Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 104

Ayodhyākāṇḍa Sarga 104

अयोध्याकाण्डम् • सर्गः 104

Ayodhyākāṇḍa Sarga 104 of the classical Vālmīki Rāmāyaṇa with 25 verses.

Total: 25 Verses • Citations: VR 2.104.1–25 • 175 Lexicon Terms
VR 2.104.1 अनुष्टुप्
तमप्रतिमतेजोभ्यां भ्रातृभ्यां रोमहर्षणम् । विस्मिताः संगमं प्रेक्ष्य समवेता महर्षयः ॥
tamapratimatejobhyāṃ bhrātṛbhyāṃ romaharṣaṇam | vismitāḥ saṃgamaṃ prekṣya samavetā maharṣayaḥ ||
English Translation
The great sages assembled there were amazed at witnessing the meeting of the two brothers (Rama and Bharata) of umparalleled briliance.
VR 2.104.2 अनुष्टुप्
अन्तर्हितास्त्वृषिगणाः सिद्धाश्च परमर्षयः । तौ भ्रातरौ महात्मानौ काकुत्स्थौ प्रशशंसिरे ॥
antarhitāstvṛṣigaṇāḥ siddhāśca paramarṣayaḥ | tau bhrātarau mahātmānau kākutsthau praśaśaṃsire ||
English Translation
The hosts of sages, siddhas and devarshis watching invisible the two Kakutstha brothers extoled them.
VR 2.104.3 अनुष्टुप्
स धन्यो यस्य पुत्रौ द्वौ धर्मज्ञौ धर्मविक्रमौ । श्रुत्वा वयं हि संभाषामुभयोः स्पृहयामहे ॥
sa dhanyo yasya putrau dvau dharmajñau dharmavikramau | śrutvā vayaṃ hi saṃbhāṣāmubhayoḥ spṛhayāmahe ||
English Translation
On hearing their dialogue we are deeply drawn towards them, these two sons of king Dasaratha who was fortunate to have these practioners of righteousness and whose strength is dharma.
VR 2.104.4 अनुष्टुप्
ततस्त्वृषिगणाः क्षिप्रं दशग्रीववधैषिणः । भरतं राजशार्दूलमित्यूचुः संगता वचः ॥
tatastvṛṣigaṇāḥ kṣipraṃ daśagrīvavadhaiṣiṇaḥ | bharataṃ rājaśārdūlamityūcuḥ saṃgatā vacaḥ ||
English Translation
Thereafter hosts of rishis desiring the speedy destruction of tenheaded Ravana said these words to Bharata, the best of kings.
VR 2.104.5 अनुष्टुप्
कुले जात महाप्राज्ञ महावृत्त महायशः । ग्राह्यं रामस्य वाक्यं ते पितरं यद्यवेक्षसे ॥
kule jāta mahāprājña mahāvṛtta mahāyaśaḥ | grāhyaṃ rāmasya vākyaṃ te pitaraṃ yadyavekṣase ||
English Translation
O Bharata, born in an illustrious race, highly sagacious and a man of virtuous conduct and great renown, accept Rama's proposal if you have any regard for your father.
VR 2.104.6 अनुष्टुप्
सदानृणमिमं रामं वयमिच्छामहे पितुः । अनृणत्वाच्च कैकेय्याः स्वर्गं दशरथो गतः ॥
sadānṛṇamimaṃ rāmaṃ vayamicchāmahe pituḥ | anṛṇatvācca kaikeyyāḥ svargaṃ daśaratho gataḥ ||
English Translation
We always desire that Rama should discharge his debt to his father. Dasaratha, who by redeeming himself of his obligation to Kaikeyi, had ascended heaven.
VR 2.104.7 अनुष्टुप्
एतावदुक्त्वा वचनं गन्धर्वाः समहर्षयः । राजर्षयश्चैव तथा सर्वे स्वां स्वां गतिं गताः ॥
etāvaduktvā vacanaṃ gandharvāḥ samaharṣayaḥ | rājarṣayaścaiva tathā sarve svāṃ svāṃ gatiṃ gatāḥ ||
English Translation
Then the great rishis, gandharvas and royal sages having said this, returned to their respective abodes.
VR 2.104.8 अनुष्टुप्
ह्लादितस्तेन वाक्येन शुभेन शुभदर्शनः । रामः संहृष्टवदनस्तानृषीनभ्यपूजयत् ॥
hlāditastena vākyena śubhena śubhadarśanaḥ | rāmaḥ saṃhṛṣṭavadanastānṛṣīnabhyapūjayat ||
English Translation
Of pleasing appearance, Rama, gladdened by the auspicious statements (of the sages), paid them homage with a cheerful countenance.
