Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 34

Uttarakāṇḍa Sarga 34

उत्तरकाण्डम् • सर्गः 34

Uttarakāṇḍa Sarga 34 of the classical Vālmīki Rāmāyaṇa with 44 verses.

Total: 44 Verses • Citations: VR 7.34.1–44 • 175 Lexicon Terms • Page 1 of 2 (Verses 30 shown)
VR 7.34.1 अनुष्टुप्
अर्जुनेन विमुक्तस्तु रावणो राक्षसाधिपः । चचार पृथिवीं सर्वामनिर्विण्णस्तथा कृतः ॥
arjunena vimuktastu rāvaṇo rākṣasādhipaḥ | cacāra pṛthivīṃ sarvāmanirviṇṇastathā kṛtaḥ ||
English Translation
Released by Arjuna, and yet not conceiving any shame, Rāvana, the king of Räkşasas again began to transverse the earth.
VR 7.34.2 अनुष्टुप्
राक्षसं वा मनुष्यं वा शृणुते यं बलाधिकम् । रावणस्तं समासाद्य युद्धे ह्वयति दर्पितः ॥
rākṣasaṃ vā manuṣyaṃ vā śṛṇute yaṃ balādhikam | rāvaṇastaṃ samāsādya yuddhe hvayati darpitaḥ ||
English Translation
Rākşasas or men, of whom the proud Rävaņa heard to be powerful he used to approach and summon them for fight.
VR 7.34.3 अनुष्टुप्
ततः कदाचित्किष्किन्धां नगरीं वालिपालिताम् । गत्वाह्वयति युद्धाय वालिनं हेममालिनम् ॥
tataḥ kadācitkiṣkindhāṃ nagarīṃ vālipālitām | gatvāhvayati yuddhāya vālinaṃ hemamālinam ||
English Translation
After some time he arrived at the city of Kişkindhā reared by Vāli and invited him, wearing golden garland, to fight.
VR 7.34.4 अनुष्टुप्
ततस्तं वानरामात्यस्तारस्तारापिता प्रभुः । उवाच रावणं वाक्यं युद्धप्रेप्सुमुपागतम् ॥
tatastaṃ vānarāmātyastārastārāpitā prabhuḥ | uvāca rāvaṇaṃ vākyaṃ yuddhaprepsumupāgatam ||
English Translation
Thereat, Tara, her father Susena and the Prince Sugrīva said to the king of Rākşasas.
VR 7.34.5 अनुष्टुप्
राक्षसेन्द्र गतो वाली यस्ते प्रतिबलो भवेत् । नान्यः प्रमुखतः स्थातुं तव शक्तः प्लवंगमः ॥
rākṣasendra gato vālī yaste pratibalo bhavet | nānyaḥ pramukhataḥ sthātuṃ tava śaktaḥ plavaṃgamaḥ ||
English Translation
O lord of Rākşasas, he is not present here, who shall be able to withstand you. What monkey else is capable of standing before you?
VR 7.34.6 अनुष्टुप्
चतुर्भ्योऽपि समुद्रेभ्यः संध्यामन्वास्य रावण । इमं मुहूर्तमायाति वाली तिष्ठ मुहूर्तकम् ॥
caturbhyo'pi samudrebhyaḥ saṃdhyāmanvāsya rāvaṇa | imaṃ muhūrtamāyāti vālī tiṣṭha muhūrtakam ||
English Translation
However, O Ravana, Vali shall soon return after performing the Sandhya rites at the confluence of the four oceans; therefore wait here for a moment.
VR 7.34.7 अनुष्टुप्
एतानस्थिचयान्पश्य य एते शङ्खपाण्डुराः । युद्धार्थिनामिमे राजन्वानराधिपतेजसा ॥
etānasthicayānpaśya ya ete śaṅkhapāṇḍurāḥ | yuddhārthināmime rājanvānarādhipatejasā ||
English Translation
Behold, O Dasanana, there lie the bones of all those, like conch, who came ere this to fight with the powerful king of monkeys.
