Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 3 (Araṇyakāṇḍa) • Sarga 47

Araṇyakāṇḍa Sarga 47

अरण्यकाण्डम् • सर्गः 47

Araṇyakāṇḍa Sarga 47 of the classical Vālmīki Rāmāyaṇa with 36 verses.

Total: 36 Verses • Citations: VR 3.47.1–36 • 175 Lexicon Terms
VR 3.47.1 अनुष्टुप्
सीताया वचनं श्रुत्वा दशग्रीवः प्रतापवान् । हस्ते हस्तं समाहत्य चकार सुमहद्वपुः ॥
sītāyā vacanaṃ śrutvā daśagrīvaḥ pratāpavān | haste hastaṃ samāhatya cakāra sumahadvapuḥ ||
English Translation
Hearing those words of Sītā the highly powerful Ten necked one striking his hands together, increased his body too high.
VR 3.47.2 अनुष्टुप्
स मैथिलीं पुनर्वाक्यं बभाषे च ततो भृशम् । नोन्मत्तया श्रुतौ मन्ये मम वीर्यपराक्रमौ ॥
sa maithilīṃ punarvākyaṃ babhāṣe ca tato bhṛśam | nonmattayā śrutau manye mama vīryaparākramau ||
English Translation
Thereupon, that one skilled in speech again spake to Maithili, Methinks you have run mad. Have you not heard of my valour and prowess?
VR 3.47.3 अनुष्टुप्
उद्वहेयं भुजाभ्यां तु मेदिनीमम्बरे स्थितः । आपिबेयं समुद्रं च मृत्युं हन्यां रणे स्थितः ॥
udvaheyaṃ bhujābhyāṃ tu medinīmambare sthitaḥ | āpibeyaṃ samudraṃ ca mṛtyuṃ hanyāṃ raṇe sthitaḥ ||
English Translation
Stationing myself in the welkin I can with my hands raise up the earth. I can drink up the waters of the ocean. And engaged in conflict I can destroy Death itself
VR 3.47.4 अनुष्टुप्
अर्कं रुन्ध्यां शरैस्तीक्ष्णैर्विभिन्द्यां हि महीतलम् । कामरूपिणमुन्मत्ते पश्य मां कामदं पतिम् ॥
arkaṃ rundhyāṃ śaraistīkṣṇairvibhindyāṃ hi mahītalam | kāmarūpiṇamunmatte paśya māṃ kāmadaṃ patim ||
English Translation
With my sharpened shafts I can pierce the Sun and cut asunder the earth. You are mad with your beauty. Do you look upon me, who am capable of illusions.
VR 3.47.5 अनुष्टुप्
एवमुक्तवतस्तस्य रावणस्य शिखिप्रभे । क्रुद्धस्य हरिपर्यन्ते रक्ते नेत्रे बभूवतुः ॥
evamuktavatastasya rāvaṇasya śikhiprabhe | kruddhasya hariparyante rakte netre babhūvatuḥ ||
English Translation
When he had spoken thus, his yellow eyes became blood-red with rage and assumed the, semblance of flaming fire.
VR 3.47.6 अनुष्टुप्
सद्यः सौम्यं परित्यज्य भिक्षुरूपं स रावणः । स्वं रूपं कालरूपाभं भेजे वैश्रवणानुजः ॥
sadyaḥ saumyaṃ parityajya bhikṣurūpaṃ sa rāvaṇaḥ | svaṃ rūpaṃ kālarūpābhaṃ bheje vaiśravaṇānujaḥ ||
English Translation
Thereat Răvana, the younger brother of the Lord of wealth, changing his placid countenance, instantly assumed his own terrible shape resembling that of Yama.
VR 3.47.7 अनुष्टुप्
संरक्तनयनः श्रीमांस्तप्तकाञ्चनकुण्डलः । दशास्यः कार्मुकी बाणी बभूव क्षणदाचरः ॥
saṃraktanayanaḥ śrīmāṃstaptakāñcanakuṇḍalaḥ | daśāsyaḥ kārmukī bāṇī babhūva kṣaṇadācaraḥ ||
English Translation
Overcome by intense anger, Ravana's eyes reddened. The nightranger, stood armed with bow and arrows and shining with glittering gold ornaments, appeared like a black cloud.
