Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 74

Ayodhyākāṇḍa Sarga 74

अयोध्याकाण्डम् • सर्गः 74

Ayodhyākāṇḍa Sarga 74 of the classical Vālmīki Rāmāyaṇa with 21 verses.

Total: 21 Verses • Citations: VR 2.74.1–21 • 175 Lexicon Terms
VR 2.74.1 अनुष्टुप्
अथ भूमिप्रदेशज्ञाः सूत्रकर्मविशारदाः । स्वकर्माभिरताः शूराः खनका यन्त्रकास्तथा ॥
atha bhūmipradeśajñāḥ sūtrakarmaviśāradāḥ | svakarmābhiratāḥ śūrāḥ khanakā yantrakāstathā ||
VR 2.74.2 अनुष्टुप्
कर्मान्तिकाः स्थपतयः पुरुषा यन्त्रकोविदाः । तथा वर्धकयश्चैव मार्गिणो वृक्षतक्षकाः ॥
karmāntikāḥ sthapatayaḥ puruṣā yantrakovidāḥ | tathā vardhakayaścaiva mārgiṇo vṛkṣatakṣakāḥ ||
VR 2.74.3 अनुष्टुप्
कूपकाराः सुधाकारा वंशकर्मकृतस्तथा । समर्था ये च द्रष्टारः पुरतस्ते प्रतस्थिरे ॥
kūpakārāḥ sudhākārā vaṃśakarmakṛtastathā | samarthā ye ca draṣṭāraḥ purataste pratasthire ||
VR 2.74.4 अनुष्टुप्
स तु हर्षात्तमुद्देशं जनौघो विपुलः प्रयान् । अशोभत महावेगः सागरस्येव पर्वणि ॥
sa tu harṣāttamuddeśaṃ janaugho vipulaḥ prayān | aśobhata mahāvegaḥ sāgarasyeva parvaṇi ||
English Translation
And as the mighty throng began to proceed, it resembled the swell of the sea on the occasion of a parva.
VR 2.74.5 अनुष्टुप्
ते स्ववारं समास्थाय वर्त्मकर्माणि कोविदाः । करणैर्विविधोपेतैः पुरस्तात्संप्रतस्थिरे ॥
te svavāraṃ samāsthāya vartmakarmāṇi kovidāḥ | karaṇairvividhopetaiḥ purastātsaṃpratasthire ||
English Translation
And number of men skilled in roadconstructing went before furnished with various implements.
VR 2.74.6 अनुष्टुप्
लतावल्लीश्च गुल्मांश्च स्थाणूनश्मन एव च । जनास्ते चक्रिरे मार्गं छिन्दन्तो विविधान्द्रुमान् ॥
latāvallīśca gulmāṃśca sthāṇūnaśmana eva ca | janāste cakrire mārgaṃ chindanto vividhāndrumān ||
English Translation
And hewing away boughs, plants and shrubs and woody projections, stones, and diverse trees, they went on preparing a road.
VR 2.74.7 अनुष्टुप्
अवृक्षेषु च देशेषु केचिद्वृक्षानरोपयन् । केचित्कुठारैष्टङ्कैश्च दात्रैश्छिन्दन्क्वचित्क्वचित् ॥
avṛkṣeṣu ca deśeṣu kecidvṛkṣānaropayan | kecitkuṭhāraiṣṭaṅkaiśca dātraiśchindankvacitkvacit ||
English Translation
Some of them, planted saplings in places where there were none, while some others severed trees here and there with axes, hatchets and sickles.
VR 2.74.8 अनुष्टुप्
अपरे वीरणस्तम्बान्बलिनो बलवत्तराः । विधमन्ति स्म दुर्गाणि स्थलानि च ततस्ततः ॥
apare vīraṇastambānbalino balavattarāḥ | vidhamanti sma durgāṇi sthalāni ca tatastataḥ ||
English Translation
Some other stronger men, plucked the strongrooted tufts of fragrant grass. Here and there they made impassable terrains even.
VR 2.74.9 अनुष्टुप्
अपरेऽपूरयन्कूपान्पांसुभिः श्वभ्रमायतम् । निम्नभागांस्तथा केचित्समांश्चक्रुः समन्ततः ॥
apare'pūrayankūpānpāṃsubhiḥ śvabhramāyatam | nimnabhāgāṃstathā kecitsamāṃścakruḥ samantataḥ ||
English Translation
Some filled wells and chasms with loose soil, while others made low level grounds plain and wide on all sides.
VR 2.74.10 अनुष्टुप्
बबन्धुर्बन्धनीयांश्च क्षोद्यान्संचुक्षुदुस्तदा । बिभिदुर्भेदनीयांश्च तांस्तान्देशान्नरास्तदा ॥
babandhurbandhanīyāṃśca kṣodyānsaṃcukṣudustadā | bibhidurbhedanīyāṃśca tāṃstāndeśānnarāstadā ||
English Translation
And those men threw bridges wherever they became necessary, and broke the earth wherever such a process was required, and excavated whenever such a process was required, and excavated whenever it was necessary.
VR 2.74.11 उपजातिः
अचिरेणैव कालेन परिवाहान्बहूदकान् । चक्रुर्बहुविधाकारान्सागरप्रतिमान्बहून् । उदपानान्बहुविधान्वेदिका परिमण्डितान् ॥
acireṇaiva kālena parivāhānbahūdakān | cakrurbahuvidhākārānsāgarapratimānbahūn | udapānānbahuvidhānvedikā parimaṇḍitān ||
English Translation
In a short time, they made places poor of water overflow with many and various expanses resembling the ocean.
VR 2.74.12 अनुष्टुप्
ससुधाकुट्टिमतलः प्रपुष्पितमहीरुहः । मत्तोद्घुष्टद्विजगणः पताकाभिरलंकृतः ॥
sasudhākuṭṭimatalaḥ prapuṣpitamahīruhaḥ | mattodghuṣṭadvijagaṇaḥ patākābhiralaṃkṛtaḥ ||
