Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 2 (Ayodhyākāṇḍa) • Sarga 111

Ayodhyākāṇḍa Sarga 111

अयोध्याकाण्डम् • सर्गः 111

Ayodhyākāṇḍa Sarga 111 of the classical Vālmīki Rāmāyaṇa with 20 verses.

Total: 20 Verses • Citations: VR 2.111.1–20 • 175 Lexicon Terms
VR 2.111.1 अनुष्टुप्
अनसूया तु धर्मज्ञा श्रुत्वा तां महतीं कथाम् । पर्यष्वजत बाहुभ्यां शिरस्याघ्राय मैथिलीम् ॥
anasūyā tu dharmajñā śrutvā tāṃ mahatīṃ kathām | paryaṣvajata bāhubhyāṃ śirasyāghrāya maithilīm ||
English Translation
Having heard this grand story, Anasāyā cognizant of righteousness, smelling the head of Mithilā's daughter, embraced Sītā with her arms.
VR 2.111.2 अनुष्टुप्
व्यक्ताक्षरपदं चित्रं भाषितं मधुरं त्वया । यथा स्वयंवरं वृत्तं तत्सर्वं हि श्रुतं मया ॥
vyaktākṣarapadaṃ citraṃ bhāṣitaṃ madhuraṃ tvayā | yathā svayaṃvaraṃ vṛttaṃ tatsarvaṃ hi śrutaṃ mayā ||
English Translation
I have heard all that you, describing the selfchoice, have spoken sweetly and beautifully in articulated letters and feet.
VR 2.111.3 अनुष्टुप्
रमेऽहं कथया ते तु दृढं मधुरभाषिणि । रविरस्तं गतः श्रीमानुपोह्य रजनीं शिवाम् ॥
rame'haṃ kathayā te tu dṛḍhaṃ madhurabhāṣiṇi | ravirastaṃ gataḥ śrīmānupohya rajanīṃ śivām ||
VR 2.111.4 अनुष्टुप्
दिवसं प्रति कीर्णानामाहारार्थं पतत्रिणाम् । संध्याकाले निलीनानां निद्रार्थं श्रूयते ध्वनिः ॥
divasaṃ prati kīrṇānāmāhārārthaṃ patatriṇām | saṃdhyākāle nilīnānāṃ nidrārthaṃ śrūyate dhvaniḥ ||
English Translation
O sweet-speeched one, I have been delighted with your narration. But ushering in the auspicious night, the graceful Sun has set. And there are heard the notes of feathered ones, which, after having gone about in search of food, are resting now for the purpose of sleeping.
VR 2.111.5 अनुष्टुप्
एते चाप्यभिषेकार्द्रा मुनयः फलशोधनाः । सहिता उपवर्तन्ते सलिलाप्लुतवल्कलाः ॥
ete cāpyabhiṣekārdrā munayaḥ phalaśodhanāḥ | sahitā upavartante salilāplutavalkalāḥ ||
English Translation
And these ascetics having bathed, are wending their way in a body, carrying waterpitchers, their barks drenched with water.
VR 2.111.6 अनुष्टुप्
ऋषीणामग्निहोत्रेषु हुतेषु विधिपुर्वकम् । कपोताङ्गारुणो धूमो दृश्यते पवनोद्धतः ॥
ṛṣīṇāmagnihotreṣu huteṣu vidhipurvakam | kapotāṅgāruṇo dhūmo dṛśyate pavanoddhataḥ ||
English Translation
The smoke arising from the fire-sacrifice duly performed by the ascetics, reddish like the hue of the pigeon's neck, is seen, wafted by the wind.
VR 2.111.7 अनुष्टुप्
अल्पपर्णा हि तरवो घनीभूताः समन्ततः । विप्रकृष्टेऽपि ये देशे न प्रकाशन्ति वै दिशः ॥
alpaparṇā hi taravo ghanībhūtāḥ samantataḥ | viprakṛṣṭe'pi ye deśe na prakāśanti vai diśaḥ ||
English Translation
And trees of spare foliage appear dense (on all sides); and distance is no longer perceptible.
VR 2.111.8 अनुष्टुप्
रजनी रससत्त्वानि प्रचरन्ति समन्ततः । तपोवनमृगा ह्येते वेदितीर्थेषु शेरते ॥
rajanī rasasattvāni pracaranti samantataḥ | tapovanamṛgā hyete veditīrtheṣu śerate ||
English Translation
And animals ranging in the night are going about all round; and those deer of the asylum are reposing on the daises.
VR 2.111.9 अनुष्टुप्
संप्रवृत्ता निशा सीते नक्षत्रसमलंकृता । ज्योत्स्ना प्रावरणश्चन्द्रो दृश्यतेऽभ्युदितोऽम्बरे ॥
saṃpravṛttā niśā sīte nakṣatrasamalaṃkṛtā | jyotsnā prāvaraṇaścandro dṛśyate'bhyudito'mbare ||
English Translation
O Sītā, the night crested by the stars has arrived; and, veiled in moonlight, appears the moon in the heavens.
VR 2.111.10 अनुष्टुप्
गम्यतामनुजानामि रामस्यानुचरी भव । कथयन्त्या हि मधुरं त्वयाहं परितोषिता ॥
gamyatāmanujānāmi rāmasyānucarī bhava | kathayantyā hi madhuraṃ tvayāhaṃ paritoṣitā ||
English Translation
Go you; I permit you. Do you seek the society of Rāma. I have been pleased with your sweet converse.
VR 2.111.11 अनुष्टुप्
अलंकुरु च तावत्त्वं प्रत्यक्षं मम मैथिलि । प्रीतिं जनय मे वत्स दिव्यालंकारशोभिनी ॥
alaṃkuru ca tāvattvaṃ pratyakṣaṃ mama maithili | prītiṃ janaya me vatsa divyālaṃkāraśobhinī ||
