Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
MBh
Mahābhārata • Parva 14 (Aśvamedhikaparva) • Adhyāya 37

Aśvamedhikaparva Adhyāya 37

अश्वमेधिकपर्व • अध्यायः 37

Aśvamedhikaparva Adhyāya 37 of the classical Mahābhārata with 18 verses.

Total: 18 Verses • Citations: MBh 14.37.1–18 • 250 Lexicon Terms
रजोऽहं वः प्रवक्ष्यामि याथातथ्येन सत्तमाः । निबोधत महाभागा गुणवृत्तं च सर्वशः ॥
English Translation
You best of beings, I shall now declare to you accurately what (the quality of) Darkness is. You highly blessed ones, do you understand what those qualities are that belong to Darkness.
संघातो रूपमायासः सुखदुःखे हिमातपौ । ऐश्वर्यं विग्रहः संधिर्हेतुवादोऽरतिः क्षमा ॥
बलं शौर्यं मदो रोषो व्यायामकलहावपि । ईर्ष्येप्सा पैशुनं युद्धं ममत्वं परिपालनम् ॥
वधबन्धपरिक्लेशाः क्रयो विक्रय एव च । निकृन्त छिन्धि भिन्धीति परमर्मावकर्तनम् ॥
उग्रं दारुणमाक्रोशः परवित्तानुशासनम् । लोकचिन्ता विचिन्ता च मत्सरः परिभाषणम् ॥
मृषावादो मृषादानं विकल्पः परिभाषणम् । निन्दा स्तुतिः प्रशंसा च प्रतापः परितर्पणम् ॥
परिचर्या च शुश्रूषा सेवा तृष्णा व्यपाश्रयः । व्यूहोऽनयः प्रमादश्च परितापः परिग्रहः ॥
संस्कारा ये च लोकेऽस्मिन्प्रवर्तन्ते पृथक्पृथक् । नृषु नारीषु भूतेषु द्रव्येषु शरणेषु च ॥
संतापोऽप्रत्ययश्चैव व्रतानि नियमाश्च ये । प्रदानमाशीर्युक्तं च सततं मे भवत्विति ॥
स्वधाकारो नमस्कारः स्वाहाकारो वषट्क्रिया । याजनाध्यापने चोभे तथैवाहुः परिग्रहम् ॥
इदं मे स्यादिदं मे स्यात्स्नेहो गुणसमुद्भवः । अभिद्रोहस्तथा माया निकृतिर्मान एव च ॥
स्तैन्यं हिंसा परीवादः परितापः प्रजागरः । स्तम्भो दम्भोऽथ रागश्च भक्तिः प्रीतिः प्रमोदनम् ॥
द्यूतं च जनवादश्च संबन्धाः स्त्रीकृताश्च ये । नृत्तवादित्रगीतानि प्रसङ्गा ये च केचन । सर्व एते गुणा विप्रा राजसाः संप्रकीर्तिताः ॥
भूतभव्यभविष्याणां भावानां भुवि भावनाः । त्रिवर्गनिरता नित्यं धर्मोऽर्थः काम इत्यपि ॥
English Translation
These men on Earth who meditate on the past, present, and the future, who are devoted to the threefold objects of life, viz., Religion, Profit, and Pleasure, who, acting from the impulse of desire, exult on acquiring riches in respect of every desire, are said to be covered by Darkness. These men have downward courses.
कामवृत्ताः प्रमोदन्ते सर्वकामसमृद्धिभिः । अर्वाक्स्रोतस इत्येते तैजसा रजसावृताः ॥
अस्मिँल्लोके प्रमोदन्ते जायमानाः पुनः पुनः । प्रेत्यभाविकमीहन्त इह लौकिकमेव च । ददति प्रतिगृह्णन्ति जपन्त्यथ च जुह्वति ॥
English Translation
Repeatedly reborn in this world, they addict theinselves to pleasure. They covet what belongs to this world as also all those fruits of the world to come. They make gifts, accept gifts, offer oblations to the departed manes, and pour libations on the sacrificial fire.
रजोगुणा वो बहुधानुकीर्तिता; यथावदुक्तं गुणवृत्तमेव च । नरो हि यो वेद गुणानिमान्सदा; स राजसैः सर्वगुणैर्विमुच्यते ॥
English Translation
The qualities of Ignorance have been declared to you in various ways. Duly has Ignorance, in its higher and lower forms, been described to you. That man who always bears in mind the qualities mentioned here will surely succeed in becoming freed from all marks which belong to Ignorance.
← Previous (Ch. 1871) Full Table of Contents Next (Ch. 1873) →