Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 2

Uttarakāṇḍa Sarga 2

उत्तरकाण्डम् • सर्गः 2

Uttarakāṇḍa Sarga 2 of the classical Vālmīki Rāmāyaṇa with 29 verses.

Total: 29 Verses • Citations: VR 7.2.1–29 • 175 Lexicon Terms
VR 7.2.1 अनुष्टुप्
तस्य तद्वचनं श्रुत्वा राघवस्य महात्मनः । कुम्भयोनिर्महातेजा वाक्यमेतदुवाच ह ॥
tasya tadvacanaṃ śrutvā rāghavasya mahātmanaḥ | kumbhayonirmahātejā vākyametaduvāca ha ||
English Translation
Hearing those words of Rāghva, the exceedingly energetic Kumbhayoni spoke as follows.
VR 7.2.2 अनुष्टुप्
शृणु राजन्यथावृत्तं यस्य तेजोबलं महत् । जघान च रिपून्युद्धे यथावध्यश्च शत्रुभिः ॥
śṛṇu rājanyathāvṛttaṃ yasya tejobalaṃ mahat | jaghāna ca ripūnyuddhe yathāvadhyaśca śatrubhiḥ ||
English Translation
Having regard to his (Indrajit's) energy and might, I shall relate to you the history of his race, in the light of which you will perceive why Rāvana's son had been capable of slaying his enemies, but could not himself be slain by them.
VR 7.2.3 अनुष्टुप्
अहं ते रावणस्येदं कुलं जन्म च राघव । वरप्रदानं च तथा तस्मै दत्तं ब्रवीमि ते ॥
ahaṃ te rāvaṇasyedaṃ kulaṃ janma ca rāghava | varapradānaṃ ca tathā tasmai dattaṃ bravīmi te ||
English Translation
I shall, O Rāghava, describe to you Răvaņa's race and birth, as well as the boon that had been conferred on him.
VR 7.2.4 अनुष्टुप्
पुरा कृतयुगे राम प्रजापतिसुतः प्रभुः । पुलस्त्यो नाम ब्रह्मर्षिः साक्षादिव पितामहः ॥
purā kṛtayuge rāma prajāpatisutaḥ prabhuḥ | pulastyo nāma brahmarṣiḥ sākṣādiva pitāmahaḥ ||
English Translation
Formerly in the Krita age, O Rama, there was a Brahmarsi-lord (of creatures), son to Prajapati, and like to the very self of the great-father.
VR 7.2.5 अनुष्टुप्
नानुकीर्त्या गुणास्तस्य धर्मतः शीलतस्तथा । प्रजापतेः पुत्र इति वक्तुं शक्यं हि नामतः ॥
nānukīrtyā guṇāstasya dharmataḥ śīlatastathā | prajāpateḥ putra iti vaktuṃ śakyaṃ hi nāmataḥ ||
English Translation
His virtues, springing from righteousness and excellency of character, are past all delineation; I can only say that, forsooth, he went by the name of Prajāpati's son.
VR 7.2.6 अनुष्टुप्
स तु धर्मप्रसङ्गेन मेरोः पार्श्वे महागिरेः । तृणबिन्द्वाश्रमं गत्वा न्यवसन्मुनिपुंगवः ॥
sa tu dharmaprasaṅgena meroḥ pārśve mahāgireḥ | tṛṇabindvāśramaṃ gatvā nyavasanmunipuṃgavaḥ ||
English Translation
And on a religious mission that foremost of ascetics, repairing to the asylum of Triņabindu at the side of the mighty mountain, Meru, took up his abode there.
VR 7.2.7 अनुष्टुप्
तपस्तेपे स धर्मात्मा स्वाध्यायनियतेन्द्रियः । गत्वाश्रमपदं तस्य विघ्नं कुर्वन्ति कन्यकाः ॥
tapastepe sa dharmātmā svādhyāyaniyatendriyaḥ | gatvāśramapadaṃ tasya vighnaṃ kurvanti kanyakāḥ ||
English Translation
And with his senses centred on the study of the Vedas, that righteous-souled one, going to the hermitage, carried on austerities; but his religious rites were disturbed by certain girls. And daughters of sages and Pannagas and those of Rājarşis, as well as those of Apsarās, sporting, arrived at that quarter.
