Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 23

Uttarakāṇḍa Sarga 23

उत्तरकाण्डम् • सर्गः 23

Uttarakāṇḍa Sarga 23 of the classical Vālmīki Rāmāyaṇa with 46 verses.

Total: 46 Verses • Citations: VR 7.23.1–46 • 175 Lexicon Terms • Page 1 of 2 (Verses 30 shown)
VR 7.23.1 अनुष्टुप्
स तु जित्वा दशग्रीवो यमं त्रिदशपुंगवम् । रावणस्तु जयश्लाघी स्वसहायान्ददर्श ह ॥
sa tu jitvā daśagrīvo yamaṃ tridaśapuṃgavam | rāvaṇastu jayaślāghī svasahāyāndadarśa ha ||
English Translation
Having vanquished Yama, the foremost of celestials, Rāvana delighting in warfare, saw his adherents.
VR 7.23.2 अनुष्टुप्
जयेन वर्धयित्वा च मारीचप्रमुखास्ततः । पुष्पकं भेजिरे सर्वे सान्त्विता रवणेन ह ॥
jayena vardhayitvā ca mārīcapramukhāstataḥ | puṣpakaṃ bhejire sarve sāntvitā ravaṇena ha ||
English Translation
And hailing him with victory, the councillors headed by Mārīca, having been encouraged by Ravana, ascended Puspaka.
VR 7.23.3 अनुष्टुप्
ततो रसातलं हृष्टः प्रविष्टः पयसो निधिम् । दैत्योरग गणाध्युष्टं वरुणेन सुरक्षितम् ॥
tato rasātalaṃ hṛṣṭaḥ praviṣṭaḥ payaso nidhim | daityoraga gaṇādhyuṣṭaṃ varuṇena surakṣitam ||
English Translation
Then the Rākṣasa entered the region of waters the abode of Daityas and serpents, well protected by Varuna.
VR 7.23.4 अनुष्टुप्
स तु भोगवतीं गत्वा पुरीं वासुकिपालिताम् । स्थाप्य नागान्वशे कृत्वा ययौ मणिमतीं पुरीम् ॥
sa tu bhogavatīṃ gatvā purīṃ vāsukipālitām | sthāpya nāgānvaśe kṛtvā yayau maṇimatīṃ purīm ||
English Translation
Arriving at Bhogavati the city governed by Vāsuki, he brought the serpents under subjection and then, delighted, bent his course to the palace Manimayi.
VR 7.23.5 अनुष्टुप्
निवातकवचास्तत्र दैत्या लब्धवरा वसन् । राक्षसस्तान्समासाद्य युद्धेन समुपाह्वयत् ॥
nivātakavacāstatra daityā labdhavarā vasan | rākṣasastānsamāsādya yuddhena samupāhvayat ||
VR 7.23.6 अनुष्टुप्
ते तु सर्वे सुविक्रान्ता दैतेया बलशालिनः । नानाप्रहरणास्तत्र प्रयुद्धा युद्धदुर्मदाः ॥
te tu sarve suvikrāntā daiteyā balaśālinaḥ | nānāpraharaṇāstatra prayuddhā yuddhadurmadāḥ ||
VR 7.23.7 अनुष्टुप्
तेषां तु युध्यमानानां साग्रः संवत्सरो गतः । न चान्यतरयोस्तत्र विजयो वा क्षयोऽपि वा ॥
teṣāṃ tu yudhyamānānāṃ sāgraḥ saṃvatsaro gataḥ | na cānyatarayostatra vijayo vā kṣayo'pi vā ||
VR 7.23.8 अनुष्टुप्
ततः पितामहस्तत्र त्रैलोक्यगतिरव्ययः । आजगाम द्रुतं देवो विमानवरमास्थितः ॥
tataḥ pitāmahastatra trailokyagatiravyayaḥ | ājagāma drutaṃ devo vimānavaramāsthitaḥ ||
English Translation
Then that way of the triune sphere, that God, the undeteriorating Great-father, swiftly presented himself on the scene mounted on his excellent car.
