Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 50

Araṇyakāṇḍa Sarga 50

अरण्यकाण्डम् • सर्गः 50

Araṇyakāṇḍa Sarga 50 of the classical Vālmīki Rāmāyaṇa with 42 verses.

Total: 42 Verses • Citations: VR 3.50.1–42 • 175 Lexicon Terms • Page 2 of 2 (Verses 12 shown)
VR 3.50.31 अनुष्टुप्
तस्याः स्तनान्तराद्भ्रष्टो हारस्ताराधिपद्युतिः । वैदेह्या निपतन्भाति गङ्गेव गगनाच्च्युता ॥
tasyāḥ stanāntarādbhraṣṭo hārastārādhipadyutiḥ | vaidehyā nipatanbhāti gaṅgeva gaganāccyutā ||
English Translation
And the chain of the splendour of the moon, removed from Vaidehi's breast, falling down, shone like the Gangā dropping from the sky.
VR 3.50.32 अनुष्टुप्
उत्पात वाताभिहता नानाद्विज गणायुताः । मा भैरिति विधूताग्रा व्याजह्रुरिव पादपाः ॥
utpāta vātābhihatā nānādvija gaṇāyutāḥ | mā bhairiti vidhūtāgrā vyājahruriva pādapāḥ ||
English Translation
The trees filled with various fowls, with their tops waving because of the wind blowing on high and swaying them, seemed to say, No fear, [to Sita.]
VR 3.50.33 अनुष्टुप्
नलिन्यो ध्वस्तकमलास्त्रस्तमीनजले चराः । सखीमिव गतोत्साहां शोचन्तीव स्म मैथिलीम् ॥
nalinyo dhvastakamalāstrastamīnajale carāḥ | sakhīmiva gatotsāhāṃ śocantīva sma maithilīm ||
English Translation
And the pools with their lotuses faded and their fishes agitated, seemed to sorrow for the desponding daughter of Mithilā as for their friend.
VR 3.50.34 अनुष्टुप्
समन्तादभिसंपत्य सिंहव्याघ्रमृगद्विजाः । अन्वधावंस्तदा रोषात्सीताच्छायानुगामिनः ॥
samantādabhisaṃpatya siṃhavyāghramṛgadvijāḥ | anvadhāvaṃstadā roṣātsītācchāyānugāminaḥ ||
English Translation
And following Sītā's shadow, lions, and tigers, and other beasts and birds, rushed from all sides in wrath.
VR 3.50.35 अनुष्टुप्
जलप्रपातास्रमुखाः शृङ्गैरुच्छ्रितबाहवः । सीतायां ह्रियमाणायां विक्रोशन्तीव पर्वताः ॥
jalaprapātāsramukhāḥ śṛṅgairucchritabāhavaḥ | sītāyāṃ hriyamāṇāyāṃ vikrośantīva parvatāḥ ||
English Translation
And the mountains, with their faces washed with water-falls representing tears, and their summits resembling uplifted arms, seemed to lament for Sītă, as she was being carried away.
VR 3.50.36 अनुष्टुप्
ह्रियमाणां तु वैदेहीं दृष्ट्वा दीनो दिवाकरः । प्रविध्वस्तप्रभः श्रीमानासीत्पाण्डुरमण्डलः ॥
hriyamāṇāṃ tu vaidehīṃ dṛṣṭvā dīno divākaraḥ | pravidhvastaprabhaḥ śrīmānāsītpāṇḍuramaṇḍalaḥ ||
English Translation
And beholding Vaidehỉ carried away, the glorious Sun, oppressed with sadness, had his rays dimmed and his disc darkened.
VR 3.50.37 अनुष्टुप्
नास्ति धर्मः कुतः सत्यं नार्जवं नानृशंसता । यत्र रामस्य वैदेहीं भार्यां हरति रावणः ॥
nāsti dharmaḥ kutaḥ satyaṃ nārjavaṃ nānṛśaṃsatā | yatra rāmasya vaidehīṃ bhāryāṃ harati rāvaṇaḥ ||
English Translation
Virtue is not; and where is truth? And there is neither sincerity nor kindness, in a case in which Rāvana is carrying away Rāma's Vaidehī; thus did all creatures lament in numbers. And the young of deer, afflicted with fear, wept with woe-began faces.
VR 3.50.38 अनुष्टुप्
इति सर्वाणि भूतानि गणशः पर्यदेवयन् । वित्रस्तका दीनमुखा रुरुदुर्मृगपोतकाः ॥
iti sarvāṇi bhūtāni gaṇaśaḥ paryadevayan | vitrastakā dīnamukhā rurudurmṛgapotakāḥ ||
VR 3.50.39 अनुष्टुप्
उद्वीक्ष्योद्वीक्ष्य नयनैरास्रपाताविलेक्षणाः । सुप्रवेपितगात्राश्च बभूवुर्वनदेवताः ॥
udvīkṣyodvīkṣya nayanairāsrapātāvilekṣaṇāḥ | supravepitagātrāśca babhūvurvanadevatāḥ ||
English Translation
And the sylvan deities, looking up now and again with eyes betokening fear, had their persons all in a tremble.
VR 3.50.40 अनुष्टुप्
विक्रोशन्तीं दृढं सीतां दृष्ट्वा दुःखं तथा गताम् । तां तु लक्ष्मण रामेति क्रोशन्तीं मधुरस्वराम् ॥
vikrośantīṃ dṛḍhaṃ sītāṃ dṛṣṭvā duḥkhaṃ tathā gatām | tāṃ tu lakṣmaṇa rāmeti krośantīṃ madhurasvarām ||
VR 3.50.41 उपजातिः
अवेक्षमाणां बहुषो वैदेहीं धरणीतलम् । स तामाकुलकेशान्तां विप्रमृष्टविशेषकाम् । जहारात्मविनाशाय दशग्रीवो मनस्विनाम् ॥
avekṣamāṇāṃ bahuṣo vaidehīṃ dharaṇītalam | sa tāmākulakeśāntāṃ vipramṛṣṭaviśeṣakām | jahārātmavināśāya daśagrīvo manasvinām ||
English Translation
headed one carried away the intelligent Vaidehī, bewailing bitterly, Sītā, who had come by such misfortune, sweet-voiced, crying, O Lakşmaņa O Rāma, and casting glances on the ground many time and oft, the ends of her hair waving and her tilika wiped out.
VR 3.50.42 वंशस्थम्
ततस्तु सा चारुदती शुचिस्मिता; विनाकृता बन्धुजनेन मैथिली । अपश्यती राघवलक्ष्मणावुभौ; विवर्णवक्त्रा भयभारपीडिता ॥
tatastu sā cārudatī śucismitā; vinākṛtā bandhujanena maithilī | apaśyatī rāghavalakṣmaṇāvubhau; vivarṇavaktrā bhayabhārapīḍitā ||
English Translation
Then oppressed with the load of fear, Sītā of luminous smiles, Mithila's daughter, bereft of her friends-not beholding either Rāma or Lakşmaņa, became pale of countenance.
← Previous (Ch. 236) Full Table of Contents Next (Ch. 238) →