Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 31

Ayodhyākāṇḍa Sarga 31

अयोध्याकाण्डम् • सर्गः 31

Ayodhyākāṇḍa Sarga 31 of the classical Vālmīki Rāmāyaṇa with 37 verses.

Total: 37 Verses • Citations: VR 2.31.1–37 • 175 Lexicon Terms
VR 2.31.1 अनुष्टुप्
स रामप्रेषितः क्षिप्रं संतापकलुषेन्द्रियः । प्रविश्य नृपतिं सूतो निःश्वसन्तं ददर्श ह ॥
sa rāmapreṣitaḥ kṣipraṃ saṃtāpakaluṣendriyaḥ | praviśya nṛpatiṃ sūto niḥśvasantaṃ dadarśa ha ||
English Translation
At the command of Rama, charioteer Sumantra whose senses were overwhelmed with grief quickly entered the apartment of the king and found him heaving sighs.
VR 2.31.2 अनुष्टुप्
आलोक्य तु महाप्राज्ञः परमाकुल चेतसम् । राममेवानुशोचन्तं सूतः प्राञ्जलिरासदत् ॥
ālokya tu mahāprājñaḥ paramākula cetasam | rāmamevānuśocantaṃ sūtaḥ prāñjalirāsadat ||
English Translation
Seeing the king brooding over Rama, in an extremely agitated state, the sagacious charioteer approached him with folded hands.
VR 2.31.3 अनुष्टुप्
अयं स पुरुषव्याघ्र द्वारि तिष्ठति ते सुतः । ब्राह्मणेभ्यो धनं दत्त्वा सर्वं चैवोपजीविनाम् ॥
ayaṃ sa puruṣavyāghra dvāri tiṣṭhati te sutaḥ | brāhmaṇebhyo dhanaṃ dattvā sarvaṃ caivopajīvinām ||
English Translation
Your son Rama, the best of men, having given away his entire wealth in charity to brahmins and to all the dependents is waiting at the entrance.
VR 2.31.4 अनुष्टुप्
स त्वा पश्यतु भद्रं ते रामः सत्यपराक्रमः । सर्वान्सुहृद आपृच्छ्य त्वामिदानीं दिदृक्षते ॥
sa tvā paśyatu bhadraṃ te rāmaḥ satyaparākramaḥ | sarvānsuhṛda āpṛcchya tvāmidānīṃ didṛkṣate ||
VR 2.31.5 अनुष्टुप्
गमिष्यति महारण्यं तं पश्य जगतीपते । वृतं राजगुणैः सर्वैरादित्यमिव रश्मिभिः ॥
gamiṣyati mahāraṇyaṃ taṃ paśya jagatīpate | vṛtaṃ rājaguṇaiḥ sarvairādityamiva raśmibhiḥ ||
English Translation
O Lord of the world behold him embellished with all princely virtues like the Sun encircled with its rays, (now) leaving for the forest.
VR 2.31.6 अनुष्टुप्
स सत्यवादी धर्मात्मा गाम्भीर्यात्सागरोपमः । आकाश इव निष्पङ्को नरेन्द्रः प्रत्युवाच तम् ॥
sa satyavādī dharmātmā gāmbhīryātsāgaropamaḥ | ākāśa iva niṣpaṅko narendraḥ pratyuvāca tam ||
English Translation
That truthful and virtuous king (Dasaratha) who was deep like the ocean and free from mud (pure) like the sky replied:
VR 2.31.7 अनुष्टुप्
सुमन्त्रानय मे दारान्ये केचिदिह मामकाः । दारैः परिवृतः सर्वैर्द्रष्टुमिच्छामि राघवम् ॥
sumantrānaya me dārānye kecidiha māmakāḥ | dāraiḥ parivṛtaḥ sarvairdraṣṭumicchāmi rāghavam ||
English Translation
O Sumantra bring all my consorts who are here. In the company of all my wives, I desire to give audience to virtuous Rama.
