Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 47

Ayodhyākāṇḍa Sarga 47

अयोध्याकाण्डम् • सर्गः 47

Ayodhyākāṇḍa Sarga 47 of the classical Vālmīki Rāmāyaṇa with 33 verses.

Total: 33 Verses • Citations: VR 2.47.1–33 • 175 Lexicon Terms
VR 2.47.1 अनुष्टुप्
स तं वृक्षं समासाद्य संध्यामन्वास्य पश्चिमाम् । रामो रमयतां श्रेष्ठ इति होवाच लक्ष्मणम् ॥
sa taṃ vṛkṣaṃ samāsādya saṃdhyāmanvāsya paścimām | rāmo ramayatāṃ śreṣṭha iti hovāca lakṣmaṇam ||
English Translation
Having taken refuge under the tree and performed his evening devotions, that foremost of those capable of charming others. Rāma, addressed Laksmana, saying.
VR 2.47.2 अनुष्टुप्
अद्येयं प्रथमा रात्रिर्याता जनपदाद्बहिः । या सुमन्त्रेण रहिता तां नोत्कण्ठितुमर्हसि ॥
adyeyaṃ prathamā rātriryātā janapadādbahiḥ | yā sumantreṇa rahitā tāṃ notkaṇṭhitumarhasi ||
English Translation
To day is the first night (which we must spend) outside the inhabited tracts without the company of Sumantra.. You ought not to suffer your mind to be uneasy on that score.
VR 2.47.3 अनुष्टुप्
जागर्तव्यमतन्द्रिभ्यामद्य प्रभृति रात्रिषु । योगक्षेमो हि सीताया वर्तते लक्ष्मणावयोः ॥
jāgartavyamatandribhyāmadya prabhṛti rātriṣu | yogakṣemo hi sītāyā vartate lakṣmaṇāvayoḥ ||
English Translation
From to night forth, we shall have to guard her vigilantly, for, O Laksmana, the preservation of what she has as well as the securing to her of what she has not, rests with us.
VR 2.47.4 अनुष्टुप्
रात्रिं कथंचिदेवेमां सौमित्रे वर्तयामहे । उपावर्तामहे भूमावास्तीर्य स्वयमार्जितैः ॥
rātriṃ kathaṃcidevemāṃ saumitre vartayāmahe | upāvartāmahe bhūmāvāstīrya svayamārjitaiḥ ||
English Translation
We will, O son of Sumitrā, anyhow pass the night; let us ourselves procuring (leaves) and spreading them on the ground, anyhow lie down on it.
VR 2.47.5 अनुष्टुप्
स तु संविश्य मेदिन्यां महार्हशयनोचितः । इमाः सौमित्रये रामो व्याजहार कथाः शुभाः ॥
sa tu saṃviśya medinyāṃ mahārhaśayanocitaḥ | imāḥ saumitraye rāmo vyājahāra kathāḥ śubhāḥ ||
English Translation
Saying this, Rāma lying down on the ground although worthy of a costly bed, spoke these excellent words to Sumitrā's son.
VR 2.47.6 अनुष्टुप्
ध्रुवमद्य महाराजो दुःखं स्वपिति लक्ष्मण । कृतकामा तु कैकेयी तुष्टा भवितुमर्हति ॥
dhruvamadya mahārājo duḥkhaṃ svapiti lakṣmaṇa | kṛtakāmā tu kaikeyī tuṣṭā bhavitumarhati ||
English Translation
O Lakşmaņa, surely the king sleeps uneasily to day, and Kaikeyi having attained her end ought to be satisfied.
VR 2.47.7 अनुष्टुप्
सा हि देवी महाराजं कैकेयी राज्यकारणात् । अपि न च्यावयेत्प्राणान्दृष्ट्वा भरतमागतम् ॥
sā hi devī mahārājaṃ kaikeyī rājyakāraṇāt | api na cyāvayetprāṇāndṛṣṭvā bharatamāgatam ||
English Translation
Will not that revered lady, for the purpose of having Bharata established in the kingdom, take the king's life, when she shall see Bharata arrived?
VR 2.47.8 अनुष्टुप्
अनाथश्चैव वृद्धश्च मया चैव विनाकृतः । किं करिष्यति कामात्मा कैकेय्या वशमागतः ॥
anāthaścaiva vṛddhaśca mayā caiva vinākṛtaḥ | kiṃ kariṣyati kāmātmā kaikeyyā vaśamāgataḥ ||
English Translation
Forlorn and old and deprived of me. I do not know what he will do, his soul possessed by desire, and having come under the influence of Kaikeyi.
