Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 67

Ayodhyākāṇḍa Sarga 67

अयोध्याकाण्डम् • सर्गः 67

Ayodhyākāṇḍa Sarga 67 of the classical Vālmīki Rāmāyaṇa with 15 verses.

Total: 15 Verses • Citations: VR 2.67.1–15 • 175 Lexicon Terms
VR 2.67.1 अनुष्टुप्
श्रुत्वा तु पितरं वृत्तं भ्रातरु च विवासितौ । भरतो दुःखसंतप्त इदं वचनमब्रवीत् ॥
śrutvā tu pitaraṃ vṛttaṃ bhrātaru ca vivāsitau | bharato duḥkhasaṃtapta idaṃ vacanamabravīt ||
English Translation
Hearing of his father's death and the exile of his brothers, Bharata burning in grief, said these words.
VR 2.67.2 अनुष्टुप्
किं नुण्कार्यं हतस्येह मम राज्येन शोचतः । विहीनस्याथ पित्रा च भ्रात्रा पितृसमेन च ॥
kiṃ nuṇkāryaṃ hatasyeha mama rājyena śocataḥ | vihīnasyātha pitrā ca bhrātrā pitṛsamena ca ||
English Translation
Deprived of my father as well as my brother like to a father, what shall I bewailing them and undone by you do with the kingdom?
VR 2.67.3 अनुष्टुप्
दुःखे मे दुःखमकरोर्व्रणे क्षारमिवादधाः । राजानं प्रेतभावस्थं कृत्वा रामं च तापसम् ॥
duḥkhe me duḥkhamakarorvraṇe kṣāramivādadhāḥ | rājānaṃ pretabhāvasthaṃ kṛtvā rāmaṃ ca tāpasam ||
English Translation
You, like one throwing alkali on a sore, have, by bringing about the death of the king and making Rāma an ascetic, heaped grief on grief.
VR 2.67.4 अनुष्टुप्
कुलस्य त्वमभावाय कालरात्रिरिवागता । अङ्गारमुपगूह्य स्म पिता मे नावबुद्धवान् ॥
kulasya tvamabhāvāya kālarātririvāgatā | aṅgāramupagūhya sma pitā me nāvabuddhavān ||
English Translation
You have come like the fatal night for the destruction of this race. Not under-standing it, my father embraced live coal.
VR 2.67.5 अनुष्टुप्
कौसल्या च सुमित्रा च पुत्रशोकाभिपीडिते । दुष्करं यदि जीवेतां प्राप्य त्वां जननीं मम ॥
kausalyā ca sumitrā ca putraśokābhipīḍite | duṣkaraṃ yadi jīvetāṃ prāpya tvāṃ jananīṃ mama ||
English Translation
Afflicted with grief for their son, even if Kausalya and Sumitrā live, it will be hard for them to do so in the presence of you, my mother.
VR 2.67.6 अनुष्टुप्
ननु त्वार्योऽपि धर्मात्मा त्वयि वृत्तिमनुत्तमाम् । वर्तते गुरुवृत्तिज्ञो यथा मातरि वर्तते ॥
nanu tvāryo'pi dharmātmā tvayi vṛttimanuttamām | vartate guruvṛttijño yathā mātari vartate ||
English Translation
Surely the noble and virtuous Råma, well knowing his duties towards his superiors, regards you as highly as he does his own mother.
VR 2.67.7 अनुष्टुप्
तथा ज्येष्ठा हि मे माता कौसल्या दीर्घदर्शिनी । त्वयि धर्मं समास्थाय भगिन्यामिव वर्तते ॥
tathā jyeṣṭhā hi me mātā kausalyā dīrghadarśinī | tvayi dharmaṃ samāsthāya bhaginyāmiva vartate ||
English Translation
In the same way, my eldest mother, the farsighted Kausalyā, doing her duties by you, bears herself like a sister.
VR 2.67.8 अनुष्टुप्
तस्याः पुत्रं कृतात्मानं चीरवल्कलवाससम् । प्रस्थाप्य वनवासाय कथं पापे न शोचसि ॥
tasyāḥ putraṃ kṛtātmānaṃ cīravalkalavāsasam | prasthāpya vanavāsāya kathaṃ pāpe na śocasi ||