VR 2.31.8 अनुष्टुप्
सोऽन्तःपुरमतीत्यैव स्त्रियस्ता वाक्यमब्रवीत् । आर्यो ह्वयति वो राजा गम्यतां तत्र माचिरम् ॥
so'ntaḥpuramatītyaiva striyastā vākyamabravīt | āryo hvayati vo rājā gamyatāṃ tatra māciram ||
English Translation
O venerable ones, king Dasaratha summons you. Go there without delay, said Sumantra to the king's consorts after crossing the inner apartment.
VR 2.31.9 अनुष्टुप्
एवमुक्ताः स्त्रियः सर्वाः सुमन्त्रेण नृपाज्ञया । प्रचक्रमुस्तद्भवनं भर्तुराज्ञाय शासनम् ॥
evamuktāḥ striyaḥ sarvāḥ sumantreṇa nṛpājñayā | pracakramustadbhavanaṃ bharturājñāya śāsanam ||
English Translation
Thus addressed by Sumantra in accordance with the king's order, all the women went to their husband's palace.
VR 2.31.10 अनुष्टुप्
अर्धसप्तशतास्तास्तु प्रमदास्ताम्रलोचनाः । कौसल्यां परिवार्याथ शनैर्जग्मुर्धृतव्रताः ॥
ardhasaptaśatāstāstu pramadāstāmralocanāḥ | kausalyāṃ parivāryātha śanairjagmurdhṛtavratāḥ ||
English Translation
Thereafter, Kausalya surrounded by three hundred and fifty ladies who were faithful to their vows, reached there slowly with their eyes turned copperred (in grief).
VR 2.31.11 अनुष्टुप्
आगतेषु च दारेषु समवेक्ष्य महीपतिः । उवाच राजा तं सूतं सुमन्त्रानय मे सुतम् ॥
āgateṣu ca dāreṣu samavekṣya mahīpatiḥ | uvāca rājā taṃ sūtaṃ sumantrānaya me sutam ||
English Translation
Usher in my son (Rama), O Sumantra, said the lord of the world (king Dasaratha) to the charioteer on seeing his wives arrive.
VR 2.31.12 अनुष्टुप्
स सूतो राममादाय लक्ष्मणं मैथिलीं तदा । जगामाभिमुखस्तूर्णं सकाशं जगतीपतेः ॥
sa sūto rāmamādāya lakṣmaṇaṃ maithilīṃ tadā | jagāmābhimukhastūrṇaṃ sakāśaṃ jagatīpateḥ ||
English Translation
Then the charioteer fetched Rama, Lakshmana and Sita and advanced towards the king without delay.
VR 2.31.13 अनुष्टुप्
स राजा पुत्रमायान्तं दृष्ट्वा दूरात्कृताञ्जलिम् । उत्पपातासनात्तूर्णमार्तः स्त्रीजनसंवृतः ॥
sa rājā putramāyāntaṃ dṛṣṭvā dūrātkṛtāñjalim | utpapātāsanāttūrṇamārtaḥ strījanasaṃvṛtaḥ ||
English Translation
When the king saw from a distance his son coming with folded hands, he, surrounded by the ladies and tormented with grief, stood up.
VR 2.31.14 अनुष्टुप्
सोऽभिदुद्राव वेगेन रामं दृष्ट्वा विशां पतिः । तमसंप्राप्य दुःखार्तः पपात भुवि मूर्छितः ॥
so'bhidudrāva vegena rāmaṃ dṛṣṭvā viśāṃ patiḥ | tamasaṃprāpya duḥkhārtaḥ papāta bhuvi mūrchitaḥ ||
English Translation
At the sight of Rama, the lord of men (king Dasaratha), tortured with grief, immediately ran towards him but before he could reach him, fell unconscious on the floor.
VR 2.31.15 अनुष्टुप्
तं रामोऽभ्यपातत्क्षिप्रं लक्ष्मणश्च महारथः । विसंज्ञमिव दुःखेन सशोकं नृपतिं तदा ॥
taṃ rāmo'bhyapātatkṣipraṃ lakṣmaṇaśca mahārathaḥ | visaṃjñamiva duḥkhena saśokaṃ nṛpatiṃ tadā ||
English Translation
Rama and the mighty warrior Lakshmana, quickly reached the king who lay as though he had lost his senses due to grief.
