Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 25

Ayodhyākāṇḍa Sarga 25

अयोध्याकाण्डम् • सर्गः 25

Ayodhyākāṇḍa Sarga 25 of the classical Vālmīki Rāmāyaṇa with 15 verses.

Total: 15 Verses • Citations: VR 2.25.1–15 • 175 Lexicon Terms
VR 2.25.1 अनुष्टुप्
स एवं ब्रुवतीं सीतां धर्मज्ञो धर्मवत्सलः । निवर्तनार्थे धर्मात्मा वाक्यमेतदुवाच ह ॥
sa evaṃ bruvatīṃ sītāṃ dharmajño dharmavatsalaḥ | nivartanārthe dharmātmā vākyametaduvāca ha ||
English Translation
And consoling her whose eyes were stained with tears, that virtuous-souled one spoke to her the following words with a view to prevent her from going.
VR 2.25.2 अनुष्टुप्
सीते महाकुलीनासि धर्मे च निरता सदा । इहाचर स्वधर्मं त्वं मा यथा मनसः सुखम् ॥
sīte mahākulīnāsi dharme ca niratā sadā | ihācara svadharmaṃ tvaṃ mā yathā manasaḥ sukham ||
English Translation
Oh Sītā, you are born of an illustrious family and ever intent on the performance of religious deeds; do you practise virtue here as it may conduce to the happiness of my mind.
VR 2.25.3 अनुष्टुप्
सीते यथा त्वां वक्ष्यामि तथा कार्यं त्वयाबले । वने दोषा हि बहवो वदतस्तान्निबोध मे ॥
sīte yathā tvāṃ vakṣyāmi tathā kāryaṃ tvayābale | vane doṣā hi bahavo vadatastānnibodha me ||
English Translation
Oh Sītā, Oh you of the weaker sex, Do you act up to my counsels; there are evils enough in the forest, do you learn them from me who am about to dwell in it.
VR 2.25.4 अनुष्टुप्
सीते विमुच्यतामेषा वनवासकृता मतिः । बहुदोषं हि कान्तारं वनमित्यभिधीयते ॥
sīte vimucyatāmeṣā vanavāsakṛtā matiḥ | bahudoṣaṃ hi kāntāraṃ vanamityabhidhīyate ||
English Translation
Renounce therefore, Oh Sītă, your intention of flying as an exile to the forest, which for its impenetrableness is said to abound in evils.
VR 2.25.5 अनुष्टुप्
हितबुद्ध्या खलु वचो मयैतदभिधीयते । सदा सुखं न जानामि दुःखमेव सदा वनम् ॥
hitabuddhyā khalu vaco mayaitadabhidhīyate | sadā sukhaṃ na jānāmi duḥkhameva sadā vanam ||
English Translation
It is for your welfare that I give utterance to these words; happiness there is none, it is always covered with miseries.
VR 2.25.6 अनुष्टुप्
गिरिनिर्झरसंभूता गिरिकन्दरवासिनाम् । सिंहानां निनदा दुःखाः श्रोतुं दुःखमतो वनम् ॥
girinirjharasaṃbhūtā girikandaravāsinām | siṃhānāṃ ninadā duḥkhāḥ śrotuṃ duḥkhamato vanam ||
English Translation
The roarings of the lions living in the caves of mountains, swelling with the sounds of the water-falls, produce a very painful impression upon the ears; so the wood is full of misery.
VR 2.25.7 अनुष्टुप्
सुप्यते पर्णशय्यासु स्वयं भग्नासु भूतले । रात्रिषु श्रमखिन्नेन तस्माद्दुःखतरं वनम् ॥
supyate parṇaśayyāsu svayaṃ bhagnāsu bhūtale | rātriṣu śramakhinnena tasmādduḥkhataraṃ vanam ||
English Translation
Being exhausted with the toil of the day, the dwellers of the wood have to sleep in night on the bed made of leaves fallen from the trees on the surface of the ground; so the wood is full of misery.
VR 2.25.8 अनुष्टुप्
