाण्डम् • सर्गः 9

Ayodhyākāṇḍa Sarga 9 of the classical Vālmīki Rāmāyaṇa with 47 verses.

Total: 47 Verses • Citations: VR 2.9.1–47 • 175 Lexicon Terms • Page 2 of 2 (Verses 17 shown)
VR 2.9.31 अनुष्टुप्
उरस्तेऽभिनिविष्टं वै यावत्स्कन्धात्समुन्नतम् । अधस्ताच्चोदरं शान्तं सुनाभमिव लज्जितम् ॥
uraste'bhiniviṣṭaṃ vai yāvatskandhātsamunnatam | adhastāccodaraṃ śāntaṃ sunābhamiva lajjitam ||
English Translation
Your breasts are thick and are as high as your shoulders. Beneath them lies your belly with its beautiful navel (waist) looking slender as if out of bashfulness.
VR 2.9.32 अनुष्टुप्
जघनं तव निर्घुष्टं रशनादामशोभितम् । जङ्घे भृशमुपन्यस्ते पादौ चाप्यायतावुभौ ॥
jaghanaṃ tava nirghuṣṭaṃ raśanādāmaśobhitam | jaṅghe bhṛśamupanyaste pādau cāpyāyatāvubhau ||
English Translation
Your hips, glitter with the jingling girdle. Strong are the calfs of your legs and long are your feet.
VR 2.9.33 अनुष्टुप्
त्वमायताभ्यां सक्थिभ्यां मन्थरे क्षौमवासिनि । अग्रतो मम गच्छन्ती राजहंसीव राजसे ॥
tvamāyatābhyāṃ sakthibhyāṃ manthare kṣaumavāsini | agrato mama gacchantī rājahaṃsīva rājase ||
English Translation
O Manthara when clad in silk garment you walk in front of me with your heavy thighs, you look like a female royal swan.
VR 2.9.34 अनुष्टुप्
तवेदं स्थगु यद्दीर्घं रथघोणमिवायतम् । मतयः क्षत्रविद्याश्च मायाश्चात्र वसन्ति ते ॥
tavedaṃ sthagu yaddīrghaṃ rathaghoṇamivāyatam | matayaḥ kṣatravidyāśca māyāścātra vasanti te ||
English Translation
Your clever thoughts, magic powers and also the skills of kshatriyas are stored in your huge hump which is as wide as the hub of a chariot wheel.
VR 2.9.35 अनुष्टुप्
अत्र ते प्रतिमोक्ष्यामि मालां कुब्जे हिरण्मयीम् । अभिषिक्ते च भरते राघवे च वनं गते ॥
atra te pratimokṣyāmi mālāṃ kubje hiraṇmayīm | abhiṣikte ca bharate rāghave ca vanaṃ gate ||
English Translation
O hunchback, with Rama gone to the forest and Bharata consecrated, I shall drape this hump with a golden garland.
VR 2.9.36 अनुष्टुप्
जात्येन च सुवर्णेन सुनिष्टप्तेन सुन्दरि । लब्धार्था च प्रतीता च लेपयिष्यामि ते स्थगु ॥
jātyena ca suvarṇena suniṣṭaptena sundari | labdhārthā ca pratītā ca lepayiṣyāmi te sthagu ||
English Translation
O Manthara, when my objective is accomplished and I am fully satisfied, I will smear your hump with the best of refined liquid gold.
VR 2.9.37 अनुष्टुप्
मुखे च तिलकं चित्रं जातरूपमयं शुभम् । कारयिष्यामि ते कुब्जे शुभान्याभरणानि च ॥
mukhe ca tilakaṃ citraṃ jātarūpamayaṃ śubham | kārayiṣyāmi te kubje śubhānyābharaṇāni ca ||
English Translation
O Manthara, I shall get a tilaka made of gold for your auspicious, lovely face and shall also order exquisite ornaments (for you).
VR 2.9.38 उपजातिः
परिधाय शुभे वस्त्रे देवतेव चरिष्यसि । चन्द्रमाह्वयमानेन मुखेनाप्रतिमानना । गमिष्यसि गतिं मुख्यां गर्वयन्ती द्विषज्जनम् ॥
paridhāya śubhe vastre devateva cariṣyasi | candramāhvayamānena mukhenāpratimānanā | gamiṣyasi gatiṃ mukhyāṃ garvayantī dviṣajjanam ||
English Translation
You shall move about wearing lovely garments like a goddess. With a peerless countenance, as if challenging the Moon and feeling proud, you will attain a state of eminence amidst your enemies.