VR 7.34.8 अनुष्टुप्
यद्वामृतरसः पीतस्त्वया रावणराक्षस । तथा वालिनमासाद्य तदन्तं तव जीवितम् ॥
yadvāmṛtarasaḥ pītastvayā rāvaṇarākṣasa | tathā vālinamāsādya tadantaṃ tava jīvitam ||
English Translation
O Ravana, O Raksasa, ever if you have drunk nectar, you shall at this very moment loose your life, when the encounter with Vāli shall take place.
VR 7.34.9 अनुष्टुप्
अथ वा त्वरसे मर्तुं गच्छ दक्षिणसागरम् । वालिनं द्रक्ष्यसे तत्र भूमिष्ठमिव भास्करम् ॥
atha vā tvarase martuṃ gaccha dakṣiṇasāgaram | vālinaṃ drakṣyase tatra bhūmiṣṭhamiva bhāskaram ||
English Translation
Or if you do wish to meet with death do you speedily repair to the southern ocean and you shall behold there Vali like to fire placed on earth.
VR 7.34.10 अनुष्टुप्
स तु तारं विनिर्भर्त्स्य रावणो राक्षसेश्वरः । पुष्पकं तत्समारुह्य प्रययौ दक्षिणार्णवम् ॥
sa tu tāraṃ vinirbhartsya rāvaṇo rākṣaseśvaraḥ | puṣpakaṃ tatsamāruhya prayayau dakṣiṇārṇavam ||
VR 7.34.11 अनुष्टुप्
तत्र हेमगिरिप्रख्यं तरुणार्कनिभाननम् । रावणो वालिनं दृष्ट्वा संध्योपासनतत्परम् ॥
tatra hemagiriprakhyaṃ taruṇārkanibhānanam | rāvaṇo vālinaṃ dṛṣṭvā saṃdhyopāsanatatparam ||
English Translation
Hearing those words, Rāvana, the aggrandiser of the triple world, remonstrated with Tāra and ascending his flowery car went to the southern ocean and espied Vali, having red countenance like the rising sun, engaged in Sandhyā rites with whole-mindedness.
VR 7.34.12 अनुष्टुप्
पुष्पकादवरुह्याथ रावणोऽञ्जनसंनिभः । ग्रहीतुं वालिनं तूर्णं निःशब्दपदमाद्रवत् ॥
puṣpakādavaruhyātha rāvaṇo'ñjanasaṃnibhaḥ | grahītuṃ vālinaṃ tūrṇaṃ niḥśabdapadamādravat ||
English Translation
Thereupon having descended from his Puşpaka car he with silent approached Vāli to bring him under his grasp.
VR 7.34.13 अनुष्टुप्
यदृच्छयोन्मीलयता वालिनापि स रावणः । पापाभिप्रायवान्दृष्टश्चकार न च संभ्रमम् ॥
yadṛcchayonmīlayatā vālināpi sa rāvaṇaḥ | pāpābhiprāyavāndṛṣṭaścakāra na ca saṃbhramam ||
VR 7.34.14 अनुष्टुप्
शशमालक्ष्य सिंहो वा पन्नगं गरुडो यथा । न चिन्तयति तं वाली रावणं पापनिश्चयम् ॥
śaśamālakṣya siṃho vā pannagaṃ garuḍo yathā | na cintayati taṃ vālī rāvaṇaṃ pāpaniścayam ||
English Translation
Casting his looks at pleasure, Vali saw him. Albeit apprised of his evil intention, he was not the least moved. And he did not care for him as a lion is not moved on beholding a hare and Garuda on beholding a serpent.
