Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 53

Ayodhyākāṇḍa Sarga 53

अयोध्याकाण्डम् • सर्गः 53

Ayodhyākāṇḍa Sarga 53 of the classical Vālmīki Rāmāyaṇa with 26 verses.

Total: 26 Verses • Citations: VR 2.53.1–26 • 175 Lexicon Terms
VR 2.53.1 अनुष्टुप्
मम त्वश्वा निवृत्तस्य न प्रावर्तन्त वर्त्मनि । उष्णमश्रु विमुञ्चन्तो रामे संप्रस्थिते वनम् ॥
mama tvaśvā nivṛttasya na prāvartanta vartmani | uṣṇamaśru vimuñcanto rāme saṃprasthite vanam ||
English Translation
On Rāma having gone to the forest, my horses as I turned away, did not proceed vigorously on the way, and shed warm tears. And having (done homage) to both the princes by joining my hands, I turned my back, bearing as best I could that load of sorrow.
VR 2.53.2 अनुष्टुप्
उभाभ्यां राजपुत्राभ्यामथ कृत्वाहमज्ञलिम् । प्रस्थितो रथमास्थाय तद्दुःखमपि धारयन् ॥
ubhābhyāṃ rājaputrābhyāmatha kṛtvāhamajñalim | prasthito rathamāsthāya tadduḥkhamapi dhārayan ||
English Translation
Thereafter, controlling my grief and paying obeisance to both the princes with folded palms, I ascended the chariot and returned.
VR 2.53.3 अनुष्टुप्
गुहेव सार्धं तत्रैव स्थितोऽस्मि दिवसान्बहून् । आशया यदि मां रामः पुनः शब्दापयेदिति ॥
guheva sārdhaṃ tatraiva sthito'smi divasānbahūn | āśayā yadi māṃ rāmaḥ punaḥ śabdāpayediti ||
English Translation
Indulging in the hope that Rāma might again summon me by any of the envoys (of Guha left there), I stayed there with Guha for many days.
VR 2.53.4 अनुष्टुप्
विषये ते महाराज रामव्यसनकर्शिताः । अपि वृक्षाः परिम्लानः सपुष्पाङ्कुरकोरकाः ॥
viṣaye te mahārāja rāmavyasanakarśitāḥ | api vṛkṣāḥ parimlānaḥ sapuṣpāṅkurakorakāḥ ||
English Translation
In your dominions, O monarch, exercised by the calamity that has befallen Rāma, even trees bearing blossoms and buds and sprouts look sad; the rivers and pools and liquid lapses have their waters dried up; and the woods and groves have their foliage withered.
VR 2.53.5 अनुष्टुप्
न च सर्पन्ति सत्त्वानि व्याला न प्रसरन्ति च । रामशोकाभिभूतं तन्निष्कूजमभवद्वनम् ॥
na ca sarpanti sattvāni vyālā na prasaranti ca | rāmaśokābhibhūtaṃ tanniṣkūjamabhavadvanam ||
English Translation
Creatures do not move and beasts of prey cease to range about; and the forest appears to be dumb, stupefied by grief on account of Rāma.
VR 2.53.6 अनुष्टुप्
लीनपुष्करपत्राश्च नरेन्द्र कलुषोदकाः । संतप्तपद्माः पद्मिन्यो लीनमीनविहंगमाः ॥
līnapuṣkarapatrāśca narendra kaluṣodakāḥ | saṃtaptapadmāḥ padminyo līnamīnavihaṃgamāḥ ||
English Translation
The water in the lotus lakes, O king, has become turbid. The blue lotuses have withered and their shrivelled petals are submerged in water. The fishes and aquatic birds are hidden under waters.
VR 2.53.7 अनुष्टुप्
जलजानि च पुष्पाणि माल्यानि स्थलजानि च । नाद्य भान्त्यल्पगन्धीनि फलानि च यथा पुरम् ॥
jalajāni ca puṣpāṇi mālyāni sthalajāni ca | nādya bhāntyalpagandhīni phalāni ca yathā puram ||
English Translation
Streams containing lotuses with their leaves shrivelled, have their waters stained; and lotuses have their leaves burnt; and fished and (aquatic) birds have grown lean. And flowers both on land and water have been deprived of their freshness and fragrance; and they no longer retain their former condition.
VR 2.53.8 अनुष्टुप्
प्रविशन्तमयोध्यां मां न कश्चिदभिनन्दति । नरा राममपश्यन्तो निःश्वसन्ति मुहुर्मुहुः ॥
praviśantamayodhyāṃ māṃ na kaścidabhinandati | narā rāmamapaśyanto niḥśvasanti muhurmuhuḥ ||
English Translation
When I entered Ayodhyā, none greeted me. And not seeing Rāma, the people sigh momentarily.
