Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 24

Bālakāṇḍa Sarga 24

बालकाण्डम् • सर्गः 24

Bālakāṇḍa Sarga 24 of the classical Vālmīki Rāmāyaṇa with 19 verses.

Total: 19 Verses • Citations: VR 1.24.1–19 • 175 Lexicon Terms
VR 1.24.1 अनुष्टुप्
अथ तस्याप्रमेयस्य मुनेर्वचनमुत्तमम् । श्रुत्वा पुरुषशार्दूलः प्रत्युवाच शुभां गिरम् ॥
atha tasyāprameyasya munervacanamuttamam | śrutvā puruṣaśārdūlaḥ pratyuvāca śubhāṃ giram ||
English Translation
Hearing this excellent speech of that ascetic of immeasurable energy, that foremost of men answered him in these happy words,
VR 1.24.2 अनुष्टुप्
अल्पवीर्या यदा यक्षाः श्रूयन्ते मुनिपुंगव । कथं नागसहस्रस्य धारयत्यबला बलम् ॥
alpavīryā yadā yakṣāḥ śrūyante munipuṃgava | kathaṃ nāgasahasrasya dhārayatyabalā balam ||
English Translation
O best of ascetics, I have heard that the Yakşa race is endowed with but small prowess. How can then that one of the weaker sex possess the strength of a thousand elephants?
VR 1.24.3 अनुष्टुप्
विश्वामित्रोऽब्रवीद्वाक्यं शृणु येन बलोत्तरा । वरदानकृतं वीर्यं धारयत्यबला बलम् ॥
viśvāmitro'bravīdvākyaṃ śṛṇu yena balottarā | varadānakṛtaṃ vīryaṃ dhārayatyabalā balam ||
English Translation
Hearing this speech that was uttered by Rāghava of immeasurable energy, Viśvāmitra, delighting with his amiable words that subduer of foes, Rāma, and Laksmana, said, Do you listen as to the means whereby attaining terrible strength, that one belonging to the weaker sex has come to possess strength and prowess by virtue of a boon.
VR 1.24.4 अनुष्टुप्
पूर्वमासीन्महायक्षः सुकेतुर्नाम वीर्यवान् । अनपत्यः शुभाचारः स च तेपे महत्तपः ॥
pūrvamāsīnmahāyakṣaḥ suketurnāma vīryavān | anapatyaḥ śubhācāraḥ sa ca tepe mahattapaḥ ||
English Translation
In former times there was a mighty and exceedingly powerful Yaksa, named Suketu. And he had no issue. And he was of pure practices, and used to perform rigid austerities.
VR 1.24.5 अनुष्टुप्
पितामहस्तु सुप्रीतस्तस्य यक्षपतेस्तदा । कन्यारत्नं ददौ राम ताटकां नाम नामतः ॥
pitāmahastu suprītastasya yakṣapatestadā | kanyāratnaṃ dadau rāma tāṭakāṃ nāma nāmataḥ ||
English Translation
And, O Rāma, the Grand-sire endowed her with that lord of Yakşas, conferred upon him a gem of a daughter, by name Tāțakā.
VR 1.24.6 अनुष्टुप्
ददौ नागसहस्रस्य बलं चास्याः पितामहः । न त्वेव पुत्रं यक्षाय ददौ ब्रह्मा महायशाः ॥
dadau nāgasahasrasya balaṃ cāsyāḥ pitāmahaḥ | na tveva putraṃ yakṣāya dadau brahmā mahāyaśāḥ ||
English Translation
And the Grand-sire endowed her with the strength of a thousand elephants; yet that illustrious one did not bestow a son on that Yaksa.
VR 1.24.7 अनुष्टुप्
तां तु जातां विवर्धन्तीं रूपयौवनशालिनीम् । जम्भपुत्राय सुन्दाय ददौ भार्यां यशस्विनीम् ॥
tāṃ tu jātāṃ vivardhantīṃ rūpayauvanaśālinīm | jambhaputrāya sundāya dadau bhāryāṃ yaśasvinīm ||
English Translation
When she had grown, and attained youth and beauty, he gave that famous damsel to Jambha's son, Sunda, for wife.
VR 1.24.8 अनुष्टुप्
कस्यचित्त्वथ कालल्स्य यक्षी पुत्रं व्यजायत । मारीचं नाम दुर्धर्षं यः शापाद्राक्षसोऽभवत् ॥
kasyacittvatha kālalsya yakṣī putraṃ vyajāyata | mārīcaṃ nāma durdharṣaṃ yaḥ śāpādrākṣaso'bhavat ||
English Translation
After a length of time, that Yakṣī gave birth to a son, named Mārīca, possessed of irrepressible energy, him who became a Rākṣasa in consequence of a curse.
VR 1.24.9 अनुष्टुप्
सुन्दे तु निहते राम अगस्त्यमृषिसत्तमम् । ताटका सह पुत्रेण प्रधर्षयितुमिच्छति ॥
sunde tu nihate rāma agastyamṛṣisattamam | tāṭakā saha putreṇa pradharṣayitumicchati ||
English Translation
O Rāma, when Sunda had been destroyed, Tat akā along with her son, set her heart upon afflicting that excellent saint Agastya.