VR 2.31.16 अनुष्टुप्
स्त्रीसहस्रनिनादश्च संजज्ञे राजवेश्मनि । हाहा रामेति सहसा भूषणध्वनिमूर्छितः ॥
strīsahasraninādaśca saṃjajñe rājaveśmani | hāhā rāmeti sahasā bhūṣaṇadhvanimūrchitaḥ ||
English Translation
All on a sudden there arose from (the mouths of) a thousand women of the palace cries of 'alas, alas, Rama' mingled with the tinkling sounds of their ornaments.
VR 2.31.17 अनुष्टुप्
तं परिष्वज्य बाहुभ्यां तावुभौ रामलक्ष्मणौ । पर्यङ्के सीतया सार्धं रुदन्तः समवेशयन् ॥
taṃ pariṣvajya bāhubhyāṃ tāvubhau rāmalakṣmaṇau | paryaṅke sītayā sārdhaṃ rudantaḥ samaveśayan ||
English Translation
Thereafter Rama and Lakshmana assisted by Sita, lifted him wailing in their arms and laid him on a couch.
VR 2.31.18 अनुष्टुप्
अथ रामो मुहूर्तेन लब्धसंज्ञं महीपतिम् । उवाच प्राञ्जलिर्भूत्वा शोकार्णवपरिप्लुतम् ॥
atha rāmo muhūrtena labdhasaṃjñaṃ mahīpatim | uvāca prāñjalirbhūtvā śokārṇavapariplutam ||
English Translation
After the king regained his consciousness in a moment, Rama with folded hands said to him, who was immersed in a sea of sorrow:
VR 2.31.19 अनुष्टुप्
आपृच्छे त्वां महाराज सर्वेषामीश्वरोऽसि नः । प्रस्थितं दण्डकारण्यं पश्य त्वं कुशलेन माम् ॥
āpṛcche tvāṃ mahārāja sarveṣāmīśvaro'si naḥ | prasthitaṃ daṇḍakāraṇyaṃ paśya tvaṃ kuśalena mām ||
English Translation
O great king, I am asking leave of you, for you are lord of all of us. I am set to depart for the Dandaka forest. See me (off) in a cheerful mood.
VR 2.31.20 अनुष्टुप्
लक्ष्मणं चानुजानीहि सीता चान्वेति मां वनम् । कारणैर्बहुभिस्तथ्यैर्वार्यमाणौ न चेच्छतः ॥
lakṣmaṇaṃ cānujānīhi sītā cānveti māṃ vanam | kāraṇairbahubhistathyairvāryamāṇau na cecchataḥ ||
English Translation
Allow Lakshmana and Sita to follow me into the forest. I tried to dissuade them with a number of reasons but they did not agree.
VR 2.31.21 अनुष्टुप्
अनुजानीहि सर्वान्नः शोकमुत्सृज्य मानद । लक्ष्मणं मां च सीतां च प्रजापतिरिव प्रजाः ॥
anujānīhi sarvānnaḥ śokamutsṛjya mānada | lakṣmaṇaṃ māṃ ca sītāṃ ca prajāpatiriva prajāḥ ||
English Translation
Discard your grief and, like Brahma, the creator, allow Lakshmana, Sita and me all of us, your subjects, O respector of men
VR 2.31.22 अनुष्टुप्
प्रतीक्षमाणमव्यग्रमनुज्ञां जगतीपतेः । उवाच रर्जा संप्रेक्ष्य वनवासाय राघवम् ॥
pratīkṣamāṇamavyagramanujñāṃ jagatīpateḥ | uvāca rarjā saṃprekṣya vanavāsāya rāghavam ||
English Translation
On seeing Rama, unruffled, waiting for his permission to proceed to the forest, the lord of the earth, king Dasaratha said:
VR 2.31.23 अनुष्टुप्
अहं राघव कैकेय्या वरदानेन मोहितः । अयोध्यायास्त्वमेवाद्य भव राजा निगृह्य माम् ॥
ahaṃ rāghava kaikeyyā varadānena mohitaḥ | ayodhyāyāstvamevādya bhava rājā nigṛhya mām ||
English Translation
I have been deluded by Kaikeyi into bestowing boons. Imprison me and be now king of Ayodhya, O scion of the Raghu dynasty
VR 2.31.24 अनुष्टुप्
एवमुक्तो नृपतिना रामो धर्मभृतां वरः । प्रत्युवाचाञ्जलिं कृत्वा पितरं वाक्यकोविदः ॥
evamukto nṛpatinā rāmo dharmabhṛtāṃ varaḥ | pratyuvācāñjaliṃ kṛtvā pitaraṃ vākyakovidaḥ ||
English Translation
Thus spoken to by the king, Rama, skilled in speech and upholder of righteousness, replied to his father with folded palms:
VR 2.31.25 अनुष्टुप्
भवान्वर्षसहस्राय पृथिव्या नृपते पतिः । अहं त्वरण्ये वत्स्यामि न मे कार्यं त्वयानृतम् ॥
bhavānvarṣasahasrāya pṛthivyā nṛpate patiḥ | ahaṃ tvaraṇye vatsyāmi na me kāryaṃ tvayānṛtam ||
English Translation
You will remain the lord of this earth for a thousand years to come, O king As for me, I will dwell in the forest. Do not deviate from truth on my account.