VR 2.9.39 अनुष्टुप्
तवापि कुब्जाः कुब्जायाः सर्वाभरणभूषिताः । पादौ परिचरिष्यन्ति यथैव त्वं सदा मम ॥
tavāpi kubjāḥ kubjāyāḥ sarvābharaṇabhūṣitāḥ | pādau paricariṣyanti yathaiva tvaṃ sadā mama ||
English Translation
Other hunchbacks adorned with all sorts of ornament shall also serve you in the same manner as you are serving me.
VR 2.9.40 अनुष्टुप्
इति प्रशस्यमाना सा कैकेयीमिदमब्रवीत् । शयानां शयने शुभ्रे वेद्यामग्निशिखामिव ॥
iti praśasyamānā sā kaikeyīmidamabravīt | śayānāṃ śayane śubhre vedyāmagniśikhāmiva ||
English Translation
Flattered in this manner, Manthara addressed Kaikeyi who was lying on a white couch and looking like a flaming fire on the sacrificial altar:
VR 2.9.41 अनुष्टुप्
गतोदके सेतुबन्धो न कल्याणि विधीयते । उत्तिष्ठ कुरु कल्याणं राजानमनुदर्शय ॥
gatodake setubandho na kalyāṇi vidhīyate | uttiṣṭha kuru kalyāṇaṃ rājānamanudarśaya ||
English Translation
O fortunate one construction of a dike is not undertaken after the water has flowed down. Act before the king to the best of your interest.
VR 2.9.42 अनुष्टुप्
तथा प्रोत्साहिता देवी गत्वा मन्थरया सह । क्रोधागारं विशालाक्षी सौभाग्यमदगर्विता ॥
tathā protsāhitā devī gatvā mantharayā saha | krodhāgāraṃ viśālākṣī saubhāgyamadagarvitā ||
VR 2.9.43 अनुष्टुप्
अनेकशतसाहस्रं मुक्ताहारं वराङ्गना । अवमुच्य वरार्हाणि शुभान्याभरणानि च ॥
anekaśatasāhasraṃ muktāhāraṃ varāṅganā | avamucya varārhāṇi śubhānyābharaṇāni ca ||
VR 2.9.44 अनुष्टुप्
ततो हेमोपमा तत्र कुब्जा वाक्यं वशं गता । संविश्य भूमौ कैकेयी मन्थरामिदमब्रवीत् ॥
tato hemopamā tatra kubjā vākyaṃ vaśaṃ gatā | saṃviśya bhūmau kaikeyī mantharāmidamabravīt ||
VR 2.9.45 अनुष्टुप्
इह वा मां मृतां कुब्जे नृपायावेदयिष्यसि । वनं तु राघवे प्राप्ते भरतः प्राप्स्यति क्षितिम् ॥
iha vā māṃ mṛtāṃ kubje nṛpāyāvedayiṣyasi | vanaṃ tu rāghave prāpte bharataḥ prāpsyati kṣitim ||
English Translation
O hunchback, tell the king, either Bharata shall secure the kingdom on Rama's departure to the forest or else I will die here.
VR 2.9.46 वंशस्थम्
अथैतदुक्त्वा वचनं सुदारुणं; निधाय सर्वाभरणानि भामिनी । असंवृतामास्तरणेन मेदिनीं; तदाधिशिश्ये पतितेव किन्नरी ॥
athaitaduktvā vacanaṃ sudāruṇaṃ; nidhāya sarvābharaṇāni bhāminī | asaṃvṛtāmāstaraṇena medinīṃ; tadādhiśiśye patiteva kinnarī ||
English Translation
Saying these ruthless words, that lovely Kaikeyi cast off all her ornaments like a fallen 'kinnara' woman, and lay down on the floor with the carpet removed.
VR 2.9.47 वंशस्थम्
उदीर्णसंरम्भतमोवृतानना; तथावमुक्तोत्तममाल्यभूषणा । नरेन्द्रपत्नी विमना बभूव सा; तमोवृता द्यौरिव मग्नतारका ॥
udīrṇasaṃrambhatamovṛtānanā; tathāvamuktottamamālyabhūṣaṇā | narendrapatnī vimanā babhūva sā; tamovṛtā dyauriva magnatārakā ||
English Translation
Thus queen Kaikeyi's face enveloped by the darkness of violent anger and her body stripped of all valuable ornaments, she lay restless, looking like the dark sky without stars. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे नवमस्सर्गः॥Thus ends of the ninth sarga of Ayodhyakanda of the holy Ramayana, the first epic composed by sage Valmiki.
← Previous (Ch. 84) Full Table of Contents Next (Ch. 86) →