Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 27

Uttarakāṇḍa Sarga 27

उत्तरकाण्डम् • सर्गः 27

Uttarakāṇḍa Sarga 27 of the classical Vālmīki Rāmāyaṇa with 42 verses.

Total: 42 Verses • Citations: VR 7.27.1–42 • 175 Lexicon Terms • Page 2 of 2 (Verses 12 shown)
VR 7.27.31 अनुष्टुप्
एतस्मिन्नन्तरे शूरः सुमाली नाम राक्षसः । नानाप्रहरणैः क्रुद्धो रणमेवाभ्यवर्तत ॥
etasminnantare śūraḥ sumālī nāma rākṣasaḥ | nānāpraharaṇaiḥ kruddho raṇamevābhyavartata ||
VR 7.27.32 अनुष्टुप्
देवानां तद्बलं सर्वं नानाप्रहरणैः शितैः । विध्वंसयति संक्रुद्धो वायुर्जलधरानिव ॥
devānāṃ tadbalaṃ sarvaṃ nānāpraharaṇaiḥ śitaiḥ | vidhvaṃsayati saṃkruddho vāyurjaladharāniva ||
VR 7.27.33 अनुष्टुप्
ते महाबाणवर्षैश्च शूलैः प्रासैश्च दारुणैः । पीड्यमानाः सुराः सर्वे न व्यतिष्ठन्समाहिताः ॥
te mahābāṇavarṣaiśca śūlaiḥ prāsaiśca dāruṇaiḥ | pīḍyamānāḥ surāḥ sarve na vyatiṣṭhansamāhitāḥ ||
English Translation
Thereupon being assailed by a downpour of huge shafts, maces, Prāsas and diverse dreadful weapons, the celestials could not keep their ground upon the field of warfare.
VR 7.27.34 अनुष्टुप्
ततो विद्राव्यमाणेषु त्रिदशेषु सुमालिना । वसूनामष्टमो देवः सावित्रो व्यवतिष्ठत ॥
tato vidrāvyamāṇeṣu tridaśeṣu sumālinā | vasūnāmaṣṭamo devaḥ sāvitro vyavatiṣṭhata ||
VR 7.27.35 अनुष्टुप्
संवृतः स्वैरनीकैस्तु प्रहरन्तं निशाचरम् । विक्रमेण महातेजा वारयामास संयुगे ॥
saṃvṛtaḥ svairanīkaistu praharantaṃ niśācaram | vikrameṇa mahātejā vārayāmāsa saṃyuge ||
VR 7.27.36 अनुष्टुप्
सुमत्तयोस्तयोरासीद्युद्धं लोके सुदारुणम् । सुमालिनो वसोश्चैव समरेष्वनिवर्तिनोः ॥
sumattayostayorāsīdyuddhaṃ loke sudāruṇam | sumālino vasoścaiva samareṣvanivartinoḥ ||
English Translation
Thereupon there arose a terrible encounter, capable of making down erect, between Sumālin and the Vasu, who did not retire from the field of battle.
VR 7.27.37 अनुष्टुप्
ततस्तस्य महाबाणैर्वसुना सुमहात्मना । महान्स पन्नगरथः क्षणेन विनिपातितः ॥
tatastasya mahābāṇairvasunā sumahātmanā | mahānsa pannagarathaḥ kṣaṇena vinipātitaḥ ||
English Translation
His chariot drawn by serpents was pulled down and destroyed by the high-souled Vasu by means of his huge shafts.
VR 7.27.38 अनुष्टुप्
हत्वा तु संयुगे तस्य रथं बाणशतैः शितैः । गदां तस्य वधार्थाय वसुर्जग्राह पाणिना ॥
hatvā tu saṃyuge tasya rathaṃ bāṇaśataiḥ śitaiḥ | gadāṃ tasya vadhārthāya vasurjagrāha pāṇinā ||
English Translation
Having destroyed his car in the warfare with hundreds of arrows Vasu took up mace in his hands for his destruction. Having taken up that mace having a burning head and resembling the rod of Death Sāvitra struck Sumálin on his head there with.
VR 7.27.39 अनुष्टुप्
तां प्रदीप्तां प्रगृह्याशु कालदण्डनिभां शुभाम् । तस्य मूर्धनि सावित्रः सुमालेर्विनिपातयत् ॥
tāṃ pradīptāṃ pragṛhyāśu kāladaṇḍanibhāṃ śubhām | tasya mūrdhani sāvitraḥ sumālervinipātayat ||
VR 7.27.40 अनुष्टुप्
तस्य मूर्धनि सोल्काभा पतन्ती च तदा बभौ । सहस्राक्षसमुत्सृष्टा गिराविव महाशनिः ॥
tasya mūrdhani solkābhā patantī ca tadā babhau | sahasrākṣasamutsṛṣṭā girāviva mahāśaniḥ ||
VR 7.27.41 अनुष्टुप्
तस्य नैवास्थि कायो वा न मांसं ददृशे तदा । गदया भस्मसाद्भूतो रणे तस्मिन्निपातितः ॥
tasya naivāsthi kāyo vā na māṃsaṃ dadṛśe tadā | gadayā bhasmasādbhūto raṇe tasminnipātitaḥ ||
English Translation
By the stroke of that mace his person was reduced to ashes and therefore, there was not seen in the battle field either his bone, head or flesh.
VR 7.27.42 अनुष्टुप्
तं दृष्ट्वा निहतं संख्ये राक्षसास्ते समन्ततः । दुद्रुवुः सहिताः सर्वे क्रोशमाना महास्वनम् ॥
taṃ dṛṣṭvā nihataṃ saṃkhye rākṣasāste samantataḥ | dudruvuḥ sahitāḥ sarve krośamānā mahāsvanam ||
English Translation
Having beheld him slain in the warfare the Räkşasas bewailing ran about on all sides and being distressed by Vasu they could not stay in the battle field.
← Previous (Ch. 532) Full Table of Contents Next (Ch. 534) →