Canonical Ref: RV 2.9
Metrical Form: उपजातिः
Sanskrit (Devanāgarī)
विसृष्टपार्श्वानुचरस्य तस्य पार्श्वद्रुमाः पाशभृता समस्य । उदीरयामासुरिवोन्मदानामालोकशब्दं वयसां विरावैः ॥
व्याख्या / Traditional Commentary & Notes
Classical Exegesis
सञ्जीविनीटीका (मल्लिनाथः):
विसृष्टेति॥ विसृष्टाः पार्श्वानुचराः पार्श्ववर्तिनो जना येन तस्य। पाशभृता वरुणेन समस्य तुल्यस्य। `प्रचेता वरुणः पाशी` इत्यमरः (अ.को.1|1|73)। अनुभावोऽनेन सूचितः। तस्य राज्ञः पार्श्वयोर्द्रुमाः। उन्मदानामुत्कटमदानां वयसां खगानाम्। `खगबाल्यादिनोर्वयः` इत्यमरः (अ.को.3|3|245)। विरावैः शब्दैः। आलोकस्य शब्दं वाचकमालोकयेति शब्दम्। जयशब्दमित्यर्थः। `आलोको जयशब्दः स्यात्`इति विश्वः। उदीरयामासुरिवावदन्निव। इत्युत्प्रेक्षा॥
Canonical CTS URN Reference
Raghuvaṁśam, RV 2.9. Poorvam Open Research Engine (PORE) Corpus.