Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 38

Uttarakāṇḍa Sarga 38

उत्तरकाण्डम् • सर्गः 38

Uttarakāṇḍa Sarga 38 of the classical Vālmīki Rāmāyaṇa with 17 verses.

Total: 17 Verses • Citations: VR 7.38.1–17 • 175 Lexicon Terms
VR 7.38.1 अनुष्टुप्
ते प्रयाता महात्मानः पार्थिवाः सर्वतो दिशम् । कम्पयन्तो महीं वीराः स्वपुराणि प्रहृष्टवत् ॥
te prayātā mahātmānaḥ pārthivāḥ sarvato diśam | kampayanto mahīṃ vīrāḥ svapurāṇi prahṛṣṭavat ||
VR 7.38.2 अनुष्टुप्
अक्षौहिणीसहस्रैस्ते समवेतास्त्वनेकशः । हृष्टाः प्रतिगताः सर्वे राघवार्थे समागताः ॥
akṣauhiṇīsahasraiste samavetāstvanekaśaḥ | hṛṣṭāḥ pratigatāḥ sarve rāghavārthe samāgatāḥ ||
VR 7.38.3 अनुष्टुप्
ऊचुश्चैव महीपाला बलदर्पसमन्विताः । न नाम रावणं युद्धे पश्यामः पुरतः स्थितम् ॥
ūcuścaiva mahīpālā baladarpasamanvitāḥ | na nāma rāvaṇaṃ yuddhe paśyāmaḥ purataḥ sthitam ||
VR 7.38.4 अनुष्टुप्
भरतेन वयं पश्चात्समानीता निरर्थकम् । हता हि राक्षसास्तत्र पार्थिवैः स्युर्न संशयः ॥
bharatena vayaṃ paścātsamānītā nirarthakam | hatā hi rākṣasāstatra pārthivaiḥ syurna saṃśayaḥ ||
English Translation
Those kings, proud and powerful, spoke to one another-We did not face Ravana~ the enemy of Răma; Bharata did uselessly invite us after the destruction of Rāvana. Had they brought us earlier, we would, forsooth, have slain him,
VR 7.38.5 अनुष्टुप्
रामस्य बाहुवीर्येण पालिता लक्ष्मणस्य च । सुखं पारे समुद्रस्य युध्येम विगतज्वराः ॥
rāmasya bāhuvīryeṇa pālitā lakṣmaṇasya ca | sukhaṃ pāre samudrasya yudhyema vigatajvarāḥ ||
English Translation
We would have, on the other side of the Ocean, well protected by the prowess of Rāma and Lakşmaņa, and freed from all disturbances, fought at pleasure.
VR 7.38.6 अनुष्टुप्
एताश्चान्याश्च राजानः कथास्तत्र सहस्रशः । कथयन्तः स्वराष्ट्राणि विविशुस्ते महारथाः ॥
etāścānyāśca rājānaḥ kathāstatra sahasraśaḥ | kathayantaḥ svarāṣṭrāṇi viviśuste mahārathāḥ ||
English Translation
Being thus delighted, all those assembled princes proceeded to their respective kingdoms, dwelling on these and various other topics.
VR 7.38.7 अनुष्टुप्
यथापुराणि ते गत्वा रत्नानि विविधानि च । रामाय प्रियकामार्थमुपहारान्नृपा ददुः ॥
yathāpurāṇi te gatvā ratnāni vividhāni ca | rāmāya priyakāmārthamupahārānnṛpā daduḥ ||
VR 7.38.8 अनुष्टुप्
अश्वान्रत्नानि वस्त्राणि हस्तिनश्च मदोत्कटान् । चन्दनानि च दिव्यानि दिव्यान्याभरणानि च ॥
aśvānratnāni vastrāṇi hastinaśca madotkaṭān | candanāni ca divyāni divyānyābharaṇāni ca ||
VR 7.38.9 अनुष्टुप्
भरतो लक्ष्मणश्चैव शत्रुघ्नश्च महारथः । आदाय तानि रत्नानि अयोध्यामगमन्पुनः ॥