VR 7.23.9 अनुष्टुप्
निवातकवचानां तु निवार्य रणकर्म तत् । वृद्धः पितामहो वाक्यमुवाच विदितार्थवत् ॥
nivātakavacānāṃ tu nivārya raṇakarma tat | vṛddhaḥ pitāmaho vākyamuvāca viditārthavat ||
English Translation
Making the Nivātakavacas desist from battle the ancient great-father spoke in clear words.
VR 7.23.10 अनुष्टुप्
न ह्ययं रावणो युद्धे शक्यो जेतुं सुरासुरैः । न भवन्तः क्षयं नेतुं शक्याः सेन्द्रैः सुरासुरैः ॥
na hyayaṃ rāvaṇo yuddhe śakyo jetuṃ surāsuraiḥ | na bhavantaḥ kṣayaṃ netuṃ śakyāḥ sendraiḥ surāsuraiḥ ||
English Translation
Even the celestials and the Asuras are not able to vanquish this Rāvaņa in battle; nor can the Dänavas backed by the gods can destroy you.
VR 7.23.11 अनुष्टुप्
राक्षसस्य सखित्वं वै भवद्भिः सह रोचते । अविभक्ता हि सर्वार्थाः सुहृदां नात्र संशयः ॥
rākṣasasya sakhitvaṃ vai bhavadbhiḥ saha rocate | avibhaktā hi sarvārthāḥ suhṛdāṃ nātra saṃśayaḥ ||
English Translation
Do you therefore turn your minds to making friendship with the Rākşasas. All interests are forsooth the common possession of friends.
VR 7.23.12 अनुष्टुप्
ततोऽग्निसाक्षिकं सख्यं कृतवांस्तत्र रावणः । निवातकवचैः सार्धं प्रीतिमानभवत्तदा ॥
tato'gnisākṣikaṃ sakhyaṃ kṛtavāṃstatra rāvaṇaḥ | nivātakavacaiḥ sārdhaṃ prītimānabhavattadā ||
English Translation
Thereat Rāvaņa made friendship with the Nivātakavacas in the presence of Fire; and then rejoiced greatly.
VR 7.23.13 अनुष्टुप्
अर्चितस्तैर्यथान्यायं संवत्सरसुखोषितः । स्वपुरान्निर्विशेषं च पूजां प्राप्तो दशाननः ॥
arcitastairyathānyāyaṃ saṃvatsarasukhoṣitaḥ | svapurānnirviśeṣaṃ ca pūjāṃ prāpto daśānanaḥ ||
English Translation
And duly honoured (by then) Daśānana passed there a year, without any feeling of that place being different from his own home: and spent his time agreeably.
VR 7.23.14 अनुष्टुप्
स तूपधार्य मायानां शतमेकोनमात्मवान् । सलिलेन्द्रपुरान्वेषी स बभ्राम रसातलम् ॥
sa tūpadhārya māyānāṃ śatamekonamātmavān | salilendrapurānveṣī sa babhrāma rasātalam ||
English Translation
Having learnt there a hundred sorts of illusion, he directed his course to Rasātala, searching for the city of the lord of waters.
