Canonical Ref: RV 4.53
Metrical Form: अनुष्टुप्
Sanskrit (Devanāgarī)
तस्यानीकैर्विसर्पद्भिरपरान्तजयोद्यतैः । रामास्त्त्रोत्सारितोऽप्यासीत्सह्यलग्न इवार्णवः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
तस्येति॥ अपरान्तानां पाश्चात्त्यानां जय उद्यतैरुद्युक्तैः। `अपरान्तास्तु पाश्चात्त्यास्ते च सूर्यरिकादयः` इति यादवः। विसर्पद्भिर्गच्छद्भिस्तस्य रघोरनीकैः सैन्यैः। `अनीकं तु रणे सैन्ये` इति विश्वः। अर्णवो रामस्य जामदग्न्यस्यास्त्त्रैरुत्सारितः परिसारितोऽपि सह्यलग्न इवासीत्। सैन्यं द्वितीयोऽर्णव इवादृश्यतेति भावः ॥
Canonical CTS URN Reference
Raghuvaṁśam, RV 4.53. Poorvam Open Research Engine (PORE) Corpus.