Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 50

Bālakāṇḍa Sarga 50

बालकाण्डम् • सर्गः 50

Bālakāṇḍa Sarga 50 of the classical Vālmīki Rāmāyaṇa with 28 verses.

Total: 28 Verses • Citations: VR 1.50.1–28 • 175 Lexicon Terms
VR 1.50.1 अनुष्टुप्
तस्य तद्वचनं श्रुत्वा विश्वामित्रस्य धीमतः । हृष्टरोमा महातेजाः शतानन्दो महातपाः ॥
tasya tadvacanaṃ śrutvā viśvāmitrasya dhīmataḥ | hṛṣṭaromā mahātejāḥ śatānando mahātapāḥ ||
English Translation
Hearing the narration of the intelligent Viśvāmitra, Gautama's eldest son, the exceedingly energetic Śatänanda of rigid austerities, highly effulgent by virtue of his asceticism, with his down standing on end wondered greatly at the sight of Rāma.
VR 1.50.2 अनुष्टुप्
गौतमस्य सुतो ज्येष्ठस्तपसा द्योतितप्रभः । रामसंदर्शनादेव परं विस्मयमागतः ॥
gautamasya suto jyeṣṭhastapasā dyotitaprabhaḥ | rāmasaṃdarśanādeva paraṃ vismayamāgataḥ ||
English Translation
Hearing the narration of the intelligent Viśvāmitra, Gautama's eldest son, the exceedingly energetic Śatänanda of rigid austerities, highly effulgent by virtue of his asceticism, with his down standing on end wondered greatly at the sight of Rāma.
VR 1.50.3 अनुष्टुप्
स तौ निषण्णौ संप्रेक्ष्य सुखासीनौ नृपात्मजौ । शतानन्दो मुनिश्रेष्ठं विश्वामित्रमथाब्रवीत् ॥
sa tau niṣaṇṇau saṃprekṣya sukhāsīnau nṛpātmajau | śatānando muniśreṣṭhaṃ viśvāmitramathābravīt ||
English Translation
And seeing the king's sons seated at their ease, he said to that foremost of ascetics. Visvamitra.
VR 1.50.4 अनुष्टुप्
अपि ते मुनिशार्दूल मम माता यशस्विनी । दर्शिता राजपुत्राय तपो दीर्घमुपागता ॥
api te muniśārdūla mama mātā yaśasvinī | darśitā rājaputrāya tapo dīrghamupāgatā ||
English Translation
O most powerful of anchorets, by you was my illustrious mother, grown old in asceticism, shown to the king's son.
VR 1.50.5 अनुष्टुप्
अपि रामे महातेजो मम माता यशस्विनी । वन्यैरुपाहरत्पूजां पूजार्हे सर्वदेहिनाम् ॥
api rāme mahātejo mama mātā yaśasvinī | vanyairupāharatpūjāṃ pūjārhe sarvadehinām ||
English Translation
Did my famous and exalted mother entertain with the produce of the woods this one worthy of every one's homage?
VR 1.50.6 अनुष्टुप्
अपि रामाय कथितं यथावृत्तं पुरातनम् । मम मातुर्महातेजो देवेन दुरनुष्ठितम् ॥
api rāmāya kathitaṃ yathāvṛttaṃ purātanam | mama māturmahātejo devena duranuṣṭhitam ||
English Translation
O highly energetic one, has that old story relative to my mother having been wronged by that celestial, been communicated to Rāma?
VR 1.50.7 अनुष्टुप्
अपि कौशिक भद्रं ते गुरुणा मम संगता । माता मम मुनिश्रेष्ठ रामसंदर्शनादितः ॥
api kauśika bhadraṃ te guruṇā mama saṃgatā | mātā mama muniśreṣṭha rāmasaṃdarśanāditaḥ ||
English Translation
O Kausika good betide you, has my mother, in consequence of beholding Rāma, been united with my revered sire?
VR 1.50.8 अनुष्टुप्
अपि मे गुरुणा रामः पूजितः कुशिकात्मज । इहागतो महातेजाः पूजां प्राप्य महात्मनः ॥
api me guruṇā rāmaḥ pūjitaḥ kuśikātmaja | ihāgato mahātejāḥ pūjāṃ prāpya mahātmanaḥ ||
English Translation
And, O son of Kusika, has the highly energetic Rāma come hither, after having been rendered homage by my high-souled revered sire?
VR 1.50.9 अनुष्टुप्
अपि शान्तेन मनसा गुरुर्मे कुशिकात्मज । इहागतेन रामेण प्रयतेनाभिवादितः ॥
api śāntena manasā gururme kuśikātmaja | ihāgatena rāmeṇa prayatenābhivāditaḥ ||
English Translation
And, O Kusika's son, was my revered sire of quiescent soul, saluted by Rāma when he arrived there?
