Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 1 (Bālakāṇḍa) • Sarga 11

Bālakāṇḍa Sarga 11

बालकाण्डम् • सर्गः 11

Bālakāṇḍa Sarga 11 of the classical Vālmīki Rāmāyaṇa with 21 verses.

Total: 21 Verses • Citations: VR 1.11.1–21 • 175 Lexicon Terms
VR 1.11.1 अनुष्टुप्
ततः काले बहुतिथे कस्मिंश्चित्सुमनोहरे । वसन्ते समनुप्राप्ते राज्ञो यष्टुं मनोऽभवत् ॥
tataḥ kāle bahutithe kasmiṃścitsumanohare | vasante samanuprāpte rājño yaṣṭuṃ mano'bhavat ||
English Translation
Then after a long while, when the charming spring had appeared on the earth, the king conceived the desire of celebrating the sacrifice.
VR 1.11.2 अनुष्टुप्
ततः प्रसाद्य शिरसा तं विप्रं देववर्णिनम् । यज्ञाय वरयामास संतानार्थं कुलस्य वै ॥
tataḥ prasādya śirasā taṃ vipraṃ devavarṇinam | yajñāya varayāmāsa saṃtānārthaṃ kulasya vai ||
English Translation
Then bowing down the head before the Vipra effulgent like a celestial, he appointed him to undertake the ceremony, for the purpose of obtaining offspring to perpetuate his line.
VR 1.11.3 अनुष्टुप्
तथेति च स राजानमुवाच च सुसत्कृतः । संभाराः संभ्रियन्तां ते तुरगश्च विमुच्यताम् ॥
tatheti ca sa rājānamuvāca ca susatkṛtaḥ | saṃbhārāḥ saṃbhriyantāṃ te turagaśca vimucyatām ||
English Translation
Then that Brāhmana said to the lord of the earth, the king, So be it! Get order the necessary provisions procured, free the horse set, and prepare a sacrificial ground on the north bank of the Sarayd.
VR 1.11.4 अनुष्टुप्
ततो राजाब्रवीद्वाक्यं सुमन्त्रं मन्त्रिसत्तमम् । सुमन्त्रावाहय क्षिप्रमृत्विजो ब्रह्मवादिनः ॥
tato rājābravīdvākyaṃ sumantraṃ mantrisattamam | sumantrāvāhaya kṣipramṛtvijo brahmavādinaḥ ||
English Translation
Thereafter the king said to Sumantra, "Summon immediately, Suyajna, Vamadeva, Jabali and Kasyapa, family priest Vasishta and other foremost and learned brahmins who are the official priests wellversed in the Vedas".
VR 1.11.5 अनुष्टुप्
ततः सुमन्त्रस्त्वरितं गत्वा त्वरितविक्रमः । समानयत्स तान्विप्रान्समस्तान्वेदपारगान् ॥
tataḥ sumantrastvaritaṃ gatvā tvaritavikramaḥ | samānayatsa tānviprānsamastānvedapāragān ||
English Translation
Thereupon, going out speeding, Sumantra of swift movements called together all the spiritual guides, as well as others versed in the Vedic ritual.
VR 1.11.6 अनुष्टुप्
सुयज्ञं वामदेवं च जाबालिमथ काश्यपम् । पुरोहितं वसिष्ठं च ये चान्ये द्विजसत्तमाः ॥
suyajñaṃ vāmadevaṃ ca jābālimatha kāśyapam | purohitaṃ vasiṣṭhaṃ ca ye cānye dvijasattamāḥ ||
English Translation
They were Suyajña, and Vămadeva, and Jabali, and Kasyapa, and Vasistha, and other principal twice-born ones. And having paid homage to them, the virtuous king Dasaratha then spoke to them these sweet words.
