Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 1

Bālakāṇḍa Sarga 1

बालकाण्डम् • सर्गः 1

Bālakāṇḍa Sarga 1 of the classical Vālmīki Rāmāyaṇa with 79 verses.

Total: 79 Verses • Citations: VR 1.1.1–79 • 175 Lexicon Terms • Page 2 of 3 (Verses 30 shown)
VR 1.1.31 अनुष्टुप्
स काममनवाप्यैव रामपादावुपस्पृशन् । नन्दिग्रामेऽकरोद्राज्यं रामागमनकाङ्क्षया ॥
sa kāmamanavāpyaiva rāmapādāvupaspṛśan | nandigrāme'karodrājyaṃ rāmāgamanakāṅkṣayā ||
English Translation
And then Bharata, finding his desire not fulfilled, touched Rama's feet, and began to rule at Nandigrāma, expecting the return of Rāma.
VR 1.1.32 अनुष्टुप्
रामस्तु पुनरालक्ष्य नागरस्य जनस्य च । तत्रागमनमेकाग्रे दण्डकान्प्रविवेश ह ॥
rāmastu punarālakṣya nāgarasya janasya ca | tatrāgamanamekāgre daṇḍakānpraviveśa ha ||
English Translation
And when the auspicious Bharata, firm in his promise and of subdued sense, had gone away, Rāma again perceiving there the influx of citizens and others, eagerly entered Dandaka.
VR 1.1.33 अनुष्टुप्
विराधं राक्षसं हत्वा शरभङ्गं ददर्श ह । सुतीक्ष्णं चाप्यगस्त्यं च अगस्त्य भ्रातरं तथा ॥
virādhaṃ rākṣasaṃ hatvā śarabhaṅgaṃ dadarśa ha | sutīkṣṇaṃ cāpyagastyaṃ ca agastya bhrātaraṃ tathā ||
English Translation
Having entered that mighty vast, the lotuseyed Rāma slew the Räkşasa Virädha, and saw Sarabhanga, Sutiksna, Agastya and Agastya's brother.
VR 1.1.34 अनुष्टुप्
अगस्त्यवचनाच्चैव जग्राहैन्द्रं शरासनम् । खड्गं च परमप्रीतस्तूणी चाक्षयसायकौ ॥
agastyavacanāccaiva jagrāhaindraṃ śarāsanam | khaḍgaṃ ca paramaprītastūṇī cākṣayasāyakau ||
English Translation
He then, advised by Agastya, gladly possessed himself of Indra's bow, the inexhaustible arrows, the scimitar, and the quiver.
VR 1.1.35 अनुष्टुप्
वसतस्तस्य रामस्य वने वनचरैः सह । ऋषयोऽभ्यागमन्सर्वे वधायासुररक्षसाम् ॥
vasatastasya rāmasya vane vanacaraiḥ saha | ṛṣayo'bhyāgamansarve vadhāyāsurarakṣasām ||
English Translation
While Rāma was dwelling there with the rangers of forests, the sages came to him in a body, for the destruction of the Asuras and Raksasas.
VR 1.1.36 अनुष्टुप्
तेन तत्रैव वसता जनस्थाननिवासिनी । विरूपिता शूर्पणखा राक्षसी कामरूपिणी ॥
tena tatraiva vasatā janasthānanivāsinī | virūpitā śūrpaṇakhā rākṣasī kāmarūpiṇī ||
English Translation
It was while he was living there that, that dweller of Janasthāna, the Rākṣasī Śūrpanakhā, capable of assuming any form at will, was disfigured.
VR 1.1.37 अनुष्टुप्
ततः शूर्पणखावाक्यादुद्युक्तान्सर्वराक्षसान् । खरं त्रिशिरसं चैव दूषणं चैव राक्षसम् ॥
tataḥ śūrpaṇakhāvākyādudyuktānsarvarākṣasān | kharaṃ triśirasaṃ caiva dūṣaṇaṃ caiva rākṣasam ||
English Translation
Thereafter Rama killed in the fight all the rakshasas, Khara, Trisira, and Dushana with their followers in a battle who were instigated by Surpanakha's words.