VR 3.47.8 अनुष्टुप्
स परिव्राजकच्छद्म महाकायो विहाय तत् । प्रतिपेदे स्वकं रूपं रावणो राक्षसाधिपः ॥
sa parivrājakacchadma mahākāyo vihāya tat | pratipede svakaṃ rūpaṃ rāvaṇo rākṣasādhipaḥ ||
English Translation
Ravana, chief of the demons, shed the mendicant's form and assumed his real self. Clad in red garments, his eyes turned red in anger. Looking like layers of clouds, he stood in front of Sita, a gem among women.
VR 3.47.9 अनुष्टुप्
संरक्तनयनः क्रोधाज्जीमूतनिचयप्रभः । रक्ताम्बरधरस्तस्थौ स्त्रीरत्नं प्रेक्ष्य मैथिलीम् ॥
saṃraktanayanaḥ krodhājjīmūtanicayaprabhaḥ | raktāmbaradharastasthau strīratnaṃ prekṣya maithilīm ||
English Translation
Leaving aside the semblance of a mendicant, that lord of Raksasas, Ravana, increasing in bulk, assumed his own shape. And wearing a blood-red cloth he stood there fixing his look upon that jewel of a damsel–Maithili.
VR 3.47.10 अनुष्टुप्
स तामसितकेशान्तां भास्करस्य प्रभामिव । वसनाभरणोपेतां मैथिलीं रावणोऽब्रवीत् ॥
sa tāmasitakeśāntāṃ bhāskarasya prabhāmiva | vasanābharaṇopetāṃ maithilīṃ rāvaṇo'bravīt ||
English Translation
Thereupon Rāvaņa spake to Mathili like to the rays of the sun, having a head of black hair and wearing apparel and ornaments, saying, O you fine damsel, if you did wish to have a husband known all over the world, do you surrender yourself to me.
VR 3.47.11 अनुष्टुप्
त्रिषु लोकेषु विख्यातं यदि भर्तारमिच्छसि । मामाश्रय वरारोहे तवाहं सदृशः पतिः ॥
triṣu lokeṣu vikhyātaṃ yadi bhartāramicchasi | māmāśraya varārohe tavāhaṃ sadṛśaḥ patiḥ ||
English Translation
Thereupon Rāvaņa spake to Mathili like to the rays of the sun, having a head of black hair and wearing apparel and ornaments, saying, O you fine damsel, if you did wish to have a husband known all over the world, do you surrender yourself to me.
VR 3.47.12 उपजातिः
मां भजस्व चिराय त्वमहं श्लाघ्यस्तव प्रियः । नैव चाहं क्वचिद्भद्रे करिष्ये तव विप्रियम् । त्यज्यतां मानुषो भावो मयि भावः प्रणीयताम् ॥
māṃ bhajasva cirāya tvamahaṃ ślāghyastava priyaḥ | naiva cāhaṃ kvacidbhadre kariṣye tava vipriyam | tyajyatāṃ mānuṣo bhāvo mayi bhāvaḥ praṇīyatām ||
English Translation
I am a worthy husband for you. Do you serve me for ever, your praiseworthy husband. O fine lady, I hall never do what you did not like.
VR 3.47.13 अनुष्टुप्
राज्याच्च्युतमसिद्धार्थं रामं परिमितायुषम् । कैर्गुणैरनुरक्तासि मूढे पण्डितमानिनि ॥
rājyāccyutamasiddhārthaṃ rāmaṃ parimitāyuṣam | kairguṇairanuraktāsi mūḍhe paṇḍitamānini ||
English Translation
O stupid woman you think you are very wise. What is there in Rama so that you are attached to him ? He has left the kingdom and his kith and kin due to the words of a woman. He has not accomplished anything (in life). He has a limited life span and now lives in this forest haunted by wild animals.
