Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 51

Kiṣkindhākāṇḍa Sarga 51

किष्किन्धाकाण्डम् • सर्गः 51

Kiṣkindhākāṇḍa Sarga 51 of the classical Vālmīki Rāmāyaṇa with 19 verses.

Total: 19 Verses • Citations: VR 4.51.1–19 • 175 Lexicon Terms
VR 4.51.1 अनुष्टुप्
अथ तानब्रवीत्सर्वान्विश्रान्तान्हरियूथपान् । इदं वचनमेकाग्रा तापसी धर्मचारिणी ॥
atha tānabravītsarvānviśrāntānhariyūthapān | idaṃ vacanamekāgrā tāpasī dharmacāriṇī ||
English Translation
Then to all the monkey-chiefs, after they had rested, the female ascetic, engaged in righteous practices, eagerly said these words,
VR 4.51.2 अनुष्टुप्
वानरा यदि वः खेदः प्रनष्टः फलभक्षणात् । यदि चैतन्मया श्राव्यं श्रोतुमिच्छामि कथ्यताम् ॥
vānarā yadi vaḥ khedaḥ pranaṣṭaḥ phalabhakṣaṇāt | yadi caitanmayā śrāvyaṃ śrotumicchāmi kathyatām ||
English Translation
You monkeys, if your pain has gone off in consequence of the fare of fruits which you have partaken, and also if it be fit to be heard by me, I would listen to your narration.
VR 4.51.3 अनुष्टुप्
तस्यास्तद्वचनं श्रुत्वा हनुमान्मारुतात्मजः । आर्जवेन यथातत्त्वमाख्यातुमुपचक्रमे ॥
tasyāstadvacanaṃ śrutvā hanumānmārutātmajaḥ | ārjavena yathātattvamākhyātumupacakrame ||
English Translation
Hearing her words, Hanumān, the son of the wind-god, in all candour began to relate everything faithfully.
VR 4.51.4 अनुष्टुप्
राजा सर्वस्य लोकस्य महेन्द्रवरुणोपमः । रामो दाशरथिः श्रीमान्प्रविष्टो दण्डकावनम् ॥
rājā sarvasya lokasya mahendravaruṇopamaḥ | rāmo dāśarathiḥ śrīmānpraviṣṭo daṇḍakāvanam ||
English Translation
The Sovereign of all this world, resembling Mahendra or Varuna, Rāma, the graceful son of Dasaratha, entered the woods of Dandaka, in company with his brother, Laksmana, as well as his spouse, Vaidehi. His wife has been forcibly carried of by Rāvana.
VR 4.51.5 अनुष्टुप्
लक्ष्मणेन सह भ्रात्रा वैदेह्या चापि भार्यया । तस्य भार्या जनस्थानाद्रावणेन हृता बलात् ॥
lakṣmaṇena saha bhrātrā vaidehyā cāpi bhāryayā | tasya bhāryā janasthānādrāvaṇena hṛtā balāt ||
English Translation
The Sovereign of all this world, resembling Mahendra or Varuna, Rāma, the graceful son of Dasaratha, entered the woods of Dandaka, in company with his brother, Laksmana, as well as his spouse, Vaidehi. His wife has been forcibly carried of by Rāvana.
VR 4.51.6 अनुष्टुप्
वीरस्तस्य सखा राज्ञः सुग्रीवो नाम वानरः । राजा वानरमुख्यानां येन प्रस्थापिता वयम् ॥
vīrastasya sakhā rājñaḥ sugrīvo nāma vānaraḥ | rājā vānaramukhyānāṃ yena prasthāpitā vayam ||
English Translation
His friend is that heroic king, the monkey named Sugrīva. By that monarch of the foremnost monkeys have we been despatched (hither). And we have, joining company with these prime monkeys headed by Angada, come to the South, protected by Yama, and inhabited by Agastya.
VR 4.51.7 अनुष्टुप्
अगस्त्यचरितामाशां दक्षिणां यमरक्षिताम् । सहैभिर्वानरैर्मुख्यैरङ्गदप्रमुखैर्वयम् ॥
agastyacaritāmāśāṃ dakṣiṇāṃ yamarakṣitām | sahaibhirvānarairmukhyairaṅgadapramukhairvayam ||
English Translation
His friend is that heroic king, the monkey named Sugrīva. By that monarch of the foremnost monkeys have we been despatched (hither). And we have, joining company with these prime monkeys headed by Angada, come to the South, protected by Yama, and inhabited by Agastya.
VR 4.51.8 अनुष्टुप्
रावणं सहिताः सर्वे राक्षसं कामरूपिणम् । सीतया सह वैदेह्या मार्गध्वमिति चोदिताः ॥
rāvaṇaṃ sahitāḥ sarve rākṣasaṃ kāmarūpiṇam | sītayā saha vaidehyā mārgadhvamiti coditāḥ ||
English Translation
And we have been commissioned, 'Do you all search for the Rākşasa Rāvana, wearing forms at will, along with Videha's daughter, Sītā.'
VR 4.51.9 अनुष्टुप्