English Translation
O daughter of Mithilā, do you deck yourself before me. Do you thus please me, my child, you that look beautiful with excellent ornaments.
VR 2.111.12 अनुष्टुप्
सा तदा समलंकृत्य सीता सुरसुतोपमा । प्रणम्य शिरसा तस्यै रामं त्वभिमुखी ययौ ॥
sā tadā samalaṃkṛtya sītā surasutopamā | praṇamya śirasā tasyai rāmaṃ tvabhimukhī yayau ||
English Translation
Thereat, having adorned herself, Sītā, resembling the daughter of a celestial, bowing down to the feet (of the female ascetic), directed her steps towards Rāma.
VR 2.111.13 अनुष्टुप्
तथा तु भूषितां सीतां ददर्श वदतां वरः । राघवः प्रीतिदानेन तपस्विन्या जहर्ष च ॥
tathā tu bhūṣitāṃ sītāṃ dadarśa vadatāṃ varaḥ | rāghavaḥ prītidānena tapasvinyā jaharṣa ca ||
English Translation
And that best of speakers, Raghava, saw Sita, decked with the ornaments affectionately presented by the ascetic; and he rejoiced thereat.
VR 2.111.14 अनुष्टुप्
न्यवेदयत्ततः सर्वं सीता रामाय मैथिली । प्रीतिदानं तपस्विन्या वसनाभरणस्रजाम् ॥
nyavedayattataḥ sarvaṃ sītā rāmāya maithilī | prītidānaṃ tapasvinyā vasanābharaṇasrajām ||
English Translation
Then Mithila's daughter, Sita, related to Rama all about her having been affectionately presented by the ascetic with attire, ornaments and the garland.
VR 2.111.15 अनुष्टुप्
प्रहृष्टस्त्वभवद्रामो लक्ष्मणश्च महारथः । मैथिल्याः सत्क्रियां दृष्ट्वा मानुषेषु सुदुर्लभाम् ॥
prahṛṣṭastvabhavadrāmo lakṣmaṇaśca mahārathaḥ | maithilyāḥ satkriyāṃ dṛṣṭvā mānuṣeṣu sudurlabhām ||
English Translation
Thereupon, witnessing the honour that had been accorded to Maithili, rare among men, Rāma became well pleased, as also that mighty car-warrior, Laksmana.
VR 2.111.16 अनुष्टुप्
ततस्तां सर्वरीं प्रीतः पुण्यां शशिनिभाननः । अर्चितस्तापसैः सिद्धैरुवास रघुनन्दनः ॥
tatastāṃ sarvarīṃ prītaḥ puṇyāṃ śaśinibhānanaḥ | arcitastāpasaiḥ siddhairuvāsa raghunandanaḥ ||
English Translation
Then Raghu's son, ministered to by the ascetic, happily spent the delightful night there, with her face resembling the moon.
VR 2.111.17 अनुष्टुप्
तस्यां रात्र्यां व्यतीतायामभिषिच्य हुताग्निकान् । आपृच्छेतां नरव्याघ्रौ तापसान्वनगोचरान् ॥
tasyāṃ rātryāṃ vyatītāyāmabhiṣicya hutāgnikān | āpṛcchetāṃ naravyāghrau tāpasānvanagocarān ||
English Translation
On the night having passed away, those foremost of men, after performing their ablutions, enquired of the ascetics performing fire sacrifices, who lived in the forest.
VR 2.111.18 अनुष्टुप्
तावूचुस्ते वनचरास्तापसा धर्मचारिणः । वनस्य तस्य संचारं राक्षसैः समभिप्लुतम् ॥
tāvūcuste vanacarāstāpasā dharmacāriṇaḥ | vanasya tasya saṃcāraṃ rākṣasaiḥ samabhiplutam ||
English Translation
Thereat the righteous ascetics ranging the forest said that all the sides of the forest were infested by Rākşasas. “Ferocious beasts feasting on blood, and Rākşasas, O Rāghava, living on human beings, wearing various shapes, abide in this mighty forest."
VR 2.111.19 अनुष्टुप्
एष पन्था महर्षीणां फलान्याहरतां वने । अनेन तु वनं दुर्गं गन्तुं राघव ते क्षमम् ॥
eṣa panthā maharṣīṇāṃ phalānyāharatāṃ vane | anena tu vanaṃ durgaṃ gantuṃ rāghava te kṣamam ||
English Translation
This is the path of the Maharșis, who procure fruits in the forest. By this way you will be able to enter the impracticable wild, O Rāghava.
VR 2.111.20 वंशस्थम्
इतीव तैः प्राञ्जलिभिस्तपस्विभि;र्द्विजैः कृतस्वस्त्ययनः परंतपः । वनं सभार्यः प्रविवेश राघवः; सलक्ष्मणः सूर्य इवाभ्रमण्डलम् ॥
itīva taiḥ prāñjalibhistapasvibhi;rdvijaiḥ kṛtasvastyayanaḥ paraṃtapaḥ | vanaṃ sabhāryaḥ praviveśa rāghavaḥ; salakṣmaṇaḥ sūrya ivābhramaṇḍalam ||
English Translation
Thus addressed by the ascetic twice-born ones, and having been blessed by them, that repressor of foes, Rāghava, entered the forest in company with his wife and Lakşmaņa, like the sun entering a mass of clouds.
← Previous (Ch. 186) Full Table of Contents Next (Ch. 188) →