VR 2.47.9 अनुष्टुप्
इदं व्यसनमालोक्य राज्ञश्च मतिविभ्रमम् । काम एवार्धधर्माभ्यां गरीयानिति मे मतिः ॥
idaṃ vyasanamālokya rājñaśca mativibhramam | kāma evārdhadharmābhyāṃ garīyāniti me matiḥ ||
English Translation
Viewing this calamity that has overtaken us) and the disorder that has taken place in the senses of the monarch, I deem even lust as more potent than either virtue or interest.
VR 2.47.10 अनुष्टुप्
को ह्यविद्वानपि पुमान्प्रमदायाः कृते त्यजेत् । छन्दानुवर्तिनं पुत्रं तातो मामिव लक्ष्मण ॥
ko hyavidvānapi pumānpramadāyāḥ kṛte tyajet | chandānuvartinaṃ putraṃ tāto māmiva lakṣmaṇa ||
English Translation
O Lakşmana, what man is there ignorant though he be, who for the sake of a female forsake as my father has done me, his son following his foot-steps?
VR 2.47.11 अनुष्टुप्
सुखी बत सभार्यश्च भरतः केकयीसुतः । मुदितान्कोसलानेको यो भोक्ष्यत्यधिराजवत् ॥
sukhī bata sabhāryaśca bharataḥ kekayīsutaḥ | muditānkosalāneko yo bhokṣyatyadhirājavat ||
English Translation
Ah! Kaikeyi's son Bharata with his wife is really happy, he that enjoys the sole sovereignty of the delighted Kosalas.
VR 2.47.12 अनुष्टुप्
स हि सर्वस्य राज्यस्य मुखमेकं भविष्यति । ताते च वयसातीते मयि चारण्यमाश्रिते ॥
sa hi sarvasya rājyasya mukhamekaṃ bhaviṣyati | tāte ca vayasātīte mayi cāraṇyamāśrite ||
English Translation
Now that our father has grown old and I have taken refuge in the forest, he will alone experience the supreme felicity in the kingdom.
VR 2.47.13 अनुष्टुप्
अर्थधर्मौ परित्यज्य यः काममनुवर्तते । एवमापद्यते क्षिप्रं राजा दशरथो यथा ॥
arthadharmau parityajya yaḥ kāmamanuvartate | evamāpadyate kṣipraṃ rājā daśaratho yathā ||
English Translation
He that renouncing interest and virtue, follows lust, speedily gets himself involved in troubles even like king Dasaratha.
VR 2.47.14 अनुष्टुप्
मन्ये दशरथान्ताय मम प्रव्राजनाय च । कैकेयी सौम्य संप्राप्ता राज्याय भरतस्य च ॥
manye daśarathāntāya mama pravrājanāya ca | kaikeyī saumya saṃprāptā rājyāya bharatasya ca ||
English Translation
O amiable one, I think that Kaikeyi has been born for making an end of Dasaratha, sending me into exile, and conferring the kingdom on Bharata.
VR 2.47.15 अनुष्टुप्
अपीदानीं न कैकेयी सौभाग्यमदमोहिता । कौसल्यां च सुमित्रां च संप्रबाधेत मत्कृते ॥
apīdānīṃ na kaikeyī saubhāgyamadamohitā | kausalyāṃ ca sumitrāṃ ca saṃprabādheta matkṛte ||
English Translation
At present for impareing me pain, Kaikeyi intoxicated by the tide of good fortune, will afflict Kausalya and Sumitrā.
VR 2.47.16 अनुष्टुप्
मा स्म मत्कारणाद्देवी सुमित्रा दुःखमावसेत् । अयोध्यामित एव त्वं काले प्रविश लक्ष्मण ॥
mā sma matkāraṇāddevī sumitrā duḥkhamāvaset | ayodhyāmita eva tvaṃ kāle praviśa lakṣmaṇa ||
English Translation
Your mother, the reversed Sumitrā, will be smitten with grief on our account. Do you, Laks maņa, tomorrow morning repair to Ayodhyā:
VR 2.47.17 अनुष्टुप्
अहमेको गमिष्यामि सीतया सह दण्डकान् । अनाथाया हि नाथस्त्वं कौसल्याया भविष्यसि ॥
ahameko gamiṣyāmi sītayā saha daṇḍakān | anāthāyā hi nāthastvaṃ kausalyāyā bhaviṣyasi ||
English Translation
I alone will go to Dandaka along with Sītā. You will be the protector of the helpless Kausalya.
