Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 4 (Kiṣkindhākāṇḍa) • Sarga 50

Kiṣkindhākāṇḍa Sarga 50

किष्किन्धाकाण्डम् • सर्गः 50

Kiṣkindhākāṇḍa Sarga 50 of the classical Vālmīki Rāmāyaṇa with 19 verses.

Total: 19 Verses • Citations: VR 4.50.1–19 • 175 Lexicon Terms
VR 4.50.1 अनुष्टुप्
इत्युक्त्वा हनुमांस्तत्र पुनः कृष्णाजिनाम्बराम् । अब्रवीत्तां महाभागां तापसीं धर्मचारिणीम् ॥
ityuktvā hanumāṃstatra punaḥ kṛṣṇājināmbarām | abravīttāṃ mahābhāgāṃ tāpasīṃ dharmacāriṇīm ||
English Translation
Having said this to that female clad in a piece of black deer-skin, Hanumān asked that highly religious ascetic practising pious offices,
VR 4.50.2 अनुष्टुप्
इदं प्रविष्टाः सहसा बिलं तिमिरसंवृतम् । क्षुत्पिपासा परिश्रान्ताः परिखिन्नाश्च सर्वशः ॥
idaṃ praviṣṭāḥ sahasā bilaṃ timirasaṃvṛtam | kṣutpipāsā pariśrāntāḥ parikhinnāśca sarvaśaḥ ||
English Translation
'We are exhausted with thirst and hunger. We are fatigued. (Hence) we entered this dark cave all at once(without waiting for permission).
VR 4.50.3 उपजातिः
महद्धिरण्या विवरं प्रविष्टाः स्म पिपासिताः । इमांस्त्वेवं विधान्भावान्विविधानद्भुतोपमान् । दृष्ट्वा वयं प्रव्यथिताः संभ्रान्ता नष्टचेतसः ॥
mahaddhiraṇyā vivaraṃ praviṣṭāḥ sma pipāsitāḥ | imāṃstvevaṃ vidhānbhāvānvividhānadbhutopamān | dṛṣṭvā vayaṃ pravyathitāḥ saṃbhrāntā naṣṭacetasaḥ ||
English Translation
'Thirst drove us into this cave on earth. We are amazed at the kind of many wonderful objects here and have nearly lost our senses. We are tormented with pain.
VR 4.50.4 अनुष्टुप्
कस्येमे काञ्चना वृक्षास्तरुणादित्यसंनिभाः । शुचीन्यभ्यवहार्याणि मूलानि च फलानि च ॥
kasyeme kāñcanā vṛkṣāstaruṇādityasaṃnibhāḥ | śucīnyabhyavahāryāṇi mūlāni ca phalāni ca ||
English Translation
There they noticed a wonderful collection of incense and sandal, tasty and pure eatables, roots and fruits
VR 4.50.5 अनुष्टुप्
काञ्चनानि विमानानि राजतानि गृहाणि च । तपनीय गवाक्षाणि मणिजालावृतानि च ॥
kāñcanāni vimānāni rājatāni gṛhāṇi ca | tapanīya gavākṣāṇi maṇijālāvṛtāni ca ||
English Translation
The vanaras beheld highrise palaces built with gold and silver. The windows fixed on the roof were golden, shaped like cow's eye with lattices of pearls. They also saw best of houses built in gold, silver and clay, decorated with precious gems including vaidurya.
VR 4.50.6 अनुष्टुप्
पुष्पिताः फालवन्तश्च पुण्याः सुरभिगन्धिनः । इमे जाम्बूनदमयाः पादपाः कस्य तेजसा ॥
puṣpitāḥ phālavantaśca puṇyāḥ surabhigandhinaḥ | ime jāmbūnadamayāḥ pādapāḥ kasya tejasā ||
VR 4.50.7 अनुष्टुप्
काञ्चनानि च पद्मानि जातानि विमले जले । कथं मत्स्याश्च सौवर्णा चरन्ति सह कच्छपैः ॥
kāñcanāni ca padmāni jātāni vimale jale | kathaṃ matsyāśca sauvarṇā caranti saha kacchapaiḥ ||
English Translation
And golden lotuses spring in in lucent water,-how golden fishes are discovered in it along with tortoises! Have these sprung from your power; or do they owe their existence to the ascetic energy of any other? It behoves you to relate all this to us who are ignorant of everything.
VR 4.50.8 अनुष्टुप्
आत्मानमनुभावं च कस्य चैतत्तपोबलम् । अजानतां नः सर्वेषां सर्वमाख्यातुमर्हसि ॥
ātmānamanubhāvaṃ ca kasya caitattapobalam | ajānatāṃ naḥ sarveṣāṃ sarvamākhyātumarhasi ||
VR 4.50.9 अनुष्टुप्
एवमुक्ता हनुमता तापसी धर्मचारिणी । प्रत्युवाच हनूमन्तं सर्वभूतहिते रता ॥
evamuktā hanumatā tāpasī dharmacāriṇī | pratyuvāca hanūmantaṃ sarvabhūtahite ratā ||
English Translation
Thus addressed by Hanumān, the female ascetic practising righteousness, and engaged in the welfare of all beings, replied to Hanumān,
VR 4.50.10 अनुष्टुप्
मयो नाम महातेजा मायावी दानवर्षभः । तेनेदं निर्मितं सर्वं मायया काञ्चनं वनम् ॥