English Translation
And the way of the army, furnished with pavements of bricks and clay, with trees bearing blossoms, eloquent with the tunes of birds, decorated with pennons, sprinkled with sandal showers, and garnished with flowers of various kinds, looked exceedingly beautiful, like to the way of the celestials.
VR 2.74.13 अनुष्टुप्
चन्दनोदकसंसिक्तो नानाकुसुमभूषितः । बह्वशोभत सेनायाः पन्थाः स्वर्गपथोपमः ॥
candanodakasaṃsikto nānākusumabhūṣitaḥ | bahvaśobhata senāyāḥ panthāḥ svargapathopamaḥ ||
English Translation
And the way of the army, furnished with pavements of bricks and clay, with trees bearing blossoms, eloquent with the tunes of birds, decorated with pennons, sprinkled with sandal showers, and garnished with flowers of various kinds, looked exceedingly beautiful, like to the way of the celestials.
VR 2.74.14 अनुष्टुप्
आज्ञाप्याथ यथाज्ञप्ति युक्तास्तेऽधिकृता नराः । रमणीयेषु देशेषु बहुस्वादुफलेषु च ॥
ājñāpyātha yathājñapti yuktāste'dhikṛtā narāḥ | ramaṇīyeṣu deśeṣu bahusvāduphaleṣu ca ||
English Translation
Then having received the command of Bharata, the men that were in charge of the tents, ordered (the workmen) to pitch the tents, and when they had been pitched at a romantic spot filled with tasteful fruits, in consonance with the injunction of the high-souled Bharata, the men decorated splendidly the tents which themselves were like the ornaments of the road.
VR 2.74.15 अनुष्टुप्
यो निवेशस्त्वभिप्रेतो भरतस्य महात्मनः । भूयस्तं शोभयामासुर्भूषाभिर्भूषणोपमम् ॥
yo niveśastvabhipreto bharatasya mahātmanaḥ | bhūyastaṃ śobhayāmāsurbhūṣābhirbhūṣaṇopamam ||
English Translation
Then having received the command of Bharata, the men that were in charge of the tents, ordered (the workmen) to pitch the tents, and when they had been pitched at a romantic spot filled with tasteful fruits, in consonance with the injunction of the high-souled Bharata, the men decorated splendidly the tents which themselves were like the ornaments of the road.
VR 2.74.16 अनुष्टुप्
नक्षत्रेषु प्रशस्तेषु मुहूर्तेषु च तद्विदः । निवेशं स्थापयामासुर्भरतस्य महात्मनः ॥
nakṣatreṣu praśasteṣu muhūrteṣu ca tadvidaḥ | niveśaṃ sthāpayāmāsurbharatasya mahātmanaḥ ||
English Translation
Under an auspicious star and at a favourable hour, men well up in the work set the encampment of the high-souled Bharata.
VR 2.74.17 अनुष्टुप्
बहुपांसुचयाश्चापि परिखापरिवारिताः । तत्रेन्द्रकीलप्रतिमाः प्रतोलीवरशोभिताः ॥
bahupāṃsucayāścāpi parikhāparivāritāḥ | tatrendrakīlapratimāḥ pratolīvaraśobhitāḥ ||
VR 2.74.18 अनुष्टुप्
प्रासादमालासंयुक्ताः सौधप्राकारसंवृताः । पताका शोभिताः सर्वे सुनिर्मितमहापथाः ॥
prāsādamālāsaṃyuktāḥ saudhaprākārasaṃvṛtāḥ | patākā śobhitāḥ sarve sunirmitamahāpathāḥ ||
VR 2.74.19 अनुष्टुप्
विसर्पद्भिरिवाकाशे विटङ्काग्रविमानकैः । समुच्छ्रितैर्निवेशास्ते बभुः शक्रपुरोपमाः ॥
visarpadbhirivākāśe viṭaṅkāgravimānakaiḥ | samucchritairniveśāste babhuḥ śakrapuropamāḥ ||
VR 2.74.20 अनुष्टुप्
जाह्नवीं तु समासाद्य विविधद्रुम काननाम् । शीतलामलपानीयां महामीनसमाकुलाम् ॥
jāhnavīṃ tu samāsādya vividhadruma kānanām | śītalāmalapānīyāṃ mahāmīnasamākulām ||
English Translation
The reached Ganga with its cool and limpid waters abounding in large fishes, its bank lined with groves of various trees.
VR 2.74.21 वंशस्थम्
सचन्द्रतारागणमण्डितं यथा; नभःक्षपायाममलं विराजते । नरेन्द्रमार्गः स तथा व्यराजत; क्रमेण रम्यः शुभशिल्पिनिर्मितः ॥
sacandratārāgaṇamaṇḍitaṃ yathā; nabhaḥkṣapāyāmamalaṃ virājate | narendramārgaḥ sa tathā vyarājata; krameṇa ramyaḥ śubhaśilpinirmitaḥ ||
English Translation
And passing by the Jāhnavi abounding in various trees and woods, of cool and crystal waters, and filled with mighty fishes, that way of the chief of men constructed by artizans, looked more and more lovely as it proceeded, as the unclouded sky looks beautiful at night, adorned with innumerable stars.
← Previous (Ch. 149) Full Table of Contents Next (Ch. 151) →