VR 2.47.18 अनुष्टुप्
क्षुद्रकर्मा हि कैकेयी द्वेषादन्याय्यमाचरेत् । परिदद्या हि धर्मज्ञे भरते मम मातरम् ॥
kṣudrakarmā hi kaikeyī dveṣādanyāyyamācaret | paridadyā hi dharmajñe bharate mama mātaram ||
English Translation
Kaikeyi is surely mean-minded, she perpetrates wrongs from malice. O you cognizant of virtue, she may administer poison to my mother.
VR 2.47.19 अनुष्टुप्
नूनं जात्यन्तरे कस्मिं स्त्रियः पुत्रैर्वियोजिताः । जनन्या मम सौमित्रे तदप्येतदुपस्थितम् ॥
nūnaṃ jātyantare kasmiṃ striyaḥ putrairviyojitāḥ | jananyā mama saumitre tadapyetadupasthitam ||
English Translation
Surely, O child, in a former birth, women were bereft of their sons by my mother, O son of Sumitrā; and it is for this that this misfortune has befallen her.
VR 2.47.20 अनुष्टुप्
मया हि चिरपुष्टेन दुःखसंवर्धितेन च । विप्रायुज्यत कौसल्या फलकाले धिगस्तु माम् ॥
mayā hi cirapuṣṭena duḥkhasaṃvardhitena ca | viprāyujyata kausalyā phalakāle dhigastu mām ||
English Translation
Having been brought up and reared with great pains by Kausalyä, I have left her at the time when her labours ought to have borne fruit, Fie on me.
VR 2.47.21 अनुष्टुप्
मा स्म सीमन्तिनी काचिज्जनयेत्पुत्रमीदृशम् । सौमित्रे योऽहमम्बाया दद्मि शोकमनन्तकम् ॥
mā sma sīmantinī kācijjanayetputramīdṛśam | saumitre yo'hamambāyā dadmi śokamanantakam ||
English Translation
Let on woman, O son of Sumitrā, gibe birth to a son like me who have imparted such infinite pain to my mother.
VR 2.47.22 अनुष्टुप्
मन्ये प्रीतिविशिष्टा सा मत्तो लक्ष्मणसारिका । यस्यास्तच्छ्रूयते वाक्यं शुक पादमरेर्दश ॥
manye prītiviśiṣṭā sā matto lakṣmaṇasārikā | yasyāstacchrūyate vākyaṃ śuka pādamarerdaśa ||
English Translation
O Laksmana, I consider my mother's female parrot as more sharing her affection, since she is heard to say, 'O Śuka, do you bite the foot of the foe?
VR 2.47.23 अनुष्टुप्
शोचन्त्याश्चाल्पभाग्याया न किंचिदुपकुर्वता । पुर्त्रेण किमपुत्राया मया कार्यमरिंदम ॥
śocantyāścālpabhāgyāyā na kiṃcidupakurvatā | purtreṇa kimaputrāyā mayā kāryamariṃdama ||
English Translation
What am I, O repressor of foes, now to do for her, bewailing, of slender fortune, she that has not profited in the least by her son, and who stands in no further need of his good offices ? Surely my unfortunate mother, Kausalyā, bereft of me, lies down on the ground, overwhelmed with woe, and plunged in an ocean of grief..
VR 2.47.24 अनुष्टुप्
अल्पभाग्या हि मे माता कौसल्या रहिता मया । शेते परमदुःखार्ता पतिता शोकसागरे ॥
alpabhāgyā hi me mātā kausalyā rahitā mayā | śete paramaduḥkhārtā patitā śokasāgare ||
English Translation
What am I, O repressor of foes, now to do for her, bewailing, of slender fortune, she that has not profited in the least by her son, and who stands in no further need of his good offices ? Surely my unfortunate mother, Kausalyā, bereft of me, lies down on the ground, overwhelmed with woe, and plunged in an ocean of grief..