VR 1.1.38 अनुष्टुप्
निजघान रणे रामस्तेषां चैव पदानुगान् । रक्षसां निहतान्यासन्सहस्राणि चतुर्दश ॥
nijaghāna raṇe rāmasteṣāṃ caiva padānugān | rakṣasāṃ nihatānyāsansahasrāṇi caturdaśa ||
English Translation
During his stay in that forest Rama killed fourteen thousand rakshasas who were inhabitants of Janasthana.
VR 1.1.39 अनुष्टुप्
ततो ज्ञातिवधं श्रुत्वा रावणः क्रोधमूर्छितः । सहायं वरयामास मारीचं नाम राक्षसम् ॥
tato jñātivadhaṃ śrutvā rāvaṇaḥ krodhamūrchitaḥ | sahāyaṃ varayāmāsa mārīcaṃ nāma rākṣasam ||
English Translation
Having learnt of the destruction of his relatives, Rāvaņa wrought into frenzy by anger, sought the help of a Rākşasa named Mārīca.
VR 1.1.40 अनुष्टुप्
वार्यमाणः सुबहुशो मारीचेन स रावणः । न विरोधो बलवता क्षमो रावण तेन ते ॥
vāryamāṇaḥ subahuśo mārīcena sa rāvaṇaḥ | na virodho balavatā kṣamo rāvaṇa tena te ||
English Translation
And although strongly dissuaded by Mārīca, saying. You ought not to enter into hostilities with that powerful one. Do you, therefore, O Ravana, excuse me! yet, disregarding those words of his, Ravana, urged on by Fate, went into that asylum in company with Mārīca.
VR 1.1.41 अनुष्टुप्
अनादृत्य तु तद्वाक्यं रावणः कालचोदितः । जगाम सहमारीचस्तस्याश्रमपदं तदा ॥
anādṛtya tu tadvākyaṃ rāvaṇaḥ kālacoditaḥ | jagāma sahamārīcastasyāśramapadaṃ tadā ||
English Translation
And although strongly dissuaded by Mārīca, saying. You ought not to enter into hostilities with that powerful one. Do you, therefore, O Ravana, excuse me! yet, disregarding those words of his, Ravana, urged on by Fate, went into that asylum in company with Mārīca.
VR 1.1.42 अनुष्टुप्
तेन मायाविना दूरमपवाह्य नृपात्मजौ । जहार भार्यां रामस्य गृध्रं हत्वा जटायुषम् ॥
tena māyāvinā dūramapavāhya nṛpātmajau | jahāra bhāryāṃ rāmasya gṛdhraṃ hatvā jaṭāyuṣam ||
English Translation
That one (Mārīca) commanding illusions, having drawn far the king's sons (Rāma and Lakşmaņa), he (Rāvana) carried away Rāma's wife, slaying the vulture Jatayu.
VR 1.1.43 अनुष्टुप्
गृध्रं च निहतं दृष्ट्वा हृतां श्रुत्वा च मैथिलीम् । राघवः शोकसंतप्तो विललापाकुलेन्द्रियः ॥
gṛdhraṃ ca nihataṃ dṛṣṭvā hṛtāṃ śrutvā ca maithilīm | rāghavaḥ śokasaṃtapto vilalāpākulendriyaḥ ||
English Translation
And beholding the vulture slain and learning of the kidnapping of Mithila's daughter, the descendant of Raghu, deprived of sense, bewailed in grief.
VR 1.1.44 अनुष्टुप्
ततस्तेनैव शोकेन गृध्रं दग्ध्वा जटायुषम् । मार्गमाणो वने सीतां राक्षसं संददर्श ह ॥
tatastenaiva śokena gṛdhraṃ dagdhvā jaṭāyuṣam | mārgamāṇo vane sītāṃ rākṣasaṃ saṃdadarśa ha ||
English Translation
Having with unassuaged sorrow burnt the vulture Jațāyu, as he was searching for Sità in that forest, he fell in with a Rākṣasa, Kabandha by name, of a dreadful and deformed shape. Having slain him, the mighty-armed one burnt his body,-and thereupon he went to heaven.