VR 1.24.10 अनुष्टुप्
राक्षसत्वं भजस्वेति मारीचं व्याजहार सः । अगस्त्यः परमक्रुद्धस्ताटकामपि शप्तवान् ॥
rākṣasatvaṃ bhajasveti mārīcaṃ vyājahāra saḥ | agastyaḥ paramakruddhastāṭakāmapi śaptavān ||
VR 1.24.11 अनुष्टुप्
पुरुषादी महायक्षी विरूपा विकृतानना । इदं रूपमपहाय दारुणं रूपमस्तु ते ॥
puruṣādī mahāyakṣī virūpā vikṛtānanā | idaṃ rūpamapahāya dāruṇaṃ rūpamastu te ||
English Translation
And, in exceeding wrath, he also cursed Tataka. And, O mighty Yaksi, since in frightful guise with a frightful face you have desired to eat up a human being, do you immediately leave this (your original) shape, and become of a terrible form!
VR 1.24.12 अनुष्टुप्
सैषा शापकृतामर्षा ताटका क्रोधमूर्छिता । देशमुत्सादयत्येनमगस्त्यचरितं शुभम् ॥
saiṣā śāpakṛtāmarṣā tāṭakā krodhamūrchitā | deśamutsādayatyenamagastyacaritaṃ śubham ||
English Translation
Thus cursed by Agastya, Tățakā, overwhelmed with rage, lays waste this fair region, where Agastya carry on his austerities.
VR 1.24.13 अनुष्टुप्
एनां राघव दुर्वृत्तां यक्षीं परमदारुणाम् । गोब्राह्मणहितार्थाय जहि दुष्टपराक्रमाम् ॥
enāṃ rāghava durvṛttāṃ yakṣīṃ paramadāruṇām | gobrāhmaṇahitārthāya jahi duṣṭaparākramām ||
English Translation
Do you, O descendant of Raghu, for the welfare of Brāhmaṇas and kine, slay this exceedingly terrible Yakṣī of wicked ways and vile prowess!
VR 1.24.14 अनुष्टुप्
न ह्येनां शापसंसृष्टां कश्चिदुत्सहते पुमान् । निहन्तुं त्रिषु लोकेषु त्वामृते रघुनन्दन ॥
na hyenāṃ śāpasaṃsṛṣṭāṃ kaścidutsahate pumān | nihantuṃ triṣu lokeṣu tvāmṛte raghunandana ||
English Translation
Nor, O son of Raghu, does any one in the three worlds, save, you, dare to slay this Yaksi joined with a curse.
VR 1.24.15 अनुष्टुप्
न हि ते स्त्रीवधकृते घृणा कार्या नरोत्तम । चातुर्वर्ण्यहितार्थाय कर्तव्यं राजसूनुना ॥
na hi te strīvadhakṛte ghṛṇā kāryā narottama | cāturvarṇyahitārthāya kartavyaṃ rājasūnunā ||
English Translation
Nor should you, O best of men, shrink from slaying a woman; for even this should be accomplished by a prince in the interests of the four orders.
VR 1.24.16 अनुष्टुप्
राज्यभारनियुक्तानामेष धर्मः सनातनः । अधर्म्यां जहि काकुत्स्थ धर्मो ह्यस्या न विद्यते ॥
rājyabhāraniyuktānāmeṣa dharmaḥ sanātanaḥ | adharmyāṃ jahi kākutstha dharmo hyasyā na vidyate ||
English Translation
Of those engaged in the onerous task of government, even this is the eternal rule of conduct. Do you, O Kākutstha, slay this impious one; for she know no righteousness!
VR 1.24.17 अनुष्टुप्
श्रूयते हि पुरा शक्रो विरोचनसुतां नृप । पृथिवीं हन्तुमिच्छन्तीं मन्थरामभ्यसूदयत् ॥
śrūyate hi purā śakro virocanasutāṃ nṛpa | pṛthivīṃ hantumicchantīṃ mantharāmabhyasūdayat ||
English Translation
We hear, O king, that in days of yore, ſakra slew Virocana's daughter, Mantharā, who had intended to destroy the earth.
VR 1.24.18 अनुष्टुप्
विष्णुना च पुरा राम भृगुपत्नी दृढव्रता । अनिन्द्रं लोकमिच्छन्ती काव्यमाता निषूदिता ॥
viṣṇunā ca purā rāma bhṛgupatnī dṛḍhavratā | anindraṃ lokamicchantī kāvyamātā niṣūditā ||
English Translation
And formerly, O Rama, Visnu destroyed Kāvya's mother, the devoted wife of Bhrgu, who had set her heart upon annihilating the world, deprived of sleep (through fear of her.)
VR 1.24.19 अनुष्टुप्
एतैश्चान्यैश्च बहुभी राजपुत्रमहात्मभिः । अधर्मनिरता नार्यो हताः पुरुषसत्तमैः ॥
etaiścānyaiśca bahubhī rājaputramahātmabhiḥ | adharmaniratā nāryo hatāḥ puruṣasattamaiḥ ||
English Translation
By these as well as innumerable princesforemost of men have wicked women been slain. Therefore, O king, renouncing antipathy, do you, by my command, slay this one!
← Previous (Ch. 23) Full Table of Contents Next (Ch. 25) →