VR 1.11.7 अनुष्टुप्
तान्पूजयित्वा धर्मात्मा राजा दशरथस्तदा । इदं धर्मार्थसहितं श्लक्ष्णं वचनमब्रवीत् ॥
tānpūjayitvā dharmātmā rājā daśarathastadā | idaṃ dharmārthasahitaṃ ślakṣṇaṃ vacanamabravīt ||
English Translation
They were Suyajña, and Vămadeva, and Jabali, and Kasyapa, and Vasistha, and other principal twice-born ones. And having paid homage to them, the virtuous king Dasaratha then spoke to them these sweet words.
VR 1.11.8 अनुष्टुप्
मम लालप्यमानस्य पुत्रार्थं नास्ति वै सुखम् । तदर्थं हयमेधेन यक्ष्यामीति मतिर्मम ॥
mama lālapyamānasya putrārthaṃ nāsti vai sukham | tadarthaṃ hayamedhena yakṣyāmīti matirmama ||
English Translation
Consistent with duty and interest,-Ever pining on account of a son, I know no happiness,-therefore it is my intention that I should celebrate a horse sacrifice.
VR 1.11.9 अनुष्टुप्
तदहं यष्टुमिच्छामि शास्त्रदृष्टेन कर्मणा । ऋषिपुत्रप्रभावेन कामान्प्राप्स्यामि चाप्यहम् ॥
tadahaṃ yaṣṭumicchāmi śāstradṛṣṭena karmaṇā | ṛṣiputraprabhāvena kāmānprāpsyāmi cāpyaham ||
English Translation
I intend to celebrate it according to the ordinance. Do you, therefore, consider how I may attain my object.
VR 1.11.10 अनुष्टुप्
ततः साध्विति तद्वाक्यं ब्राह्मणाः प्रत्यपूजयन् । वसिष्ठप्रमुखाः सर्वे पार्थिवस्य मुखाच्च्युतम् ॥
tataḥ sādhviti tadvākyaṃ brāhmaṇāḥ pratyapūjayan | vasiṣṭhapramukhāḥ sarve pārthivasya mukhāccyutam ||
English Translation
Thereat, the Brāhmaṇas with Vasiştha at their head, exclaiming well! Well 1 approved the words that had fallen from the lips of the monarch.
VR 1.11.11 अनुष्टुप्
ऋश्यशृङ्गपुरोगाश्च प्रत्यूचुर्नृपतिं तदा । संभाराः संभ्रियन्तां ते तुरगश्च विमुच्यताम् ॥
ṛśyaśṛṅgapurogāśca pratyūcurnṛpatiṃ tadā | saṃbhārāḥ saṃbhriyantāṃ te turagaśca vimucyatām ||
English Translation
The Brāhmaṇas headed by Rsyaśộnga addressed the king, saying, Do you arrange for the provisions, loose the horse, and prepare the sacrificial ground on the north bank of the Sarayū river!
VR 1.11.12 अनुष्टुप्
सर्वथा प्राप्यसे पुत्रांश्चतुरोऽमितविक्रमान् । यस्य ते धार्मिकी बुद्धिरियं पुत्रार्थमागता ॥
sarvathā prāpyase putrāṃścaturo'mitavikramān | yasya te dhārmikī buddhiriyaṃ putrārthamāgatā ||
English Translation
Since you purpose so virtuously for obtaining offspring, you shall obtain four sons of immeasurable prowess.
VR 1.11.13 अनुष्टुप्
ततः प्रीतोऽभवद्राजा श्रुत्वा तद्द्विजभाषितम् । अमात्यांश्चाब्रवीद्राजा हर्षेणेदं शुभाक्षरम् ॥
tataḥ prīto'bhavadrājā śrutvā taddvijabhāṣitam | amātyāṃścābravīdrājā harṣeṇedaṃ śubhākṣaram ||
English Translation
Hearing those words of the regenerate ones, the king was exceedingly delighted. And cheerfully he spoke these auspicious words to his courtiers.
VR 1.11.14 अनुष्टुप्
गुरूणां वचनाच्छीघ्रं संभाराः संभ्रियन्तु मे । समर्थाधिष्ठितश्चाश्वः सोपाध्यायो विमुच्यताम् ॥
gurūṇāṃ vacanācchīghraṃ saṃbhārāḥ saṃbhriyantu me | samarthādhiṣṭhitaścāśvaḥ sopādhyāyo vimucyatām ||
English Translation
In accordance with the directions of my spiritual guides, do you speedily procure these provisions, loose the horse well protected, and followed by a priest.