VR 1.1.45 अनुष्टुप्
कबन्धं नाम रूपेण विकृतं घोरदर्शनम् । तं निहत्य महाबाहुर्ददाह स्वर्गतश्च सः ॥
kabandhaṃ nāma rūpeṇa vikṛtaṃ ghoradarśanam | taṃ nihatya mahābāhurdadāha svargataśca saḥ ||
English Translation
Having with unassuaged sorrow burnt the vulture Jațāyu, as he was searching for Sità in that forest, he fell in with a Rākṣasa, Kabandha by name, of a dreadful and deformed shape. Having slain him, the mighty-armed one burnt his body,-and thereupon he went to heaven.
VR 1.1.46 उपजातिः
स चास्य कथयामास शबरीं धर्मचारिणीम् । श्रमणीं धर्मनिपुणामभिगच्छेति राघव । सोऽभ्यगच्छन्महातेजाः शबरीं शत्रुसूदनः ॥
sa cāsya kathayāmāsa śabarīṃ dharmacāriṇīm | śramaṇīṃ dharmanipuṇāmabhigaccheti rāghava | so'bhyagacchanmahātejāḥ śabarīṃ śatrusūdanaḥ ||
English Translation
And the Rākşasa addressed Rama saying, O descendant of Raghu, Do you repair to the ascetic, Śabarī, conversant with all systems of morality.
VR 1.1.47 अनुष्टुप्
शबर्या पूजितः सम्यग्रामो दशरथात्मजः । पम्पातीरे हनुमता संगतो वानरेण ह ॥
śabaryā pūjitaḥ samyagrāmo daśarathātmajaḥ | pampātīre hanumatā saṃgato vānareṇa ha ||
VR 1.1.48 अनुष्टुप्
हनुमद्वचनाच्चैव सुग्रीवेण समागतः । सुग्रीवाय च तत्सर्वं शंसद्रामो महाबलः ॥
hanumadvacanāccaiva sugrīveṇa samāgataḥ | sugrīvāya ca tatsarvaṃ śaṃsadrāmo mahābalaḥ ||
English Translation
Than he met with Hanuman on the banks of the Pampā. Then, agreeably to Hanumān's advice, the exceedingly powerful Rāma saw Sugrīva. And detailed to him all specially touching Sitā.
VR 1.1.49 उपजातिः
ततो वानरराजेन वैरानुकथनं प्रति । रामायावेदितं सर्वं प्रणयाद्दुःखितेन च । वालिनश्च बलं तत्र कथयामास वानरः ॥
tato vānararājena vairānukathanaṃ prati | rāmāyāveditaṃ sarvaṃ praṇayādduḥkhitena ca | vālinaśca balaṃ tatra kathayāmāsa vānaraḥ ||
English Translation
Then the king of monkeys, out of friendship, mournfully related to him all about his hostilities with Vali.
VR 1.1.50 अनुष्टुप्
प्रतिज्ञातं च रामेण तदा वालिवधं प्रति । सुग्रीवः शङ्कितश्चासीन्नित्यं वीर्येण राघवे ॥
pratijñātaṃ ca rāmeṇa tadā vālivadhaṃ prati | sugrīvaḥ śaṅkitaścāsīnnityaṃ vīryeṇa rāghave ||
English Translation
Then Ráma vowed that he would slay Vālī. Thereupon the monkey described to Raghava the prowess of Vālī, and he feared lest Räma should not prove a match for Válī.
VR 1.1.51 अनुष्टुप्
राघवः प्रत्ययार्थं तु दुन्दुभेः कायमुत्तमम् । पादाङ्गुष्ठेन चिक्षेप संपूर्णं दशयोजनम् ॥
rāghavaḥ pratyayārthaṃ tu dundubheḥ kāyamuttamam | pādāṅguṣṭhena cikṣepa saṃpūrṇaṃ daśayojanam ||
English Translation
And with the view of convincing Raghava (as to Vali's might), Sugriva showed to him the huge corpse of Dundubhi, resembling a hill.
VR 1.1.52 अनुष्टुप्
बिभेद च पुनः सालान्सप्तैकेन महेषुणा । गिरिं रसातलं चैव जनयन्प्रत्ययं तदा ॥
bibheda ca punaḥ sālānsaptaikena maheṣuṇā | giriṃ rasātalaṃ caiva janayanpratyayaṃ tadā ||
English Translation
With a single mighty shaft he pierced seven palmyra palms, a hill, and the sixth nether worlds, carrying conviction to Sugriva.