VR 2.31.26 अनुष्टुप्
श्रेयसे वृद्धये तात पुनरागमनाय च । गच्छस्वारिष्टमव्यग्रः पन्थानमकुतोभयम् ॥
śreyase vṛddhaye tāta punarāgamanāya ca | gacchasvāriṣṭamavyagraḥ panthānamakutobhayam ||
English Translation
Go, my dear child, wish you wellMay your path be auspicious, free from obstacles and fear (from any quarters). Come back (after fulfilment of the pledge)
VR 2.31.27 उपजातिः
अद्य त्विदानीं रजनीं पुत्र मा गच्छ सर्वथा । मातरं मां च संपश्यन्वसेमामद्य शर्वरीम् । तर्पितः सर्वकामैस्त्वं श्वःकाले साधयिष्यसि ॥
adya tvidānīṃ rajanīṃ putra mā gaccha sarvathā | mātaraṃ māṃ ca saṃpaśyanvasemāmadya śarvarīm | tarpitaḥ sarvakāmaistvaṃ śvaḥkāle sādhayiṣyasi ||
English Translation
Stay tonight in the company of your mother and me. With all our desire satisfied, you can set out tomorrow at the appropriate time.
VR 2.31.28 अनुष्टुप्
अथ रामस्तथा श्रुत्वा पितुरार्तस्य भाषितम् । लक्ष्मणेन सह भ्रात्रा दीनो वचनमब्रवीत् ॥
atha rāmastathā śrutvā piturārtasya bhāṣitam | lakṣmaṇena saha bhrātrā dīno vacanamabravīt ||
English Translation
Rama and Lakshmana were sad to hear the words of their anguished father. Rama replies:
VR 2.31.29 अनुष्टुप्
प्राप्स्यामि यानद्य गुणान्को मे श्वस्तान्प्रदास्यति । अपक्रमणमेवातः सर्वकामैरहं वृणे ॥
prāpsyāmi yānadya guṇānko me śvastānpradāsyati | apakramaṇamevātaḥ sarvakāmairahaṃ vṛṇe ||
English Translation
Who will give me the merit (of propriety) I earn today? Therefore, I want to depart (today), discarding all my desires.
VR 2.31.30 अनुष्टुप्
इयं सराष्ट्रा सजना धनधान्यसमाकुला । मया विसृष्टा वसुधा भरताय प्रदीयताम् ॥
iyaṃ sarāṣṭrā sajanā dhanadhānyasamākulā | mayā visṛṣṭā vasudhā bharatāya pradīyatām ||
English Translation
The kingdom abdicated by me with all its people, its wealth and foodgrains may be bestowed on Bharata.
VR 2.31.31 अनुष्टुप्
अपगच्छतु ते दुःखं मा भूर्बाष्पपरिप्लुतः । न हि क्षुभ्यति दुर्धर्षः समुद्रः सरितां पतिः ॥
apagacchatu te duḥkhaṃ mā bhūrbāṣpapariplutaḥ | na hi kṣubhyati durdharṣaḥ samudraḥ saritāṃ patiḥ ||
English Translation
Let your grief go. Do not shed tears. The indomitable ocean, Lord of rivers, is never perturbed.
