Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 77

Ayodhyākāṇḍa Sarga 77

अयोध्याकाण्डम् • सर्गः 77

Ayodhyākāṇḍa Sarga 77 of the classical Vālmīki Rāmāyaṇa with 23 verses.

Total: 23 Verses • Citations: VR 2.77.1–23 • 175 Lexicon Terms
VR 2.77.1 अनुष्टुप्
ततः समुत्थितः काल्यमास्थाय स्यन्दनोत्तमम् । प्रययौ भरतः शीघ्रं रामदर्शनकाङ्क्षया ॥
tataḥ samutthitaḥ kālyamāsthāya syandanottamam | prayayau bharataḥ śīghraṃ rāmadarśanakāṅkṣayā ||
English Translation
Rising with the morrow, Bharata anxious to behold Rāma, speedily set out ascending an excellent car.
VR 2.77.2 अनुष्टुप्
अग्रतः प्रययुस्तस्य सर्वे मन्त्रिपुरोधसः । अधिरुह्य हयैर्युक्तान्रथान्सूर्यरथोपमान् ॥
agrataḥ prayayustasya sarve mantripurodhasaḥ | adhiruhya hayairyuktānrathānsūryarathopamān ||
English Translation
Before him went the councillors and priests, ascending cars resembling that of the Sun yoked with steeds.
VR 2.77.3 अनुष्टुप्
नवनागसहस्राणि कल्पितानि यथाविधि । अन्वयुर्भरतं यान्तमिक्ष्वाकु कुलनन्दनम् ॥
navanāgasahasrāṇi kalpitāni yathāvidhi | anvayurbharataṃ yāntamikṣvāku kulanandanam ||
English Translation
And a thousand elephants duly consecrated went in the wake of that son of the Ikşvāku line as he was proceeding.
VR 2.77.4 अनुष्टुप्
षष्ठी रथसहस्राणि धन्विनो विविधायुधाः । अन्वयुर्भरतं यान्तं राजपुत्रं यशस्विनम् ॥
ṣaṣṭhī rathasahasrāṇi dhanvino vividhāyudhāḥ | anvayurbharataṃ yāntaṃ rājaputraṃ yaśasvinam ||
English Translation
And six thousand with bow-men furnished with various weapons followed the illustrious prince Bharata as he was proceeding.
VR 2.77.5 अनुष्टुप्
शतं सहस्राण्यश्वानां समारूढानि राघवम् । अन्वयुर्भरतं यान्तं राजपुत्रं यशस्विनम् ॥
śataṃ sahasrāṇyaśvānāṃ samārūḍhāni rāghavam | anvayurbharataṃ yāntaṃ rājaputraṃ yaśasvinam ||
English Translation
And six thousand with bow-men furnished with various weapons followed the illustrious prince Bharata as he was proceeding.
VR 2.77.6 अनुष्टुप्
कैकेयी च सुमित्रा च कौसल्या च यशस्विनी । रामानयनसंहृष्टा ययुर्यानेन भास्वता ॥
kaikeyī ca sumitrā ca kausalyā ca yaśasvinī | rāmānayanasaṃhṛṣṭā yayuryānena bhāsvatā ||
English Translation
Kaikeyi and Sumitrā and the highly famous Kausalyā rejoicing at the prospect of the bringing of Rāma, went in an effulgent car. cars
VR 2.77.7 अनुष्टुप्
प्रयाताश्चार्यसंघाता रामं द्रष्टुं सलक्ष्मणम् । तस्यैव च कथाश्चित्राः कुर्वाणा हृष्टमानसाः ॥
prayātāścāryasaṃghātā rāmaṃ draṣṭuṃ salakṣmaṇam | tasyaiva ca kathāścitrāḥ kurvāṇā hṛṣṭamānasāḥ ||
English Translation
And the honourable persons (belonging to all the three orders) went with the object of beholding Rāma in company with Lakşmaņa.