English Translation
Why, O sinful one, having sent to the woods her magnanimous son, clad in bark, do you not grieve?
VR 2.67.9 अनुष्टुप्
अपापदर्शिनं शूरं कृतात्मानं यशस्विनम् । प्रव्राज्य चीरवसनं किं नु पश्यसि कारणम् ॥
apāpadarśinaṃ śūraṃ kṛtātmānaṃ yaśasvinam | pravrājya cīravasanaṃ kiṃ nu paśyasi kāraṇam ||
English Translation
Having exiled the famous and heroic Rāma seeing no sin, clad in bark, what benefit do you perceive as yours?
VR 2.67.10 अनुष्टुप्
लुब्धाया विदितो मन्ये न तेऽहं राघवं प्रति । तथा ह्यनर्थो राज्यार्थं त्वया नीतो महानयम् ॥
lubdhāyā vidito manye na te'haṃ rāghavaṃ prati | tathā hyanartho rājyārthaṃ tvayā nīto mahānayam ||
English Translation
I deem that you did not know how very highly I regarded Rāghava; and therefore it is that you have brought this mighty calamity.
VR 2.67.11 अनुष्टुप्
अहं हि पुरुषव्याघ्रावपश्यन्रामलक्ष्मणौ । केन शक्तिप्रभावेन राज्यं रक्षितुमुत्सहे ॥
ahaṃ hi puruṣavyāghrāvapaśyanrāmalakṣmaṇau | kena śaktiprabhāvena rājyaṃ rakṣitumutsahe ||
English Translation
Not seeing those chiefs of men, Rāma and Lakşmaņa, by virtue of whose energy can I venture to rule the kingdom?
VR 2.67.12 अनुष्टुप्
तं हि नित्यं महाराजो बलवन्तं महाबलः । अपाश्रितोऽभूद्धर्मात्मा मेरुर्मेरुवनं यथा ॥
taṃ hi nityaṃ mahārājo balavantaṃ mahābalaḥ | apāśrito'bhūddharmātmā merurmeruvanaṃ yathā ||
English Translation
The monarch was ever protected by that powerful one possessed of mighty energy, as Meru is protected by its forest.
VR 2.67.13 अनुष्टुप्
सोऽहं कथमिमं भारं महाधुर्यसमुद्यतम् । दम्यो धुरमिवासाद्य सहेयं केन चौजसा ॥
so'haṃ kathamimaṃ bhāraṃ mahādhuryasamudyatam | damyo dhuramivāsādya saheyaṃ kena caujasā ||
English Translation
Like a calf burdened with a load capable of being borne by a mighty ox, by what energy shall I bear this burden which was borne by an exceedingly strong person?
VR 2.67.14 उपजातिः
अथ वा मे भवेच्छक्तिर्योगैर्बुद्धिबलेन वा । सकामां न करिष्यामि त्वामहं पुत्रगर्धिनीम् । निवर्तयिष्यामि वनाद्भ्रातरं स्वजनप्रियम् ॥
atha vā me bhavecchaktiryogairbuddhibalena vā | sakāmāṃ na kariṣyāmi tvāmahaṃ putragardhinīm | nivartayiṣyāmi vanādbhrātaraṃ svajanapriyam ||
English Translation
And even if this strength be mine through yoga or vigour of intellect, I will not crown with success the hopes of you, proud of your son.
VR 2.67.15 उपजातिः
इत्येवमुक्त्वा भरतो महात्मा; प्रियेतरैर्वाक्यगणैस्तुदंस्ताम् । शोकातुरश्चापि ननाद भूयः; सिंहो यथा पर्वतगह्वरस्थः ॥
ityevamuktvā bharato mahātmā; priyetarairvākyagaṇaistudaṃstām | śokāturaścāpi nanāda bhūyaḥ; siṃho yathā parvatagahvarasthaḥ ||
English Translation
The high-souled Bharata afflicted (his mother) with multitudes of words causing pain; and distressed with grief, emitted sounds like to a lion in the cave of Mandāra.
← Previous (Ch. 142) Full Table of Contents Next (Ch. 144) →