Canonical Ref: RV 6.59
Metrical Form: उपजातिः
Sanskrit (Devanāgarī)
अथोरगाख्यस्य पुरस्य नाथं दौवारिकी देवसरूपमेत्य । इतश्चकोराक्षि! विलोकयेति पूर्वानुशिष्टां निजगाद भोज्याम् ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
अथेति॥ अथ द्वारे नियुक्ता दौवारिकी सुनन्दा। `तत्र नियुक्तः` (पा.4।4।69) इति ठक्प्रत्ययः। `द्वारादीनां च` (पा.7।3।4)इत्यौ-आगमः। आकारेण देवसरूपं देवतुल्यम्। उरगाख्यस्य पुरस्य पाण्ड्यदेशे कान्यकुब्जतीरवर्तिनागपुरस्य नाथमेत्य प्राप्य। हे चकोराक्षि! इतो विलोकयेति पूर्वानुशिष्टां पूर्वमुक्तां भोजस्य राज्ञो गोत्रापत्यं स्त्रियं भोज्यामिन्दुमतीम्। `क्रौड्यादिभ्यश्च` (पा.4।1।80)इत्यत्र `भोजाक्षत्रियात्`इत्युपसंख्यानात्ष्यङ्प्रत्ययः। `यङश्चाप्` (पा.4।1।74) इति चाप्। निजगाद। `इतो विलोक्य` इति पूर्वमुक्त्वा पश्चाद्वक्तव्यं निजगादेत्यर्थः ॥
Canonical CTS URN Reference
Raghuvaṁśam, RV 6.59. Poorvam Open Research Engine (PORE) Corpus.