Pūrvārcika Prapāṭhaka 4 (Aindra Kāṇḍa)

SV 4.91

Cite Detail

तं ते मदं गृणीमसि वृषणं पृक्षु सासहिम् । उ लोककृत्नुमद्रिवो हरिश्रियम् ॥

taṃ te madaṃ gṛṇīmasi vṛṣaṇaṃ pṛkṣu sāsahim । u lokakṛtnumadrivo hariśriyam ॥

व्याख्या / Traditional Commentary & Notes

Mantra #383 of Sāmaveda Saṁhitā (Kauthuma recension).

SV 4.92

Cite Detail

यत्सोममिन्द्र विष्णवि यद्वा घ त्रित आप्त्ये । यद्वा मरुत्सु मन्दसे समिन्दुभिः ॥

yatsomamindra viṣṇavi yadvā gha trita āptye । yadvā marutsu mandase samindubhiḥ ॥

व्याख्या / Traditional Commentary & Notes

Mantra #384 of Sāmaveda Saṁhitā (Kauthuma recension).

SV 4.93

Cite Detail

एदु मधोर्मदिन्तरँ सिञ्चाध्वर्यो अन्धसः । एवा हि वीरस्तवते सदावृधः ॥

edu madhormadintaram̐ siñcādhvaryo andhasaḥ । evā hi vīrastavate sadāvṛdhaḥ ॥

व्याख्या / Traditional Commentary & Notes

Mantra #385 of Sāmaveda Saṁhitā (Kauthuma recension).

SV 4.94

Cite Detail

एन्दुमिन्द्राय सिञ्चत पिबाति सोम्यं मधु । प्र राधाँसि चोदयते महित्वना ॥

endumindrāya siñcata pibāti somyaṃ madhu । pra rādhām̐si codayate mahitvanā ॥

व्याख्या / Traditional Commentary & Notes

Mantra #386 of Sāmaveda Saṁhitā (Kauthuma recension).

SV 4.95

Cite Detail

एतो न्विन्द्रँ स्तवाम सखायः स्तोम्यं नरम् । कृष्टीर्यो विश्वा अभ्यस्त्येक इत् ॥

eto nvindram̐ stavāma sakhāyaḥ stomyaṃ naram । kṛṣṭīryo viśvā abhyastyeka it ॥

व्याख्या / Traditional Commentary & Notes

Mantra #387 of Sāmaveda Saṁhitā (Kauthuma recension).

SV 4.96

Cite Detail

इन्द्राय साम गायत विप्राय बृहते बृहत् । ब्रह्मकृते विपश्चिते पनस्यवे ॥

indrāya sāma gāyata viprāya bṛhate bṛhat । brahmakṛte vipaścite panasyave ॥

व्याख्या / Traditional Commentary & Notes

Mantra #388 of Sāmaveda Saṁhitā (Kauthuma recension).

SV 4.97

Cite Detail

य एक इद्विदयते वसु मर्ताय दाशुषे । ईशानो अप्रतिष्कुत इन्द्रो अङ्ग ॥

ya eka idvidayate vasu martāya dāśuṣe । īśāno apratiṣkuta indro aṅga ॥

व्याख्या / Traditional Commentary & Notes

Mantra #389 of Sāmaveda Saṁhitā (Kauthuma recension).

SV 4.98

Cite Detail

सखाय आ शिषामहे ब्रह्मेन्द्राय वज्रिणे । स्तुष ऊ षु वो नृतमाय धृष्णवे ॥

sakhāya ā śiṣāmahe brahmendrāya vajriṇe । stuṣa ū ṣu vo nṛtamāya dhṛṣṇave ॥

व्याख्या / Traditional Commentary & Notes

Mantra #390 of Sāmaveda Saṁhitā (Kauthuma recension).

← Previous (Ch. 3) Full Table of Contents Next (Ch. 5) →