Canonical Ref: RV 4.48
Metrical Form: अनुष्टुप्
Sanskrit (Devanāgarī)
भोगिवेष्टनमार्गेषु चन्दनानां समर्पितम् । नास्रसत्करिणां ग्रैवं त्रिपदीच्छेदिनामपि ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
भोगीति॥ चन्दनानां चन्दनद्रुमाणां भोगिवेष्टनमार्गेषु सर्पवेष्टनान्निम्रेषु समर्पितं सञ्जितं त्रिपदीच्छेदिनां पादशृङ्खलच्छेदकानामपि। `ग्रीवाभ्योऽण्च` (पा.4।3।57) इत्यण्प्रत्ययः। नास्रसन्न स्रस्तमभूत्। `द्युद्भ्यो लुङि` (पा.1।3।91) इति परस्मैपदम्। पुषादित्वादङ्। `अनिदिताम्-` (पा.6।4।24) इति नकारलोपः॥
Canonical CTS URN Reference
Raghuvaṁśam, RV 4.48. Poorvam Open Research Engine (PORE) Corpus.