Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 14

Uttarakāṇḍa Sarga 14

उत्तरकाण्डम् • सर्गः 14

Uttarakāṇḍa Sarga 14 of the classical Vālmīki Rāmāyaṇa with 25 verses.

Total: 25 Verses • Citations: VR 7.14.1–25 • 175 Lexicon Terms
VR 7.14.1 अनुष्टुप्
ततः स सचिवैः सार्धं षड्भिर्नित्यं बलोत्कटैः । महोदरप्रहस्ताभ्यां मारीचशुकसारणैः ॥
tataḥ sa sacivaiḥ sārdhaṃ ṣaḍbhirnityaṃ balotkaṭaiḥ | mahodaraprahastābhyāṃ mārīcaśukasāraṇaiḥ ||
VR 7.14.2 अनुष्टुप्
धूम्राक्षेण च वीरेण नित्यं समरगृध्नुना । वृतः संप्रययौ श्रीमान्क्रोधाल्लोकान्दहन्निव ॥
dhūmrākṣeṇa ca vīreṇa nityaṃ samaragṛdhnunā | vṛtaḥ saṃprayayau śrīmānkrodhāllokāndahanniva ||
English Translation
Accompanied by his six counsellor Mohodara and Prahasta, Marica, Suka and Sarana, and the heroic Dhümrākṣa eager for encounter the graceful Rāvana, elated with his strength sallied out, as if consuming all creatures with his wrath.
VR 7.14.3 अनुष्टुप्
पुराणि स नदीः शैलान्वनान्युपवनानि च । अतिक्रम्य मुहूर्तेन कैलासं गिरिमाविशत् ॥
purāṇi sa nadīḥ śailānvanānyupavanāni ca | atikramya muhūrtena kailāsaṃ girimāviśat ||
English Translation
Leaving behind cities and steams and hills and woods and groves, he in a moment came to the mountain Kailāśa.
VR 7.14.4 अनुष्टुप्
तं निविष्टं गिरौ तस्मिन्राक्षसेन्द्रं निशम्य तु । राज्ञो भ्रातायमित्युक्त्वा गता यत्र धनेश्वरः ॥
taṃ niviṣṭaṃ girau tasminrākṣasendraṃ niśamya tu | rājño bhrātāyamityuktvā gatā yatra dhaneśvaraḥ ||
VR 7.14.5 अनुष्टुप्
गत्वा तु सर्वमाचख्युर्भ्रातुस्तस्य विनिश्चयम् । अनुज्ञाता ययुश्चैव युद्धाय धनदेन ते ॥
gatvā tu sarvamācakhyurbhrātustasya viniścayam | anujñātā yayuścaiva yuddhāya dhanadena te ||
English Translation
Going to him they in full related all about the doings of his brother. And on being permitted by the bestower of treasures, they went out for battle.
VR 7.14.6 अनुष्टुप्
ततो बलस्य संक्षोभः सागरस्येव वर्धतः । अभून्नैरृतराजस्य गिरिं संचालयन्निव ॥
tato balasya saṃkṣobhaḥ sāgarasyeva vardhataḥ | abhūnnairṛtarājasya giriṃ saṃcālayanniva ||
English Translation
And then, like to the agitation of the ocean, there took place a mighty ferment of the forces of the Naiſta king, as if making the mountain tremble.
VR 7.14.7 अनुष्टुप्
ततो युद्धं समभवद्यक्षराक्षससंकुलम् । व्यथिताश्चाभवंस्तत्र सचिवास्तस्य रक्षसः ॥
tato yuddhaṃ samabhavadyakṣarākṣasasaṃkulam | vyathitāścābhavaṃstatra sacivāstasya rakṣasaḥ ||
English Translation
And then there took place an encounter between the Yakşas and the Räksasa were smitten fiercely.
VR 7.14.8 अनुष्टुप्
तं दृष्ट्वा तादृशं सैन्यं दशग्रीवो निशाचरः । हर्षान्नादं ततः कृत्वा रोषात्समभिवर्तत ॥
taṃ dṛṣṭvā tādṛśaṃ sainyaṃ daśagrīvo niśācaraḥ | harṣānnādaṃ tataḥ kṛtvā roṣātsamabhivartata ||
English Translation
And finding his forces in that plight, Daśagrīva set up full many a cheerful shout and in wrath began to speak.