VR 7.23.15 अनुष्टुप्
ततोऽश्मनगरं नाम कालकेयाभिरक्षितम् । तं विजित्य मुहूर्तेन जघ्ने दैत्यांश्चतुःशतम् ॥
tato'śmanagaraṃ nāma kālakeyābhirakṣitam | taṃ vijitya muhūrtena jaghne daityāṃścatuḥśatam ||
VR 7.23.16 अनुष्टुप्
ततः पाण्डुरमेघाभं कैलासमिव संस्थितम् । वरुणस्यालयं दिव्यमपश्यद्राक्षसाधिपः ॥
tataḥ pāṇḍurameghābhaṃ kailāsamiva saṃsthitam | varuṇasyālayaṃ divyamapaśyadrākṣasādhipaḥ ||
VR 7.23.17 अनुष्टुप्
क्षरन्तीं च पयो नित्यं सुरभिं गामवस्थिताम् । यस्याः पयोविनिष्यन्दात्क्षीरोदो नाम सागरः ॥
kṣarantīṃ ca payo nityaṃ surabhiṃ gāmavasthitām | yasyāḥ payoviniṣyandātkṣīrodo nāma sāgaraḥ ||
VR 7.23.18 उपजातिः
यस्माच्चन्द्रः प्रभवति शीतरश्मिः प्रजाहितः । यं समासाद्य जीवन्ति फेनपाः परमर्षयः । अमृतं यत्र चोत्पन्नं सुरा चापि सुराशिनाम् ॥
yasmāccandraḥ prabhavati śītaraśmiḥ prajāhitaḥ | yaṃ samāsādya jīvanti phenapāḥ paramarṣayaḥ | amṛtaṃ yatra cotpannaṃ surā cāpi surāśinām ||
VR 7.23.19 उपजातिः
यां ब्रुवन्ति नरा लोके सुरभिं नाम नामतः । प्रदक्षिणं तु तां कृत्वा रावणः परमाद्भुताम् । प्रविवेश महाघोरं गुप्तं बहुविधैर्बलैः ॥
yāṃ bruvanti narā loke surabhiṃ nāma nāmataḥ | pradakṣiṇaṃ tu tāṃ kṛtvā rāvaṇaḥ paramādbhutām | praviveśa mahāghoraṃ guptaṃ bahuvidhairbalaiḥ ||
English Translation
Having gone round this wonderful (cow), Rāvaņa entered the exceedingly dreadful abode of Varuna) guarded by various kinds of forces.
VR 7.23.20 अनुष्टुप्
ततो धाराशताकीर्णं शारदाभ्रनिभं तदा । नित्यप्रहृष्टं ददृशे वरुणस्य गृहोत्तमम् ॥
tato dhārāśatākīrṇaṃ śāradābhranibhaṃ tadā | nityaprahṛṣṭaṃ dadṛśe varuṇasya gṛhottamam ||
English Translation
Then he beheld Varuna's splendid mansion, streaming with hundreds of torrents, resembling a mass of autumnal clouds, and always wearing a delightful aspect.
VR 7.23.21 अनुष्टुप्
ततो हत्वा बलाध्यक्षान्समरे तैश्च ताडितः । अब्रवीत्क्व गतो यो वो राजा शीघ्रं निवेद्यताम् ॥
tato hatvā balādhyakṣānsamare taiśca tāḍitaḥ | abravītkva gato yo vo rājā śīghraṃ nivedyatām ||
VR 7.23.22 अनुष्टुप्
युद्धार्थी रावणः प्राप्तस्तस्य युद्धं प्रदीयताम् । वद वा न भयं तेऽस्ति निर्जितोऽस्मीति साञ्जलिः ॥
yuddhārthī rāvaṇaḥ prāptastasya yuddhaṃ pradīyatām | vada vā na bhayaṃ te'sti nirjito'smīti sāñjaliḥ ||
English Translation
And killing the generals of the forces, after having been resisted by them, he addressed the warriors, saying, 'Do you speedily acquaint your king with this "Rāvana has come here seeking battle." Do you give him fight, or say with joined hands. 'I have been defeated by you, and then you have no fear whatever?'
VR 7.23.23 अनुष्टुप्
एतस्मिन्नन्तरे क्रुद्धा वरुणस्य महात्मनः । पुत्राः पौत्राश्च निष्क्रामन्गौश्च पुष्कर एव च ॥
etasminnantare kruddhā varuṇasya mahātmanaḥ | putrāḥ pautrāśca niṣkrāmangauśca puṣkara eva ca ||
English Translation
In the meantime the sons and grandsons of the high-souled Varuņa, as well as those of Puskara issued forth.