VR 2.53.9 अनुष्टुप्
हर्म्यैर्विमानैः प्रासादैरवेक्ष्य रथमागतम् । हाहाकारकृता नार्यो रामादर्शनकर्शिताः ॥
harmyairvimānaiḥ prāsādairavekṣya rathamāgatam | hāhākārakṛtā nāryo rāmādarśanakarśitāḥ ||
English Translation
And beholding Sumantra returned to the city crowned with edifices, seven-storied houses, and palatial mansions, the women, stricken with the absence of Rama, set up a cry of "Oh" and "Alas."
VR 2.53.10 अनुष्टुप्
आयतैर्विमलैर्नेत्रैरश्रुवेगपरिप्लुतैः । अन्योन्यमभिवीक्षन्ते व्यक्तमार्ततराः स्त्रियः ॥
āyatairvimalairnetrairaśruvegapariplutaiḥ | anyonyamabhivīkṣante vyaktamārtatarāḥ striyaḥ ||
English Translation
Waxing still more aggrieved, the females looked at each other with their expansive and transparent eyes fast flooded with tears. And then he heard the talk, as toned down it proceeded from the royal mansions, of the wives of Dasaratha afflicted with grief for Rāma.
VR 2.53.11 अनुष्टुप्
नामित्राणां न मित्राणामुदासीनजनस्य च । अहमार्ततया कंचिद्विशेषं नोपलक्षये ॥
nāmitrāṇāṃ na mitrāṇāmudāsīnajanasya ca | ahamārtatayā kaṃcidviśeṣaṃ nopalakṣaye ||
English Translation
And in consequence of the general grief that prevailed, I could not perceive any difference between friends and foes and persons indifferent.
VR 2.53.12 अनुष्टुप्
अप्रहृष्टमनुष्या च दीननागतुरंगमा । आर्तस्वरपरिम्लाना विनिःश्वसितनिःस्वना ॥
aprahṛṣṭamanuṣyā ca dīnanāgaturaṃgamā | ārtasvaraparimlānā viniḥśvasitaniḥsvanā ||
English Translation
O mighty monarch, distressed in consequence of the exile of Rāma, men appear sunk in dejection, and elephants and horses are spiritless; and seized with cheerlessness, they utter doleful sounds and heave profound sighs. Ayodhyā appears to me joyless like Kausalyă deprived of her son.
VR 2.53.13 अनुष्टुप्
निरानन्दा महाराज रामप्रव्राजनातुरा । कौसल्या पुत्रहीनेव अयोध्या प्रतिभाति मा ॥
nirānandā mahārāja rāmapravrājanāturā | kausalyā putrahīneva ayodhyā pratibhāti mā ||
English Translation
O mighty monarch, distressed in consequence of the exile of Rāma, men appear sunk in dejection, and elephants and horses are spiritless; and seized with cheerlessness, they utter doleful sounds and heave profound sighs. Ayodhyā appears to me joyless like Kausalyă deprived of her son.
VR 2.53.14 अनुष्टुप्
सूतस्य वचनं श्रुत्वा वाचा परमदीनया । बाष्पोपहतया राजा तं सूतमिदमब्रवीत् ॥
sūtasya vacanaṃ śrutvā vācā paramadīnayā | bāṣpopahatayā rājā taṃ sūtamidamabravīt ||
English Translation
Hearing the words of the charioteer, the king like an exceedingly forlorn, addressed the former in words lost in the vapour of sorrow.
VR 2.53.15 अनुष्टुप्
कैकेय्या विनियुक्तेन पापाभिजनभावया । मया न मन्त्रकुशलैर्वृद्धैः सह समर्थितम् ॥
kaikeyyā viniyuktena pāpābhijanabhāvayā | mayā na mantrakuśalairvṛddhaiḥ saha samarthitam ||
English Translation
Exhorted by Kaikeyi of a sinful country, born in a sinful race and cherishing sinful designs, I did not take counsel with aged people capable of offering advice.
VR 2.53.16 अनुष्टुप्
न सुहृद्भिर्न चामात्यैर्मन्त्रयित्वा न नैगमैः । मयायमर्थः संमोहात्स्त्रीहेतोः सहसा कृतः ॥
na suhṛdbhirna cāmātyairmantrayitvā na naigamaiḥ | mayāyamarthaḥ saṃmohātstrīhetoḥ sahasā kṛtaḥ ||
English Translation
Without consulting with friends or courtiers or persons versed in the Vedas, I have in the interest of a woman rashly done this thing through ignorance.
VR 2.53.17 अनुष्टुप्
भवितव्यतया नूनमिदं वा व्यसनं महत् । कुलस्यास्य विनाशाय प्राप्तं सूत यदृच्छया ॥
bhavitavyatayā nūnamidaṃ vā vyasanaṃ mahat | kulasyāsya vināśāya prāptaṃ sūta yadṛcchayā ||
English Translation
Meseems, O charioteer, for the purpose of destroying this line entirely, this mighty disaster has surely befallen us through the influence of Destiny.