VR 2.104.9 अनुष्टुप्
स्रस्तगात्रस्तु भरतः स वाचा सज्जमानया । कृताञ्जलिरिदं वाक्यं राघवं पुनरब्रवीत् ॥
srastagātrastu bharataḥ sa vācā sajjamānayā | kṛtāñjaliridaṃ vākyaṃ rāghavaṃ punarabravīt ||
English Translation
Before Bharata, with his limbs trembling and with palms folded (in reverence) was ready to depart, he said to Rama:
VR 2.104.10 अनुष्टुप्
राजधर्ममनुप्रेक्ष्य कुलधर्मानुसंततिम् । कर्तुमर्हसि काकुत्स्थ मम मातुश्च याचनाम् ॥
rājadharmamanuprekṣya kuladharmānusaṃtatim | kartumarhasi kākutstha mama mātuśca yācanām ||
English Translation
O Rama, keeping in view the code of kings and tradition of our family, it behoves you to consider my supplication and that of my mother.
VR 2.104.11 अनुष्टुप्
रक्षितुं सुमहद्राज्यमहमेकस्तु नोत्सहे । पौरजानपदांश्चापि रक्तान्रञ्जयितुं तथा ॥
rakṣituṃ sumahadrājyamahamekastu notsahe | paurajānapadāṃścāpi raktānrañjayituṃ tathā ||
English Translation
I do not venture to protect this kingdom all by myself and keep the inhabitants of the towns and villages who are loyal to you pleased.
VR 2.104.12 अनुष्टुप्
ज्ञातयश्च हि योधाश्च मित्राणि सुहृदश्च नः । त्वामेव प्रतिकाङ्क्षन्ते पर्जन्यमिव कर्षकाः ॥
jñātayaśca hi yodhāśca mitrāṇi suhṛdaśca naḥ | tvāmeva pratikāṅkṣante parjanyamiva karṣakāḥ ||
English Translation
All our relatives, warriors, friends and wellwishers long to see you like farmers yearn for the raincloud.
VR 2.104.13 अनुष्टुप्
इदं राज्यं महाप्राज्ञ स्थापय प्रतिपद्य हि । शक्तिमानसि काकुत्स्थ लोकस्य परिपालने ॥
idaṃ rājyaṃ mahāprājña sthāpaya pratipadya hi | śaktimānasi kākutstha lokasya paripālane ||
English Translation
O sagacious Rama, accept this kingdom and ensure its stability. You are powerful enough to govern this world. So accept this kingdom and restore its stability.
VR 2.104.14 अनुष्टुप्
इत्युक्त्वा न्यपतद्भ्रातुः पादयोर्भरतस्तदा । भृशं संप्रार्थयामास राममेवं प्रियं वदः ॥
ityuktvā nyapatadbhrātuḥ pādayorbharatastadā | bhṛśaṃ saṃprārthayāmāsa rāmamevaṃ priyaṃ vadaḥ ||
English Translation
Having said this, Bharata, fell at the feet of his brother, and speaking sweetly, he profusely entreated Rama.
VR 2.104.15 अनुष्टुप्
तमङ्के भ्रातरं कृत्वा रामो वचनमब्रवीत् । श्यामं नलिनपत्राक्षं मत्तहंसस्वरः स्वयम् ॥
tamaṅke bhrātaraṃ kṛtvā rāmo vacanamabravīt | śyāmaṃ nalinapatrākṣaṃ mattahaṃsasvaraḥ svayam ||
English Translation
Rama took his in his arms Bharata who had a darkblue complexion, whose eyes were like petals of lotus and whose voice was the voice of an amorous swan.
VR 2.104.16 अनुष्टुप्
आगता त्वामियं बुद्धिः स्वजा वैनयिकी च या । भृशमुत्सहसे तात रक्षितुं पृथिवीमपि ॥
āgatā tvāmiyaṃ buddhiḥ svajā vainayikī ca yā | bhṛśamutsahase tāta rakṣituṃ pṛthivīmapi ||
English Translation
O child, this wisdom of yours is both inborn and imbibed through training. With this, you are perfectly capable of protecting the earth.
VR 2.104.17 अनुष्टुप्
अमात्यैश्च सुहृद्भिश्च बुद्धिमद्भिश्च मन्त्रिभिः । सर्वकार्याणि संमन्त्र्य सुमहान्त्यपि कारय ॥
amātyaiśca suhṛdbhiśca buddhimadbhiśca mantribhiḥ | sarvakāryāṇi saṃmantrya sumahāntyapi kāraya ||
English Translation
After due consultation with ministers, friends, counsellors and prudent persons, accomplish all tasks, however formidable they may appear.