VR 1.11.15 अनुष्टुप्
सरय्वाश्चोत्तरे तीरे यज्ञभूमिर्विधीयताम् । शान्तयश्चाभिवर्धन्तां यथाकल्पं यथाविधि ॥
sarayvāścottare tīre yajñabhūmirvidhīyatām | śāntayaścābhivardhantāṃ yathākalpaṃ yathāvidhi ||
English Translation
And prepare the sacrificial ground on the north bank of the Sarayu. And perform the ceremonies capable of securing the rites from disturbance.
VR 1.11.16 अनुष्टुप्
शक्यः कर्तुमयं यज्ञः सर्वेणापि महीक्षिता । नापराधो भवेत्कष्टो यद्यस्मिन्क्रतुसत्तमे ॥
śakyaḥ kartumayaṃ yajñaḥ sarveṇāpi mahīkṣitā | nāparādho bhavetkaṣṭo yadyasminkratusattame ||
English Translation
Surely every king is competent to perform this sacrifice yet care must be taken that no default occurs in it.
VR 1.11.17 अनुष्टुप्
छिद्रं हि मृगयन्तेऽत्र विद्वांसो ब्रह्मराक्षसाः । विधिहीनस्य यज्ञस्य सद्यः कर्ता विनश्यति ॥
chidraṃ hi mṛgayante'tra vidvāṃso brahmarākṣasāḥ | vidhihīnasya yajñasya sadyaḥ kartā vinaśyati ||
English Translation
For flaws in this foremost of sacrifices are watched by learned Brahma-Rākşasas. And should it come to be celebrated in violation of the ordinance, ihe performer thereof shall meet with instant destruction.
VR 1.11.18 अनुष्टुप्
तद्यथा विधिपूर्वं मे क्रतुरेष समाप्यते । तथाविधानं क्रियतां समर्थाः करणेष्विह ॥
tadyathā vidhipūrvaṃ me kratureṣa samāpyate | tathāvidhānaṃ kriyatāṃ samarthāḥ karaṇeṣviha ||
English Translation
And do you so order that this sacrifice of mine may be completed according to the prescribed ritual.
VR 1.11.19 अनुष्टुप्
तथेति च ततः सर्वे मन्त्रिणः प्रत्यपूजयन् । पार्थिवेन्द्रस्य तद्वाक्यं यथाज्ञप्तमकुर्वत ॥
tatheti ca tataḥ sarve mantriṇaḥ pratyapūjayan | pārthivendrasya tadvākyaṃ yathājñaptamakurvata ||
English Translation
Thereupon honouring those words of the king, the ministers did as ordered.
VR 1.11.20 अनुष्टुप्
ततो द्विजास्ते धर्मज्ञमस्तुवन्पार्थिवर्षभम् । अनुज्ञातास्ततः सर्वे पुनर्जग्मुर्यथागतम् ॥
tato dvijāste dharmajñamastuvanpārthivarṣabham | anujñātāstataḥ sarve punarjagmuryathāgatam ||
English Translation
Then hearing those words of that best king again, as heard before, conversant with their duty, having blessed the monarch, taking permission of the king, they returned to their respective quarters.
VR 1.11.21 अनुष्टुप्
गतानां तु द्विजातीनां मन्त्रिणस्तान्नराधिपः । विसर्जयित्वा स्वं वेश्म प्रविवेश महाद्युतिः ॥
gatānāṃ tu dvijātīnāṃ mantriṇastānnarādhipaḥ | visarjayitvā svaṃ veśma praviveśa mahādyutiḥ ||
English Translation
When the Vipras had gone, the mightyminded lord of men dismissing his counsellors, entered his place. When the Vipras had gone, the mightyminded lord of men dismissing his counsellors, entered his place.
← Previous (Ch. 10) Full Table of Contents Next (Ch. 12) →