bharato lakṣmaṇaścaiva śatrughnaśca mahārathaḥ | ādāya tāni ratnāni ayodhyāmagamanpunaḥ ||
VR 7.38.10 अनुष्टुप्
आगताश्च पुरीं रम्यामयोध्यां पुरुषर्षभाः । ददुः सर्वाणि रत्नानि राघवाय महात्मने ॥
āgatāśca purīṃ ramyāmayodhyāṃ puruṣarṣabhāḥ | daduḥ sarvāṇi ratnāni rāghavāya mahātmane ||
VR 7.38.11 अनुष्टुप्
प्रतिगृह्य च तत्सर्वं प्रीतियुक्तः स राघवः । सर्वाणि तानि प्रददौ सुग्रीवाय महात्मने ॥
pratigṛhya ca tatsarvaṃ prītiyuktaḥ sa rāghavaḥ | sarvāṇi tāni pradadau sugrīvāya mahātmane ||
VR 7.38.12 अनुष्टुप्
विभीषणाय च ददौ ये चान्ये ऋक्षवानराः । हनूमत्प्रमुखा वीरा राक्षसाश्च महाबलाः ॥
vibhīṣaṇāya ca dadau ye cānye ṛkṣavānarāḥ | hanūmatpramukhā vīrā rākṣasāśca mahābalāḥ ||
VR 7.38.13 अनुष्टुप्
ते सर्वे हृष्टमनसो रामदत्तानि तान्यथ । शिरोभिर्धारयामासुर्बाहुभिश्च महाबलाः ॥
te sarve hṛṣṭamanaso rāmadattāni tānyatha | śirobhirdhārayāmāsurbāhubhiśca mahābalāḥ ||
English Translation
And those highly powerful monkeys and night-rangers wore on their heads and arms those jewels conferred on them by Rāma.
VR 7.38.14 अनुष्टुप्
पपुश्चैव सुगन्धीनि मधूनि विविधानि च । मांसानि च सुमृष्टानि फलान्यास्वादयन्ति च ॥
papuścaiva sugandhīni madhūni vividhāni ca | māṃsāni ca sumṛṣṭāni phalānyāsvādayanti ca ||
English Translation
The monkeys lived there all happily feasting on fragrant honey, well-cooked meat and various fruits and roots.
VR 7.38.15 अनुष्टुप्
एवं तेषां निवसतां मासः साग्रो गतस्तदा । मुहूर्तमिव तत्सर्वं रामभक्त्या समर्थयन् ॥
evaṃ teṣāṃ nivasatāṃ māsaḥ sāgro gatastadā | muhūrtamiva tatsarvaṃ rāmabhaktyā samarthayan ||
English Translation
In this way they spent more than a month—but it appeared to them as a moment on account of their devotion to Rāma.
VR 7.38.16 अनुष्टुप्
रेमे रामः स तैः सार्धं वानरैः कामरूपिभिः । राजभिश्च महावीर्यै राक्षसैश्च महाबलैः ॥
reme rāmaḥ sa taiḥ sārdhaṃ vānaraiḥ kāmarūpibhiḥ | rājabhiśca mahāvīryai rākṣasaiśca mahābalaiḥ ||
English Translation
He, too also spent his time happily with monkeys assuming shapes at will, the highly powerful Rakşasas and the mighty bears.
VR 7.38.17 अनुष्टुप्
एवं तेषां ययौ मासो द्वितीयः शैशिरः सुखम् । वानराणां प्रहृष्टानां राक्षसानां च सर्वशः ॥
evaṃ teṣāṃ yayau māso dvitīyaḥ śaiśiraḥ sukham | vānarāṇāṃ prahṛṣṭānāṃ rākṣasānāṃ ca sarvaśaḥ ||
English Translation
In this way, the delighted monkeys and Rāks asas spent the second winter month. Enjoying delight they thus spent their days happily in the city of Ayodhyā working to the welfare of Rama.
← Previous (Ch. 543) Full Table of Contents Next (Ch. 545) →