Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 109

Ayodhyākāṇḍa Sarga 109

अयोध्याकाण्डम् • सर्गः 109

Ayodhyākāṇḍa Sarga 109 of the classical Vālmīki Rāmāyaṇa with 28 verses.

Total: 28 Verses • Citations: VR 2.109.1–28 • 175 Lexicon Terms
VR 2.109.1 अनुष्टुप्
राघवस्त्वपयातेषु तपस्विषु विचिन्तयन् । न तत्रारोचयद्वासं कारणैर्बहुभिस्तदा ॥
rāghavastvapayāteṣu tapasviṣu vicintayan | na tatrārocayadvāsaṃ kāraṇairbahubhistadā ||
English Translation
When the ascetics had gone away, Rāghava reflected (as to his stay at that place); and from diverse reasons, he did not relish remaining there any further.
VR 2.109.2 अनुष्टुप्
इह मे भरतो दृष्टो मातरश्च सनागराः । सा च मे स्मृतिरन्वेति तान्नित्यमनुशोचतः ॥
iha me bharato dṛṣṭo mātaraśca sanāgarāḥ | sā ca me smṛtiranveti tānnityamanuśocataḥ ||
English Translation
Here have I seen Bharata and my mother in company with the citizens. Overwhelmed with grief on my account, they ever recur to my memory.
VR 2.109.3 अनुष्टुप्
स्कन्धावारनिवेशेन तेन तस्य महात्मनः । हयहस्तिकरीषैश्च उपमर्दः कृतो भृशम् ॥
skandhāvāraniveśena tena tasya mahātmanaḥ | hayahastikarīṣaiśca upamardaḥ kṛto bhṛśam ||
English Translation
And in consequence of the troops of that highsouled one having quartered here as well as the dung discharged by his elephants and horses, this place has got exceedingly dirty.
VR 2.109.4 अनुष्टुप्
तस्मादन्यत्र गच्छाम इति संचिन्त्य राघवः । प्रातिष्ठत स वैदेह्या लक्ष्मणेन च संगतः ॥
tasmādanyatra gacchāma iti saṃcintya rāghavaḥ | prātiṣṭhata sa vaidehyā lakṣmaṇena ca saṃgataḥ ||
English Translation
Therefore will I go to another quarter. Having settled this in his mind, Rāghava departed along with Videha's daughter and Laksmana.
VR 2.109.5 अनुष्टुप्
सोऽत्रेराश्रममासाद्य तं ववन्दे महायशाः । तं चापि भगवानत्रिः पुत्रवत्प्रत्यपद्यत ॥
so'trerāśramamāsādya taṃ vavande mahāyaśāḥ | taṃ cāpi bhagavānatriḥ putravatpratyapadyata ||
English Translation
And having arrived at Atri's asylum, that renowned one paid obeisance (to the sage); and the reverend Atri also on his pare received Rāma asason.
VR 2.109.6 अनुष्टुप्
स्वयमातिथ्यमादिश्य सर्वमस्य सुसत्कृतम् । सौमित्रिं च महाभागां सीतां च समसान्त्वयत् ॥
svayamātithyamādiśya sarvamasya susatkṛtam | saumitriṃ ca mahābhāgāṃ sītāṃ ca samasāntvayat ||
English Translation
And having personally given Rāma respectful reception and entertainment, the ascetic regarded the exalted Lakşmaņa and Sītā with a gracious eye.
VR 2.109.7 अनुष्टुप्
पत्नीं च तमनुप्राप्तां वृद्धामामन्त्र्य सत्कृताम् । सान्त्वयामास धर्मज्ञः सर्वभूतहिते रतः ॥
patnīṃ ca tamanuprāptāṃ vṛddhāmāmantrya satkṛtām | sāntvayāmāsa dharmajñaḥ sarvabhūtahite rataḥ ||
English Translation
And his aged wife having come there, Atri greeted her; and after she had been paid homage, the sage cognizant of virtue ever engaged in the good of all creatures, gladdened her (by presenting Sītā to her.) And that best of sages said to the pious female ascetic, Anasüyā, engaged in offices of virtue, “Do you accept Videha's daughter."
VR 2.109.8 अनुष्टुप्
अनसूयां महाभागां तापसीं धर्मचारिणीम् । प्रतिगृह्णीष्व वैदेहीमब्रवीदृषिसत्तमः ॥
anasūyāṃ mahābhāgāṃ tāpasīṃ dharmacāriṇīm | pratigṛhṇīṣva vaidehīmabravīdṛṣisattamaḥ ||
English Translation
Atri, who was excellent among the sages said to his ascetic wife who was highly virtuous and an adherent of righteousness, Welcome Sita. Thereafter, he related to Rama a story about his asetic wife who follows the ways of righteousness.
