Canonical Ref: RV 8.49
Metrical Form: वियोगिनी
Sanskrit (Devanāgarī)
ध्रुवमस्मि शठः शुचिस्मिते! विदितः कैतववत्सलस्तव । परलोकमसंनिवृत्तये यदनापृच्छ्य गतासि मामितः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
ध्रुवमिति॥ हे शउचिस्मिते धवलहसिते! शठो गूढविप्रियकारी कैतवेन कपटेन वत्सलः कैतवस्निग्धा इति ध्रुवं सत्यं तव विदितस्त्वया विज्ञातोऽस्मि। `मतिबुद्धि-` (पा.3।2।188) इत्यादिना कर्तरि क्तः। `क्तस्य च वर्तमाने` (पा.2।3।67)इति कर्तरि षष्ठी। कुतः? यद्यस्मात्, मामनापृच्छ्यानामन्त्र्य। इतोऽस्माल्लोकात्। परलोकमसंनिवृत्तयेऽपुनरावृत्तये गतासि ॥
Canonical CTS URN Reference
Raghuvaṁśam, RV 8.49. Poorvam Open Research Engine (PORE) Corpus.