VR 1.50.10 अनुष्टुप्
तच्छ्रुत्वा वचनं तस्य विश्वामित्रो महामुनिः । प्रत्युवाच शतानन्दं वाक्यज्ञो वाक्यकोविदम् ॥
tacchrutvā vacanaṃ tasya viśvāmitro mahāmuniḥ | pratyuvāca śatānandaṃ vākyajño vākyakovidam ||
English Translation
Hearing those words of his, the mighty ascetic Viśvāmitra, skilled in speech, replied to Śatānanda, cognizant of words, saying.
VR 1.50.11 अनुष्टुप्
नातिक्रान्तं मुनिश्रेष्ठ यत्कर्तव्यं कृतं मया । संगता मुनिना पत्नी भार्गवेणेव रेणुका ॥
nātikrāntaṃ muniśreṣṭha yatkartavyaṃ kṛtaṃ mayā | saṃgatā muninā patnī bhārgaveṇeva reṇukā ||
English Translation
O best of ascetics, nothing necessary was omitted by me, but everything has been done. And the ascetic's wife has been united with him, even as Renuka with Bhrgu's son. (Jamadagni, father of Paruśurāma).
VR 1.50.12 अनुष्टुप्
तच्छ्रुत्वा वचनं तस्य विश्वामित्रस्य धीमतः । शतानन्दो महातेजा रामं वचनमब्रवीत् ॥
tacchrutvā vacanaṃ tasya viśvāmitrasya dhīmataḥ | śatānando mahātejā rāmaṃ vacanamabravīt ||
English Translation
Hearing the speech of the intelligent Viśvāmitra, the exceedingly energetic Satānanda said to Rāma.
VR 1.50.13 अनुष्टुप्
स्वागतं ते नरश्रेष्ठ दिष्ट्या प्राप्तोऽसि राघव । विश्वामित्रं पुरस्कृत्य महर्षिमपराजितम् ॥
svāgataṃ te naraśreṣṭha diṣṭyā prāpto'si rāghava | viśvāmitraṃ puraskṛtya maharṣimaparājitam ||
English Translation
Art you well come, O chief of men? It is by our luck that, O descendant of Raghu, you have come to us, headed by the respected Maharși Visvamitra.
VR 1.50.14 अनुष्टुप्
अचिन्त्यकर्मा तपसा ब्रह्मर्षिरमितप्रभः । विश्वामित्रो महातेजा वेत्स्येनं परमां गतिम् ॥
acintyakarmā tapasā brahmarṣiramitaprabhaḥ | viśvāmitro mahātejā vetsyenaṃ paramāṃ gatim ||
English Translation
This highly energetic. Viśvāmitra, Brahmarşi is of prowess measureless; and deeds inconceivable, by virtue of his asceticism. Him you know as the prime way.
VR 1.50.15 अनुष्टुप्
नास्ति धन्यतरो राम त्वत्तोऽन्यो भुवि कश्चन । गोप्ता कुशिकपुत्रस्ते येन तप्तं महत्तपः ॥
nāsti dhanyataro rāma tvatto'nyo bhuvi kaścana | goptā kuśikaputraste yena taptaṃ mahattapaḥ ||
English Translation
O Rāma, there exist of this earth not one that is more fortunate than thyself. Your protector is even Kusika's descendant, by whom mighty austerities have been performed.
VR 1.50.16 अनुष्टुप्
श्रूयतां चाभिदास्यामि कौशिकस्य महात्मनः । यथाबलं यथावृत्तं तन्मे निगदतः शृणु ॥
śrūyatāṃ cābhidāsyāmi kauśikasya mahātmanaḥ | yathābalaṃ yathāvṛttaṃ tanme nigadataḥ śṛṇu ||
English Translation
Do you listen as I faithfully describe to you the ascetic power of the high-souled Kausika.
VR 1.50.17 अनुष्टुप्
राजाभूदेष धर्मात्मा दीर्घ कालमरिंदमः । धर्मज्ञः कृतविद्यश्च प्रजानां च हिते रतः ॥
rājābhūdeṣa dharmātmā dīrgha kālamariṃdamaḥ | dharmajñaḥ kṛtavidyaśca prajānāṃ ca hite rataḥ ||
English Translation
Do you listen to me relating this. This righteous one was for a long time a king, subduing his enemies, cognizant of morality, accomplished, and intent upon the welfare of his subjects.
VR 1.50.18 अनुष्टुप्
प्रजापतिसुतस्त्वासीत्कुशो नाम महीपतिः । कुशस्य पुत्रो बलवान्कुशनाभः सुधार्मिकः ॥
prajāpatisutastvāsītkuśo nāma mahīpatiḥ | kuśasya putro balavānkuśanābhaḥ sudhārmikaḥ ||
English Translation
And there was a king named Kuša, the son of Prajāpati. And Kuśa's son was the powerful and pious Kušanābha.