VR 2.109.9 अनुष्टुप्
रामाय चाचचक्षे तां तापसीं धर्मचारिणीम् । दश वर्षाण्यनावृष्ट्या दग्धे लोके निरन्तरम् ॥
rāmāya cācacakṣe tāṃ tāpasīṃ dharmacāriṇīm | daśa varṣāṇyanāvṛṣṭyā dagdhe loke nirantaram ||
VR 2.109.10 अनुष्टुप्
यया मूलफले सृष्टे जाह्नवी च प्रवर्तिता । उग्रेण तपसा युक्ता नियमैश्चाप्यलंकृता ॥
yayā mūlaphale sṛṣṭe jāhnavī ca pravartitā | ugreṇa tapasā yuktā niyamaiścāpyalaṃkṛtā ||
VR 2.109.11 अनुष्टुप्
दशवर्षसहस्राणि यया तप्तं महत्तपः । अनसूयाव्रतैस्तात प्रत्यूहाश्च निबर्हिताः ॥
daśavarṣasahasrāṇi yayā taptaṃ mahattapaḥ | anasūyāvrataistāta pratyūhāśca nibarhitāḥ ||
VR 2.109.12 अनुष्टुप्
देवकार्यनिमित्तं च यया संत्वरमाणया । दशरात्रं कृत्वा रात्रिः सेयं मातेव तेऽनघ ॥
devakāryanimittaṃ ca yayā saṃtvaramāṇayā | daśarātraṃ kṛtvā rātriḥ seyaṃ māteva te'nagha ||
VR 2.109.13 अनुष्टुप्
तामिमां सर्वभूतानां नमस्कार्यां यशस्विनीम् । अभिगच्छतु वैदेही वृद्धामक्रोधनां सदा ॥
tāmimāṃ sarvabhūtānāṃ namaskāryāṃ yaśasvinīm | abhigacchatu vaidehī vṛddhāmakrodhanāṃ sadā ||
English Translation
Let Vaidehī always resort to this aged ascetic devoid of anger, who is worthy of being bowed down to by all creatures.
VR 2.109.14 अनुष्टुप्
एवं ब्रुवाणं तमृषिं तथेत्युक्त्वा स राघवः । सीतामुवाच धर्मज्ञामिदं वचनमुत्तमम् ॥
evaṃ bruvāṇaṃ tamṛṣiṃ tathetyuktvā sa rāghavaḥ | sītāmuvāca dharmajñāmidaṃ vacanamuttamam ||
English Translation
When the saint had spoken thus, Rāghava saying, “So be it," turned his eyes to Sītā, and thus spoke to that one knowing morality.
VR 2.109.15 अनुष्टुप्
राजपुत्रि श्रुतं त्वेतन्मुनेरस्य समीरितम् । श्रेयोऽर्थमात्मनः शीघ्रमभिगच्छ तपस्विनीम् ॥
rājaputri śrutaṃ tvetanmunerasya samīritam | śreyo'rthamātmanaḥ śīghramabhigaccha tapasvinīm ||
English Translation
O princess, you have heard what has been uttered by the ascetic. For the sake of your own welfare, do you speedily resort to the female anchoret. Do you without delay resort to the ascetic Anasuya, who is worthy of being associated with, and who has by virtue of her acts attained renown among men.f
VR 2.109.16 अनुष्टुप्
अनसूयेति या लोके कर्मभिः क्यातिमागता । तां शीघ्रमभिगच्छ त्वमभिगम्यां तपस्विनीम् ॥
anasūyeti yā loke karmabhiḥ kyātimāgatā | tāṃ śīghramabhigaccha tvamabhigamyāṃ tapasvinīm ||
VR 2.109.17 अनुष्टुप्
सीता त्वेतद्वचः श्रुत्वा राघवस्य हितैषिणी । तामत्रिपत्नीं धर्मज्ञामभिचक्राम मैथिली ॥
sītā tvetadvacaḥ śrutvā rāghavasya hitaiṣiṇī | tāmatripatnīṃ dharmajñāmabhicakrāma maithilī ||
English Translation
Hearing these words of Rāghava Mithila's daughter, the illustrious Sītā, drew near the righteous wife of Atri.
VR 2.109.18 अनुष्टुप्
शिथिलां वलितां वृद्धां जरापाण्डुरमूर्धजाम् । सततं वेपमानाङ्गीं प्रवाते कदली यथा ॥
śithilāṃ valitāṃ vṛddhāṃ jarāpāṇḍuramūrdhajām | satataṃ vepamānāṅgīṃ pravāte kadalī yathā ||
English Translation
Thereupon Sītā, announcing her name, saluted the pious and chaste Anasuyā old with slackened joints, with folds all over her skin, and her hair hoary from age, whose frame shook perpetually, like a plantain-leaf in the wind.
VR 2.109.19 अनुष्टुप्
तां तु सीता महाभागामनसूयां पतिव्रताम् । अभ्यवादयदव्यग्रा स्वं नाम समुदाहरत् ॥
tāṃ tu sītā mahābhāgāmanasūyāṃ pativratām | abhyavādayadavyagrā svaṃ nāma samudāharat ||
English Translation
Thereupon Sītā, announcing her name, saluted the pious and chaste Anasuyā old with slackened joints, with folds all over her skin, and her hair hoary from age, whose frame shook perpetually, like a plantain-leaf in the wind.