VR 7.14.9 अनुष्टुप्
ये तु ते राक्षसेन्द्रस्य सचिवा घोरविक्रमः । ते सहस्रं सहस्राणामेकैकं समयोधयन् ॥
ye tu te rākṣasendrasya sacivā ghoravikramaḥ | te sahasraṃ sahasrāṇāmekaikaṃ samayodhayan ||
English Translation
Each of the terrific and mightiest councillors of the Rākşasa-chief, coped with a thousand Yaksas.
VR 7.14.10 अनुष्टुप्
ततो गदाभिः परिघैरसिभिः शक्तितोमरैः । वध्यमानो दशग्रीवस्तत्सैन्यं समगाहत ॥
tato gadābhiḥ parighairasibhiḥ śaktitomaraiḥ | vadhyamāno daśagrīvastatsainyaṃ samagāhata ||
VR 7.14.11 अनुष्टुप्
तैर्निरुच्छ्वासवत्तत्र वध्यमानो दशाननः । वर्षमाणैरिव घनैर्यक्षेन्द्रैः संनिरुध्यत ॥
tairnirucchvāsavattatra vadhyamāno daśānanaḥ | varṣamāṇairiva ghanairyakṣendraiḥ saṃnirudhyata ||
VR 7.14.12 अनुष्टुप्
स दुरात्मा समुद्यम्य कालदण्डोपमां गदाम् । प्रविवेश ततः सैन्यं नयन्यक्षान्यमक्षयम् ॥
sa durātmā samudyamya kāladaṇḍopamāṃ gadām | praviveśa tataḥ sainyaṃ nayanyakṣānyamakṣayam ||
English Translation
And that high-souled one, raising up his mace resembling the rod itself of Time, entered into that army, despatching Yakşas to the abode of Yama.
VR 7.14.13 अनुष्टुप्
स कक्षमिव विस्तीर्णं शुष्केन्धनसमाकुलम् । वातेनाग्निरिवायत्तोऽदहत्सैन्यं सुदारुणम् ॥
sa kakṣamiva vistīrṇaṃ śuṣkendhanasamākulam | vātenāgnirivāyatto'dahatsainyaṃ sudāruṇam ||
English Translation
And as a flaming fire burn up an extensive sward of grass stocked with dry fire-wood, he began to consume that Yakşa army.
VR 7.14.14 अनुष्टुप्
तैस्तु तस्य मृधेऽमात्यैर्महोदरशुकादिभिः । अल्पावशिष्टास्ते यक्षाः कृता वातैरिवाम्बुदाः ॥
taistu tasya mṛdhe'mātyairmahodaraśukādibhiḥ | alpāvaśiṣṭāste yakṣāḥ kṛtā vātairivāmbudāḥ ||
English Translation
And as the wind scatter clouds, the small remnant of Yaksa army was scattered by the redoubtable councillors (of Ravana) Mahodara, Suka, etc.
VR 7.14.15 अनुष्टुप्
केचित्त्वायुधभग्नाङ्गाः पतिताः समरक्षितौ । ओष्ठान्स्वदशनैस्तीक्ष्णैर्दंशन्तो भुवि पातिताः ॥
kecittvāyudhabhagnāṅgāḥ patitāḥ samarakṣitau | oṣṭhānsvadaśanaistīkṣṇairdaṃśanto bhuvi pātitāḥ ||
VR 7.14.16 अनुष्टुप्
भयादन्योन्यमालिङ्ग्य भ्रष्टशस्त्रा रणाजिरे । निषेदुस्ते तदा यक्षाः कूला जलहता इव ॥
bhayādanyonyamāliṅgya bhraṣṭaśastrā raṇājire | niṣeduste tadā yakṣāḥ kūlā jalahatā iva ||
VR 7.14.17 अनुष्टुप्
हतानां स्वर्गसंस्थानां युध्यतां पृथिवीतले । प्रेक्षतामृषिसंघानां न बभूवान्तरं दिवि ॥
hatānāṃ svargasaṃsthānāṃ yudhyatāṃ pṛthivītale | prekṣatāmṛṣisaṃghānāṃ na babhūvāntaraṃ divi ||
English Translation
And no room was left (in the sky) in consequence of its being thronged by hosts of sages; and warriors, wounded and rushing for conflict, and (finally) ascending heaven.* *The idea of the author is: "The welkin was thronged with sages as well as warriors, who swelled the ranks of the sages stationed in the sky, by ascending heaven after having fallen in fight.”