VR 1.50.19 अनुष्टुप्
कुशनाभसुतस्त्वासीद्गाधिरित्येव विश्रुतः । गाधेः पुत्रो महातेजा विश्वामित्रो महामुनिः ॥
kuśanābhasutastvāsīdgādhirityeva viśrutaḥ | gādheḥ putro mahātejā viśvāmitro mahāmuniḥ ||
English Translation
And Kušanābha's son was Gadhi. And Gādhi's son is the highly energetic and mighty ascetic Viśvāmitra.
VR 1.50.20 अनुष्टुप्
विश्वमित्रो महातेजाः पालयामास मेदिनीम् । बहुवर्षसहस्राणि राजा राज्यमकारयत् ॥
viśvamitro mahātejāḥ pālayāmāsa medinīm | bahuvarṣasahasrāṇi rājā rājyamakārayat ||
English Translation
And that king reigned for thousands of years.
VR 1.50.21 अनुष्टुप्
कदाचित्तु महातेजा योजयित्वा वरूथिनीम् । अक्षौहिणीपरिवृतः परिचक्राम मेदिनीम् ॥
kadācittu mahātejā yojayitvā varūthinīm | akṣauhiṇīparivṛtaḥ paricakrāma medinīm ||
English Translation
And it came to pass that once with his four fold forces marshalled, he set out for ranging the earth.
VR 1.50.22 अनुष्टुप्
नगराणि च राष्ट्राणि सरितश्च तथा गिरीन् । आश्रमान्क्रमशो राजा विचरन्नाजगामह ॥
nagarāṇi ca rāṣṭrāṇi saritaśca tathā girīn | āśramānkramaśo rājā vicarannājagāmaha ||
VR 1.50.23 अनुष्टुप्
वसिष्ठस्याश्रमपदं नानापुष्पफलद्रुमम् । नानामृगगणाकीर्णं सिद्धचारणसेवितम् ॥
vasiṣṭhasyāśramapadaṃ nānāpuṣpaphaladrumam | nānāmṛgagaṇākīrṇaṃ siddhacāraṇasevitam ||
VR 1.50.24 अनुष्टुप्
देवदानवगन्धर्वैः किंनरैरुपशोभितम् । प्रशान्तहरिणाकीर्णं द्विजसंघनिषेवितम् ॥
devadānavagandharvaiḥ kiṃnarairupaśobhitam | praśāntahariṇākīrṇaṃ dvijasaṃghaniṣevitam ||
VR 1.50.25 अनुष्टुप्
ब्रह्मर्षिगणसंकीर्णं देवर्षिगणसेवितम् । तपश्चरणसंसिद्धैरग्निकल्पैर्महात्मभिः ॥
brahmarṣigaṇasaṃkīrṇaṃ devarṣigaṇasevitam | tapaścaraṇasaṃsiddhairagnikalpairmahātmabhiḥ ||
VR 1.50.26 अनुष्टुप्
सततं संकुलं श्रीमद्ब्रह्मकल्पैर्महात्मभिः । अब्भक्षैर्वायुभक्षैश्च शीर्णपर्णाशनैस्तथा ॥
satataṃ saṃkulaṃ śrīmadbrahmakalpairmahātmabhiḥ | abbhakṣairvāyubhakṣaiśca śīrṇaparṇāśanaistathā ||
VR 1.50.27 अनुष्टुप्
फलमूलाशनैर्दान्तैर्जितरोषैर्जितेन्द्रियैः । ऋषिभिर्वालखिल्यैश्च जपहोमपरायणैः ॥
phalamūlāśanairdāntairjitaroṣairjitendriyaiḥ | ṛṣibhirvālakhilyaiśca japahomaparāyaṇaiḥ ||
VR 1.50.28 अनुष्टुप्
वसिष्ठस्याश्रमपदं ब्रह्मलोकमिवापरम् । ददर्श जयतां श्रेष्ठ विश्वामित्रो महाबलः ॥
vasiṣṭhasyāśramapadaṃ brahmalokamivāparam | dadarśa jayatāṃ śreṣṭha viśvāmitro mahābalaḥ ||
English Translation
Highly powerful Viswamitra, foremost among the conquerors, (thus) saw the hermitage of Vasishta which looked like another Brahmaloka.इत्यार्षे श्रीमद्रामायणे वाल्मीकीय आदिकाव्ये बालकाण्डे एकपञ्चाशस्सर्ग:।Thus ends the fiftyfirst sarga of Balakanda of the holy Ramayana the first epic composed by sage Valmiki.
← Previous (Ch. 49) Full Table of Contents Next (Ch. 51) →