mayo nāma mahātejā māyāvī dānavarṣabhaḥ | tenedaṃ nirmitaṃ sarvaṃ māyayā kāñcanaṃ vanam ||
English Translation
O foremost of monkeys, there is one, named Maya, spreader of illusions. By him has this entire golden grove been constructed through his wonderful power of construction.
VR 4.50.11 अनुष्टुप्
पुरा दानवमुख्यानां विश्वकर्मा बभूव ह । येनेदं काञ्चनं दिव्यं निर्मितं भवनोत्तमम् ॥
purā dānavamukhyānāṃ viśvakarmā babhūva ha | yenedaṃ kāñcanaṃ divyaṃ nirmitaṃ bhavanottamam ||
English Translation
He that as reared this excellent golden grove, and this charming mansion, was formerly the Viśvakarmā* of the principal Dänavas. *The name of the celestial architect.
VR 4.50.12 अनुष्टुप्
स तु वर्षसहस्राणि तपस्तप्त्वा महावने । पितामहाद्वरं लेभे सर्वमौशसनं धनम् ॥
sa tu varṣasahasrāṇi tapastaptvā mahāvane | pitāmahādvaraṃ lebhe sarvamauśasanaṃ dhanam ||
English Translation
Having for a thousand years thousand years practised austerities in this vast forest, he obtained a boon from the Great-father,-in virtue of which he had attained consummate mastery in his art, as well as absolute control over the materials required therein.
VR 4.50.13 अनुष्टुप्
विधाय सर्वं बलवान्सर्वकामेश्वरस्तदा । उवास सुखितः कालं कंचिदस्मिन्महावने ॥
vidhāya sarvaṃ balavānsarvakāmeśvarastadā | uvāsa sukhitaḥ kālaṃ kaṃcidasminmahāvane ||
English Translation
Having accomplished everything, that powerful one, commanding every enjoyment, for a time happily dwelt in this mighty forest.
VR 4.50.14 अनुष्टुप्
तमप्सरसि हेमायां सक्तं दानवपुंगवम् । विक्रम्यैवाशनिं गृह्य जघानेशः पुरंदरः ॥
tamapsarasi hemāyāṃ saktaṃ dānavapuṃgavam | vikramyaivāśaniṃ gṛhya jaghāneśaḥ puraṃdaraḥ ||
English Translation
Then he, happening to conceive a passion for an Apsara, Hema (by name), Purandara, vigorously wielding his thunder-bolt, struck him dead.
VR 4.50.15 अनुष्टुप्
इदं च ब्रह्मणा दत्तं हेमायै वनमुत्तमम् । शाश्वतः कामभोगश्च गृहं चेदं हिरण्मयम् ॥
idaṃ ca brahmaṇā dattaṃ hemāyai vanamuttamam | śāśvataḥ kāmabhogaśca gṛhaṃ cedaṃ hiraṇmayam ||
English Translation
Then Brahmä conferred on Hemā this fine forest and this golden mansion, with the perpetual privilege of enjoying every pleasure herein.
VR 4.50.16 अनुष्टुप्
दुहिता मेरुसावर्णेरहं तस्याः स्वयं प्रभा । इदं रक्षामि भवनं हेमाया वानरोत्तम ॥
duhitā merusāvarṇerahaṃ tasyāḥ svayaṃ prabhā | idaṃ rakṣāmi bhavanaṃ hemāyā vānarottama ||
English Translation
I, Svayamprabhā by name,-the daughter of Merusāvarņi, guard this house of Hemā, O foremost of monkeys.
VR 4.50.17 अनुष्टुप्
मम प्रियसखी हेमा नृत्तगीतविशारदा । तया दत्तवरा चास्मि रक्षामि भवनोत्तमम् ॥
mama priyasakhī hemā nṛttagītaviśāradā | tayā dattavarā cāsmi rakṣāmi bhavanottamam ||
English Translation
Hemā, skilled in dance and song, is my dear friend. having received her blessing, I guard this vast forest.
VR 4.50.18 अनुष्टुप्
किं कार्यं कस्य वा हेतोः कान्ताराणि प्रपद्यथ । कथं चेदं वनं दुर्गं युष्माभिरुपलक्षितम् ॥
kiṃ kāryaṃ kasya vā hetoḥ kāntārāṇi prapadyatha | kathaṃ cedaṃ vanaṃ durgaṃ yuṣmābhirupalakṣitam ||
English Translation
What is your errand? And why is it that you have arrived at these lone woods? And how have you managed to see this inaccessible forest?
VR 4.50.19 अनुष्टुप्
इमान्यभ्यवहार्याणि मूलानि च फलानि च । भुक्त्वा पीत्वा च पानीयं सर्वं मे वक्तुमर्हथ ॥
imānyabhyavahāryāṇi mūlāni ca phalāni ca | bhuktvā pītvā ca pānīyaṃ sarvaṃ me vaktumarhatha ||
English Translation
Having partaken of these fruits and roots intended for use, and drunk, do you detail all this to me.
← Previous (Ch. 307) Full Table of Contents Next (Ch. 309) →