SP 3.404

कश्‍चित्तु ब्रूते—नास्त्येव तिङन्तयोस्संबन्धः। स हि तिङन्तेषूपकल्प्यमानः षोढैवावकल्पते—विशेषणविशेष्यसम्बन्धः, साध्यसाधनसम्बन्धः, लक्ष्यलक्षणसम्बन्धः, हेतुहेतुमत्ससम्बन्धः, अवध्यवधिमत्सम्बन्धः, समुच्‍चयादिसम्बन्धश्‍चेति। तत्र विशेषण— विशेष्यसंबन्धस्सामानाधिकरण्येन वा स्यात् वैयधिकरण्येन वा। न तावत् सामानधि— करण्येन, पचति पठतीत्येतयोरत्यन्तमर्थभेदात; न हि पदार्थयोरन्त्यन्तभेदेऽभेदे वा विशेषणविशेष्यभाव उपपद्यते। न हि भवति आम्रश्‍चूतोऽश्‍वत्थ इति, यत्र तु नात्यन्तभेदो अभेदो वा तत्रोपपद्यते, यथा नीलमुत्पलमिति।