SP 4.58

१४. इतश्‍चानेका क्रिया क्रियाभ्यावृत्तिभावाद् बहुसंख्यायाः क्रियाभ्यावृत्तिगणने कृत्वसुजादयस्स्मर्यन्ते; पञ्चकृत्वो भुङ्क्ते, चतुष्पचतीति; तच्‍चाभेद एवोपपद्यते। न हि देवदत्ते गते, यज्ञदत्ते चायाते पुनरावृत्त इति व्यपदेशो दृश्यते; दृश्यते च तत्रैवायात इत्येका क्रिया, समुच्‍चयाभावात्। इह भिन्नानामेकाविषयसन्निपाते समुच्‍चयो दृष्‍टः; तथा देवदत्तस्य गौश्‍चाश्वश्‍च पुरूषश्‍च; देवदत्तस्य यज्ञदत्तस्य विष्णुमित्रस्य च गौरिति। न च पक्तुरभेदे गुडतिलौदनादि पंक्तिभेदात् क्रियाभेदाभ्युपगमेऽपि क्रियासमुच्‍चयो दृश्यते, देवदत्तः पठति पचति चेति। तस्माद्