VR 1.1.53 अनुष्टुप्
ततः प्रीतमनास्तेन विश्वस्तः स महाकपिः । किष्किन्धां रामसहितो जगाम च गुहां तदा ॥
tataḥ prītamanāstena viśvastaḥ sa mahākapiḥ | kiṣkindhāṃ rāmasahito jagāma ca guhāṃ tadā ||
English Translation
Thus convinced, the mighty monkey well pleased went with Rāma towards the cave called Kiskindha.
VR 1.1.54 अनुष्टुप्
ततोऽगर्जद्धरिवरः सुग्रीवो हेमपिङ्गलः । तेन नादेन महता निर्जगाम हरीश्वरः ॥
tato'garjaddharivaraḥ sugrīvo hemapiṅgalaḥ | tena nādena mahatā nirjagāma harīśvaraḥ ||
English Translation
And having arrived there, that best of monkeys, Sugrīva of a tawny and golden hue, set up loud roars. And at those mighty sounds, out came the lord of monkeys; and having obtained Tārā's consent came before Sugrīva for battle. Then Rāghava killed Vālī on the spot with a single shaft.
VR 1.1.55 अनुष्टुप्
ततः सुग्रीववचनाद्धत्वा वालिनमाहवे । सुग्रीवमेव तद्राज्ये राघवः प्रत्यपादयत् ॥
tataḥ sugrīvavacanāddhatvā vālinamāhave | sugrīvameva tadrājye rāghavaḥ pratyapādayat ||
English Translation
And, in compliance with Sugrīva's request, having slain Vālī in battle, Raghava conferred the kingdom on Sugriva.
VR 1.1.56 अनुष्टुप्
स च सर्वान्समानीय वानरान्वानरर्षभः । दिशः प्रस्थापयामास दिदृक्षुर्जनकात्मजाम् ॥
sa ca sarvānsamānīya vānarānvānararṣabhaḥ | diśaḥ prasthāpayāmāsa didṛkṣurjanakātmajām ||
English Translation
Then that best of monkeys having summoned all the various monkeys, sent them in various directions in search of Janaka's daughter.
VR 1.1.57 अनुष्टुप्
ततो गृध्रस्य वचनात्संपातेर्हनुमान्बली । शतयोजनविस्तीर्णं पुप्लुवे लवणार्णवम् ॥
tato gṛdhrasya vacanātsaṃpāterhanumānbalī | śatayojanavistīrṇaṃ pupluve lavaṇārṇavam ||
English Translation
Then at the suggestion of the vulture Sampāti, the mighty Hanuman crossed the salt sea extending for a hundred Yojanas (900 miles).
VR 1.1.58 अनुष्टुप्
तत्र लङ्कां समासाद्य पुरीं रावणपालिताम् । ददर्श सीतां ध्यायन्तीमशोकवनिकां गताम् ॥
tatra laṅkāṃ samāsādya purīṃ rāvaṇapālitām | dadarśa sītāṃ dhyāyantīmaśokavanikāṃ gatām ||
English Translation
Thereby arriving at the city of Lankā, ruled by Rāvana, he found Sītā in the midst of an Asoka garden, absorbed in thought.
VR 1.1.59 अनुष्टुप्
निवेदयित्वाभिज्ञानं प्रवृत्तिं च निवेद्य च । समाश्वास्य च वैदेहीं मर्दयामास तोरणम् ॥
nivedayitvābhijñānaṃ pravṛttiṃ ca nivedya ca | samāśvāsya ca vaidehīṃ mardayāmāsa toraṇam ||
English Translation
Then having shown her the sign, he rtlated to her all about the friendship between Rāma and Sugrīva, and having convinced Videha's daughter, he smashed the gate of the place.
VR 1.1.60 अनुष्टुप्
पञ्च सेनाग्रगान्हत्वा सप्त मन्त्रिसुतानपि । शूरमक्षं च निष्पिष्य ग्रहणं समुपागमत् ॥
pañca senāgragānhatvā sapta mantrisutānapi | śūramakṣaṃ ca niṣpiṣya grahaṇaṃ samupāgamat ||
English Translation
Then having slain five generals, and seven counsellors' sons, and crushed the heroic Aksa, he was bound fast (by the arms of Indrajit.)
Full Table of Contents Next (Ch. 2) →