VR 7.34.15 अनुष्टुप्
जिघृक्षमाणमद्यैनं रावणं पापबुद्धिनम् । कक्षावलम्बिनं कृत्वा गमिष्यामि महार्णवान् ॥
jighṛkṣamāṇamadyainaṃ rāvaṇaṃ pāpabuddhinam | kakṣāvalambinaṃ kṛtvā gamiṣyāmi mahārṇavān ||
English Translation
He then thought within himself-“This vicious-souled Răvaņa is approaching to catch me; holding him under my arm pit I shall journey over the three great oceans.
VR 7.34.16 अनुष्टुप्
द्रक्ष्यन्त्यरिं ममाङ्कस्थं स्रंसितोरुकराम्बरम् । लम्बमानं दशग्रीवं गरुडस्येव पन्नगम् ॥
drakṣyantyariṃ mamāṅkasthaṃ sraṃsitorukarāmbaram | lambamānaṃ daśagrīvaṃ garuḍasyeva pannagam ||
English Translation
Everyone will behold the enemy Rāvana, under my arm pit as a serpent possessed by Garuda, with his thighs, arms and clothes loosened.
VR 7.34.17 अनुष्टुप्
इत्येवं मतिमास्थाय वाली कर्णमुपाश्रितः । जपन्वै नैगमान्मन्त्रांस्तस्थौ पर्वतराडिव ॥
ityevaṃ matimāsthāya vālī karṇamupāśritaḥ | japanvai naigamānmantrāṃstasthau parvatarāḍiva ||
English Translation
Having thought thus Vāli remained silent for sometime and reciting incantations he waited there like a mountain.
VR 7.34.18 अनुष्टुप्
तावन्योन्यं जिघृक्षन्तौ हरिराक्षसपार्थिवौ । प्रयत्नवन्तौ तत्कर्म ईहतुर्बलदर्पितौ ॥
tāvanyonyaṃ jighṛkṣantau harirākṣasapārthivau | prayatnavantau tatkarma īhaturbaladarpitau ||
English Translation
Thereupon the king of monkeys and the lord of Rākşasas, proud of strength, essayed to catch one another.
VR 7.34.19 अनुष्टुप्
हस्तग्राह्यं तु तं मत्वा पादशब्देन रावणम् । पराङ्मुखोऽपि जग्राह वाली सर्पमिवाण्डजः ॥
hastagrāhyaṃ tu taṃ matvā pādaśabdena rāvaṇam | parāṅmukho'pi jagrāha vālī sarpamivāṇḍajaḥ ||
English Translation
Vāli was seated with his back (towards Rāvaņa); still from his footsteps he perceived that he had come within the grasp of Råvaņa's army and he at once caught hold of him like to Garuda holding a serpent.
VR 7.34.20 अनुष्टुप्
ग्रहीतुकामं तं गृह्य रक्षसामीश्वरं हरिः । खमुत्पपात वेगेन कृत्वा कक्षावलम्बिनम् ॥
grahītukāmaṃ taṃ gṛhya rakṣasāmīśvaraṃ hariḥ | khamutpapāta vegena kṛtvā kakṣāvalambinam ||
English Translation
Getting hold of Rāvana, the lord of Rākşasas, desirous of catching him, (Vāli) and placing him under his arm-pit Vāli vehemently rose high up in the welkin.
VR 7.34.21 अनुष्टुप्
स तं पीड्दयमानस्तु वितुदन्तं नखैर्मुहुः । जहार रावणं वाली पवनस्तोयदं यथा ॥
sa taṃ pīḍdayamānastu vitudantaṃ nakhairmuhuḥ | jahāra rāvaṇaṃ vālī pavanastoyadaṃ yathā ||
English Translation
And he went away carrying him, scratching him again and again with his snails like to winds scattering clouds.
VR 7.34.22 अनुष्टुप्
अथ ते राक्षसामात्या ह्रियमाणे दशानने । मुमोक्षयिषवो घोरा रवमाणा ह्यभिद्रवन् ॥
atha te rākṣasāmātyā hriyamāṇe daśānane | mumokṣayiṣavo ghorā ravamāṇā hyabhidravan ||
English Translation
The Ten-necked demon being thus carried away, his councillors, to release him, pursued, exclaiming, Vali, in the welkin.