VR 2.77.8 अनुष्टुप्
मेघश्यामं महाबाहुं स्थिरसत्त्वं दृढव्रतम् । कदा द्रक्ष्यामहे रामं जगतः शोकनाशनम् ॥
meghaśyāmaṃ mahābāhuṃ sthirasattvaṃ dṛḍhavratam | kadā drakṣyāmahe rāmaṃ jagataḥ śokanāśanam ||
English Translation
They with glad hearts variously conversed with each other, “When shall we see the mighty armed Rāma sable like to a cloud, of steady strength, firm in vows, the remover of the world's grief?
VR 2.77.9 अनुष्टुप्
दृष्ट एव हि नः शोकमपनेष्यति राघवः । तमः सर्वस्य लोकस्य समुद्यन्निव भास्करः ॥
dṛṣṭa eva hi naḥ śokamapaneṣyati rāghavaḥ | tamaḥ sarvasya lokasya samudyanniva bhāskaraḥ ||
English Translation
As soon as we shall see him, Rāghava will remove our sorrow; even as the Sun arising dispels the darkness of the entire world.
VR 2.77.10 अनुष्टुप्
इत्येवं कथयन्तस्ते संप्रहृष्टाः कथाः शुभाः । परिष्वजानाश्चान्योन्यं ययुर्नागरिकास्तदा ॥
ityevaṃ kathayantaste saṃprahṛṣṭāḥ kathāḥ śubhāḥ | pariṣvajānāścānyonyaṃ yayurnāgarikāstadā ||
English Translation
Thus cheerfully carrying on an auspicious talk, the citizens embracing each other went along.
VR 2.77.11 अनुष्टुप्
ये च तत्रापरे सर्वे संमता ये च नैगमाः । रामं प्रति ययुर्हृष्टाः सर्वाः प्रकृतयस्तदा ॥
ye ca tatrāpare sarve saṃmatā ye ca naigamāḥ | rāmaṃ prati yayurhṛṣṭāḥ sarvāḥ prakṛtayastadā ||
English Translation
And all other, and the foremost merchants as well as all the principal classes, joyfully went in quest of Rāma.
VR 2.77.12 अनुष्टुप्
मणि काराश्च ये केचित्कुम्भकाराश्च शोभनाः । सूत्रकर्मकृतश्चैव ये च शस्त्रोपजीविनः ॥
maṇi kārāśca ye kecitkumbhakārāśca śobhanāḥ | sūtrakarmakṛtaścaiva ye ca śastropajīvinaḥ ||
VR 2.77.13 अनुष्टुप्
मायूरकाः क्राकचिका रोचका वेधकास्तथा । दन्तकाराः सुधाकारास्तथा गन्धोपजीविनः ॥
māyūrakāḥ krākacikā rocakā vedhakāstathā | dantakārāḥ sudhākārāstathā gandhopajīvinaḥ ||
VR 2.77.14 अनुष्टुप्
सुवर्णकाराः प्रख्यातास्तथा कम्बलधावकाः । स्नापकाच्छादका वैद्या धूपकाः शौण्डिकास्तथा ॥
suvarṇakārāḥ prakhyātāstathā kambaladhāvakāḥ | snāpakācchādakā vaidyā dhūpakāḥ śauṇḍikāstathā ||
VR 2.77.15 अनुष्टुप्
रजकास्तुन्नवायाश्च ग्रामघोषमहत्तराः । शैलूषाश्च सह स्त्रीभिर्यान्ति कैवर्तकास्तथा ॥
rajakāstunnavāyāśca grāmaghoṣamahattarāḥ | śailūṣāśca saha strībhiryānti kaivartakāstathā ||
VR 2.77.16 अनुष्टुप्
समाहिता वेदविदो ब्राह्मणा वृत्तसंमताः । गोरथैर्भरतं यान्तमनुजग्मुः सहस्रशः ॥
samāhitā vedavido brāhmaṇā vṛttasaṃmatāḥ | gorathairbharataṃ yāntamanujagmuḥ sahasraśaḥ ||
English Translation
Brahmins learned in the Vedas and renowned for their virtuous conduct followed Bharta in their thousands on bullock carts with composed minds.