VR 2.104.18 अनुष्टुप्
लक्ष्मीश्चन्द्रादपेयाद्वा हिमवान्वा हिमं त्यजेत् । अतीयात्सागरो वेलां न प्रतिज्ञामहं पितुः ॥
lakṣmīścandrādapeyādvā himavānvā himaṃ tyajet | atīyātsāgaro velāṃ na pratijñāmahaṃ pituḥ ||
English Translation
The Moon might lose its splendour, snow might abandon the Himavat mountain, the ocean might overstep its shores, but I shall not forsake the promise made to my father.
VR 2.104.19 अनुष्टुप्
कामाद्वा तात लोभाद्वा मात्रा तुभ्यमिदं कृतम् । न तन्मनसि कर्तव्यं वर्तितव्यं च मातृवत् ॥
kāmādvā tāta lobhādvā mātrā tubhyamidaṃ kṛtam | na tanmanasi kartavyaṃ vartitavyaṃ ca mātṛvat ||
English Translation
Dear brother, whether out of affection or greed, your mother has done this for your sake. It should not agitate your mind. You should conduct yourself as one should towards one's mother.
VR 2.104.20 अनुष्टुप्
एवं ब्रुवाणं भरतः कौसल्यासुतमब्रवीत् । तेजसादित्यसंकाशं प्रतिपच्चन्द्रदर्शनम् ॥
evaṃ bruvāṇaṃ bharataḥ kausalyāsutamabravīt | tejasādityasaṃkāśaṃ pratipaccandradarśanam ||
English Translation
On hearing this, Bharata replied to the son of Kausalya who looked like the Sun or the new Moon in brilliance:
VR 2.104.21 अनुष्टुप्
अधिरोहार्य पादाभ्यां पादुके हेमभूषिते । एते हि सर्वलोकस्य योगक्षेमं विधास्यतः ॥
adhirohārya pādābhyāṃ pāduke hemabhūṣite | ete hi sarvalokasya yogakṣemaṃ vidhāsyataḥ ||
English Translation
O noble one, place your feet on these sandals decorated with gold. They will secure the prosperity and safety of the entire world.
VR 2.104.22 अनुष्टुप्
सोऽधिरुह्य नरव्याघ्रः पादुके ह्यवरुह्य च । प्रायच्छत्सुमहातेजा भरताय महात्मने ॥
so'dhiruhya naravyāghraḥ pāduke hyavaruhya ca | prāyacchatsumahātejā bharatāya mahātmane ||
English Translation
Rama, the best of men, one with great brilliance, put on and then put off the sandals and presented them to the magnanimous Bharata.
VR 2.104.23 वंशस्थम्
स पादुके ते भरतः प्रतापवा;न्स्वलंकृते संपरिगृह्य धर्मवित् । प्रदक्षिणं चैव चकार राघवं; चकार चैवोत्तमनागमूर्धनि ॥
sa pāduke te bharataḥ pratāpavā;nsvalaṃkṛte saṃparigṛhya dharmavit | pradakṣiṇaṃ caiva cakāra rāghavaṃ; cakāra caivottamanāgamūrdhani ||
English Translation
The valiant and righteous Bharata, worshipped the welldecorated sandals and after circumambulating Rama reverentially placed them atop the best of elephants.
VR 2.104.24 वंशस्थम्
अथानुपूर्व्यात्प्रतिपूज्य तं जनं; गुरूंश्च मन्त्रिप्रकृतीस्तथानुजौ । व्यसर्जयद्राघववंशवर्धनः; स्थितः स्वधर्मे हिमवानिवाचलः ॥
athānupūrvyātpratipūjya taṃ janaṃ; gurūṃśca mantriprakṛtīstathānujau | vyasarjayadrāghavavaṃśavardhanaḥ; sthitaḥ svadharme himavānivācalaḥ ||
English Translation
Inflexibly fixed in his own code of righteouness, like the Himavat mountain, Rama, the enhancer of the progeny of the Raghu dynasty, paid respect due to the preceptors, ministers and subjects in accordance with their rank, blessed his younger brothers, Bharata and Satrughna and sent them forth.
VR 2.104.25 उपजातिः
तं मातरो बाष्पगृहीतकण्ठो; दुःखेन नामन्त्रयितुं हि शेकुः । स त्वेव मातॄरभिवाद्य सर्वा; रुदन्कुटीं स्वां प्रविवेश रामः ॥
taṃ mātaro bāṣpagṛhītakaṇṭho; duḥkhena nāmantrayituṃ hi śekuḥ | sa tveva mātṝrabhivādya sarvā; rudankuṭīṃ svāṃ praviveśa rāmaḥ ||
English Translation
His mothers were unable to bid him farewell their throats were choked with tears of sorrow but Rama himself paid obeisance to them and entered his hut in tears.इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे द्वादशोत्तरशततमस्सर्गः॥Thus ends the hundredtwelfth sarga in Ayodhyakanda of the holy Ramayana, the first epic composed by sage Valmiki.
← Previous (Ch. 179) Full Table of Contents Next (Ch. 181) →