Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 33

Ayodhyākāṇḍa Sarga 33

अयोध्याकाण्डम् • सर्गः 33

Ayodhyākāṇḍa Sarga 33 of the classical Vālmīki Rāmāyaṇa with 19 verses.

Total: 19 Verses • Citations: VR 2.33.1–19 • 175 Lexicon Terms
VR 2.33.1 अनुष्टुप्
महामात्रवचः श्रुत्वा रामो दशरथं तदा । अन्वभाषत वाक्यं तु विनयज्ञो विनीतवत् ॥
mahāmātravacaḥ śrutvā rāmo daśarathaṃ tadā | anvabhāṣata vākyaṃ tu vinayajño vinītavat ||
English Translation
On hearing the minister, Rama who knew how to be polite spoke these words to Dasaratha humbly:
VR 2.33.2 अनुष्टुप्
त्यक्तभोगस्य मे राजन्वने वन्येन जीवतः । किं कार्यमनुयात्रेण त्यक्तसङ्गस्य सर्वतः ॥
tyaktabhogasya me rājanvane vanyena jīvataḥ | kiṃ kāryamanuyātreṇa tyaktasaṅgasya sarvataḥ ||
English Translation
O king giving up pleasures and attachments altogether I am going to live on whatever is available in the forest. What is the use of followers?
VR 2.33.3 अनुष्टुप्
यो हि दत्त्वा द्विपश्रेष्ठं कक्ष्यायां कुरुते मनः । रज्जुस्नेहेन किं तस्य त्यजतः कुञ्जरोत्तमम् ॥
yo hi dattvā dvipaśreṣṭhaṃ kakṣyāyāṃ kurute manaḥ | rajjusnehena kiṃ tasya tyajataḥ kuñjarottamam ||
English Translation
Having given away the best of elephants, will any one be interested in the rope tied to its girth? Why should one have any attachment for the rope after he has given up the elephant?
VR 2.33.4 अनुष्टुप्
तथा मम सतां श्रेष्ठ किं ध्वजिन्या जगत्पते । सर्वाण्येवानुजानामि चीराण्येवानयन्तु मे ॥
tathā mama satāṃ śreṣṭha kiṃ dhvajinyā jagatpate | sarvāṇyevānujānāmi cīrāṇyevānayantu me ||
English Translation
O best among the virtuous O lord of the world, I do not have any use for this army. I am giving away everything (to Bharata). Bring the bark only.
VR 2.33.5 अनुष्टुप्
खनित्रपिटके चोभे ममानयत गच्छतः । चतुर्दश वने वासं वर्षाणि वसतो मम ॥
khanitrapiṭake cobhe mamānayata gacchataḥ | caturdaśa vane vāsaṃ varṣāṇi vasato mama ||
English Translation
I am going to the forest to live there for fourteen years. Bring me two things: a basket and a crowbar.
VR 2.33.6 अनुष्टुप्
अथ चीराणि कैकेयी स्वयमाहृत्य राघवम् । उवाच परिधत्स्वेति जनौघे निरपत्रपा ॥
atha cīrāṇi kaikeyī svayamāhṛtya rāghavam | uvāca paridhatsveti janaughe nirapatrapā ||
English Translation
Thereupon in the assembly of people, without any sense of shame Kaikeyi herself brought the bark robes and said to the son of the Raghus (Rama), Wear it.
VR 2.33.7 अनुष्टुप्
स चीरे पुरुषव्याघ्रः कैकेय्याः प्रतिगृह्य ते । सूक्ष्मवस्त्रमवक्षिप्य मुनिवस्त्राण्यवस्त ह ॥
sa cīre puruṣavyāghraḥ kaikeyyāḥ pratigṛhya te | sūkṣmavastramavakṣipya munivastrāṇyavasta ha ||
English Translation
The tiger among men (Rama) received the bark robes from Kaikeyi and putting off the fine apparel wore the robes of an ascetic.
VR 2.33.8 अनुष्टुप्
लक्ष्मणश्चापि तत्रैव विहाय वसने शुभे । तापसाच्छादने चैव जग्राह पितुरग्रतः ॥
lakṣmaṇaścāpi tatraiva vihāya vasane śubhe | tāpasācchādane caiva jagrāha pituragrataḥ ||
English Translation
Lakshmana also removed his auspicious raiment in front (presence) of his father and accepted (put on) the robes of an ascetic.
VR 2.33.9 अनुष्टुप्
अथात्मपरिधानार्थं सीता कौशेयवासिनी । समीक्ष्य चीरं संत्रस्ता पृषती वागुरामिव ॥
athātmaparidhānārthaṃ sītā kauśeyavāsinī | samīkṣya cīraṃ saṃtrastā pṛṣatī vāgurāmiva ||
English Translation
Then Sita in silk clothes glanced at the bark robes meant for her to wear and was frightened like a doe seeing a (fowler's) snare.
VR 2.33.10 उपजातिः
सा व्यपत्रपमाणेव प्रतिगृह्य च दुर्मनाः । गन्धर्वराजप्रतिमं भर्तारमिदमब्रवीत् । कथं नु चीरं बध्नन्ति मुनयो वनवासिनः ॥
sā vyapatrapamāṇeva pratigṛhya ca durmanāḥ | gandharvarājapratimaṃ bhartāramidamabravīt | kathaṃ nu cīraṃ badhnanti munayo vanavāsinaḥ ||
