Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 34

Araṇyakāṇḍa Sarga 34

अरण्यकाण्डम् • सर्गः 34

Araṇyakāṇḍa Sarga 34 of the classical Vālmīki Rāmāyaṇa with 22 verses.

Total: 22 Verses • Citations: VR 3.34.1–22 • 175 Lexicon Terms
VR 3.34.1 अनुष्टुप्
मारीच श्रूयतां तात वचनं मम भाषतः । आर्तोऽस्मि मम चार्तस्य भवान्हि परमा गतिः ॥
mārīca śrūyatāṃ tāta vacanaṃ mama bhāṣataḥ | ārto'smi mama cārtasya bhavānhi paramā gatiḥ ||
English Translation
O Mărîca, hearken to me, my child, as I relate (everything to you). I am distressed and in this distress of mine, you are certainly my great refuge.
VR 3.34.2 अनुष्टुप्
जानीषे त्वं जनस्थानं भ्राता यत्र खरो मम । दूषणश्च महाबाहुः स्वसा शूर्पणखा च मे ॥
jānīṣe tvaṃ janasthānaṃ bhrātā yatra kharo mama | dūṣaṇaśca mahābāhuḥ svasā śūrpaṇakhā ca me ||
VR 3.34.3 अनुष्टुप्
त्रिशिराश्च महातेजा राक्षसः पिशिताशनः । अन्ये च बहवः शूरा लब्धलक्षा निशाचराः ॥
triśirāśca mahātejā rākṣasaḥ piśitāśanaḥ | anye ca bahavaḥ śūrā labdhalakṣā niśācarāḥ ||
VR 3.34.4 अनुष्टुप्
वसन्ति मन्नियोगेन अधिवासं च राक्षसः । बाधमाना महारण्ये मुनीन्ये धर्मचारिणः ॥
vasanti manniyogena adhivāsaṃ ca rākṣasaḥ | bādhamānā mahāraṇye munīnye dharmacāriṇaḥ ||
VR 3.34.5 अनुष्टुप्
चतुर्दश सहस्राणि रक्षसां भीमकर्मणाम् । शूराणां लब्धलक्षाणां खरचित्तानुवर्तिनाम् ॥
caturdaśa sahasrāṇi rakṣasāṃ bhīmakarmaṇām | śūrāṇāṃ labdhalakṣāṇāṃ kharacittānuvartinām ||
English Translation
And fourteen thousands of Rākşasas of dreadful deeds, heroic, high-spirited, Raksasas possessed of exceeding prowess; while residing in Janasthåna of late, clad in mail and equipped with various weapons, headed, by Khara, met with Rāma in the field.
VR 3.34.6 अनुष्टुप्
ते त्विदानीं जनस्थाने वसमाना महाबलाः । संगताः परमायत्ता रामेण सह संयुगे ॥
te tvidānīṃ janasthāne vasamānā mahābalāḥ | saṃgatāḥ paramāyattā rāmeṇa saha saṃyuge ||
English Translation
And fourteen thousands of Rākşasas of dreadful deeds, heroic, high-spirited, Raksasas possessed of exceeding prowess; while residing in Janasthåna of late, clad in mail and equipped with various weapons, headed, by Khara, met with Rāma in the field.
VR 3.34.7 अनुष्टुप्
तेन संजातरोषेण रामेण रणमूर्धनि । अनुक्त्वा परुषं किंचिच्छरैर्व्यापारितं धनुः ॥
tena saṃjātaroṣeṇa rāmeṇa raṇamūrdhani | anuktvā paruṣaṃ kiṃciccharairvyāpāritaṃ dhanuḥ ||
English Translation
With his wrath generated, Rama, without even speaking anything, used his bow and the arrows.
VR 3.34.8 अनुष्टुप्
चतुर्दश सहस्राणि रक्षसां भीमकर्मणाम् । निहतानि शरैस्तीक्ष्णैर्मानुषेण पदातिना ॥
caturdaśa sahasrāṇi rakṣasāṃ bhīmakarmaṇām | nihatāni śaraistīkṣṇairmānuṣeṇa padātinā ||
English Translation
Fourteen thousand Rākṣasas of dreadful deeds were slain by Rāma single, a human being, fighting, (moreover) on foot.