VR 2.109.20 अनुष्टुप्
अभिवाद्य च वैदेही तापसीं तामनिन्दिताम् । बद्धाञ्जलिपुटा हृष्टा पर्यपृच्छदनामयम् ॥
abhivādya ca vaidehī tāpasīṃ tāmaninditām | baddhāñjalipuṭā hṛṣṭā paryapṛcchadanāmayam ||
English Translation
Having paid homage to that ascetic with her senses subdued, Vaidehi glad at heart, with joined hands, enquired after her welfare.
VR 2.109.21 अनुष्टुप्
ततः सीतां महाभागां दृष्ट्वा तां धर्मचारिणीम् । सान्त्वयन्त्यब्रवीद्धृष्टा दिष्ट्या धर्ममवेक्षसे ॥
tataḥ sītāṃ mahābhāgāṃ dṛṣṭvā tāṃ dharmacāriṇīm | sāntvayantyabravīddhṛṣṭā diṣṭyā dharmamavekṣase ||
English Translation
Seeing the virtuous Sītā engaged in righteous acts, the old lady consoling her, said "By luck it is that you regard righteousness."
VR 2.109.22 अनुष्टुप्
त्यक्त्वा ज्ञातिजनं सीते मानमृद्धिं च मानिनि । अवरुद्धं वने रामं दिष्ट्या त्वमनुगच्छसि ॥
tyaktvā jñātijanaṃ sīte mānamṛddhiṃ ca mānini | avaruddhaṃ vane rāmaṃ diṣṭyā tvamanugacchasi ||
English Translation
O Sita, having left your kindred, and banishing pride, you have o honoured lady, followed Rāma staying in the woods.
VR 2.109.23 अनुष्टुप्
नगरस्थो वनस्थो वा पापो वा यदि वाशुभः । यासां स्त्रीणां प्रियो भर्ता तासां लोका महोदयाः ॥
nagarastho vanastho vā pāpo vā yadi vāśubhaḥ | yāsāṃ strīṇāṃ priyo bhartā tāsāṃ lokā mahodayāḥ ||
English Translation
They that love their husbands, whether living in the city or the forest, whether well or ill disposed towards them, attain great state.
VR 2.109.24 अनुष्टुप्
दुःशीलः कामवृत्तो वा धनैर्वा परिवर्जितः । स्त्रीणामार्य स्वभावानां परमं दैवतं पतिः ॥
duḥśīlaḥ kāmavṛtto vā dhanairvā parivarjitaḥ | strīṇāmārya svabhāvānāṃ paramaṃ daivataṃ patiḥ ||
English Translation
Wicked, ur libidinous, or indigent, a husband is a supreme deity to a wife of noble character.
VR 2.109.25 अनुष्टुप्
नातो विशिष्टं पश्यामि बान्धवं विमृशन्त्यहम् । सर्वत्र योग्यं वैदेहि तपः कृतमिवाव्ययम् ॥
nāto viśiṣṭaṃ paśyāmi bāndhavaṃ vimṛśantyaham | sarvatra yogyaṃ vaidehi tapaḥ kṛtamivāvyayam ||
English Translation
Than the husband a greater friend find I none, O Vaidehī, who is worthy of being served both in this world and the next, and who is like imperishable asceticism.
VR 2.109.26 अनुष्टुप्
न त्वेवमवगच्छन्ति गुण दोषमसत्स्त्रियः । कामवक्तव्यहृदया भर्तृनाथाश्चरन्ति याः ॥
na tvevamavagacchanti guṇa doṣamasatstriyaḥ | kāmavaktavyahṛdayā bhartṛnāthāścaranti yāḥ ||
English Translation
But bad women whose hearts hunger after carnality, and who lord over their husbands, do not get acquainted with the virtues and demerits (of their husbands); and range at their will.
VR 2.109.27 अनुष्टुप्
प्राप्नुवन्त्ययशश्चैव धर्मभ्रंशं च मैथिलि । अकार्य वशमापन्नाः स्त्रियो याः खलु तद्विधाः ॥
prāpnuvantyayaśaścaiva dharmabhraṃśaṃ ca maithili | akārya vaśamāpannāḥ striyo yāḥ khalu tadvidhāḥ ||
English Translation
O Mithilā's daughter, surely women of this sort who are given to doing evil acts, reap infamy and fall off from righteousness.
VR 2.109.28 अनुष्टुप्
त्वद्विधास्तु गुणैर्युक्ता दृष्टलोकपरावराः । स्त्रियः स्वर्गे चरिष्यन्ति यथा पुण्यकृतस्तथा ॥
tvadvidhāstu guṇairyuktā dṛṣṭalokaparāvarāḥ | striyaḥ svarge cariṣyanti yathā puṇyakṛtastathā ||
English Translation
But worthy women like you furnished with excellence, see a superior and better world, and range the celestial regions, like pious people.
← Previous (Ch. 184) Full Table of Contents Next (Ch. 186) →