VR 7.34.23 अनुष्टुप्
अन्वीयमानस्तैर्वाली भ्राजतेऽम्बरमध्यगः । अन्वीयमानो मेघौघैरम्बरस्थ इवांशुमान् ॥
anvīyamānastairvālī bhrājate'mbaramadhyagaḥ | anvīyamāno meghaughairambarastha ivāṃśumān ||
English Translation
They thus following him, Vali, appeared in the sky like the sun in the midst of clouds.
VR 7.34.24 अनुष्टुप्
तेऽशक्नुवन्तः संप्राप्तं वालिनं राक्षसोत्तमाः । तस्य बाहूरुवेगेन परिश्रान्तः पतन्ति च ॥
te'śaknuvantaḥ saṃprāptaṃ vālinaṃ rākṣasottamāḥ | tasya bāhūruvegena pariśrāntaḥ patanti ca ||
English Translation
The Rākşasas could not catch Vāli but were rather exhausted by the stroke of his arms and thighs.
VR 7.34.25 अनुष्टुप्
वालिमार्गादपाक्रामन्पर्वतेन्द्रा हि गच्छतः ॥
vālimārgādapākrāmanparvatendrā hi gacchataḥ ||
English Translation
What to speak of animals made of flesh and blood anxious for their lives even the mountains make way when Vāli goes.
VR 7.34.26 अनुष्टुप्
अपक्षिगणसंपातो वानरेन्द्रो महाजवः । क्रमशः सागरान्सर्वान्संध्याकालमवन्दत ॥
apakṣigaṇasaṃpāto vānarendro mahājavaḥ | kramaśaḥ sāgarānsarvānsaṃdhyākālamavandata ||
English Translation
Rising high up into the sky where even the birds cannot reach, Vali, the lord of monkeys and gifted with great velocity, by and by finished his Sandhyā rites above the oceans.
VR 7.34.27 अनुष्टुप्
सभाज्यमानो भूतैस्तु खेचरैः खेचरो हरिः । पश्चिमं सागरं वाली आजगाम सरावणः ॥
sabhājyamāno bhūtaistu khecaraiḥ khecaro hariḥ | paścimaṃ sāgaraṃ vālī ājagāma sarāvaṇaḥ ||
English Translation
Being worshipped by the aerials their lord, with Rāvaņa, first proceeded to the western ocean.
VR 7.34.28 अनुष्टुप्
तत्र संध्यामुपासित्वा स्नात्वा जप्त्वा च वानरः । उत्तरं सागरं प्रायाद्वहमानो दशाननम् ॥
tatra saṃdhyāmupāsitvā snātvā japtvā ca vānaraḥ | uttaraṃ sāgaraṃ prāyādvahamāno daśānanam ||
English Translation
Having finished there Sandhyā prayers and recited incantations he, with Daśānana, went to the northern ocean.
VR 7.34.29 अनुष्टुप्
उत्तरे सागरे संध्यामुपासित्वा दशाननम् । वहमानोऽगमद्वाली पूर्वमम्बुमहानिधिम् ॥
uttare sāgare saṃdhyāmupāsitvā daśānanam | vahamāno'gamadvālī pūrvamambumahānidhim ||
VR 7.34.30 अनुष्टुप्
तत्रापि संध्यामन्वास्य वासविः स हरीश्वरः । किष्किन्धाभिमुखो गृह्य रावणं पुनरागमत् ॥
tatrāpi saṃdhyāmanvāsya vāsaviḥ sa harīśvaraḥ | kiṣkindhābhimukho gṛhya rāvaṇaṃ punarāgamat ||
English Translation
And having recited his prayers there also, Vali, the son of Indra, and the king of monkeys, carrying Rāvana, returned to the city of Kişikindhā.
← Previous (Ch. 539) Full Table of Contents Next (Ch. 541) →