VR 3.34.9 अनुष्टुप्
खरश्च निहतः संख्ये दूषणश्च निपातितः । हत्वा त्रिशिरसं चापि निर्भया दण्डकाः कृताः ॥
kharaśca nihataḥ saṃkhye dūṣaṇaśca nipātitaḥ | hatvā triśirasaṃ cāpi nirbhayā daṇḍakāḥ kṛtāḥ ||
English Translation
Khara, Dusana and Trisira were killed in war.The residents of Dandaka forest are rendered safe and fearless.
VR 3.34.10 अनुष्टुप्
पित्रा निरस्तः क्रुद्धेन सभार्यः क्षीणजीवितः । स हन्ता तस्य सैन्यस्य रामः क्षत्रियपांसनः ॥
pitrā nirastaḥ kruddhena sabhāryaḥ kṣīṇajīvitaḥ | sa hantā tasya sainyasya rāmaḥ kṣatriyapāṃsanaḥ ||
English Translation
Having been expelled by his enraged sire, that disgrace of Kșatriyas, the weak Rāma, living in company with his wife has effected the destruction of this army.
VR 3.34.11 अनुष्टुप्
अशीलः कर्कशस्तीक्ष्णो मूर्खो लुब्धोऽजितेन्द्रियः । त्यक्तधर्मस्त्वधर्मात्मा भूतानामहिते रतः ॥
aśīlaḥ karkaśastīkṣṇo mūrkho lubdho'jitendriyaḥ | tyaktadharmastvadharmātmā bhūtānāmahite rataḥ ||
English Translation
He is a man of bad conduct, harsh, sharptonged, stupid, miserly and a slave to his senses. He is immoral and unrighteous, one who is busy harming others.
VR 3.34.12 अनुष्टुप्
येन वैरं विनारण्ये सत्त्वमाश्रित्य केवलम् । कर्णनासापहारेण भगिनी मे विरूपिता ॥
yena vairaṃ vināraṇye sattvamāśritya kevalam | karṇanāsāpahāreṇa bhaginī me virūpitā ||
English Translation
With no enmity whatsoever, merely because he has strength, he cut off the nose and ears of my sister and mutilated her. His wife Sita is like the daughter of heaven. I would like to abduct her with force from Janasthana for which you should be my accomplice.
VR 3.34.13 अनुष्टुप्
तस्य भार्यां जनस्थानात्सीतां सुरसुतोपमाम् । आनयिष्यामि विक्रम्य सहायस्तत्र मे भव ॥
tasya bhāryāṃ janasthānātsītāṃ surasutopamām | ānayiṣyāmi vikramya sahāyastatra me bhava ||
English Translation
With no enmity whatsoever, merely because he has strength, he cut off the nose and ears of my sister and mutilated her. His wife Sita is like the daughter of heaven. I would like to abduct her with force from Janasthana for which you should be my accomplice.
VR 3.34.14 अनुष्टुप्
त्वया ह्यहं सहायेन पार्श्वस्थेन महाबल । भ्रातृभिश्च सुरान्युद्धे समग्रान्नाभिचिन्तये ॥
tvayā hyahaṃ sahāyena pārśvasthena mahābala | bhrātṛbhiśca surānyuddhe samagrānnābhicintaye ||
English Translation
Be you my help in it. For certain, O exceedingly strong one, if you help me at my side, if my brothers also back me, I do not think much of all the celestials. Therefore, be you my help; for, you are capable, O Raksasa.