VR 2.31.32 अनुष्टुप्
नैवाहं राज्यमिच्छामि न सुखं न च मैथिलीम् । त्वामहं सत्यमिच्छामि नानृतं पुरुषर्षभ ॥
naivāhaṃ rājyamicchāmi na sukhaṃ na ca maithilīm | tvāmahaṃ satyamicchāmi nānṛtaṃ puruṣarṣabha ||
English Translation
I desire no kingdom, no comfort, not this earth nor any pleasure nor heaven nor even life.
VR 2.31.33 वंशस्थम्
पुरं च राष्ट्रं च मही च केवला; मया निसृष्टा भरताय दीयताम् । अहं निदेशं भवतोऽनुपालय;न्वनं गमिष्यामि चिराय सेवितुम् ॥
puraṃ ca rāṣṭraṃ ca mahī ca kevalā; mayā nisṛṣṭā bharatāya dīyatām | ahaṃ nideśaṃ bhavato'nupālaya;nvanaṃ gamiṣyāmi cirāya sevitum ||
English Translation
I am renouncing this city, kingdom and this entire earth, and let all this be conferred on Bharata. In obedience to your order, I shall go and live in the forest for a long time.
VR 2.31.34 वंशस्थम्
मया निसृष्टां भरतो महीमिमां; सशैलखण्डां सपुरां सकाननाम् । शिवां सुसीमामनुशास्तु केवलं; त्वया यदुक्तं नृपते यथास्तु तत् ॥
mayā nisṛṣṭāṃ bharato mahīmimāṃ; saśailakhaṇḍāṃ sapurāṃ sakānanām | śivāṃ susīmāmanuśāstu kevalaṃ; tvayā yaduktaṃ nṛpate yathāstu tat ||
English Translation
I am leaving behind, O king this (auspicious) land with its welllaid boundaries, mountain ranges, cities and forests, which Bharata alone should rule. Let it happen the way you have said.
VR 2.31.35 वंशस्थम्
न मे तथा पार्थिव धीयते मनो; महत्सु कामेषु न चात्मनः प्रिये । यथा निदेशे तव शिष्टसंमते; व्यपैतु दुःखं तव मत्कृतेऽनघ ॥
na me tathā pārthiva dhīyate mano; mahatsu kāmeṣu na cātmanaḥ priye | yathā nideśe tava śiṣṭasaṃmate; vyapaitu duḥkhaṃ tava matkṛte'nagha ||
English Translation
O king my mind derives no happiness from great enjoyment or personal comfort as it does from carrying out your order. This is corroborated by the wise. Your grief (relating to filfilment of the vow) on mt account will be dispelled, O sinless one
VR 2.31.36 वंशस्थम्
तदद्य नैवानघ राज्यमव्ययं; न सर्वकामान्न सुखं न मैथिलीम् । न जीवितं त्वामनृतेन योजय;न्वृणीय सत्यं व्रतमस्तु ते तथा ॥
tadadya naivānagha rājyamavyayaṃ; na sarvakāmānna sukhaṃ na maithilīm | na jīvitaṃ tvāmanṛtena yojaya;nvṛṇīya satyaṃ vratamastu te tathā ||
English Translation
O sinless one by associating you with falsehood I will neither seek this eternal kingdom nor objects of desires nor objects of happiness nor Maithili nor even my life. I only wish that your vow comes true.
VR 2.31.37 वंशस्थम्
फलानि मूलानि च भक्षयन्वने; गिरींश्च पश्यन्सरितः सरांसि च । वनं प्रविश्यैव विचित्रपादपं; सुखी भविष्यामि तवास्तु निर्वृतिः ॥
phalāni mūlāni ca bhakṣayanvane; girīṃśca paśyansaritaḥ sarāṃsi ca | vanaṃ praviśyaiva vicitrapādapaṃ; sukhī bhaviṣyāmi tavāstu nirvṛtiḥ ||
English Translation
Entering the forest full of various kinds of trees I shall be happy to view the mountains, rivers and the lakes and to eat fruits and roots. (Hence) do not grieve.
← Previous (Ch. 106) Full Table of Contents Next (Ch. 108) →