Special Call Prof. Jay L. Garfield Commemorative Volume · Submissions Open
Announcements Newsletters About Us Contact
Search
VR
Vālmīki Rāmāyaṇam • Kāṇḍa 7 (Uttarakāṇḍa) • Sarga 37

Uttarakāṇḍa Sarga 37

उत्तरकाण्डम् • सर्गः 37

Uttarakāṇḍa Sarga 37 of the classical Vālmīki Rāmāyaṇa with 15 verses.

Total: 15 Verses • Citations: VR 7.37.1–15 • 175 Lexicon Terms
VR 7.37.1 अनुष्टुप्
विमृश्य च ततो रामो वयस्यमकुतोभयम् । प्रतर्दनं काशिपतिं परिष्वज्येदमब्रवीत् ॥
vimṛśya ca tato rāmo vayasyamakutobhayam | pratardanaṃ kāśipatiṃ pariṣvajyedamabravīt ||
English Translation
Having bade adieu to his maternal uncle Rāma embraced his friend Pratardana, the undaunted king of Käśī and said.
VR 7.37.2 अनुष्टुप्
दर्शिता भवता प्रीतिर्दर्शितं सौहृदं परम् । उद्योगश्च कृतो राजन्भरतेन त्वया सह ॥
darśitā bhavatā prītirdarśitaṃ sauhṛdaṃ param | udyogaśca kṛto rājanbharatena tvayā saha ||
English Translation
You have displayed your brotherly feelings and delight by making arrangements for my installation in the company of Bharata.
VR 7.37.3 अनुष्टुप्
तद्भवानद्य काशेयीं पुरीं वाराणसीं व्रज । रमणीयां त्वया गुप्तां सुप्राकारां सुतोरणाम् ॥
tadbhavānadya kāśeyīṃ purīṃ vārāṇasīṃ vraja | ramaṇīyāṃ tvayā guptāṃ suprākārāṃ sutoraṇām ||
English Translation
O king, do you now leave for your city Varanasi, highly picturesque, well-guarded, girt by strong walls on all sides and having welldecorated gateways.
VR 7.37.4 अनुष्टुप्
एतावदुक्त्वा उत्थाय काकुत्स्थः परमासनात् । पर्यष्वजत धर्मात्मा निरन्तरमुरोगतम् ॥
etāvaduktvā utthāya kākutsthaḥ paramāsanāt | paryaṣvajata dharmātmā nirantaramurogatam ||
English Translation
Saying this, Rama, the descendant of Kākutstha rose up from his seat and embraced him cordially.
VR 7.37.5 अनुष्टुप्
विसृज्य तं वयस्यं स स्वागतान्पृथिवीपतीन् । प्रहसन्राघवो वाक्यमुवाच मधुराक्षरम् ॥
visṛjya taṃ vayasyaṃ sa svāgatānpṛthivīpatīn | prahasanrāghavo vākyamuvāca madhurākṣaram ||
English Translation
Having bade adieu to the king of Kasi, Rama, with a smiling countenance and sweet accents, said to the three hundred assembled kings.
VR 7.37.6 अनुष्टुप्
भवतां प्रीतिरव्यग्रा तेजसा परिरक्षिता । धर्मश्च नियतो नित्यं सत्यं च भवतां सदा ॥
bhavatāṃ prītiravyagrā tejasā parirakṣitā | dharmaśca niyato nityaṃ satyaṃ ca bhavatāṃ sadā ||
VR 7.37.7 अनुष्टुप्
युष्माकं च प्रभावेन तेजसा च महात्मनाम् । हतो दुरात्मा दुर्बुद्धी रावणो राक्षसाधिपः ॥
yuṣmākaṃ ca prabhāvena tejasā ca mahātmanām | hato durātmā durbuddhī rāvaṇo rākṣasādhipaḥ ||
VR 7.37.8 अनुष्टुप्
हेतुमात्रमहं तत्र भवतां तेजसा हतः । रावणः सगणो युद्धे सपुत्रः सहबान्धवः ॥
hetumātramahaṃ tatra bhavatāṃ tejasā hataḥ | rāvaṇaḥ sagaṇo yuddhe saputraḥ sahabāndhavaḥ ||
VR 7.37.9 अनुष्टुप्
भवन्तश्च समानीता भरतेन महात्मना । श्रुत्वा जनकराजस्य कानने तनयां हृताम् ॥
bhavantaśca samānītā bharatena mahātmanā | śrutvā janakarājasya kānane tanayāṃ hṛtām ||
VR 7.37.10 अनुष्टुप्
उद्युक्तानां च सर्वेषां पार्थिवानां महात्मनाम् । कालो ह्यतीतः सुमहान्गमने रोचतां मतिः ॥
udyuktānāṃ ca sarveṣāṃ pārthivānāṃ mahātmanām | kālo hyatītaḥ sumahāngamane rocatāṃ matiḥ ||
VR 7.37.11 अनुष्टुप्
प्रत्यूचुस्तं च राजानो हर्षेण महतान्विताः । दिष्ट्या त्वं विजयी राम राज्यं चापि प्रतिष्ठितम् ॥
pratyūcustaṃ ca rājāno harṣeṇa mahatānvitāḥ | diṣṭyā tvaṃ vijayī rāma rājyaṃ cāpi pratiṣṭhitam ||
VR 7.37.12 अनुष्टुप्
दिष्ट्या प्रत्याहृता सीता दिष्ट्या शत्रुः पराजितः । एष नः परमः काम एषा नः कीर्तिरुत्तमा ॥
diṣṭyā pratyāhṛtā sītā diṣṭyā śatruḥ parājitaḥ | eṣa naḥ paramaḥ kāma eṣā naḥ kīrtiruttamā ||
VR 7.37.13 अनुष्टुप्
यत्त्वां विजयिनं राम पश्यामो हतशात्रवम् । उपपन्नं च काकुत्स्थ यत्त्वमस्मान्प्रशंससि ॥
yattvāṃ vijayinaṃ rāma paśyāmo hataśātravam | upapannaṃ ca kākutstha yattvamasmānpraśaṃsasi ||
VR 7.37.14 अनुष्टुप्
प्रशंसार्हा हि जानन्ति प्रशंसां वक्तुमीदृशीम् । आपृच्छामो गमिष्यामो हृदिस्थो नः सदा भवान् ॥
praśaṃsārhā hi jānanti praśaṃsāṃ vaktumīdṛśīm | āpṛcchāmo gamiṣyāmo hṛdistho naḥ sadā bhavān ||
VR 7.37.15 अनुष्टुप्
भवेच्च ते महाराज प्रीतिरस्मासु नित्यदा ॥
bhavecca te mahārāja prītirasmāsu nityadā ||
← Previous (Ch. 542) Full Table of Contents Next (Ch. 544) →