Canonical Ref: RV 4.23
Metrical Form: अनुष्टुप्
Sanskrit (Devanāgarī)
प्रसवैः सप्तपर्णानं मदगन्धिभिराहताः । असूययेव तन्नागाः सप्तधैव प्रसुस्रुवुः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
प्रसवैरिति॥ मदस्यैव गन्धो येषां तैर्मदगन्धिभिः। `उपमानाञअच` (पा.5।4।137)इतीकारः समासान्तः। सप्तपर्णानां वृक्षविशेषाणाम्। `सप्तपर्णो विशालत्वक्शारदो विषमच्छदः` इत्यमरः (अ.को.2|4|23)। प्रसवैः पुष्पैराहतास्तस्य रघोर्नागागजाः। `गजेऽपि नागमातङ्गौ` इत्यमरः (अ.को.2|4|23)। असूययेवाहतिनिमित्तया स्पर्धयेव सप्तधैव प्रसुस्रुवुर्मदं ववृषुः। प्रतिगजगन्धाभिमानादिति भावः। `करात्कटाभ्यां मेढाञ्च नेत्राभ्यां च मदस्रुतिः` इति पालकाप्ये। करान्नासारन्ध्राभ्यामित्यर्थः॥
Canonical CTS URN Reference
Raghuvaṁśam, RV 4.23. Poorvam Open Research Engine (PORE) Corpus.