VR 7.14.18 अनुष्टुप्
एतस्मिन्नन्तरे राम विस्तीर्णबलवाहनः । अगमत्सुमहान्यक्षो नाम्ना संयोधकण्टकः ॥
etasminnantare rāma vistīrṇabalavāhanaḥ | agamatsumahānyakṣo nāmnā saṃyodhakaṇṭakaḥ ||
English Translation
In the meantime, o Rāma, a Yakşa named Sañyodhakanțaka, accompanied by an extensive force and a large number of vehicles, on being despatched, rushed (on the foe).
VR 7.14.19 अनुष्टुप्
तेन यक्षेण मारीचो विष्णुनेव समाहतः । पतितः पृथिवीं भेजे क्षीणपुण्य इवाम्बरात् ॥
tena yakṣeṇa mārīco viṣṇuneva samāhataḥ | patitaḥ pṛthivīṃ bheje kṣīṇapuṇya ivāmbarāt ||
English Translation
And wounded in the conflict (by Sañyodhakanţaka) with his discus, as if by Vişnu himself, Márica toppled down to the ground from the mountain, like to a planet whose merit has waned.
VR 7.14.20 अनुष्टुप्
प्राप्तसंज्ञो मुहूर्तेन विश्रम्य च निशाचरः । तं यक्षं योधयामास स च भग्नः प्रदुद्रुवे ॥
prāptasaṃjño muhūrtena viśramya ca niśācaraḥ | taṃ yakṣaṃ yodhayāmāsa sa ca bhagnaḥ pradudruve ||
English Translation
And in a moment regaining his consciousness and resting (for a while), that night-ranger fought with the Yaksa; and thereat, on being defeated, he* fled. *The Yaksa, that is.)
VR 7.14.21 अनुष्टुप्
ततः काञ्चनचित्राङ्गं वैदूर्यरजतोक्षितम् । मर्यादां द्वारपालानां तोरणं तत्समाविशत् ॥
tataḥ kāñcanacitrāṅgaṃ vaidūryarajatokṣitam | maryādāṃ dvārapālānāṃ toraṇaṃ tatsamāviśat ||
VR 7.14.22 अनुष्टुप्
ततो राम दशग्रीवं प्रविशन्तं निशाचरम् । सूर्यभानुरिति ख्यातो द्वारपालो न्यवारयत् ॥
tato rāma daśagrīvaṃ praviśantaṃ niśācaram | sūryabhānuriti khyāto dvārapālo nyavārayat ||
English Translation
Then (Rāvana) entered within the gate-way (of the place), garnished with gold, and decked with lapises and silver, And thereat, o king, the warder named Sūryabhānu prevented the nightranger Daśagrīva as he was entering.
VR 7.14.23 उपजातिः
ततस्तोरणमुत्पाट्य तेन यक्षेण ताडितः । राक्षसो यक्षसृष्टेन तोरणेन समाहतः । न क्षितिं प्रययौ राम वरात्सलिलयोनिनः ॥
tatastoraṇamutpāṭya tena yakṣeṇa tāḍitaḥ | rākṣaso yakṣasṛṣṭena toraṇena samāhataḥ | na kṣitiṃ prayayau rāma varātsalilayoninaḥ ||
VR 7.14.24 अनुष्टुप्
स तु तेनैव तं यक्षं तोरणेन समाहनत् । नादृश्यत तदा यक्षो भस्म तेन कृतस्तु सः ॥
sa tu tenaiva taṃ yakṣaṃ toraṇena samāhanat | nādṛśyata tadā yakṣo bhasma tena kṛtastu saḥ ||
English Translation
And on being struck by the same gate-way, the Yakșa ceased to be seen, his body having then been consumed to ashes.
VR 7.14.25 अनुष्टुप्
ततः प्रदुद्रुवुः सर्वे यक्षा दृष्ट्वा पराक्रमम् । ततो नदीर्गुहाश्चैव विविशुर्भयपीडिताः ॥
tataḥ pradudruvuḥ sarve yakṣā dṛṣṭvā parākramam | tato nadīrguhāścaiva viviśurbhayapīḍitāḥ ||
English Translation
And witnessing the prowess of the Rākșasa, all began to flee; and then they afflicted with affright, fatigued, and with pale faces entered into rivers and caves, leaving their arms behind.
← Previous (Ch. 519) Full Table of Contents Next (Ch. 521) →