विचित्य तु वयं सर्वे समग्रां दक्षिणां दिशम् । बुभुक्षिताः परिश्रान्ता वृक्षमूलमुपाश्रिताः ॥
vicitya tu vayaṃ sarve samagrāṃ dakṣiṇāṃ diśam | bubhukṣitāḥ pariśrāntā vṛkṣamūlamupāśritāḥ ||
English Translation
Having searched through the forest as well as the ocean on the South, we becoming hungry, sat down at the foot of a tree.
VR 4.51.10 अनुष्टुप्
विवर्णवदनाः सर्वे सर्वे ध्यानपरायणाः । नाधिगच्छामहे पारं मग्नाश्चिन्तामहार्णवे ॥
vivarṇavadanāḥ sarve sarve dhyānaparāyaṇāḥ | nādhigacchāmahe pāraṃ magnāścintāmahārṇave ||
English Translation
And with pallid countenance, we all, absorbed in thought, sank in a wide sea of anxiety, which we could not cross.
VR 4.51.11 अनुष्टुप्
चारयन्तस्ततश्चक्षुर्दृष्टवन्तो महद्बिलम् । लतापादपसंछन्नं तिमिरेण समावृतम् ॥
cārayantastataścakṣurdṛṣṭavanto mahadbilam | latāpādapasaṃchannaṃ timireṇa samāvṛtam ||
English Translation
And casting our eyes around, we spyed a huge cave covered with trees and plants and enveloped in gloom.
VR 4.51.12 उपजातिः
अस्माद्धंसा जलक्लिन्नाः पक्षैः सलिलरेणुभिः । कुरराः सारसाश्चैव निष्पतन्ति पतत्रिणः । साध्वत्र प्रविशामेति मया तूक्ताः प्लवंगमाः ॥
asmāddhaṃsā jalaklinnāḥ pakṣaiḥ salilareṇubhiḥ | kurarāḥ sārasāścaiva niṣpatanti patatriṇaḥ | sādhvatra praviśāmeti mayā tūktāḥ plavaṃgamāḥ ||
English Translation
And (it came to pass that) from this (cave) came out swans, drenched with water, with drops of water on their wings,-and plumed kuravas and cranes.
VR 4.51.13 अनुष्टुप्
तेषामपि हि सर्वेषामनुमानमुपागतम् । गच्छामः प्रविशामेति भर्तृकार्यत्वरान्विताः ॥
teṣāmapi hi sarveṣāmanumānamupāgatam | gacchāmaḥ praviśāmeti bhartṛkāryatvarānvitāḥ ||
VR 4.51.14 अनुष्टुप्
ततो गाढं निपतिता गृह्य हस्तौ परस्परम् । इदं प्रविष्टाः सहसा बिलं तिमिरसंवृतम् ॥
tato gāḍhaṃ nipatitā gṛhya hastau parasparam | idaṃ praviṣṭāḥ sahasā bilaṃ timirasaṃvṛtam ||
VR 4.51.15 अनुष्टुप्
एतन्नः कायमेतेन कृत्येन वयमागताः । त्वां चैवोपगताः सर्वे परिद्यूना बुभुक्षिताः ॥
etannaḥ kāyametena kṛtyena vayamāgatāḥ | tvāṃ caivopagatāḥ sarve paridyūnā bubhukṣitāḥ ||
English Translation
'Vexed and starved, we entered this grotto shrouded in darkness.This is our task and we reached here (in the process).
VR 4.51.16 अनुष्टुप्
आतिथ्यधर्मदत्तानि मूलानि च फलानि च । अस्माभिरुपभुक्तानि बुभुक्षापरिपीडितैः ॥
ātithyadharmadattāni mūlāni ca phalāni ca | asmābhirupabhuktāni bubhukṣāparipīḍitaiḥ ||
English Translation
Having come to you, hungry, and exhausted, we, who had been sore tried by hunger, have been entertained with fruits and roots, agreeably to the code regulating hospitality.
VR 4.51.17 अनुष्टुप्
यत्त्वया रक्षिताः सर्वे म्रियमाणा बुभुक्षया । ब्रूहि प्रत्युपकारार्थं किं ते कुर्वन्तु वानराः ॥
yattvayā rakṣitāḥ sarve mriyamāṇā bubhukṣayā | brūhi pratyupakārārthaṃ kiṃ te kurvantu vānarāḥ ||
English Translation
And as you had saved the monkeys, who were weary and suffering from hunger, tell (me),-what benefit shall the monkeys do you in return?
VR 4.51.18 अनुष्टुप्
एवमुक्ता तु सर्वज्ञा वानरैस्तैः स्वयंप्रभा । प्रत्युवाच ततः सर्वानिदं वानरयूथपम् ॥
evamuktā tu sarvajñā vānaraistaiḥ svayaṃprabhā | pratyuvāca tataḥ sarvānidaṃ vānarayūthapam ||
English Translation
Thus addressed by the apes, the all-knowing Svayamprabhā replied to the monkey-chiefs, saying,
VR 4.51.19 अनुष्टुप्
सर्वेषां परितुष्टास्मि वानराणां तरस्विनाम् । चरन्त्या मम धर्मेण न कार्यमिह केनचित् ॥
sarveṣāṃ parituṣṭāsmi vānarāṇāṃ tarasvinām | carantyā mama dharmeṇa na kāryamiha kenacit ||
English Translation
Well pleased am I with the fast-footing monkeys. But by one engaged in your duties, there is no work that is desiderated.
← Previous (Ch. 308) Full Table of Contents Next (Ch. 310) →