VR 2.53.18 अनुष्टुप्
सूत यद्यस्ति ते किंचिन्मयापि सुकृतं कृतम् । त्वं प्रापयाशु मां रामं प्राणाः संत्वरयन्ति माम् ॥
sūta yadyasti te kiṃcinmayāpi sukṛtaṃ kṛtam | tvaṃ prāpayāśu māṃ rāmaṃ prāṇāḥ saṃtvarayanti mām ||
English Translation
O charioteer, if I have ever done you any good do you immediately take me to Rāma: my life urges me on (in this direction).
VR 2.53.19 अनुष्टुप्
यद्यद्यापि ममैवाज्ञा निवर्तयतु राघवम् । न शक्ष्यामि विना राम मुहूर्तमपि जीवितुम् ॥
yadyadyāpi mamaivājñā nivartayatu rāghavam | na śakṣyāmi vinā rāma muhūrtamapi jīvitum ||
English Translation
Or let my command make Rāghava turn back. I cannot live for a moment without Rāma.
VR 2.53.20 अनुष्टुप्
अथ वापि महाबाहुर्गतो दूरं भविष्यति । मामेव रथमारोप्य शीघ्रं रामाय दर्शय ॥
atha vāpi mahābāhurgato dūraṃ bhaviṣyati | māmeva rathamāropya śīghraṃ rāmāya darśaya ||
English Translation
But if that mighty-armed one has proceeded far, do you placing me on a car speedily show me to Rāma.
VR 2.53.21 अनुष्टुप्
वृत्तदंष्ट्रो महेष्वासः क्वासौ लक्ष्मणपूर्वजः । यदि जीवामि साध्वेनं पश्येयं सह सीतया ॥
vṛttadaṃṣṭro maheṣvāsaḥ kvāsau lakṣmaṇapūrvajaḥ | yadi jīvāmi sādhvenaṃ paśyeyaṃ saha sītayā ||
English Translation
Where is that elder brother of Lakşmaņa of a mighty bow, furnished with teeth resembling Kunda flowers? If I live so long, I will behold him in company with Sītā.
VR 2.53.22 अनुष्टुप्
लोहिताक्षं महाबाहुमामुक्तमणिकुण्डलम् । रामं यदि न पश्यामि गमिष्यामि यमक्षयम् ॥
lohitākṣaṃ mahābāhumāmuktamaṇikuṇḍalam | rāmaṃ yadi na paśyāmi gamiṣyāmi yamakṣayam ||
English Translation
What can be sadder than this, that reduced to such a pass, I cannot see here that descendant of Ikşvāku, Rāghava?
VR 2.53.23 अनुष्टुप्
अतो नु किं दुःखतरं योऽहमिक्ष्वाकुनन्दनम् । इमामवस्थामापन्नो नेह पश्यामि राघवम् ॥
ato nu kiṃ duḥkhataraṃ yo'hamikṣvākunandanam | imāmavasthāmāpanno neha paśyāmi rāghavam ||
English Translation
What can be sadder than this, that reduced to such a pass, I cannot see here that descendant of Ikşvāku, Rāghava?
VR 2.53.24 उपजातिः
हा राम रामानुज हा हा वैदेहि तपस्विनी । न मां जानीत दुःखेन म्रियमाणमनाथवत् । दुस्तरो जीवता देवि मयायं शोकसागरः ॥
hā rāma rāmānuja hā hā vaidehi tapasvinī | na māṃ jānīta duḥkhena mriyamāṇamanāthavat | dustaro jīvatā devi mayāyaṃ śokasāgaraḥ ||
English Translation
Ah Rāma! Ah you younger brother of Rāma! Ah you unfortunate Vaidehī! You do not know that I am through grief lamenting like one deserted.
VR 2.53.25 वंशस्थम्
अशोभनं योऽहमिहाद्य राघवं; दिदृक्षमाणो न लभे सलक्ष्मणम् । इतीव राजा विलपन्महायशाः; पपात तूर्णं शयने स मूर्छितः ॥
aśobhanaṃ yo'hamihādya rāghavaṃ; didṛkṣamāṇo na labhe salakṣmaṇam | itīva rājā vilapanmahāyaśāḥ; papāta tūrṇaṃ śayane sa mūrchitaḥ ||
English Translation
Though I wish I cannot see Rama together with Lakshmana. Indeed this is very unfortunate. Lamenting thus, king Dasaratha of great reknown fell on the bed, unconscious.
VR 2.53.26 पुष्पिताग्रा = [१२: ननरय] १,३ + [१२: नजजरग] २,४
इति विलपति पार्थिवे प्रनष्टे; करुणतरं द्विगुणं च रामहेतोः । वचनमनुनिशम्य तस्य देवी; भयमगमत्पुनरेव राममाता ॥
iti vilapati pārthive pranaṣṭe; karuṇataraṃ dviguṇaṃ ca rāmahetoḥ | vacanamanuniśamya tasya devī; bhayamagamatpunareva rāmamātā ||
English Translation
On the king swooning away lamenting, that exalted lady, Rāma's mother, hearing his words doubly bitter and more piteous than ever uttered for Rāma, was seized with fresh apprehension.
← Previous (Ch. 128) Full Table of Contents Next (Ch. 130) →