VR 7.2.8 अनुष्टुप्
देवपन्नगकन्याश्च राजर्षितनयाश्च याः । क्रीडन्त्योऽप्सरसश्चैव तं देशमुपपेदिरे ॥
devapannagakanyāśca rājarṣitanayāśca yāḥ | krīḍantyo'psarasaścaiva taṃ deśamupapedire ||
English Translation
And with his senses centred on the study of the Vedas, that righteous-souled one, going to the hermitage, carried on austerities; but his religious rites were disturbed by certain girls. And daughters of sages and Pannagas and those of Rājarşis, as well as those of Apsarās, sporting, arrived at that quarter.
VR 7.2.9 अनुष्टुप्
सर्वर्तुषूपभोग्यत्वाद्रम्यत्वात्काननस्य च । नित्यशस्तास्तु तं देशं गत्वा क्रीडन्ति कन्यकाः ॥
sarvartuṣūpabhogyatvādramyatvātkānanasya ca | nityaśastāstu taṃ deśaṃ gatvā krīḍanti kanyakāḥ ||
English Translation
And an account of every season being genial at that spot and also of the loveliness of the wood, the damsels, repairing to this place. ever disport there.
VR 7.2.10 अनुष्टुप्
अथ रुष्टो महातेजा व्याजहार महामुनिः । या मे दर्शनमागच्छेत्सा गर्भं धारयिष्यति ॥
atha ruṣṭo mahātejā vyājahāra mahāmuniḥ | yā me darśanamāgacchetsā garbhaṃ dhārayiṣyati ||
VR 7.2.11 अनुष्टुप्
तास्तु सर्वाः प्रतिगताः श्रुत्वा वाक्यं महात्मनः । ब्रह्मशापभयाद्भीतास्तं देशं नोपचक्रमुः ॥
tāstu sarvāḥ pratigatāḥ śrutvā vākyaṃ mahātmanaḥ | brahmaśāpabhayādbhītāstaṃ deśaṃ nopacakramuḥ ||
VR 7.2.12 अनुष्टुप्
तृणबिन्दोस्तु राजर्षेस्तनया न शृणोति तत् । गत्वाश्रमपदं तस्य विचचार सुनिर्भया ॥
tṛṇabindostu rājarṣestanayā na śṛṇoti tat | gatvāśramapadaṃ tasya vicacāra sunirbhayā ||
VR 7.2.13 अनुष्टुप्
तस्मिन्नेव तु काले स प्राजापत्यो महानृषिः । स्वाध्यायमकरोत्तत्र तपसा द्योतितप्रभः ॥
tasminneva tu kāle sa prājāpatyo mahānṛṣiḥ | svādhyāyamakarottatra tapasā dyotitaprabhaḥ ||
English Translation
She did not see there any of her associates come to that spot. And at that time that exceedingly energetic and mighty sage, Prajāpati's son, with his soul sanctified through eticism, was engaged in the study of the Veda.
VR 7.2.14 अनुष्टुप्
सा तु वेदध्वनिं श्रुत्वा दृष्ट्वा चैव तपोधनम् । अभवत्पाण्डुदेहा सा सुव्यञ्जितशरीरजा ॥
sā tu vedadhvaniṃ śrutvā dṛṣṭvā caiva tapodhanam | abhavatpāṇḍudehā sā suvyañjitaśarīrajā ||
English Translation
Hearing the sounds of Vedic recitation, and seeing that storehouse of asceticism, she had her body turned pale, and signs of pregnancy displayed themselves.