VR 2.77.17 अनुष्टुप्
सुवेषाः शुद्धवसनास्ताम्रमृष्टानुलेपनाः । सर्वे ते विविधैर्यानैः शनैर्भरतमन्वयुः ॥
suveṣāḥ śuddhavasanāstāmramṛṣṭānulepanāḥ | sarve te vividhairyānaiḥ śanairbharatamanvayuḥ ||
English Translation
Dressed well in clean clothes and anointed with pure red sandalpaste, they all slowly followed Bharata, mounting on various vehicles.
VR 2.77.18 अनुष्टुप्
प्रहृष्टमुदिता सेना सान्वयात्कैकयीसुतम् । व्यवतिष्ठत सा सेना भरतस्यानुयायिनी ॥
prahṛṣṭamuditā senā sānvayātkaikayīsutam | vyavatiṣṭhata sā senā bharatasyānuyāyinī ||
English Translation
All these gradually followed Bharata by means of excellent vehicles. And the army delighted and in high spirits went in the wake of Kaikeyi's son attached to his brother, going to bring back his brother.
VR 2.77.19 अनुष्टुप्
निरीक्ष्यानुगतां सेनां तां च गङ्गां शिवोदकाम् । भरतः सचिवान्सर्वानब्रवीद्वाक्यकोविदः ॥
nirīkṣyānugatāṃ senāṃ tāṃ ca gaṅgāṃ śivodakām | bharataḥ sacivānsarvānabravīdvākyakovidaḥ ||
English Translation
Having come to the banks of the Gangā graced with Cakravākas, the army which was following Bharata halted. Seeing the army inactive as well as the Gangā of sacred waters, Bharata versed in speech spoke to the courtiers.
VR 2.77.20 अनुष्टुप्
निवेशयत मे सैन्यमभिप्रायेण सर्वशः । विश्रान्तः प्रतरिष्यामः श्व इदानीं महानदीम् ॥
niveśayata me sainyamabhiprāyeṇa sarvaśaḥ | viśrāntaḥ pratariṣyāmaḥ śva idānīṃ mahānadīm ||
English Translation
Do you communicating to all our intentions, encamp the army. Having been fatigued, we shall cross the ocean-going Gangā on the morrow.
VR 2.77.21 अनुष्टुप्
दातुं च तावदिच्छामि स्वर्गतस्य महीपतेः । और्ध्वदेह निमित्तार्थमवतीर्योदकं नदीम् ॥
dātuṃ ca tāvadicchāmi svargatasya mahīpateḥ | aurdhvadeha nimittārthamavatīryodakaṃ nadīm ||
English Translation
Having crossed the stream, I am anxious to offer its water to the monarch, who has gone to heaven in behalf of his spiritual body.
VR 2.77.22 अनुष्टुप्
तस्यैवं ब्रुवतोऽमात्यास्तथेत्युक्त्वा समाहिताः । न्यवेशयंस्तांश्छन्देन स्वेन स्वेन पृथक्पृथक् ॥
tasyaivaṃ bruvato'mātyāstathetyuktvā samāhitāḥ | nyaveśayaṃstāṃśchandena svena svena pṛthakpṛthak ||
English Translation
When he had said this, the courtiers with collected minds saying, “Be it so,” disposed their forces, each according to his wish.
VR 2.77.23 वंशस्थम्
निवेश्य गङ्गामनु तां महानदीं; चमूं विधानैः परिबर्ह शोभिनीम् । उवास रामस्य तदा महात्मनो; विचिन्तयानो भरतो निवर्तनम् ॥
niveśya gaṅgāmanu tāṃ mahānadīṃ; camūṃ vidhānaiḥ paribarha śobhinīm | uvāsa rāmasya tadā mahātmano; vicintayāno bharato nivartanam ||
English Translation
Having on the mighty stream, Gangā, quartered his forces furnished with all appliances for the journey, Bharata remained there, revolving the means of making the high-souled Rāma turn back.
← Previous (Ch. 152) Full Table of Contents Next (Ch. 154) →