VR 2.47.25 अनुष्टुप्
एको ह्यहमयोध्यां च पृथिवीं चापि लक्ष्मण । तरेयमिषुभिः क्रुद्धो ननु वीर्यमकारणम् ॥
eko hyahamayodhyāṃ ca pṛthivīṃ cāpi lakṣmaṇa | tareyamiṣubhiḥ kruddho nanu vīryamakāraṇam ||
English Translation
O Laksmana, enraged, I alone without doubt, can rid Ayodhyā, the Earth herself, by means of my arrows. But improper is the display of prowess for no reason,
VR 2.47.26 अनुष्टुप्
अधर्मभय भीतश्च परलोकस्य चानघ । तेन लक्ष्मण नाद्याहमात्मानमभिषेचये ॥
adharmabhaya bhītaśca paralokasya cānagha | tena lakṣmaṇa nādyāhamātmānamabhiṣecaye ||
English Translation
O sinless one, I am afraid of unrighteousness and of the next life; and for this it is that, O Lakşmaņa, I do not install myself in the kingdom.
VR 2.47.27 अनुष्टुप्
एतदन्यच्च करुणं विलप्य विजने बहु । अश्रुपूर्णमुखो रामो निशि तूष्णीमुपाविशत् ॥
etadanyacca karuṇaṃ vilapya vijane bahu | aśrupūrṇamukho rāmo niśi tūṣṇīmupāviśat ||
English Translation
Having in solitude for a long while piteously bewailed thus and in other ways, Rāma sat silent in the night with tears in his eyes.
VR 2.47.28 अनुष्टुप्
विलप्योपरतं रामं गतार्चिषमिवानलम् । समुद्रमिव निर्वेगमाश्वासयत लक्ष्मणः ॥
vilapyoparataṃ rāmaṃ gatārciṣamivānalam | samudramiva nirvegamāśvāsayata lakṣmaṇaḥ ||
English Translation
Thereupon Lakşmaņa consoled Rāma spent with lamentation, like to fire deprived of its radiance or the ocean of its tide.
VR 2.47.29 अनुष्टुप्
ध्रुवमद्य पुरी राम अयोध्या युधिनां वर । निष्प्रभा त्वयि निष्क्रान्ते गतचन्द्रेव शर्वरी ॥
dhruvamadya purī rāma ayodhyā yudhināṃ vara | niṣprabhā tvayi niṣkrānte gatacandreva śarvarī ||
English Translation
Surely, O Rama, O foremost of warriors, on your having come out, the city of Ayodhyā is shorn of its splendour like the night deprived of the moon.
VR 2.47.30 अनुष्टुप्
नैतदौपयिकं राम यदिदं परितप्यसे । विषादयसि सीतां च मां चैव पुरुषर्षभ ॥
naitadaupayikaṃ rāma yadidaṃ paritapyase | viṣādayasi sītāṃ ca māṃ caiva puruṣarṣabha ||
English Translation
This is not fit that you should grieve; for thereby, O foremost of men, you make both Sītā and myself grieve.
VR 2.47.31 अनुष्टुप्
न च सीता त्वया हीना न चाहमपि राघव । मुहूर्तमपि जीवावो जलान्मत्स्याविवोद्धृतौ ॥
na ca sītā tvayā hīnā na cāhamapi rāghava | muhūrtamapi jīvāvo jalānmatsyāvivoddhṛtau ||
English Translation
O Rāghava, deprived of you neither Sītā nor I can live for a moment, like fish taken out of water : without you.
VR 2.47.32 अनुष्टुप्
न हि तातं न शत्रुघ्नं न सुमित्रां परंतप । द्रष्टुमिच्छेयमद्याहं स्वर्गं वापि त्वया विना ॥
na hi tātaṃ na śatrughnaṃ na sumitrāṃ paraṃtapa | draṣṭumiccheyamadyāhaṃ svargaṃ vāpi tvayā vinā ||
English Translation
O repressor of foes, I wish to see neither my father, nor Satrughna, nor Sumitrā, nor heaven itself.
VR 2.47.33 वंशस्थम्
स लक्ष्मणस्योत्तम पुष्कलं वचो; निशम्य चैवं वनवासमादरात् । समाः समस्ता विदधे परंतपः; प्रपद्य धर्मं सुचिराय राघवः ॥
sa lakṣmaṇasyottama puṣkalaṃ vaco; niśamya caivaṃ vanavāsamādarāt | samāḥ samastā vidadhe paraṃtapaḥ; prapadya dharmaṃ sucirāya rāghavaḥ ||
English Translation
Hearing Lakşmaņa's excellent and appropriate words with which he gladly assumed a life in the woods, that subduer of foes, Rāghava, in the name of righteousness, at once fully granted him the permission to dwell with him for the entire fourteen years.
← Previous (Ch. 122) Full Table of Contents Next (Ch. 124) →