VR 7.2.15 अनुष्टुप्
दृष्ट्वा परमसंविग्ना सा तु तद्रूपमात्मनः । इदं मे किं न्विति ज्ञात्वा पितुर्गत्वाग्रतः स्थिता ॥
dṛṣṭvā paramasaṃvignā sā tu tadrūpamātmanaḥ | idaṃ me kiṃ nviti jñātvā piturgatvāgrataḥ sthitā ||
English Translation
Seeing that evil befall her, she was wrought up with anxiety; and, understanding matters, she said, "What is this?' And, going to her father's hermitage, stayed there.
VR 7.2.16 अनुष्टुप्
तां तु दृष्ट्वा तथा भूतां तृणबिन्दुरथाब्रवीत् । किं त्वमेतत्त्वसदृशं धारयस्यात्मनो वपुः ॥
tāṃ tu dṛṣṭvā tathā bhūtāṃ tṛṇabindurathābravīt | kiṃ tvametattvasadṛśaṃ dhārayasyātmano vapuḥ ||
English Translation
Seeing her in this condition, Triņabindu said, "Wherefore is the person that you bear unlike what it used to be?'
VR 7.2.17 अनुष्टुप्
सा तु कृत्वाञ्जलिं दीना कन्योवाच तपोधनम् । न जाने कारणं तात येन मे रूपमीदृशम् ॥
sā tu kṛtvāñjaliṃ dīnā kanyovāca tapodhanam | na jāne kāraṇaṃ tāta yena me rūpamīdṛśam ||
English Translation
Thereat, in .woe-begone guise, with joined hands, his daughter replied to that one having asceticism for the riches, 'O father, cause know I none whereby I have come by this appearance.
VR 7.2.18 अनुष्टुप्
किं तु पूर्वं गतास्म्येका महर्षेर्भावितात्मनः । पुलस्त्यस्याश्रमं दिव्यमन्वेष्टुं स्वसखीजनम् ॥
kiṃ tu pūrvaṃ gatāsmyekā maharṣerbhāvitātmanaḥ | pulastyasyāśramaṃ divyamanveṣṭuṃ svasakhījanam ||
English Translation
But searching for my associates, I had ere this alone repaired to the noble asylum of the Maharși Pulastya of a purified spirit.
VR 7.2.19 अनुष्टुप्
न च पश्याम्यहं तत्र कांचिदप्यागतां सखीम् । रूपस्य तु विपर्यासं दृष्ट्वा चाहमिहागता ॥
na ca paśyāmyahaṃ tatra kāṃcidapyāgatāṃ sakhīm | rūpasya tu viparyāsaṃ dṛṣṭvā cāhamihāgatā ||
English Translation
But associate found there I none, that had come thither. And seeing this change for the worse of my form, I from fear have come hither.
VR 7.2.20 अनुष्टुप्
तृणबिन्दुस्तु राजर्षिस्तपसा द्योतितप्रभः । ध्यानं विवेश तच्चापि अपश्यदृषिकर्मजम् ॥
tṛṇabindustu rājarṣistapasā dyotitaprabhaḥ | dhyānaṃ viveśa taccāpi apaśyadṛṣikarmajam ||
English Translation
Thereat the Rajarsi, Trinabindu, having a live effulgence through asceticism, entered into contemplation, and saw the consequence of the sage's act.
VR 7.2.21 अनुष्टुप्
स तु विज्ञाय तं शापं महर्षेर्भावितात्मनः । गृहीत्वा तनयां गत्वा पुलस्त्यमिदमब्रवीत् ॥
sa tu vijñāya taṃ śāpaṃ maharṣerbhāvitātmanaḥ | gṛhītvā tanayāṃ gatvā pulastyamidamabravīt ||
English Translation
And coming to know that curse of the Maharși of a purified spirit, he, taking his daughter, went to Pulastya and said.
VR 7.2.22 अनुष्टुप्
भगवंस्तनयां मे त्वं गुणैः स्वैरेव भूषिताम् । भिक्षां प्रतिगृहाणेमां महर्षे स्वयमुद्यताम् ॥
bhagavaṃstanayāṃ me tvaṃ guṇaiḥ svaireva bhūṣitām | bhikṣāṃ pratigṛhāṇemāṃ maharṣe svayamudyatām ||
English Translation
O worshipful one, O mighty sage, do you accept this daughter of mine, adorned with her native perfections, who of herself has come to you as alms.