उपवासश्च कर्तव्या यथाप्राणेन मैथिलि । जटाभारश्च कर्तव्यो वल्कलाम्बरधारिणा ॥
upavāsaśca kartavyā yathāprāṇena maithili | jaṭābhāraśca kartavyo valkalāmbaradhāriṇā ||
English Translation
One has to wear robes of bark and matted hair and take to fasting as long as one can, O daughter of Mithila
VR 2.25.9 अनुष्टुप्
अतीव वातस्तिमिरं बुभुक्षा चात्र नित्यशः । भयानि च महान्त्यत्र ततो दुःखतरं वनम् ॥
atīva vātastimiraṃ bubhukṣā cātra nityaśaḥ | bhayāni ca mahāntyatra tato duḥkhataraṃ vanam ||
English Translation
There are always violent winds, darkness hunger, and great fear; so the wood is full of misery.
VR 2.25.10 अनुष्टुप्
सरीसृपाश्च बहवो बहुरूपाश्च भामिनि । चरन्ति पृथिवीं दर्पादतो दुखतरं वनम् ॥
sarīsṛpāśca bahavo bahurūpāśca bhāmini | caranti pṛthivīṃ darpādato dukhataraṃ vanam ||
English Translation
Reptiles, many and of various kinds, creep there on the path, O excellent lady, with haughtiness; so the wood is full of misery.
VR 2.25.11 अनुष्टुप्
नदीनिलयनाः सर्पा नदीकुटिलगामिनः । तिष्ठन्त्यावृत्य पन्थानमतो दुःखतरं वनम् ॥
nadīnilayanāḥ sarpā nadīkuṭilagāminaḥ | tiṣṭhantyāvṛtya panthānamato duḥkhataraṃ vanam ||
English Translation
And snakes living in the rivers and of crooked course like them, always await the wayfarers, hindering the passers-by: so the wood is full of misery.
VR 2.25.12 अनुष्टुप्
पतंगा वृश्चिकाः कीटा दंशाश्च मशकैः सह । बाधन्ते नित्यमबले सर्वं दुःखमतो वनम् ॥
pataṃgā vṛścikāḥ kīṭā daṃśāśca maśakaiḥ saha | bādhante nityamabale sarvaṃ duḥkhamato vanam ||
English Translation
Birds, scorpions, insects mosquito's and wild gnats, always disturb the dwellers, O fair one' of the weaker sex; so the wood is full misery.
VR 2.25.13 अनुष्टुप्
द्रुमाः कण्टकिनश्चैव कुशकाशाश्च भामिनि । वने व्याकुलशाखाग्रास्तेन दुःखतरं वनम् ॥
drumāḥ kaṇṭakinaścaiva kuśakāśāśca bhāmini | vane vyākulaśākhāgrāstena duḥkhataraṃ vanam ||
English Translation
There are trees full of thorns, having their branches moving to and fro, and the kusa and kāsa grasses with thorny blades constantly undulating; so the wood is full misery.
VR 2.25.14 अनुष्टुप्
तदलं ते वनं गत्वा क्षमं न हि वनं तव । विमृशन्निह पश्यामि बहुदोषतरं वनम् ॥
tadalaṃ te vanaṃ gatvā kṣamaṃ na hi vanaṃ tava | vimṛśanniha paśyāmi bahudoṣataraṃ vanam ||
English Translation
You should not therefore go to the forest, it forebodes no good to you. Weighing well, have I concluded that the forest abounds in innumerable evils.
VR 2.25.15 वंशस्थम्
वनं तु नेतुं न कृता मतिस्तदा; बभूव रामेण यदा महात्मना । न तस्य सीता वचनं चकार त;त्ततोऽब्रवीद्राममिदं सुदुःखिता ॥
vanaṃ tu netuṃ na kṛtā matistadā; babhūva rāmeṇa yadā mahātmanā | na tasya sītā vacanaṃ cakāra ta;ttato'bravīdrāmamidaṃ suduḥkhitā ||
English Translation
While the high-souled Rāma, resolved thus not to take Sītā with him to the forest, she, greatly sorry, did not accept his words and spoke to him in the following way.
← Previous (Ch. 100) Full Table of Contents Next (Ch. 102) →