VR 3.34.15 अनुष्टुप्
तत्सहायो भव त्वं मे समर्थो ह्यसि राक्षस । वीर्ये युद्धे च दर्पे च न ह्यस्ति सदृशस्तव ॥
tatsahāyo bhava tvaṃ me samartho hyasi rākṣasa | vīrye yuddhe ca darpe ca na hyasti sadṛśastava ||
VR 3.34.16 अनुष्टुप्
एतदर्थमहं प्राप्तस्त्वत्समीपं निशाचर । शृणु तत्कर्म साहाय्ये यत्कार्यं वचनान्मम ॥
etadarthamahaṃ prāptastvatsamīpaṃ niśācara | śṛṇu tatkarma sāhāyye yatkāryaṃ vacanānmama ||
English Translation
Taking this to my heart, I have come to you, O ranger of the night. Do you listen as to the business in which by my command you are to help ime.
VR 3.34.17 अनुष्टुप्
सौवर्णस्त्वं मृगो भूत्वा चित्रो रजतबिन्दुभिः । आश्रमे तस्य रामस्य सीतायाः प्रमुखे चर ॥
sauvarṇastvaṃ mṛgo bhūtvā citro rajatabindubhiḥ | āśrame tasya rāmasya sītāyāḥ pramukhe cara ||
English Translation
Becoming a golden deer, marked with silver spots, do you range about in Rāma's asylum in presence of Sītā.
VR 3.34.18 अनुष्टुप्
त्वां तु निःसंशयं सीता दृष्ट्वा तु मृगरूपिणम् । गृह्यतामिति भर्तारं लक्ष्मणं चाभिधास्यति ॥
tvāṃ tu niḥsaṃśayaṃ sītā dṛṣṭvā tu mṛgarūpiṇam | gṛhyatāmiti bhartāraṃ lakṣmaṇaṃ cābhidhāsyati ||
English Translation
Seeing you helpless, in the shape of a deer, Sītā will say to her lord and Lakşmaņa also, Do you catch it.
VR 3.34.19 अनुष्टुप्
ततस्तयोरपाये तु शून्ये सीतां यथासुखम् । निराबाधो हरिष्यामि राहुश्चन्द्रप्रभामिव ॥
tatastayorapāye tu śūnye sītāṃ yathāsukham | nirābādho hariṣyāmi rāhuścandraprabhāmiva ||
English Translation
When they shall have departed, I shall carry off from the empty asylum, Sītã without let, like Rāhu depriving the Moon of his splendour.
VR 3.34.20 अनुष्टुप्
ततः पश्चात्सुखं रामे भार्याहरणकर्शिते । विस्रब्धं प्रहरिष्यामि कृतार्थेनान्तरात्मना ॥
tataḥ paścātsukhaṃ rāme bhāryāharaṇakarśite | visrabdhaṃ prahariṣyāmi kṛtārthenāntarātmanā ||
English Translation
Then when Rāma shall be sore afflicted because of the carrying off of his wife, I shall easily, crowning my soul with success, safely bear away Sita.
VR 3.34.21 अनुष्टुप्
तस्य रामकथां श्रुत्वा मारीचस्य महात्मनः । शुष्कं समभवद्वक्त्रं परित्रस्तो बभूव च ॥
tasya rāmakathāṃ śrutvā mārīcasya mahātmanaḥ | śuṣkaṃ samabhavadvaktraṃ paritrasto babhūva ca ||
English Translation
Hearing Rāma's words, the face of the highsouled Mārīca became blank and he was seized with apprehension.
VR 3.34.22 उपेन्द्रवज्रा
स रावणं त्रस्तविषण्णचेता; महावने रामपराक्रमज्ञः । कृताञ्जलिस्तत्त्वमुवाच वाक्यं; हितं च तस्मै हितमात्मनश्च ॥
sa rāvaṇaṃ trastaviṣaṇṇacetā; mahāvane rāmaparākramajñaḥ | kṛtāñjalistattvamuvāca vākyaṃ; hitaṃ ca tasmai hitamātmanaśca ||
English Translation
And alarmed because of Rāvana, with his mind depressed, Mārīca who well knew Rāma's prowess in the forest, with joined hands in agitation spoke words lending to his own as well as Rāvana's welfare.
← Previous (Ch. 220) Full Table of Contents Next (Ch. 222) →