VR 3.47.14 अनुष्टुप्
यः स्त्रिया वचनाद्राज्यं विहाय ससुहृज्जनम् । अस्मिन्व्यालानुचरिते वने वसति दुर्मतिः ॥
yaḥ striyā vacanādrājyaṃ vihāya sasuhṛjjanam | asminvyālānucarite vane vasati durmatiḥ ||
English Translation
O stupid woman you think you are very wise. What is there in Rama so that you are attached to him ? He has left the kingdom and his kith and kin due to the words of a woman. He has not accomplished anything (in life). He has a limited life span and now lives in this forest haunted by wild animals.
VR 3.47.15 अनुष्टुप्
इत्युक्त्वा मैथिलीं वाक्यं प्रियार्हां प्रियवादिनीम् । जग्राह रावणः सीतां बुधः खे रोहिणीमिव ॥
ityuktvā maithilīṃ vākyaṃ priyārhāṃ priyavādinīm | jagrāha rāvaṇaḥ sītāṃ budhaḥ khe rohiṇīmiva ||
English Translation
Speaking thus to Maithili, sweet-speeched and worthy of being sweetly addressed, that highly wicked Raksasa, Rāvaņa, being exercised with lust, approached towards Sītā and got hold of her, like to Budha holding Rohinī in the sky.
VR 3.47.16 अनुष्टुप्
वामेन सीतां पद्माक्षीं मूर्धजेषु करेण सः । ऊर्वोस्तु दक्षिणेनैव परिजग्राह पाणिना ॥
vāmena sītāṃ padmākṣīṃ mūrdhajeṣu kareṇa saḥ | ūrvostu dakṣiṇenaiva parijagrāha pāṇinā ||
English Translation
With his left hand he held her, having eyes like to lotus-petals, by the hair, and with his right hand got hold of her thighs.
VR 3.47.17 अनुष्टुप्
तं दृष्ट्वा गिरिशृङ्गाभं तीक्ष्णदंष्ट्रं महाभुजम् । प्राद्रवन्मृत्युसंकाशं भयार्ता वनदेवताः ॥
taṃ dṛṣṭvā giriśṛṅgābhaṃ tīkṣṇadaṃṣṭraṃ mahābhujam | prādravanmṛtyusaṃkāśaṃ bhayārtā vanadevatāḥ ||
English Translation
Seeing Rāvaņa of sharpened teeth, and mighty arms, resembling the summit of a mountain and like to death itself, the deities of the forest became highly terrified and fled in different directions.
VR 3.47.18 अनुष्टुप्
स च मायामयो दिव्यः खरयुक्तः खरस्वनः । प्रत्यदृश्यत हेमाङ्गो रावणस्य महारथः ॥
sa ca māyāmayo divyaḥ kharayuktaḥ kharasvanaḥ | pratyadṛśyata hemāṅgo rāvaṇasya mahārathaḥ ||
English Translation
Instantly appeared there the celestial car of Ravana, decked in gold, drawn by asses and making a terrible sound.
VR 3.47.19 अनुष्टुप्
ततस्तां परुषैर्वाक्यैरभितर्ज्य महास्वनः । अङ्केनादाय वैदेहीं रथमारोपयत्तदा ॥
tatastāṃ paruṣairvākyairabhitarjya mahāsvanaḥ | aṅkenādāya vaidehīṃ rathamāropayattadā ||
English Translation
Thereupon, that one emmiting terrible accents, remonstrated with Vaidehī in harsh words and clasping her ascended the car.
VR 3.47.20 अनुष्टुप्
सा गृहीतातिचुक्रोश रावणेन यशस्विनी । रामेति सीता दुःखार्ता रामं दूरगतं वने ॥
sā gṛhītāticukrośa rāvaṇena yaśasvinī | rāmeti sītā duḥkhārtā rāmaṃ dūragataṃ vane ||
English Translation
The virtuous Sīta, being thus caught by Ravana, began to cry aloud, addressing Rama, who had gone away to a distant forest.
VR 3.47.21 अनुष्टुप्
तामकामां स कामार्तः पन्नगेन्द्रवधूमिव । विवेष्टमानामादाय उत्पपाथाथ रावणः ॥
tāmakāmāṃ sa kāmārtaḥ pannagendravadhūmiva | viveṣṭamānāmādāya utpapāthātha rāvaṇaḥ ||
English Translation
Rāvaņa, racked with lust, rose high up with her like to the wife of a Pannaga, though she tried her best (to get rid of him), for she was not in the least attached to him.