VR 7.23.24 अनुष्टुप्
ते तु वीर्यगुणोपेता बलैः परिवृताः स्वकैः । युक्त्वा रथान्कामगमानुद्यद्भास्करवर्चसः ॥
te tu vīryaguṇopetā balaiḥ parivṛtāḥ svakaiḥ | yuktvā rathānkāmagamānudyadbhāskaravarcasaḥ ||
English Translation
They, endowed with every virtue, accompanied by their own forces, yoked cars furnished with the effulgence of the rising Sun, and coursing at the desire of their riders.
VR 7.23.25 अनुष्टुप्
ततो युद्धं समभवद्दारुणं लोमहर्षणम् । सलिलेन्द्रस्य पुत्राणां रावणस्य च रक्षसः ॥
tato yuddhaṃ samabhavaddāruṇaṃ lomaharṣaṇam | salilendrasya putrāṇāṃ rāvaṇasya ca rakṣasaḥ ||
English Translation
Then there took place a mighty encounter capable of making people's down stand on end, between the sons of the lord of waters, and those of the intelligent Rāvana.
VR 7.23.26 अनुष्टुप्
अमात्यैस्तु महावीर्यैर्दशग्रीवस्य रक्षसः । वारुणं तद्बलं कृत्स्नं क्षणेन विनिपातितम् ॥
amātyaistu mahāvīryairdaśagrīvasya rakṣasaḥ | vāruṇaṃ tadbalaṃ kṛtsnaṃ kṣaṇena vinipātitam ||
English Translation
And in a short while that entire host of Varuņa was brought down by the highly powerful councillor of that Raksasa Daśagrīva.
VR 7.23.27 अनुष्टुप्
समीक्ष्य स्वबलं संख्ये वरुणस्या सुतास्तदा । अर्दिताः शरजालेन निवृत्ता रणकर्मणः ॥
samīkṣya svabalaṃ saṃkhye varuṇasyā sutāstadā | arditāḥ śarajālena nivṛttā raṇakarmaṇaḥ ||
English Translation
Seeing their own forces brought to straits in the conflict and driven back in the fight with networks of shafts, and down on the ground and seeing Rävaņa in Puspaka, Varuņa's sons swiftly shot into the welkin with their fleet-footing cars.
VR 7.23.28 अनुष्टुप्
महीतलगतास्ते तु रावणं दृश्य पुष्पके । आकाशमाशु विविशुः स्यन्दनैः शीघ्रगामिभिः ॥
mahītalagatāste tu rāvaṇaṃ dṛśya puṣpake | ākāśamāśu viviśuḥ syandanaiḥ śīghragāmibhiḥ ||
English Translation
Seeing their own forces brought to straits in the conflict and driven back in the fight with networks of shafts, and down on the ground and seeing Rävaņa in Puspaka, Varuņa's sons swiftly shot into the welkin with their fleet-footing cars.
VR 7.23.29 अनुष्टुप्
महदासीत्ततस्तेषां तुल्यं स्थानमवाप्य तत् । आकाशयुद्धं तुमुलं देवदानवयोरिव ॥
mahadāsīttatasteṣāṃ tulyaṃ sthānamavāpya tat | ākāśayuddhaṃ tumulaṃ devadānavayoriva ||
English Translation
After they had attained a station of equal vantage (with Ravana) in the sky,* great was the encounter that then took place in the sky, resembling the encounter of the deities and the Dānavas. *Ere the Rāvana was fighting on Puspaka, while Varuna's sons fought on the earth.
VR 7.23.30 अनुष्टुप्
ततस्ते रावणं युद्धे शरैः पावकसंनिभैः । विमुखीकृत्य संहृष्टा विनेदुर्विविधान्रवान् ॥
tataste rāvaṇaṃ yuddhe śaraiḥ pāvakasaṃnibhaiḥ | vimukhīkṛtya saṃhṛṣṭā vinedurvividhānravān ||
English Translation
And turning away Rāvana in the conflict by means of shafts resembling fire, they, exceedingly rejoiced, emitted various shouts.
← Previous (Ch. 528) Full Table of Contents Next (Ch. 530) →