VR 7.2.23 अनुष्टुप्
तपश्चरणयुक्तस्य श्राम्यमाणेन्द्रियस्य ते । शुश्रूषातत्परा नित्यं भविष्यति न संशयः ॥
tapaścaraṇayuktasya śrāmyamāṇendriyasya te | śuśrūṣātatparā nityaṃ bhaviṣyati na saṃśayaḥ ||
English Translation
She will, without doubt, constantly tend you, practising asceticism, and having your senses fatigued.
VR 7.2.24 अनुष्टुप्
तं ब्रुवाणं तु तद्वाक्यं राजर्षिं धार्मिकं तदा । जिघृक्षुरब्रवीत्कन्यां बाढमित्येव स द्विजः ॥
taṃ bruvāṇaṃ tu tadvākyaṃ rājarṣiṃ dhārmikaṃ tadā | jighṛkṣurabravītkanyāṃ bāḍhamityeva sa dvijaḥ ||
English Translation
When that virtuous (sage) had said this, the twice-born Räjarși, desirous of accepting the girl (after due nuptial rights), said to the former, 'Well !'
VR 7.2.25 उपजातिः
दत्त्वा तु स गतो राजा स्वमाश्रमपदं तदा । सापि तत्रावसत्कन्या तोषयन्ती पतिं गुणैः । प्रीतः स तु महातेजा वाक्यमेतदुवाच ह ॥
dattvā tu sa gato rājā svamāśramapadaṃ tadā | sāpi tatrāvasatkanyā toṣayantī patiṃ guṇaiḥ | prītaḥ sa tu mahātejā vākyametaduvāca ha ||
English Translation
Having given away his daughter, the king went (back) to his asylum; and the girl stayed there, gratifying her husband with her virtues.
VR 7.2.26 उपजातिः
परितुष्टोऽस्मि भद्रं ते गुणानां संपदा भृशम् । तस्मात्ते विरमाम्यद्य पुत्रमात्मसमं गुणैः । उभयोर्वंशकर्तारं पौलस्त्य इति विश्रुतम् ॥
parituṣṭo'smi bhadraṃ te guṇānāṃ saṃpadā bhṛśam | tasmātte viramāmyadya putramātmasamaṃ guṇaiḥ | ubhayorvaṃśakartāraṃ paulastya iti viśrutam ||
English Translation
'O you of shapely hips, well-pleased am I with you with your wealth of worth, and therefore, O exalted one, I will today confer on you a son like to yourself, who will perpetuate both the lines*-being celebrated as Paulastya. *(i.e. maternal and paternal lines.)
VR 7.2.27 अनुष्टुप्
यस्मात्तु विश्रुतो वेदस्त्वयेहाभ्यस्यतो मम । तस्मात्स विश्रवा नाम भविष्यति न संशयः ॥
yasmāttu viśruto vedastvayehābhyasyato mama | tasmātsa viśravā nāma bhaviṣyati na saṃśayaḥ ||
English Translation
And as you had heard the Veda recited by me, so, without doubt, he shall be named Visravā.* *(From the root, Śru-to hear.)
VR 7.2.28 अनुष्टुप्
एवमुक्ता तु सा कन्या प्रहृष्टेनान्तरात्मना । अचिरेणैव कालेन सूता विश्रवसं सुतम् ॥
evamuktā tu sā kanyā prahṛṣṭenāntarātmanā | acireṇaiva kālena sūtā viśravasaṃ sutam ||
VR 7.2.29 अनुष्टुप्
स तु लोकत्रये ख्यातः शौचधर्मसमन्वितः । पितेव तपसा युक्तो विश्रवा मुनिपुंगवः ॥
sa tu lokatraye khyātaḥ śaucadharmasamanvitaḥ | piteva tapasā yukto viśravā munipuṃgavaḥ ||
← Previous (Ch. 507) Full Table of Contents Next (Ch. 509) →