VR 2.33.11 अनुष्टुप्
कृत्वा कण्ठे च सा चीरमेकमादाय पाणिना । तस्थौ ह्यकुषला तत्र व्रीडिता जनकात्मज ॥
kṛtvā kaṇṭhe ca sā cīramekamādāya pāṇinā | tasthau hyakuṣalā tatra vrīḍitā janakātmaja ||
English Translation
The daughter of Janaka, placed one end of the garment round her neck and held the other in her hand, and stood ashamed as she did not know what to do next.
VR 2.33.12 अनुष्टुप्
तस्यास्तत्क्षिप्रमागम्य रामो धर्मभृतां वरः । चीरं बबन्ध सीतायाः कौशेयस्योपरि स्वयम् ॥
tasyāstatkṣipramāgamya rāmo dharmabhṛtāṃ varaḥ | cīraṃ babandha sītāyāḥ kauśeyasyopari svayam ||
English Translation
Rama, foremost among protectors of righteousness, came forward quickly and fastened the bark himself over her silk garment.
VR 2.33.13 अनुष्टुप्
तस्यां चीरं वसानायां नाथवत्यामनाथवत् । प्रचुक्रोश जनः सर्वो धिक्त्वां दशरथं त्विति ॥
tasyāṃ cīraṃ vasānāyāṃ nāthavatyāmanāthavat | pracukrośa janaḥ sarvo dhiktvāṃ daśarathaṃ tviti ||
English Translation
Beholding Sita who was wearing a bark garment, like one without a support, though having a husband, all the people cried bitterly exclaiming O Dasaratha, fie on you.
VR 2.33.14 अनुष्टुप्
स निःश्वस्योष्णमैक्ष्वाकस्तां भार्यामिदमब्रवीत् । कैकेयि कुशचीरेण न सीता गन्तुमर्हति ॥
sa niḥśvasyoṣṇamaikṣvākastāṃ bhāryāmidamabravīt | kaikeyi kuśacīreṇa na sītā gantumarhati ||
English Translation
The descendant of the Ikshvakus (Dasaratha), heaving hot sighs, said to his wife O Kaikeyi, Sita does not deserve to go (to the forest) in garment of kusa grass.
VR 2.33.15 अनुष्टुप्
ननु पर्याप्तमेतत्ते पापे रामविवासनम् । किमेभिः कृपणैर्भूयः पातकैरपि ते कृतैः ॥
nanu paryāptametatte pāpe rāmavivāsanam | kimebhiḥ kṛpaṇairbhūyaḥ pātakairapi te kṛtaiḥ ||
English Translation
Rama's exile, O wicked woman, is enough for you. What are you committing further heinous crimes for?
VR 2.33.16 अनुष्टुप्
एवं ब्रुवन्तं पितरं रामः संप्रस्थितो वनम् । अवाक्शिरसमासीनमिदं वचनमब्रवीत् ॥
evaṃ bruvantaṃ pitaraṃ rāmaḥ saṃprasthito vanam | avākśirasamāsīnamidaṃ vacanamabravīt ||
English Translation
Having heard the words of Rama, thus spoke Sita in a faint voice in sadness, with tears flowing incessantly from her eyes:
VR 2.33.17 अनुष्टुप्
इयं धार्मिक कौसल्या मम माता यशस्विनी । वृद्धा चाक्षुद्रशीला च न च त्वां देवगर्हिते ॥
iyaṃ dhārmika kausalyā mama mātā yaśasvinī | vṛddhā cākṣudraśīlā ca na ca tvāṃ devagarhite ||
English Translation
O righteous father O king my aged and illustrious mother, Kausalya possesses neither a mean character nor does she blame you.
VR 2.33.18 अनुष्टुप्
मया विहीनां वरद प्रपन्नां शोकसागरम् । अदृष्टपूर्वव्यसनां भूयः संमन्तुमर्हसि ॥
mayā vihīnāṃ varada prapannāṃ śokasāgaram | adṛṣṭapūrvavyasanāṃ bhūyaḥ saṃmantumarhasi ||
English Translation
O bestower of boons, separated from me and unaccustomed to suffering, she will be plunged into an unforeseen ocean of sorrow. You should pay her greater attention.
VR 2.33.19 वंशस्थम्
इमां महेन्द्रोपमजातगर्भिणीं; तथा विधातुं जनमीं ममार्हसि । यथा वनस्थे मयि शोककर्शिता; न जीवितं न्यस्य यमक्षयं व्रजेत् ॥
imāṃ mahendropamajātagarbhiṇīṃ; tathā vidhātuṃ janamīṃ mamārhasi | yathā vanasthe mayi śokakarśitā; na jīvitaṃ nyasya yamakṣayaṃ vrajet ||
English Translation
You are powerful like Indra.You should act accordingly so that my mother who has a possesive feeling towards her son should not, due to emaciation go to the abode of Yama after my departure for the forest. इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे अष्टत्रिंशस्सर्गः॥Thus ends the thirtyeighth sarga of Ayodhyakanda of the holy Ramayana, the first epic composed by sage Valmiki.
← Previous (Ch. 108) Full Table of Contents Next (Ch. 110) →