Canonical Ref: RV 6.60
Metrical Form: उपजातिः
Sanskrit (Devanāgarī)
पाण्ड्योऽयमंसार्पितलम्बहारः क्लृप्ताङ्गरागो हरिचन्दनेन । आभाति बाला4तपरक्तसानुः सनिर्झरोद्गार इवाद्रिराजः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
पाण्ड्य इति॥ अंसयोरर्पिता लम्बन्त इति लम्बा हारा यस्य सः। हरिचन्दनेन गोशीर्षाख्येन चन्दनेन। `तैलपर्णकगोशीर्षे हरिचन्दनमस्त्रियाम्` इत्यमरः (अ.को.2|3|5)। क्लृप्ताङ्गरागः सिद्धानुलेपनोऽयं पाण्डूनां जनपदानां राजा पाण्ड्यः। `पाण्डोर्जनपदशब्दात्क्षत्रियाड्ड्यण्वक्तव्यः`(वा.2671) इति ड्यण्प्रत्ययः। `तस्य राजन्यपत्यवत्` इति वचनात्। बालातपेन रक्ता अरुणाः सानवो यस्य स सनिर्झरोद्गारः प्रवाहस्यन्दनसहितः। `वारिप्रवाहो निर्झरो झरः` इत्यमरः (अ.को.2|3|5)। अद्रिराज इवाभाति ॥
Canonical CTS URN Reference
Raghuvaṁśam, RV 6.60. Poorvam Open Research Engine (PORE) Corpus.