VR 3.47.22 अनुष्टुप्
ततः सा राक्षसेन्द्रेण ह्रियमाणा विहायसा । भृशं चुक्रोश मत्तेव भ्रान्तचित्ता यथातुरा ॥
tataḥ sā rākṣasendreṇa hriyamāṇā vihāyasā | bhṛśaṃ cukrośa matteva bhrāntacittā yathāturā ||
English Translation
Being thus carried away by the ethereal track by that Lord of Rākṣasas, Sītā began to cry aloud, like one mad, distressed and of deranged senses.
VR 3.47.23 अनुष्टुप्
हा लक्ष्मण महाबाहो गुरुचित्तप्रसादक । ह्रियमाणां न जानीषे रक्षसा कामरूपिणा ॥
hā lakṣmaṇa mahābāho gurucittaprasādaka | hriyamāṇāṃ na jānīṣe rakṣasā kāmarūpiṇā ||
English Translation
Ah! mighty Laksmana, ever ministering to the satisfaction of your superiors, do you not know that I have been stolen away by a Rākṣasa assuming shapes at will?
VR 3.47.24 अनुष्टुप्
जीवितं सुखमर्थांश्च धर्महेतोः परित्यजन् । ह्रियमाणामधर्मेण मां राघव न पश्यसि ॥
jīvitaṃ sukhamarthāṃśca dharmahetoḥ parityajan | hriyamāṇāmadharmeṇa māṃ rāghava na paśyasi ||
English Translation
O Rāghava, for virtue have you renounced your life, happiness and wealth,-do you not see that I have been carried away by one of mighty iniquity?
VR 3.47.25 अनुष्टुप्
ननु नामाविनीतानां विनेतासि परंतप । कथमेवंविधं पापं न त्वं शाधि हि रावणम् ॥
nanu nāmāvinītānāṃ vinetāsi paraṃtapa | kathamevaṃvidhaṃ pāpaṃ na tvaṃ śādhi hi rāvaṇam ||
English Translation
O you the subduer of foes, you did always control the rebellious,-why do you not punish such a vicious Rākşasa?
VR 3.47.26 अनुष्टुप्
ननु सद्योऽविनीतस्य दृश्यते कर्मणः फलम् । कालोऽप्यङ्गी भवत्यत्र सस्यानामिव पक्तये ॥
nanu sadyo'vinītasya dṛśyate karmaṇaḥ phalam | kālo'pyaṅgī bhavatyatra sasyānāmiva paktaye ||
English Translation
The vicious do not instantaneously meet with the fruits of their actions, as for corn to ripen requires the assistance of time.
VR 3.47.27 अनुष्टुप्
स कर्म कृतवानेतत्कालोपहतचेतनः । जीवितान्तकरं घोरं रामाद्व्यसनमाप्नुहि ॥
sa karma kṛtavānetatkālopahatacetanaḥ | jīvitāntakaraṃ ghoraṃ rāmādvyasanamāpnuhi ||
English Translation
For this iniquitous deed, which you have perpetrated, availing of the time and losing your sense, you shall meet with a mighty disaster from Rāma, bringing about your end.
VR 3.47.28 अनुष्टुप्
हन्तेदानीं सकामा तु कैकेयी बान्धवैः सह । ह्रियेयं धर्मकामस्य धर्मपत्नी यशस्विनः ॥
hantedānīṃ sakāmā tu kaikeyī bāndhavaiḥ saha | hriyeyaṃ dharmakāmasya dharmapatnī yaśasvinaḥ ||
English Translation
Ah! being the virtuous wife of the virtuous and far-famed Rāma, I have been stolen away. Now has the desire of Kaikeyi and other relations been fulfilled.
VR 3.47.29 अनुष्टुप्
आमन्त्रये जनस्थानं कर्णिकारांश्च पुष्पितान् । क्षिप्रं रामाय शंसध्वं सीतां हरति रावणः ॥
āmantraye janasthānaṃ karṇikārāṃśca puṣpitān | kṣipraṃ rāmāya śaṃsadhvaṃ sītāṃ harati rāvaṇaḥ ||
English Translation
I invoke this Janasthāna and these flowery Karnikās to tell Rāma that Rāvana has stolen away Sītā.
VR 3.47.30 अनुष्टुप्
माल्यवन्तं शिखरिणं वन्दे प्रस्रवणं गिरिम् । क्षिप्रं रामाय शंसध्वं सीतां हरति रावणः ॥
mālyavantaṃ śikhariṇaṃ vande prasravaṇaṃ girim | kṣipraṃ rāmāya śaṃsadhvaṃ sītāṃ harati rāvaṇaḥ ||
English Translation
I invoke you, O Godāvarī, having swans and cranes sporting in your stream, to tell Ráma that Rāvana has stolen away Sītã.
VR 3.47.31 अनुष्टुप्
हंससारससंघुष्टां वन्दे गोदावरीं नदीम् । क्षिप्रं रामाय शंसध्वं सीतां हरति रावणः ॥
haṃsasārasasaṃghuṣṭāṃ vande godāvarīṃ nadīm | kṣipraṃ rāmāya śaṃsadhvaṃ sītāṃ harati rāvaṇaḥ ||
English Translation
I invoke this Janasthāna and these flowery Karnikās to tell Rāma that Rāvana has stolen away Sītā.
VR 3.47.32 अनुष्टुप्
दैवतानि च यान्त्यस्मिन्वने विविधपादपे । नमस्करोम्यहं तेभ्यो भर्तुः शंसत मां हृताम् ॥
daivatāni ca yāntyasminvane vividhapādape | namaskaromyahaṃ tebhyo bhartuḥ śaṃsata māṃ hṛtām ||
English Translation
I salute and invoke the deities that live in this forest of many trees to tell my husband of my being stolen away (by Ravana).
VR 3.47.33 अनुष्टुप्
यानि कानिचिदप्यत्र सत्त्वानि निवसन्त्युत । सर्वाणि शरणं यामि मृगपक्षिगणानपि ॥
yāni kānicidapyatra sattvāni nivasantyuta | sarvāṇi śaraṇaṃ yāmi mṛgapakṣigaṇānapi ||
English Translation
I seek refuge in all those living beings as well as herds of animals and birds in the forest.
VR 3.47.34 अनुष्टुप्
ह्रियमाणां प्रियां भर्तुः प्राणेभ्योऽपि गरीयसीम् । विवशापहृता सीता रावणेनेति शंसत ॥
hriyamāṇāṃ priyāṃ bhartuḥ prāṇebhyo'pi garīyasīm | vivaśāpahṛtā sītā rāvaṇeneti śaṃsata ||
English Translation
I do seek the refuge of all deer, birds and other animals that live in this forest, and may they all cominunicate to Rāma the news of his dear spouse being carried away, and tell him that Sītā, losing her control, has been stolen away by Rāvana.
VR 3.47.35 अनुष्टुप्
विदित्वा मां महाबाहुरमुत्रापि महाबलः । आनेष्यति पराक्रम्य वैवस्वतहृतामपि ॥
viditvā māṃ mahābāhuramutrāpi mahābalaḥ | āneṣyati parākramya vaivasvatahṛtāmapi ||
English Translation
Even if I am taken away by Yama, and if the mighty-armed Rāma is apprised of it, surely shall he bring me back by the display of his prowess.
VR 3.47.36 अनुष्टुप्
रामाय तु यथातत्त्वं जटायो हरणं मम । लक्ष्मणाय च तत्सर्वमाख्यातव्यमशेषतः ॥
rāmāya tu yathātattvaṃ jaṭāyo haraṇaṃ mama | lakṣmaṇāya ca tatsarvamākhyātavyamaśeṣataḥ ||
English Translation
Do you relate to Rāma and to Lakşmaņa everything about my being carried away from the beginning to the end.
← Previous (Ch. 233) Full Table of Contents Next (Ch. 235) →